金裝燉奶佬餐廳 (美孚新邨)

營業中

休息中

好夜放工番到美孚已經10點，冇咩食店未關，見燉奶佬已經係除左麥當勞外唯一選擇，所以去左買外賣。9pm開始會有宵夜時間，餐牌上嘅野會相對平少少，但都四十幾蚊，加埋凍飲就接近$50一個餐喇。不過已比晚餐平叫左一個XO醬大蝦炒公仔麵。唔知係咪個大廚放假？呢個麵簡直唔係一個識煮野嘅人炒出黎1）蝦一啲都唔爽、亦唔係粉，係硬又乾好似正常蝦同蝦米中間個狀態咁⋯咁嘅狀態真係第一次食，另外亦全無蝦味。若果我係喺大陸食到呢隻蝦，我會完全懷疑係咪假蝦⋯但咁大個香港飲食集團我相信一定唔會。相信真係師傅問題2）麵炒得唔勻，有啲位冇色，全個麵亦豪無獲氣。喺我真係超肚餓嘅狀態，我先食到個麵。當然蝦就真係食左一啖就不了⋯

今早落好大雨，見美孚地鐵站口燉奶佬餐廳冇咩人，入去避雨兼食早餐，一入去已有侍應招呼及落單，點了香茅煎豬扒旦面及熱檸茶$37，5分鐘內送到，味道尚可，雖沒有驚喜，但勝在環境及座位舒適，送餐也快。

金裝燉奶佬最近推出$17的下午茶套餐，包括炸雞肶、奶油多士和香檸薏米水。之前吃過一次，我給它滿分，炸雞肶外脆內軟味道好，奶油多士也夠脆的，香檸薏米水夠冰涼，不太甜，有淡淡的檸檬和薏米香味。這次再嚐，質素意大跌！先送上的是凍香檸薏米水，可是一摸杯子，飲品竟是暖的。雖有冰塊，但不多，全部冰塊極速融化後，飲品也只是微凍。在三十多度高溫下，雖有冷氣，但這杯冷飲也是不合格的。雞比也水準大跌，皮不脆，肉還算嫩但沒什麼味道。唯一保持水準的是多士，仍香脆好味，加了煉奶和牛油，極邪惡！我覺得一家食店要保持水準，才是經營之道。

中午叫外賣，等了一會兒便可以拿走，速度快。點了一個豬排撈米線，米線味道剛好，不會太鹹。米線很彈牙，完全入味。但豬排很重味，吃完要喝很多水。整體份量有點少，吃完只是飽了8成。熱華田有用心攪拌過，不會像其他餐廳那樣，所有粉都沉底，而且變硬。

今天在美乎接女朋友放工後，因為未想到去那裡吃晚餐就先行去美乎站再慢慢想。到達後，在美乎站側跟相隔一條馬路處看到這家燉奶佬，就決定進去吃了，地點位近地鐵站都算十分方便。我點了越式蔥油豬扒套餐，豬扒熟度與口感不錯，肉汁仍得以保留，能吃出與肉燥飯之經典配搭的滋味。蔥油新鮮不會太鹹，油量亦不會太多，用作撈飯和配豬扒吃十分美味，且飯中更好肉有藜麥。蔬菜沙律令亦十分新鮮美味，為整個豬扒肉燥飯餐的鹹味中帶來清甜，亦令整個肉類豬扒餐變得更均衡健康。

食厭左茶餐廳炒粉麪，有時都嚟呢度試吓佢嘅午餐，今次揀左台式肉臊魚柳飯。大大碗飯份量足夠，台式肉臊味道處理得幾好，鹹度亦適中，幾啱送飯，魚柳都唔錯，魚肉軟滑無骨，和肉臊互相西配合。飯後還來一杯奶茶熱飲，更添飽足嘅感覺，價錢亦唔算貴，相當實在嘅午餐。

早放工，6點幾就黎食個晚餐醫肚。現場唔係好多人，大約坐左一半左右，空間好充足，坐左一張大枱，算係坐得好舒服。環境都算好乾淨。叫左一個菠蘿咕嚕雞球，送白飯和湯，可以揀中湯和西湯，我選了中湯。中湯係豬骨湯，本來諗住係正常野，都無咩期望，但結果真係嚇親。飲第一啖已經飲到好明顯的酸味，應該係啲湯入面啲節瓜放耐左的味道。個湯都唔夠熱，食落有點失望。個正餐咕嚕雞球就好野味，酸酸甜甜，味道好突出，好開胃，送飯好正。

晚飯黎食飯，叫左一個茄子魚柳煲，送湯和一碗白飯。湯可以揀中湯或者西湯，即係豬骨湯或者羅宋湯。我叫左一個羅宋湯，好多菜，好好味。白飯正常啦～不太硬不太“林”，剛剛好。但個茄子魚柳煲就唔係好得。個茄子魚柳一上枱就“咋咋”聲，感覺熱辣辣，好似好正咁。 單張上話係脆炸魚柳，但啲魚柳實際上真係一啲都唔脆，粉到不得了，懷疑炸左唔知幾耐好在啲茄子都好新鮮，又入味，叫做補番少少分數。所有材料份量都好足。食完都飽飽。

今日放工唔想煩 就再次來到屋企附近嘅燉奶佬食晚飯。叫咗個茄子魚柳煲，質素係同我係大排檔同茶記食個d差勁勁勁多。首先，成煲野係偏淡，好明顯係唔夠鍋氣都算，個魚柳已經一d都唔脆，d魚肉偏硬，好似擺咗好耐，重點係外面嘅生粉仲厚過塊魚。究竟我係食生粉定食魚柳...個茄子做唔到茶記個種鍋侯嘅香味成餐可以用食之無味，棄之可惜來形容.我竟然抱住佢會改善嘅希望來食，但咁多年都係咁難食。。原本想食餐正正常常嘅飯，但之後影響晒個心情，真係唔會再食...

一早起身落樓返工，想話食個力D嘅早餐，所以點了雞排配香腸餐肉，一上枱望一眼，哎呀，咁嘅價錢食啲咁嘅買相，香腸近乎黑色，餐肉乾過我銀包。完全不能接受。。。。服務員態度又差。。。美孚已經無乜選擇，點解唔可以做好一點，令美孚居民有餐好食呢？

店名：金裝燉奶佬餐廳Daniel's Restaurant地點：美孚美孚新邨第五期蘭芳街6A及6B號地下N21-22號舖Shop N21-22, G/F, 6A & 6B Lan Fong Street, Phase 5, Mei Foo Sun Chuen, Mei Foo，電話: 29591126(1)             白汁海鮮焗飯；(2) 白汁海鮮焗意粉； 共二人享用本餐，合共約一百元。(團購)食物的色香味如何：焗得很濃郁白汁香味，選料頗多:魷魚、青口和蝦。青口很好咬口。環境：整潔舒適。服 務：非常差勁:首先，在客人不算多的情況下，等了良久仍沒有人招呼，而且曾嘗試跑到其中一位女服務員處叫她過來落單，但她居然非常有性格，沒有表示一會兒過來，或者馬上就過來。結果再等很久才有人為我們服務。老實說，如果以這個價錢，我寧願去翠華，或者與炖奶佬同為食王集團旗下的紅米了，因為他們的服務好得多。衛生：可以。抵食：普通。

自從銀龍開左之後，已經好耐無食尼間燉奶佬，但今晚行過見有宵夜餐就食下啦！因為銀龍比較貴嘛！坐低左睇下d餐牌，咦...都唔平嘅，無屈佢的，大家睇睇喇！想食飯嘅老公要叫晚餐添，最後叫左個晚餐A福建炒飯同魚柳配薯條個賣相好一般，未見過咁嘅福建炒飯吧！好無誠意咁，味道就正常啦！不算難食嘅！魚柳薯條好熱辣辣，都好食嘅但個人比較like粗身波浪薯條🍟By the way老公話尼度嘅凍奶茶一直都好有水凖，好奶茶人仕可以試試

一條街有四家連鎖餐廳，記得大半年前去過哩家，講過話以後不會再食，因為食物的品質係中下級....同一街囗的美X 集團分店好得多！今晚，行過見二人餐好像不錯，點知都係中大伏....1/中湯鹹到無朋友2/滷水豆腐，有拜神嘅味道3/蝦仁炒蛋，好多不知係煙灰定黑色鑊焦4/西蘭花燴海鮮，無曬西蘭花無通知，大廚自己決定俾了四大條小棠菜5/白飯乾硬，顏色灰黄6/凍飲加六蚊食物質素慘過食隔夜飯菜....其他分店品質相對高和合乎茶餐廳標準，不看招牌以為燉奶佬轉咗手

又是孤獨一人晚餐，揀左美孚地鐵站隔離間燉奶佬。又想食鐵板。。。又想食焗豬扒飯。。。點揀好呢鐵板就多選揀，但貴d囉。最後揀左焗鮮茄芝士豬扒飯。。燉奶佬既食物質素，一時時啦，時好時壞啦。試過食麵, d麵好硬，湯底又淡。今晚個豬扒飯出奇地好食，豬扒份量多，口感唔鞋，夠腍！Full of 茄汁，可以粒粒飯都汁， 你知啦，有時食豬扒飯食到下面好乾身 無晒汁。不過酸左少少。。。加杯野飲$62埋單！總括今晚餐飯係唔錯既。

本身想食去食個tea, 叫左個西多士。間餐廳無乜食客，點知過左20分鐘野食都未黎，就問個服務員，點知佢話唔見我有單 唔知我食咩。👌🏽 我之前已經好有禮貌咁叫佢問番之前幫我落單個位員工搵下我張單呀。跟住佢仲駁返我 有單就有單 無單廚房就唔會整嘢食🤦🏽‍♂️ 我最後同佢講我唔要啦 跟住就走 個服務員跟住我一直到門口 一句唔好意思都無講 仲覺得無問題咁 真係令到我好嬲 食個tea諗住休息下 醫下肚 點知最後一肚氣 呢間餐廳既服務真係好差 大家小心