金裝燉奶佬餐廳 (美孚新邨)

營業中

休息中

今日我同同事食晏, 不如就去試下呢間燉奶佬, 其實我對燉奶佬既印像都幾好架, 記得佢既咖喱同甜品唔錯.因為我食左個幾豐富既早餐, 所以LUNCH就食LIGHT D, 叫左肥牛喇沙米線, 點知落完單之後個待應就話原來冇喇沙, 問我轉第二D, 但我都無乜特別野想食, 佢見我左諗右諗, 待應哥哥就提議咁不如你個個肥牛喇沙轉清湯底啦, 我話ok.我仲見到呢度有好多花款野, 包括我叫左呢個藍蝶花石榴特飲, 其實我一向都唔鐘意食D好人工味和人工顏色既野, 但呢杯飲品有驚喜, 成杯野個LOOK好吸引, 入落個味幾天然, 唔ARTIFICIAL, 而且個顏色撞得好靚. 藍蝶花飲落去有D似洛神花但無左朕酸味, 加埋D石榴汁, 仲有好煙靱嘅啫哩, 都真係幾好飲喎!跟住就嚟咗個清湯肥牛米線, 其實佢個湯底, 豆腐同菜都ok既, 米線的麵質都算適中, 但個敗筆就係個肥牛肉既肉質好靱, 係每一舊都好靱, 所以就令到呢碗米線扣哂分.而我同事就叫左呢個焗豬扒飯, 我試左一啖黎食, 個味道都Ok, 但塊豬扒就略嫌乾身左一d, 但整體上焗豬扒飯都係OK既.餐廳裝修同其他分店都大致上一樣, 呢度坐得都幾舒服, 而且仲有窗

同朋友星期六去食飯，叫左個焗豬扒飯同凍柯華田，個飯啲飯一粒粒，size好似正常米嘅一半似米碎，仲好似煮未熟咁，成個飯好難食！凍華田一般茶餐廳貨色朋友食印尼炒飯，無問佢no comment不過啲侍應服務真係差到惡劣，經理勁黑面，有2個女侍應（尤其帶眼鏡馬尾果個，另一個短髮+肥）真係惡劣到5知點解會請呢啲人？依加轉左menu cut左好多野食，但水準差到咁！？美孚真係無好野食～

雖然，你見依間金裝燉奶佬劣評多過好評，而主要評價都只喺OK，但早晚返放工經過，都仲喺好多人幫襯，所以，睇個評價都好難反映現實。不過，小弟都晌度食過唔少餐，老婆話佢早餐唔喺好得，下午茶試過亦都麻麻，反而晚餐較為好啲。所以，依一晚有點事，無時間去買餸煮飯，兩公婆就搵「燉奶佬」搵掂 。燉奶佬嘅晚餐確有好多選擇，部份亦都有點特色。紅咖喱大蝦海鮮鍋飯餐，賣$51，配健康油菜及精選靚湯，又加送是日滋潤甜品，睇落好豐富，大膽一試。 羅宋湯（跟餐）所謂精選靚湯，只不過喺中湯或西湯，要咗碗羅宋湯，因為之前飲過好幾次，記得都唔喺差，屬穩陣之選。酸酸辣辣，醒胃過人，味道濃郁，算佢無欺場架嘞 。 健康油菜（跟餐）蠔油就唔見有，不過，菜芯上加咗啲肉燥，有啲古靈精怪嘅感覺，菜芯亦稍為老咗啲 。 紅咖喱大蝦海鮮鍋飯 $51 以細砂鍋盛載，上枱時滾熱辣，而且飯量十足。海鮮料唔少，有魷魚、帶子粒……但大蝦唔太多，不過，勝在紅咖喱夠惹味，飯底炒得夠「勻巡」。 椰汁西米露（跟餐）是日滋潤甜品想轉燉奶喺唔得，只好乖乖要碗椰汁西米露，一如以往，勁多西米，椰奶味重。老婆較鍾意食湯粉麵，所以，瞄準馬來西亞喇沙系列，

話說2145入坐，叫左個咖哩牛腩飯，個飯黎到時，真係嚇我一跳，$46個飯，居然成碗牛腩都係膏同埋2舊薯仔，仲有少許牛腩碎，於是我同個應該係經理嘅人講啦，佢居然答我咖哩牛腩係咁，仲同我講，佢今日都係食呢個，我即時呆左！到最後，我都係放棄左，食唔落！間野d服務態度都好有問題！

一聽燉奶佬的名字本以為是一個只有甜點吃的地方原來食物的種類非常之外除了甜點 還有中西式飯 米線 常餐等美食真是一間包羅萬有的食店呢這次來便點了一客鮮茄海鮮天使麵好難得會看到茶餐廳除了意粉還有天使麵供應啊餐牌裡的大部分食物都附送餐飲/湯/糖水是日的糖水是桑寄生蓮子蛋茶可惜不太合我口味還是要個羅宋湯吧羅宋湯味道偏酸 合我心意內裡也有不同配菜和蘿蔔等所以我每次選湯都必定選羅宋湯天使麵也很快來到雖然只是煮好的天使麵在表面淋上茶餐廳茄汁和海鮮配料但混合起來味道都不錯而且海鮮配料的份量不少呢有魚粒 蝦仁 墨魚等等除了海鮮 還有鮮茄 蘑菇 青豆不過整體味道就偏淡如果海鮮汁的味道再濃一點應該會讓人更開胃啊

新年人較多，但很快有位。已光顧多次，職員有禮上餐都算快，食過最好的有豬扒米線和咖喱牛腩。menu又轉了，價錢好像貴了點。由送糖水，到加錢轉糖水，再到要散叫糖水了。另有點過分，叫了双拼面，加了六呅，只得一粒雲吞？！從未試過！今次叫了炸醬面加雲吞和粟米斑腩飯，炸醬味道可以，飯便和其他餐廳分別不大。餐送的番薯湯水，若滿分五分只得三半，只得甜味沒番薯香味呢。

晚飯, 路過這裡, 便走進去吃個甜品看似非常足料的一碗糖水, 入口啖啖都是腐竹, 很不錯感覺, 甜味適中, 一大隻雞蛋, 整體滿意香甜濃滑四個字形容了這裡的燉蛋, 是飯後的不錯享受!

星期六唔使再返工，有時會瞓得晏，晏咗食早餐自然午餐都食唔落住，所以就不如等食下午茶餐，慳番少少錢！儲咗幾個月稿，就一次過寫一輯「我的美孚下午茶餐」系列，其實唔算咩特別食評，只喺記吓小弟幫襯美孚好幾檔餐廳下午茶嘅食記。燉奶佬晌美孚開咗兩年幾，開檔之初都較多幫襯，之前對佢又喺寫咗幾篇食評，不過篇篇都喺晚市，其他時段就未有幫襯。最近，老婆經朋友以七折價買咗幾張燉奶佬現金券，所以，就搵咗個星期六晏晝試試佢啲下午茶餐。下午茶餐有兩套餐牌，一套喺分為「滋味小食」、「茶餐精選」，另一套喺無乜名堂，立立雜雜咁，總之兩套夾埋一共有25款選擇，$23-$34！乾炒豬扒意粉 $32雖然喺食下午茶，小弟都喺慣叫啲飽肚嘢。乾炒意粉好耐無食喇，所以就一試乾炒豬扒意粉，講都唔信，豬扒算俾得多，有三大舊，相反意粉就少，雖然炒得幾「勻巡」，可惜有啲鹹。餐飲就要杞子圓肉龍眼蜜，套餐喺可以免費升級，潤一潤吓先。其實圓肉咪即喺龍眼囉，個名好似好累贅，原來圓肉所指真喺有龍眼肉在內，不過沉晌杯底，龍眼蜜確實飲嚟潤啲，叫做抵番意粉啲鹹味囉！夏威夷燒雞沙律 $29老婆就想食得輕怡少少，叫咗個沙律，飲熱檸水。雖然叫燒雞沙律，不過塊雞扒

漸漸，金裝燉奶佬成為懶煮飯貪方便出街食嘅飯堂之一，其實，佢嘅質素又唔係話好好，好到得閒就去食嗰種嘅飯堂，只係想平平哋快快趣填飽肚嘅話，唔係茶記，就係快餐店。依區啲茶記好一般，未有一間覺得好突出，一食就諗起佢；而快餐店，都係嗰幾個牌子，只係之前幾次晌金裝燉奶佬度食飯，質素都唔錯，偶有驚喜添，所以多少對佢偏好多啲啲啫。今晚又無煮，皆因老婆返夜校最後一晚，上堂地點就正正同區嘅港大校外進修中心，佢9:00pm多放學，就一齊去幫襯燉奶佬，當慶祝讀佢完個短期課程。晌度有個Chef Special 930，即係9:30pm先開始供應，當然比起一般嘅晚市平啲，三十零蚊一個餐，包餐飲或糖水，算幾抵，而且選擇又唔止三幾款，餐牌底面兩頁，一共成16款俾你揀。滑蛋豬扒飯 $36小弟揀咗個滑蛋豬扒飯，想返起，依個飯係讀書時代至愛嘅碟頭飯之一，最正係啲滑蛋，滑溜溜撈飯一流。落咗單，好快上枱，嘩！人都癲呀，勁多飯，多到我估有一般屋企飯碗嘅三碗份量，但豬扒就得兩舊，心諗好搵笨囉。不過，好彩無鬧出口啫，因為正將啲滑蛋撈勻啲飯時，刮吓刮吓原來有成5舊煎豬扒，雖然唔係舊舊都成大塊咁，但夾埋都唔少呢！人哋就撥開雲霧見青天，我

放假想食個平平哋下午茶附近唔係大家樂.美心, 就係牛車水 ...相近價錢, 都係呢間燉奶佬不過, 唔嚟一排d 野又貴灑叫個 古列魚沙律 都成 $30 大元 當然貴過其他個 3 間d 魚係肥厚 d , 一分錢一分貨嗎 ...今日較開心係加 $5 餐飲升級變蛋白燉奶喎 ...相比起個d 什麼柑桔. 花旗參 特飲呢個算抵不過食落甜味適中但係 ... 唔夠滑喎 !!!overall, 食咗 $ 35 tea好似貴 d 吟喎

以前美孚得大家樂、麥記兩間連鎖快餐店，後尾多咗間美心，近年又多埋間金裝燉奶佬，叫做多咗啲選擇，唔知幾時會有埋大快活嚟美孚插旗，不過嚟唔嚟都唔緊要，雖然佢不斷改形象兼提升質素，但都真係少幫襯阿活。又係返完大陸山區做嘢無啖好食，所以返到香港叫太太唔好煮出街食，話雖如此，又唔使大魚大肉嘅，嚟燉奶佬食番個扒餐相對地已經係好享受。亦因為晌山區經歷多咗，知道「搵食」難，所以小弟對食物特別珍惜，唔鍾意浪費，同朋友食飯有咩食剩例必包底，除非真係難食到入唔到口啫！餐枱面有好多套餐嘅介紹單張，五花八門，各有特色，既然一早已預咗食扒餐，當然以此為目標，最終，我哋點咗一個皇牌鋸扒餐同一個軟心豬扒餐。紐西蘭厚西冷扒皇牌鋸扒餐有5款選擇，包餐湯，配白飯 / 意粉 / 薯菜，汁底有洋蔥汁或黑椒汁，再送即磨意大利咖啡、餐茶或滋潤糖水。要咗個貴少少嘅紐西蘭厚西冷扒，跟薯菜配洋蔥汁，餐湯要西湯嘅羅宋湯（可揀中湯）。羅宋湯唔錯喎，非常夠味濃郁，雜菜又夠多。西冷扒果然夠厚，伴大量薯菜，扒身雖厚，但都幾嫩滑，而且多肉汁，薯仔夠粉又炸得香口，係椰菜麻麻哋，烚得太腍。軟心豬扒餐伴鴨胸軟心豬扒餐一係伴鴨胸，一係伴魚餅，配白飯 / 天

今天同阿妹去做facial,做完就比阿妹介紹過黎食tea,入黎時3點幾大約有5成客人,我就叫左個鮮茄雞柳燴意粉+蜜棗銀耳木瓜糖水,妹妹的就不寫了,因為我沒份吃,這裡坐置2人位緊緊夠,4人位好寬鬆,所以我地坐4人位大約妹妹的豬扒包食到一半我的就來了雖然好有蕃茄味但就好多水,味道頗酸,意粉不過不失,份量也有8成飽而這個糖水很清甜,木瓜好"淋",銀耳爽口,整體感覺良好,食完糖水就十分飽了,滿足地埋單

前排，金裝燉奶佬推出咗2個抗通漲套餐，一個係珍寶吉列蝦皇配野菌海鮮天使麵，包餐湯、飲品，賣$36（原價話係$49）；另一個係鐵板帶子汁肉眼扒（配白飯、意粉或薯菜），包餐湯、飲品，賣$38（原價話係$51），咁嘅價本身已經平過啲連鎖快餐店。點知，Groupon晌四月做咗個團購，前者蝦皇收$26，後者肉眼扒收$28，平成咁都未止，仲要餐飲可揀特飲，怕你未夠盡興，再加送招牌蛋白燉奶，咁嘅組合，收咁嘅價，實行全民抗通漲，蝕住嚟做，雖然使用期限只得6日（4月16日至21日），但搵晚煮少餐飯出街食，仲係蝦蝦、扒扒，絕對造反有理啦！依個團購一出，賣出咗成近三千個。屋企附近間燉奶佬，除咗新開張初期，都好似好耐未見過人龍喇！，時為7:30pm，雖然都有成約10個8個人等位，但都算幾快喎。如果你肯搭枱，仲快有得坐呀！由於係為團購券而嚟，坐低無需諗食乜，只係餐湯揀中定西，餐飲飲咩好。餐湯唔係紅湯白湯，而係中湯西湯俾你揀。我就要中湯，太太要西湯，中湯係青紅蘿蔔煲豬骨，大路嘅例湯，不過不失；西湯係羅宋湯，估唔道味道咁濃郁，酸酸辣辣，醒胃得很呀！西湯比中湯勝一籌。珍寶吉列蝦皇配野菌海鮮天使麵唔講得笑，隻蝦都真係足

早前去完元朗食個扒餐,水準唔錯,所以襯住張coupon 最後今日到期就黎美孚呢間食....嘩!! 同元朗既水準相差好遠....我叫肉眼扒8成,我見佢入單寫7成...點知黎到係10成熟....唉..都算啦,點知一入口....仲唉多2聲!! 又"un"又薄又咸....又係帶子仔,好彩無多買coupon,唔知食唔食好...希望佢地好好改善食物水準啦

在groupon上團購了燉奶佬的大蝦天使麺套餐~今日便前去試試。店面很好找，也很明亮，乾乾淨淨的，不錯！是日團購，一共26蚊~包括：大蝦天使面+餐湯+餐飲（可以免費轉特飲）+燉奶大蝦確實夠長，也算好食~炸的脆脆的，肉很有彈性。海鮮天使面就算一般了。餐湯我選了羅宋湯，微辣，合我的口味！紅豆冰質素就一般了。燉奶蛋白味濃~作為一個上海人，甜度也正合適，算得上好食~是日套餐算不上非常美味，但絕對是抵食！其實看了他家的餐牌，覺得就算沒有團購，也算快餐業中的平價之選了~