金記冰室 (建新中心)

營業中

休息中

午餐在傳承五十載情…老牌子的金記冰室，冰室享用美食是傳統風格，為顧客作新派演譯。對的，冰室發展至今，以往沒有會想像到可以享用沙薑雞，舖面的沙薑有沙薑獨特的香味，配合嫩滑的雞肉，可口、滋味無窮，冰室是標榜「少鹽少糖食店」，所以不用擔心沙薑會太鹹，沙薑味道香而不鹹。招牌鮮牛肉米粉，炎夏最愛湯米粉，爽滑米粉清淡易入口，鮮牛肉有肉鮮味道。香脆炸薯條，除了為我們補充澱粉質，還有可美味口感！煎雙蛋&香脆多士，雞蛋雖細小，蛋黃却很有蛋香，我用薯條舔來吃，別具風味。充滿牛油香味的脆多士，特別好吃。熱騰騰的滑蛋白杏仁茶，慢慢的享受豐厚的滑蛋白、杏香四溢的杏仁茶，感到心滿意足。

今天晚上路過九龍塘，便選擇了這一間冰室。欖菜肉鬆四季豆$75，加配白飯、餐湯、老火湯加$15，凍檸茶加$3。欖菜肉鬆四季豆，四季豆沒有炒燶，欖菜份量適中，配合肉碎，是一道不錯的小菜。凍檸茶，檸檬份量十足，茶味香濃，甜度配合得很好。家鄉鹽焗雞例牌$65，加配白飯、餐湯、老火湯加$15，凍鴛鴦加$3。家鄉鹽焗雞，砂礓的醬汁味道濃郁，而不會過鹹，是佐飯的一道好少菜。凍鴛鴦，奶、茶和咖啡的比例剛好，甜度亦適中。金牌乾炒牛河$58，鑊氣十足，熱騰騰的蒸氣在河粉散發出來，如果牛肉可以在軟腍一些，而醬油的鮮味，再強一些就更好。雪糕紅豆冰跟餐$15，紅豆軟腍，不會過甜，混合返奶和雪糕之後，喝進中，感覺回到兒時的味道，果然是一間正宗的冰室。

今晚同囝囝去浸會醫院，心情已經納悶兼且不安，囝要留院撿查，無計走人。兩公婆諗住求其食啲嘢，返屋企休息明早再來，見到間金記，入去快食快走....一入去，自助點餐， 面色一沉...大人有選擇因難症，左㩒右㩒....㩒㩒㩒，終於可以確認order...豬潤X，Go... 㩒制確認。妖～賣哂唔X早講，再 loop.....下刪一百字，再來西冷，㩒～～再妖，又無，最終叫咗個薄牛扒同薯仔抆雞。入正題～～薄牛扒 =大家樂， 冇期望就冇問題。，haha等咗近三十分鐘，心諗即抆？等咁Q耐， 對我咁好....感恩。嚟到真係即制， 熱辣辣香噴噴一入囗😳-薯仔，硬趙趙 😒，啲雞～～ 碎濕濕😡，仲要...佢地叫走油定拖過油，頂佢。再睇下佢顏色！自作孽抵死貪近，仲要埋單先發現加錢碟菜冇嚟，用電子消費好難扣，乖乖比現金買教訓走人。其實做飲食，百家食百客，好難滿足所有人，我見自助點餐系統，我會試，但無貨你唔提客人，就係服務唔貼心同明顯你地無試清楚運作就推出市場。味道，我一向唔多評論，咩價錢食咩貨我好理解。每個人囗味唔同， 隨著年齡增長，味覺退化，唔夠味咪自己加豉油糖鹽，好閒事，但廚師都要有對食物食材同出品要有堅持，盡

約左朋友仔去九龍超附近見面，傾完野搵個地方食下午茶！ 見到附近有間懷舊冰室門口都有人排，天氣勁熱即時入去！ 入到去見個地方充滿古典氣派，吊風扇，打開餐牌都係茶記經典食品！叫左碗麻辣雞絲米粉， 加錢配個油菜！上枱時眼睛一閃，油菜同汁分開上好細心！ 雞絲米粉好嫩滑，又大片朋友氣叫左炸豬扒沙律，豬扒大大塊，炸得香口鬆脆，仲有汁唔會乾争爭！ 一人一杯凍飲，叫左杯特飲四季檸檬泡凍茶，又幾特別，清淡淡茶味又酸味味，夏天飲一流。傾傾下再encore叫埋個粒粒西多配雪糕，夏天真係一流

浸會做完物理治療已是傍晚，同家人一起兜轉離開的時候打算晚餐。浸大側門一邊有個小商場，裡面好多學生的飯堂或者係醫院員工聚餐地方，出入見到好多醫務人員。相信應該學生地方物美價廉，果然黎到一處眼望到裝修別雅的茶餐廳。探熱，就坐，剛剛有卡位，而且有個膠布廉隔住，十分有安全感。帶位的服務員姐姐熱情有禮介紹晚市有咩特餐，三文治早餐系列就不提供。入座之後係一個類似手機點單的紙擺在檯面，傳統的家人依然是睇餐牌。因為母親大人中意西餐。因此就佢在這間餐廳叫左扒。鐵板美式什扒，黑椒汁另上。一擺上台，相機食先係道理，但呢個賣相太吸引。大大份下豬扒，伴住少少肥肉咬落去還不是豬五花味道？還有腸仔等等，豐富選擇，果然是母親的選擇。黑椒汁係濃郁稠密，淋少少已經滋滋在鐵板上響起來。黑椒汁裡面稠密，醬汁另上都是手機點單可以自己remark的認真細心。鐵板西冷牛扒，七成，蒜蓉汁另上其實如果鐵板上我應該叫五成，不過擔心母親接受不到血淋淋，所以今次的西冷是相對熟度足夠的。意粉都好大兜，我覺得呢兩個餐係三個人分量，大大份好滿足。蒜蓉醬汁另上有個好處，可以當霑醬咁試少少，不用全部倒曬。而且也可以試一試另一個黑椒汁不同味道，我同母親

金記應該係九龍塘唯一一間茶餐廳。我多數去吃下午茶， 生炸雞髀公仔麵。 星期日姐姐放假，懶媽要買外賣，中西都有。價錢合理，份量夠大，味精都唔算多，小朋友食都冇乜問題。 。老公要食薑蔥雞飯，小朋友食蝦仁炒蛋，加碟上湯菜， $200 吾使， 掂！蝦仁炒蛋，🦐仁又大又爽口，抄旦滑滑的， 加上蔥段， 香香的， 好食過工人姐姐手勢。 薑蔥雞🐔 適逢比雞翼位都唔錯雞肉都嫩滑。 不過薑蔥雞飯，雞吾夠食， 下次要買半隻。 無飯媽媽恩物。 🎉

好耐都冇兩個人出去食下飯，今日就同女友出去附近散下步同食飯。揀左呢間係浸會醫院隔離既茶餐廳，牌上面寫住1967，唔講都唔知有咁耐歷史。武漢肺炎關係，餐廳客唔太多，加上又有卡位，仲特登整左個廉做防疫，真係做到足，加分！餐牌如下，中西餐乜都有：我地想食返港式小菜，就叫左三個餸。綿滑蛋白杏仁茶。好足料架，真係有蛋白。芒果凍頂烏龍茶。成個茶包放入去，冇花冇假，幾好飲。醬爆京蔥牛仔骨。份量唔算多，但味道係ok，牛肉亦都幾淋。ＸＯ醬蝦球西蘭花。味道不錯，ＸＯ醬唔算好濃，幾岩我地口味。清蒸倉魚。呢個要讚一讚，由於我唔鍾意食涼瓜，問左店員可唔可以轉煮法，佢地好配合地幫我轉左清蒸。講返道菜，條魚蒸得岩岩好，肉好嫩，加埋熱辣辣既豉油，真係好好食。餐廳坐得舒服，價錢唔係話平，不過都值得食。

今日想輕輕鬆鬆食茶記但係又想試啲新式小小嘅 所以就決定嚟金記試吓啦 金記就話就話新式 但其實佢都係一間老店嚟㗎 只不過有好多翻新工程做咗 而且都新開左唔少嘅分店 都變咗間好啱平民百姓食嘅茶記 今日就嚟到九龍塘嘅呢一間金記 晚飯時間入座已經有好多人 都要等咗一陣位先到我哋入去 入到去之後今日夜晚都會想食返啲中午可以食嘅野🤣 所以就叫咗個豬潤通粉 而朋友就叫咗 男人的浪漫 豆腐火腩飯😂 另外仲加配左杯紅豆冰同埋凍檸茶添！ 首先講講豬膶通粉 豬膶通粉入邊有好多姜絲 可以癖一癖啲腥味 通粉細細粒但係做到好煙銀 豬潤唔會太厚 比較容易接受！ 另外就係豆腐火腩飯 依度嘅豆腐火腩飯比出邊嘅多汁少少 鍾意食汁嘅朋友就可以食呢個 火腩雖然煮咗一排 但都保留返嗰層脆皮喺度 而豆腐呢都吸晒個汁嘅精華 真係幾好食 撈飯一流🤓 另外就再講講下紅豆冰同埋檸檬茶啦 紅豆冰除咗有紅豆蓉之外仲有紅豆粒 增加口感 而且個奶方面飲落去除咗有牛奶之外仲有少少花奶 成個感覺同平時出邊飲到嘅紅豆冰好唔同 而凍檸茶呢夠酸同埋茶底都做得好好 值得欣賞！

九龍塘浸信會醫院附近的茶餐廳，星期六早餐時段，生意很好！我零晨５點陪家人到浸會醫院通宵門診，當值醫生做了初步診斷，轉介骨科專科，要留醫，辦好入院手續，已經近９點！好餓！和我姊在附近找吃的，金記是最近的一家！到店還有１張小桌，剛剛不用等位！點了早餐甲和早餐乙 (吃了 >40年茶餐廳，A B C Ｄ 餐見得多，第一次見早餐用甲、乙、丙、丁)早餐甲：沙嗲牛肉公仔麵、牛油多士、火腿奄烈、熱奶茶早餐乙：仿鮑魚絲火腿通粉、牛油多士、西煎雙蛋、熱奶茶公仔麵太軟，塌了！不好吃！多士受潮了，也不好吃！奶茶是本餐唯一好味的！

去完浸會醫院探人，突然好肚餓，好想食炸嘢，行過只有幾間餐廳，見到金記有炸魚柳，一於就揀佢啦！坐低即刻就叫咗一份炸魚柳茶餐，由於疫情關係，自己一個坐卡位，都幾舒服呀！嚟咗杯凍檸茶，我覺得茶有啲澀，不過無所謂，重點嘅炸魚柳終於嚟啦！見到塊炸魚柳得手心多啲啲咁大，有啲失望，加上嗰條得手指尾嘅沙律醬，搽兩下都無啦！我就忍唔住叫伙計俾多啲，佢個樣好奇怪，我就話太少！咁我就先食咗個沙律🥗先啦。個沙律好多沙律醬呀！好似醬多過啲料，好油膩嘅感覺！等咗五分鐘左右，終於一碗勁多沙律醬嚟，本身塊炸魚柳炸得好脆，好香，但切開就有啲標油，如果改善吓無咁油就好啦！總括嚟講金記尚算OK，起碼滿足左我當時想食魚柳嘅慾望啦！

釋放重返校園為女友拍照，晚飯就到附近吃。金記每間分店的裝潢都各有特色，就以九龍塘這間金記為例，內裡充滿著很有老香港古典的味道。L很喜歡這個屏障，拍了很多張照片。這道由卡式錄音帶學做成的牆壁裝飾實在很有心思，有幸可以選擇坐這個位置吃飯。就像在聽著蔡琴吃飯一樣。今晚選了三餸一湯，精選晚餐為老壇酸菜魚配老火湯及白飯，一百元有找都抵吃。魚的份量很多而且都很滑，只是有很多骨需要小心點吃。酸菜湯的水準都不錯，酸度合適，可稍為加小小辣就更好。當然不可或缺就是吸盡酸菜湯的芽菜。小菜選了金記推薦的金磚風沙炸豆腐， 開邊很香脆加入了麵包糠及炸蒜很香口。 內裏的豆腐很滑而且豆味濃。蜜桃中式牛柳酸酸甜甜很開胃，牛柳亦都很很大件而份量亦多。最後來一杯女友至愛的綿滑蛋白杏仁茶甜度適中而且加入香滑的蛋白令整體更平衡。]要維持一個金漆招牌真的不容易。]]

金記千萬不要叫麻婆豆腐肉碎不是絞肉，9成以上為肥豬肉，更甚似餸頭餸尾等剩餘物資用來煮。辣味毫無層次，獻汁生粉水，只有辣味無其他味, 調味做得差, 連現成豆辦醬都唔落, 只落辣椒+豉油. 豆腐用盒裝豆腐, 慶幸係維持完整豆腐狀態, 無爛. 但成碟完全唔好食.

🔸魚香茄子飯 - 茄子十分軟，汁也不會太鹹，用來配飯剛剛好！🔸西多士配雪糕 - 西多士炸得香脆，完全不膩， 我個人非常喜歡吃西多士，也覺得這裏的西多士很好吃！ 可惜的是西多士數量有點少。

去開浸會，所以去附近揾嘢食見到好多人食，所以就入左去食返個下午餐不過tea set我唔岩食最後叫左公司三文治同薑檸樂無諗過會有薑檸樂飲，真係好surprise 三文治好足料，有蕃茄、生菜、蛋、火腿仲有午餐肉。而沙律醬又足夠，咬落去唔會覺得乾，我好鍾意好喜歡佢隻杯同匙，用佢飲住薑檸樂好有味道不過可惜我覺得唔夠薑味，我比較喜歡帶點小辣，但呢杯一點辣都無。整體係好味，員工比較忙，不過無乜特咋下次經過會再入黎食

其實我耐唔耐都會幫襯佢買早餐，因為我都幾鍾意食佢嘅米粉。一如以往，今次都係叫仿鮑絲火腿米粉拼煎熟蛋，走包，飲熱奶茶，外賣。佢個米粉係我鍾意食嗰種幼新嘅米粉，然後佢個湯好夠味。奶茶都幾滑為咗環保，我每次都會叫職員幫我Mark低「唔」分開湯上，而且將煎蛋放埋一盒，外賣盒錢我照比。但好失望，每次都見到職員有幫我order，但每次都一定會幫我將盒分開，其實湯同面分開上我好明白，可能有啲食客覺得連湯上嘅話啲麵會林，但係我有少少唔欣賞嘅係，剩係得兩隻煎蛋都要另外用一個盒放，咁樣真係好唔環保。其實問題都唔係喺佢將食物分開盒上，而係客人特別order，希望佢哋將所有放埋一盒，最後佢哋都係冇做到呢一個行為，就有少少失望囉，其實食物真係唔錯，希望服務方面會改善下啦。