金記冰室 (已結業)

今日相約朋友喺元朗行山，活動過後，順道喺佢屋企附近食晚餐-金記冰室鹽焗雞飯餐配中湯，飯好大碗😜，雞肉入口滑溜配埋沙薑汁，咸咸地，味道唔錯，雞皮好薄，忍唔住食咗兩件，好邪惡鐵板西蘭牛扒，牛扒用鐡板上，醬汁淋上去熱辣辣鐡板上，發出咋咋聲，好吸引，牛扒厚身，有口感生炸大雞脾配薯條，雞脾上枱時，香味已經飄出，雞皮脆卜卜，雞肉幼嫩多汁，記得以前細個嗰陣時，最鐘意蘸茄汁一齊食，今次試番，又幾惹味喎薯條即炸，外脆內軟，食到停唔到現在耐不耐都會去番冰室食嘢，可以尋回以前味道及回憶

有次同老公去完南生圍之後夜晚過咗嚟呢度食晚飯，因為我哋都想食茶餐廳嘅，入到去又唔算太多人，所以唔會好迫，環境坐得幾舒服，坐低咗之後就叫咗一份鐵板西冷牛扒餐，同埋一個口水雞飯餐，口水雞飯餐就會配埋老火湯同埋白飯，老火湯真係比較好飲，冇乜味精，真係自家煲出嚟嘅👍🏻👍🏻👍🏻👍🏻鐵板嚟到嘅時候見到塊西冷牛扒大大塊，熱辣辣，吱吱聲咁樣好熱好味，好多汁，亦都好有咬感，佢有得俾你揀配薯菜，意粉定係白飯，我就揀咗薯菜，最值得推介嘅就係薯菜，平時出去食鐵板餐嘅薯菜都係雜菜雜豆放喺個鐵板上邊，但係佢哋勁有心，勁有誠意，有一個大嘅碗裝起左即炸嘅薯條，份量都幾多，熱辣辣，仲要落埋准鹽，令到成碗薯條非常之咁好味，唔會好似出邊嘅鐵板餐咁樣啲薯條林晒，呢度值得加好多分👍🏻👍🏻👍🏻👍🏻另外口水雞好惹味，味道非常之出色，唔會太辣，亦都唔會只有辣味，味道比較深層次，幾有新意，感覺都幾出色，下次都會繼續過嚟試吓其他菜式。😄😄😄😄😄

we are here as a couple with toddler. only 4 other customers there when we ate early evening. we ordered the set sizzling beef steak and poached chicken. both with rice. we had to request. toddler booster as waiter was oblivious to the fact the toddler couldn't reach the table. the chicken was bloodied and sparse, mostly skin and bone. the steak was ordinary and fatty. the rice was soggy. service was quick but the food was truly awful. we will never go there again.

餐廳的位置位於一大型屋苑內，內裏裝修時尚，位置寬躺光猛。炎炎夏日先來兩杯紅豆冰，紅豆冰很足料，用上淡奶和雲呢拿雪糕球，兒時的味道晚餐點了海陸空鐵板餐燒汁配薯菜($85)，包括豬扒、雞全翼和魚柳，薯條很大兜，整個套餐分量充足，味道以如柳較為出色，燒汁也算是正宗鹽焗雞飯餐($68), 跟白飯和中湯，鹽焗雞臨上了砂礓醬，雞肉的份量也頗多，以這個價錢來說挺親民的當然又豈能少得金記馳名的咖喱牛腩飯($75), 香濃咖喱汁依舊做得美味出色，送飯一流，牛腩亦肥瘦均勻，分量也不少有提供舒適環境的茶餐廳在香港確實不多，今天左park Yoho給我遇上了，實在是區內居民的佳音

琴日同兩個朋友去完南生圍，喺附近搵地方醫肚，由於時間唔充足，所以以茶記為目標，上網搵見到Park Yoho 嘅金記，呢間連鎖茶記我未試過，😌，咁梗係試下先。環境方面：環境幾好，乾淨企理，應有嘅防疫操施齊嘅，我揀左個卡位坐，堂食。食物方面：我哋三個人，開初有個朋友話唔肚餓，所以我哋叫左2份，我食西冷，我老友就鹽焗雞，兩個都跟餐加油菜，飲即磨咖啡。西冷，100蚊都唔使，但就大大塊，肉質都嫩，抵食😋鹽焗雞，我老友俾左一舊我試，好滑喎，又夠味，同樣幾十蚊，精神喎。即磨咖啡正常水準。而我唯少推介嘅，又最驚喜，係碟油菜，啲菜芯好新鮮，佢個豉油汁好好味呀，真係估佢唔到。當我個唔肚餓嘅老友聽到我哋講個油菜咁精神，佢就原價叫左一碟，份量多啲嘅，佢都讚不絕口，於是佢為食哋又叫少少嘢食，生炸雞肶配薯條，佢食完之後，奇怪嘅事情出現左，就係佢食得好快，攪到我無得試下啲薯條😑，仲叫多份外賣雞肶俾老婆，相信係好好食。🤔服務方面：服務好，有禮貌，喺附近拖完地主動提我哋經過要小心地滑👍總結：性價比高，環境舒適，遺憾未試隻炸脾，下次去試返。😈閒日泊車優惠：消費滿100免兩小時。紅日我就留意。🤧

在南生圍遊玩後，想在附近先吃晚餐再回家。上網找到這家冰室 ，見到餐牌上的食物都合心意，那就試一試吧！🥩 鐵板海陸空（豬扒🐖、魚柳🐟、雞全翼🐓）（燒汁配薯條🍟） $85食肉獸必點😆 豬扒肉質鬆軟，容易切開，肉香味十足；魚柳外脆內軟，而且厚身，這個很高質；雞全翼的肉很多，不會很骨感🦴，大滿足～ 燒汁很多，倒在鐵板上滋滋聲🤩 不得不提的是薯條，分量超多，而且很粗身，真的吃到薯仔的味道👍🏻🐂 鐵板西冷牛扒（蒜蓉汁配意粉🍝）$88爸爸看到別桌的食客點，賣相吸引，二話不說馬上點來試試😂 一切開就見到粉嫩的顏色，牛扒吃起來嫩口多汁，放在鐵板上慢慢變熟，自己控制生熟程度～ $88吃到這麼高質的牛扒，性價比高！意粉的份量也是超多，麵質煙韌，拌著番茄醬很滋味😋🐓 地道霸王雞（走飯）$68霸王雞又名蔥油雞，是淋上蔥油的白切雞，客家名菜之一。雞肉嫩滑，醃得入味，的確不錯😙🥣 老火湯 $0喝起來沒有味精，豬肉肉質軟腍，還有冬瓜和紅蘿蔔，很豐富。爸爸對這個湯讚不絕口👍🏻🥤 雪糕紅豆冰 +$13（半價）雲呢拿雪糕🍦圓滾滾的一大球，味道十分濃郁，紅豆的份量足，甜甜的不失口感，這杯飲品帶奶香味，香滑好喝😋🥤 黑牛（朱古

Kam Kee Cafe 因為疫情關係少左好多出街食飯，多數買外賣返屋企食，今晚去左Park Yoho入面既Kam Kee Cafe買外賣。呢度泊車有位，又有free park，其實幾方便。 餐廳好新淨，裝修係好有懷舊氣氛，環境舒適，位置亦很闊落。睇完餐牌叫左四樣野，店員好有禮貌安排我喺附近坐位等等，非常貼心，大概20分鐘左右就攞到外賣喇。 返到去打開外賣同大家分享下先。 鐵板西冷牛扒配黑椒汁牛扒新鮮，肉質甜美，又夠厚身，有了這個黑椒煎西冷牛扒就覺得晚餐很豐富，加上自己喜歡的配菜同白飯，吃得飽飽，又滿足。總體口感韌度強、肉質鮮嫩、有嚼頭。 鐵板海陸空配燒汁呢個有驚喜既海陸空有豬扒，魚柳同雞全翼，豬扒厚身肉質又夠淋，同時味道口感非常好，冇雪藏味；魚柳當然啖啖魚肉，味道香口有口感，有食鮮魚肉感覺；雞全翼就大大隻既炸雞翼，香脆可口，非常出色。 焗鮮茄豬扒飯焗豬扒飯，一定要用炒飯底，吃出來的味道層次會豐富很多，另外濃郁的番茄汁、煎得香淋既豬扒、粒粒分明的金黃蛋炒飯和焗得半溶焦香的芝士，呢個就係最理想的焗豬扒飯。估唔到金記令我可以食返小時候茶餐廳既味道，好野。 焗鮮茄雞脾飯焗既粒粒分明既蛋炒飯同

今日天氣清涼最適合睬單車，入南生圍前先去了這間位於中密度住宅Park Circle的金記冰室開餐。鮮茄焗豬扒意粉真的即叫即焗，等了15-20分鐘先有得食，上枱後熱辣辣，表面舖滿了芝士及番茄醬，豬扒正常厚度，肉質嫩腍，不過意粉就略嫌腍身。咖哩牛腩飯咖哩汁帶椰香所以帶甜味，完全唔辣，不過有香料味道，送飯一流，牛腩牛筋炆至鬆化腍滑。炸雞脾薯條見隔離枱隻炸脾超靚，忍唔住叫份一試，生炸雞脾皮脆肉嫩，裏面不會炸得太乾，還保留了肉汁，真係值得翻兜。最後飲返杯紅豆冰，出發去南生圍啦！

終於來到最美冰室，是打卡拍照的秘密花園，金記外面環境綠草如茵，可以錦上路去完菠蘿園後再去金記食飯！泊車都好方便，推薦住附近的大家都可以過嚟呢間金記冰室！這家金記裝修格局不錯，以翡翠綠和金色作主題，感覺高貴優雅！是間優質的冰室！📍焗鮮茄豬扒飯🍅🐷（$56）豬扒軟嫩多汁，分量多，蕃茄將超濃郁🍅😋📍咖喱牛肉飯🍛🐮（$56）牛肉份量十足，薯仔軟綿不爛🥔，咖喱汁香濃，是港式style，不會杰撻撻！📍生炸雞髀配沙律🥗可轉薯條 🍟（$42）生炸雞髀🍗相當出色，即叫即炸，外皮脆卜卜😋📍雞髀煎蛋飯配燒汁或豉🍗🍳🍚（$52）同樣出色的雞髀，這個是香港風味的雞髀煎蛋，配上甜豉油，很滿足♥️😋📍法蘭西多士🥞（$28）外脆內軟，蛋香十足，花生醬香濃，牛油味香🧈📍金記三文治🥪（$45）麵包烘得相當酥脆，內餡豐富爆滿，集齊了香港特色的三文治配料，仲有超厚午餐肉！📍紅豆冰（$22）📍香滑奶茶（$16）

住喺元朗出去搵地方食飯，又要有地方泊車真喺好難，發現Park Circle 食滿$100就可以免費泊車兩小時，真喺好抵～所以今日就去咗金記冰室食晚餐，餐廳環境舒適乾淨，兩個人食就叫咗兩個鐵板餐，海陸空鐵板餐（有豬扒、雞全翼同魚柳）、西冷牛扒餐，可以配飯/意粉同薯菜～份量好多，配菜都好豐富，而且好好味😋茶餐廳來講算係中上級數喇！霸王雞肉質滑嫩，如果厚肉d就好，仲有湯送！沙律勁大碟呀！超抵食兩個人都食唔晒😂

星期六兩口子放工已經係下午茶時間，由於超級極度肚餓，兩個人叫左成4樣野。咖哩吉列豬扒飯嘅咖哩汁比起以前稀左，好彩夠味唔太辣，加左少少椰奶，撈飯食幾好，呢度嘅吉列一向唔錯，豬扒大塊炸得鬆脆。魚柳包薯條實在係大滿足，粗薯熱辣辣又夠多，魚柳包有魚柳有番茄有生菜有他他醬，個包加牛油烘過，絕不欺場。西多士有花生醬有牛油有大量糖漿，花生醬連麵包角位都有，岩岩炸起冇理由唔好食啦。雜果沙律一黎到我地有少少嚇親，有成4個scoops咁多，新鮮蘋果粒薯仔粒同罐頭雜果椰果都有，係同我想像中一樣嘅茶餐廳雜果沙律，好食超級飽嘅午餐連下午茶。

近年各大冰室越開越多, 吃的是香港人的comfort food, 晚上在元朗廣場發現這間幾受歡迎, 又堂食又外賣的, 所以和朋友來一試。海南雞套餐$68海南雞套餐有飯有湯有雞，看上去蠻吸引，海南雞肉質甚為滑嫩，有雞香，件數不少，足夠吃一整碗油飯，附送的湯味道濃郁。金牌乾炒牛河$58屋企煮飯欠鑊氣，所以出來吃喜歡叫有鑊氣的東西，乾炒牛河正好表現出來，上菜時已香噴噴，河粉條條分明不油膩，牛肉軟滑，調味鹹淡相宜。欖菜肉崧四季豆$68四季豆走油過再炒，特別爽脆香口，加上很多份量的欖菜，味道夠濃，肉碎令這個菜更香甜。鮮茄濃汁焗豬扒飯$65厚厚的豬扒，切下去時卻一步到位，由切的力度已感受到豬扒的嫩，果然咬下去又嫩又多汁，芝士份量夠，豬扒又大大塊，配上酸甜的蕃茄醬和芝士，惹味非常，底下的是蛋炒飯，有誠意。蛋白杏仁茶$14最尾杏仁茶當作甜品，杏仁味甚香，到底吃到滑滑的蛋白，養顏之選。

天氣剛好適合踩單車，路途中經過part yoho .剛好肚餓，順便踩單車去參觀下新樓宇環境。沿車路經過間餐廳不錯👍🏾就去試試新樓盤下的餐廳。服務還不錯，做足防疫工作。餐廳座位舒適。茶餐廳一定要飲返杯凍檸茶加公司三文治🥪，三文治好足料。剛好午餐時間，叫左個黑椒汁牛扒配雙腸意粉🍝，份量好足。朋友就試左個咖喱雞扒意粉🍝，咖喱汁另外裝住，可以適量地加上，雞扒原來係炸過的雞肉，所以明白到點解個咖喱汁會另外裝住，因為唔想個汁淋到個雞扒無左香脆的感覺。份量好足的餐廳，不錯！

黎呢度食個下午茶！三十幾蚊有一個熱狗、一份薯條同一杯飲品，熱狗都幾足料，麵包鬆軟、香腸又脆又溫熱，配上番茄醬同芥末，啖啖好滋味！薯條啱啱炸出黎，外脆內軟。奶茶醇厚絲滑，其他時段餐廳定價無下午茶咁抵。

農曆新年還有不到半個月，大家也忙著準備過節的事情，而購買禮盒就是一個不可缺少，要準備好來送給親友的😆。 選擇送蛋卷給長輩是個不錯的選擇，既是傳統食物，又可送上心意應節💕。💥蜂巢雞蛋卷 HKD$98，這款是傳統口味，也以傳統四方型大罐裝著。 適逢牛年的來臨，包裝有隻朝氣勃勃的牛牛，雙手分別拿著蛋卷和奶茶，創意十足又應節☺。這款蛋卷蛋味濃郁，口感鬆脆可口，味道甜甜的很特別。 這個吃的時候要小心一點，以免弄髒地方🙈。 蛋卷味道不甜，所以適合一家大小吃的，一家人吃著蛋卷應節很享受😊。