金記冰室 (置富南區廣場) (已結業)

去到置富見到呢間金記咁特別咁喺一角，裝修夠晒懷舊！叫左兩個小菜，送了兩個例湯，不過不失。滑蛋炒蝦仁，千萬唔好睇少佢，好好食！ 蝦又大粒又彈牙，有驚喜，滑蛋香濃，不多味精之選。芝麻黑糖醋骨，好黑啊，不過都係好好食！黑醋帶酸但不過份，十分開胃，成粒黑醋骨都炸到好脆，好香！浸時蔬都好健康，素食之選！超級多枸杞，我鐘意。過份地叫埋魚柳包，我覺得係必叫之一，包的質地脆脆脆+軟，魚柳炸到剛好，加上蕃茄生菜，超香魚味中帶點Fresh!再一過份之必點甜品，CP 值爆燈！粒粒多士配雪糕，混合了不同口感，加埋糖漿或練奶，又內疚又開心！

冰室係一個懷舊又親切嘅名，鍾意佢地提供食品種類眾多，總有一款啱你，喺置富見到金紀冰室，更加被佢地獨特嘅外型吸引住，好似一隻帆船，所以即刻入去，坐低後見內部都係漁船裝修，別有一番風味鮮茄濃汁焗豬扒飯豬扒飯嘅汁透著陣陣蕃茄香味，汁濃且多，每粒飯都可以被汁包住，配埋豬扒口感軟滑，好味😋😋招牌鮮豬潤餐呢個餐係有招牌鮮豬潤通粉配火腿奄列及牛油多士，豬潤新鮮無異味，通粉口感與一般食到唔同，好彈牙，有咬口金粒西多配雪糕🍨🍨西多係配煉奶，皮脆內軟，令人停唔到口，雪糕加左少少朱古力醬，除左令賣相更靚之外，更令雪糕味道變得豐富

門外的裝修好特別, 好似一座大船咁。老實講我好少咁早爬起身食早餐, 既然朋友話有好介紹咁就去試試啦。炒蛋周街都有, 不過要炒得香滑有蛋味就唔係個個得。##########豬潤通粉 : 多薑絲,可以辟左豬潤特別既味,而且薑絲切到好幼更加出味,  塊豬潤好厚, 又唔會好生。湯底唔會食到成口好咸, 岩岩好夠味好彩有朋友同我SHARE食份多士, 大大件, 面仲有少少脆身。裡面夾左香滑花生醬從來未聽過咩叫牛肉汁........好似苦茶咁既樣, 不過飲落係牛肉既味, 少少咸咸地, 幾特別喎。蛋白杏仁茶 : 好濃杏仁味, 比平時的杏仁霜仲要滑好多, 唔錯架, 值得一試。

今日晚上七點四十八分叫晚餐F外賣，跟湯，白飯同凍飲。等到八點二十二分都仲未有，不過遲過我入座/叫外賣既，嘢食都嚟晒。問點解咁耐，大部份staff 都好有耐性，點知有個比較後生，染髮 ，戴眼鏡bob頭既女職員態度極差仲要寸我，其他職員都發覺佢有問題，叫佢唔好咁講嘢，仲要幫佢道歉。一間好好既餐廳俾一個咁差既職員整衰晒，盒外賣係咩味都冇心機食。我唔知金記管理層會唔會見到呢個post，希望佢哋會正視問題，請一啲會尊重顧客嘅職員。

今日咁啱同朋友黎丁薄扶林附近郊遊，大家都唔想再食BBQ，所以嚟咗呢度嘅置富商場，搵吓有咩好嘢食諗諗下，真係好耐未食過港式茶餐廳，咁啱見到3樓有一間金記冰室，而且金記喺香港都有好多分店，信譽同埋口碑都應該有返咁上下佢外型真係夠晒特別，好似一隻大帆船，打卡真係一流望望下餐牌，發現咗我最鍾意嘅港味奶茶最重要佢係冇冰㗎！好多茶餐廳將冰加咗入奶茶入邊，令到奶茶嘅味道越飲越淡而金記就將冰放咗喺外邊，杯奶茶保持原汁原味，真係好想飲多一杯啊朋友叫咗杯熱奶茶，佢話又濃又香，真係冇得頂呀另外因為朋友叫咗一杯咸檸七，咸檸被打成醬咁放喺七喜上面，真係非常特別鍾意食豬潤嘅朋友，真係好推介你哋食招牌鮮豬膶米粉，佢既豬潤除咗大大嚿之外，啲米粉同埋湯底都非常好食跟餐嘅會有奄列同埋多士，味道都達到一般茶餐廳水準朋友叫咗兩碗飯，加幾碟小菜，其中一點就係金磚風沙炸豆腐，食入口熱辣辣咁另外仲有滑蛋炒蝦仁，估唔到一碟入邊都有咁多隻蝦，而且佢嘅蝦全部都清潔左條腸，好有heart最後就係最野味嘅XO醬西蘭花炒牛肉，連唔鍾意食肉嘅我都食咗兩舊，佢西蘭花充滿XO醬嘅香味，如果你係叫小菜嘅一定要試啦

周末上完一課空中瑜伽，帶著肌腸轆轆又疲憊的身軀到了金記吃飯，之前聽說過住附近的朋友說口碑不錯，讓我滿懷期待😃冰室的裝修像船舶，室內天花掛滿繩結做的魚網和燈飾，頗具老香港漁船特式。因為太餓了🤤，點了招牌之一的秘製咖哩牛腩飯、雪山菠蘿冰和金粒西多配雪糕🍦秘製咖喱醬汁香濃，帶微辣有椰香，卻不會過膩😋配料豐富👍🏻牛腩份量多，件件軟稔入味好吃😋既有咖哩香，又不失牛味！薯仔也是煮得夠稔，味道很好👍🏻飯粒香軟，配上濃郁的咖喱汁，不知不覺就吃完😜雪山菠蘿冰😍菠蘿冰底，配上奶味香濃的維記雲尼拿雪糕加上雪碧汽水後，幼滑的雪糕球慢慢溶化後變成乳白色，帶奶香的菠蘿冰很香甜😘最後來的金粒西多也是非試不可🤤西多士切成立方體，粒粒炸得金黃不過火，淋上少許煉奶，一放入口沒有傳統西多的油膩感，味道較清爽，外脆內軟，香甜不膩，建議一口雪糕一口西多，一冷一熱層次更豐富😋雖已聽說過金記的口碑，卻想不到有此高水準👍🏻物超所值啊！

平時好少專登入到薄扶林今日難得有機會入黎 一於就食埋飯先走啦😋行行下見到有間金記冰室 好多人食 ，又想食下住家飯， 所以就同朋友入去試下佢啦。一入到餐廳 成個感覺好舒服 因為燈光好夠， 又令人覺得好柔和， 坐位又夠哂闊落，就算好多人都無話覺得好有壓逼感。我地簡黎簡去都唔知點簡好,因為樣樣都幾吸引~最後簡左呢款咖喱牛腩飯由於我係牛肉控，絕對不會錯過呢度嘅牛腩飯啦😋牛肉軟腍入味，辣度夠，拌飯一流呀😍份量又夠,飯又多 料又多!!!另外就叫左Xo醬西蘭花炒牛肉話明我係牛控，黎到當然要點晒有牛肉作食材嘅菜式啦😊😊牛肉味超重，加入XO醬一齊炒香超惹味呀🤤仲有我最愛嘅西蘭花，同雜菇😋平衡一下滯膩感另外仲有兩款餐湯,個人覺得湯夠濃,可見餐廳係落足料去整而且飲落唔覺得好勁味精,加分！當然唔少得最普通但最好飲既凍檸樂，仲要係枝裝！

去開置富探朋友~朋友就帶咗我哋落嚟食~一開頭以為係一間普通茶餐廳~去到見到門口啲裝修都幾特別喎~裏面環境裝修到好似一架船咁~入到去好快有位,menu幾新淨,幾有趣~裏面仲有介紹一啲茶餐廳嘅術語~例如“敗家仔”係等如華田咁解~勁想試佢個金磚炸豆腐,但我哋中午去中式小菜要1800後先供應~真係可惜~但中午都有好嘢嘅~我見個金牌乾炒牛河張相咁靚仔所以我好快就決定咗叫佢~有鑊氣~都幾多牛肉~而朋友就叫咗 XO醬豬扒炒即食麵有偷食咗幾舊豬扒,係我鐘意食嗰種豬扒啱啱好熟,林林哋又唔會乾真真另外朋友叫咗個芝士焗肉醬意粉朋友話味道都ok~嘢飲我就叫咗 無冰奶茶~雖然冰鎮奶茶已經唔係好新奇嘢~好多度都有~不過最緊要嘅係沖得好飲~味道啱啱好~而朋友就激讚呢杯 蛋白杏仁茶佢話好滑好好飲,蛋白同杏仁好夾我哋傾計不知不覺食晒啲嘢,其實見menu都仲有樣嘢想試吓~就係金粒西多配雪糕~西多我食得多~但同雪糕一齊食,我又第一次~估唔到又夾到喎~食個lunch都咁新奇,下次再嚟探朋友一於試埋佢夜晚小菜先得~

每逢經過冰室，總想起曾經有人說過這樣的話：「我聽人說，在旺角有一間冰室，裏面的桌椅全部都是用冰做的，所以就叫做冰室了」。說的人態度認真，絲毫不像是在說笑，然後在多年後以後，他才發覺原來是自己被騙了。想起來也覺得好笑，不過倒也有興趣知道為何當初人們為何稱它為冰室呢？ 這幾年發覺金記冰室的分店越開越多了。分店開多了，就會擔心水準會否下降。我住的地方樓下有金記，出品真的不錯，而且價錢不離地，對它的印象比其他連鎖港式茶餐廳來得要好。去到了大老遠的薄扶琳置富，還是要來金記重溫一下招牌豬潤米粉套餐和牛舌炒飯套餐。 牛舌炒飯上來的時候香氣撲鼻，牛舌爽口。 豬潤再腍身一點會更好。 走冰奶茶加$5，很綿滑，帶淡淡苦澀茶香。 來杯蛋白杏仁奶，解喝又能當甜品品嚐，不錯。

難得去開薄扶林搵朋友梗係要試下朋友介紹嘅金記冰室本身抱住都係一般冰室嘅心態估唔到食物質素幾有驚喜同埋估唔到有咁多選擇。。。。。。。。。。。。。。金磚風沙炸豆腐▸睇個賣相已經好靚仔，而且無諗過份量會咁多，即叫即炸熱辣辣，第一啖真係辣親，個炸皮好薄，裡面嘅豆腐仲好滑，真係外脆內軟，好好味👍🏻。。。。。。。。。。。。。。滑蛋叉燒飯▸睇個樣以為一般，估唔到食落又唔錯喎，蛋都算少少滑，叉燒望落好乾咁，但食落又唔會好乾，同埋都幾淋幾香，最中意係有韭黃，食落更加香😊。。。。。。。。。。。。。。芝士鮮茄焗炸雞脾飯▸炸雞脾都算幾大隻，亦都唔會炸到乾爭爭，皮脆肉嫩，而個鮮茄汁亦都唔會好酸，味道岩岩好，同埋個飯唔會焗到好乾好硬🤤。。。。。。。。。。。。。。另外甜品嗌左金粒西多配雪糕西多唔會炸到好油膩配埋雪糕一冷一熱，不錯飲品嗌了黑牛同鹹檸七最特別係鹹檸七上面個個球好似雪糕咁，其實係鹹檸黎攪拌之後飲，比平時飲開嘅更濃味岩晒中意飲酸嘢嘅朋友

薄扶林對於我來說就是美食沙漠位置偏遠 除了是有錢人住的地方就好像沒什麼特別了這天到薄扶林的朋友家晚上找個餐廳吃飯看見一家餐廳是帆船的樣子就去試一試.金牌乾炒牛河 ＄52男朋友說要衡量一家餐廳的食物如何一定要試一試他家的乾炒牛河河粉炒得夠香 不會太油牛肉也是嫩嫩的只是不夠咸.清蒸倉魚 ＄98倉魚份量也不少 不會腥蒸得剛好 不會過熟肉質滑嫩 雖然有點貴 但有魚吃就好.蜜桃中式牛柳 ＄68見不到有蜜桃 味道甜甜酸酸 牛柳雖不算是厚切但也算大塊 嫩嫩的咬開能看到一絲絲的肉.金記三文治 ＄40麵包是已經烘底 所以咬下去是比較脆的蕃茄很大塊 能減底油膩感而且芝士的味道很突出 這是我挺驚喜的事.凍香滑奶茶 跟餐＋＄3奶茶夠冰涼 先是奶味 後是茶味.薑檸檬可樂 跟餐 ＋＄8以前喜歡在家裡自己弄現在也懶了 檸檬的味道會突出一點薑的味道不夠濃 但也有很多薑絲在裡面如果薑味再濃一點 辣一點就好了

今日黎到薄扶林呢邊，搵個hku既朋友食晚餐！講左好耐想食既懷舊冰室，終於可以食啦～ 首先，冰鎮奶茶，奶同茶味都好濃！飲完之後都會有奶茶味係個口到，鍾意奶茶既你絕對要叫！最緊要係啲冰係放係出面，令奶茶味冇變淡，一流！豆鼓蒸魚，呢個係大力推介既菜色，條魚蒸得好好味同好鮮，肉汁一流！啲肉都蒸得好嫩口，唔會太硬，所以真係好好味啊！咕嚕肉好入味，肉質都唔會太硬，煮得岩岩好，連埋青椒同洋蔥餸飯就一流！乾炒牛河啲料都好足，多牛肉，牛肉亦唔會太硬，而且牛河亦唔會好油，而且都入味，食到停唔到口！

冰室位置商場平台上, 自成一角, 單睇冰室外表已經好吸引, 裝扮成漁船, 感覺好似喺船上用餐咁｡室內以老香港裝飾為主, 座位數量充足, 但唔會排到好擠迫, 晚餐時間好快就坐滿｡餐牌整成好似日曆咁, 好有創意｡晚餐除左套餐外, 亦可以散嗌小菜｡ 小菜款式都幾多, 仲可以加錢跟白飯、餐湯同餐飲｡秘製咖哩牛腩咖哩味香濃, 辣度適中, 個汁亦唔會好稀, 伴飯食一流｡ 牛腩同薯仔已經炆到好淋身, 而且牛腩肉質唔會過瘦, 惹味十足｡金銀蛋肉碎浸時蔬有好多配料: 金銀蛋、肉碎、甘荀、雜菇、蒜頭, 呢幾款配料煮成嘅湯已經好好味, 清甜得黎又有少少鹹香, 再加上白菜仔, 非常健康｡金磚風沙炸豆腐好考師傅功架嘅一道菜, 採用滑豆腐 (而非比較硬身嘅豆腐), 炸到每件都金黃香脆, 外層口感脆卜卜, 內層豆腐仍然係滑捋捋, 絕對可以用 “外脆內滑” 黎形容, 超級香口嘅小菜｡

暴風雨的前夕比平時顯得更特別寧靜，全香港都嚴陣以待山竹的來臨。黎緊可能要家中捱杯面，所以趁打風前食返個豐富晚餐。金記冰室有好多分店，每一間的食物都保持穩定的高水準，今次呢間也不例外。金記嘅餐牌選擇非常多，餐牌的設計也好精美。打風前食得豪一D，揀多個餸食先。小菜嘅價錢都係40-60蚊不等，價錢非常抵食。我地揀左芝麻黑糖醋骨，涼瓜炆魚塊，風沙豆腐，韮黃叉燒炒滑蛋，再轉杯特飲咸檸7先。芝麻黑糖醋骨好乾身，唔會好油，比起咕嚕肉更健康 （自欺欺人的說法）。糖醋骨肉質好爽，但仍然保持肉汁，唔會乾到柴咁。黑醋嘅酸同芝麻的香，令味道不會好單調，讚！涼瓜炆魚塊的魚塊好大，炸粉唔會好厚，所以咬落去都係啖啖魚肉。只係略嫌炸粉唔夠脆，不過可能都炆的關係。豆腐呢D咁唔抵食嘅野我地好少會叫，但金記呢個豆腐我地差不多每次都會叫。豆腐係平野，但廚師好有技巧地將呢個平凡嘅豆腐炸得咁外脆肉軟，實在不容易。豆腐嘅炸粉又薄又脆，咬落去更加驚為天人，點解入面係咁滑嘅，好似山水豆腐咁，估佢唔到。炒蛋又係另一樣唔抵食嘅野但會在金記會叫。金記嘅韮黃叉燒炒滑蛋，韮黃好香，叉燒半肥瘦，蛋炒得好滑，非常好味。特飲咸檸7唔似一般茶餐廳只係用

👁‍🗨 金粒西多配雪糕 (7/10)💲36一睇個餐牌就已經決定叫呢個金粒西多配雪糕，岩哂呢排想食西多士既我🤭上網見有啲人既雪糕係雲呢拿味，而我當日就係朱古力味🧐雪糕應該用左雀巢雪糕，所以冇咩大特別🤠西多士疊到一層層，賣相加倒分，食落乾濕比例岩岩好，而且吾會油膩飽濟😇配上煉奶，雪糕一齊食，可以話係冷熱交溶呀！👁‍🗨魚香茄子飯 (7/10)💲48長期都比魚香茄子吸引🤤佢既魚香茄子夠哂咸香，食得出有咸魚既味道，茄子腍身，入哂味😋吾會油膩同過咸，撈飯一流🤡👁‍🗨鮮茄濃汁焗豬扒飯 (7/10)💲51雖然豬扒吾算特別大，但係食落夠哂腍身，吾會有肥膏位🤓因為加左少量芝士一齊焗，所以食食下都會有拉絲既效果，茄汁香濃吾會過甜過酸，久吾久會食倒蕃茄肉，成個豬扒飯幾香口幾惹味，係略嫌飯既份量少左啲😬👁‍🗨 金牌乾炒牛河 (7/10)💲43 (下午茶)乾炒牛河係下午茶時段叫既，所以份量正常會比一般少🧐不過上到枱，發現佢既份量以下午茶離講都吾算少😹同樣地牛河吾會油膩，河粉炒得爽身，吾會痴到一舊舊，不過牛肉份量就吾好期望有好多啦🙈👁‍🗨深海吉列魚柳薯條 (7/10） 💲36 (下午茶)另外叫多左個下午茶餐，有我