金記冰室 (已結業)

又黎到厚和街呢條又叫西環食街嘅揾食大街啦，差唔多每日都會見到金記冰室喺度，但係無一次行入去嘅，平時都係大排長龍，今日見出面人流冇乜，就同啲同事入去試吓啦。佢哋主打懷舊風，一入去已經見到地下有個好有心機用磚砌岀黎嘅招牌。上網一搵先知原來呢一間係老牌茶餐廳，近排新裝修又係其他地區插旗。我哋等左5分鐘就有位坐啦，見到其他位啲人都食緊個雞脾餐咁就嗌一個啦。有炸雞髀+沙律再配一個意粉或者公仔麵，雞脾炸得好香又唔會太乾而且份量都好多，一個女仔一定夠口又或者可能食唔晒添。我同事就帶嗌左個西多士($26)，一上菜已經好吸引好邪惡呀!! 鍾情食常餐嘅我就嗌左個鮑你好味($36)，火腿奄列配多士再加鮑魚火腿通粉，最正宗的常餐，唔會難食得去邊!當然，佢嘅湯底都唔馬夫啦! 鍾意啲懷舊餐廳有谷咕，無糖嘅熱朱古力，飲飲下就發覺，杯邊有古怪喎!!!'多謝你飲我'，令人會心微笑。香港人都要多謝你，咁用心咁將香港茶餐廳文化傳承落去。

我對懷舊冰室有種情意結，總覺得係冰室可以食到舊時香港既味道。有地鐵後，西環仲可以搵到既舊店，愈來愈少...心大心細唔知食乜好?抬頭就見到號外推介!可以參考下5大鎮店之寶。我亦叫左個招牌鮮潤面餐試試。豬潤有D少得可憐既感覺，仲要係薄切，可能西環地價物高，潤都少2件啦。味道不過不失，無驚喜。跟餐既火腿奄列同厚多士，一字記之曰: 油咖啡還好，幾香。最特別就係呢個杯，勢估唔到原來係裝糖用的!懷舊就是這樣子金記冰室已經有好多年歷史，正所謂創業難 ，守業更難。食物水準似乎有D下降，本來想劣評的，但都係俾左個OK，因為唔想香港冇左呢類型冰室，係時候要努力了!希望下次黎會食返水準之作啦!

典型「優質」港人營運生意手法 - 有頭威無尾陣！去茶記食嘢，幾低水準都預左，人人都唸住塞飽就走架啦！但呢間嘢學人玩傳統玩懷舊，整呢整路，嘢食都係同普通茶記無分別，仲差到應該距離「開新分店」不遠。呢間分店尤其「優質」怪唔得無做夜市，「優質」到咁，點夠人爭丫！基本上有時間一定唔入去，早幾日去速食，算罷。只不過點個下午茶餐，腸蛋麵、凍奶茶，都要受氣、食「好嘢」！個師奶似洗碗阿姐被派睇樓面，手腳慢就預左，點估到佢態度惡劣！個個客入去，係個個客，都可以點單點到發脾氣！碗麵到啦，凍冰冰既又無湯、叫阿姐給杯熱水難過登天！喂，「好味」到咁，唔好浪費大家時間，又影響香港美食天堂聲譽，「多開幾間」當幫忙啦！

所謂香濃咖啡唔熱唔香，鮮油多超薄。標榜懷舊氣氛但味道一都唔似。侍應態度係愛理唔理。有一句冇句。可能午後三點係半休息時間。總結一句係以為係老牌歺廳就一定失望。因為只有個歺牌內名稱及裝修懷舊。

本人多時都於店內食早，午，下午茶，晚餐也有，但店內有一名員工見顧客多，對新入來的客人視而不見，令顧客自然流失，工作態度散慢! 食物質素也很不一，推介的食物也經常缺貨! 例如今天食的炒麵是好味，明天來食不是太咸，也未能炒得均勻!

是日相約同事一起吃早餐，上班前先為自己打打氣。不過同事睡過頭爽約了...不要緊，就獨個兒去吧從沒嚐過金記，一直很懷疑它究竟是真•懷舊冰室還是懷舊主題冰室，因為它裝修新穎，又有不少分店。這次來看到"since 1961"才知它是真冰室。很欣賞餐廳的心思，餐牌外型有如乒乓球板，上面有可愛的插畫。餐牌第一頁並不是食物，而是訴說冰室的歷史。早餐的選擇不少，其中有一系列為早餐甲、乙、丙，註解寫名為甲乙丙是因為以前不用ABC，小小的冷知識增加用餐趣味我選的是早餐乙，是一個很典型的港式早餐，$30，價錢合理～早餐乙($30)：包括一碗火腿通、一塊牛油多士、一份火腿奄列及一杯奶茶。火腿通的湯底不錯，咸淡適中，而份量不少牛油多士有著金黃色的賣相，牛油不算很香，但多士烘得很脆。奄列內有不少火腿絲，蛋的部分沒有炒得過熟 奶茶也很好飲，夠香滑

以往堅尼地城"佳記","華豐"出名服務態度劣評,已經街知巷聞，而家有一間已經完完全全取替他們，可以用極度惡劣形容，小妹見到這名字的餐廳已經不敢再幫襯，就是「金記」，非常深刻的一個早上，因身體不適没上班，看醫生後，求其搵D嘢食，之後食葯休息，路經「金記」，印象中D嘢都ok，咁是但入去，一入門口已經唔對路，服務員(兩個師奶)，黑口黑面，心想食完快走求其啦，之後㸃了一個火腿米加炒旦餐，熱奶茶，湯底淡如白開水，多士唔熱，奶茶又鞋，已經病緊，嘢又難食，兩個師奶(服務員)重要响個樓面互罵，簡直有被節磨感覺，未吃完，打算要杯溫水食葯，點知一句，冇暖水喎，熱水啦，我即時唔要，起身埋單走，話過以後冇飯食都唔會再踏入「金記冰室」半步，叫埋D朋友，親戚，老闆，伙計。。全部唔好去！！！

潮流興懷舊，對我這輩來說是懷緬，當年到餐廳是奢侈地方，偶然一頓都只可以叫一件奶油西餅，時至今日到這類舊式餐廳卻是叫懷舊真的歲月如梭了， 現在的懷舊餐廳與舊的相比欠的是一種叫人情味，但總有點裝飾令人回憶！ 有趣的餐牌掛在一個乓乓球拍上有種童年回憶。星洲炒米鑊氣十足，帶出陣陣咖哩粉香味，配上一杯茶香濃郁的舊港式奶茶，實在令我感到餐廳獨特滋味鮮茄焗牛脷飯忘了影牛脷件件足料厚切，牛脷先炆過故非常入味及淋滑，飯是炒底的鮮茄汁配上蛋香炒飯我都忍不住食了半碗懷舊怖置，相片引正了 歷史

以前曾在電視和雜誌,看過金記冰室的訪問,知道他們是老字號, 但卻從未踏足過.今次因到處找地方寫食評, 見到他們的金漆招牌,便行了我的第一步....入到去, 他們的職員已經很有禮貌, : 歡迎光臨! 隨便坐, 幾多位...坐下後, 定一定神, 嘩! 到處都是懷舊味濃厚的裝修設計,全部都是我的拍攝目標!當想找餐牌看時, 原來是一塊乒乓球拍,第一頁竟然是一張遊戲紙!餐牌清楚分明, 由早餐, 午餐, 下午茶餐, 晚餐, ....分得清清楚楚, 亦另有是日餐牌.2017.3.1 第一次下午茶餐: 煎香草雞扒配薯條加$13 雪糕紅豆冰已經很多年無食過餐廳炸的薯條了.今次食番, 不單只尋回往日的味道,而且最喜歡薯條即叫即炸的脆口感覺,並非大集團才能做到.香草雞扒方面. 雞扒夠薄身, 可以容易煎熟外,是欣賞雞扒皮可以薄, 脆, 無脂肪, 無太多油份,證明師傅用心煮食的精神, 另外, 雖加了香草,但並沒有蓋過雞肉本身的雞味.雪糕紅豆冰, 當我叫雪糕紅豆冰時, 因為要加$13,店員好好人, 知道咁樣加錢叫好唔低, 有推介我叫平少少, 同時亦是他們的熱賣, 不過, 我好想在懷舊的地方叫番兒時常食的, 尋回失

補記吓月中的獨吃晚餐，呢晚老婆大人去辣局同辣友相聚，我當然食自己啦哈哈！身在西環(須然心有老婆處)要對自己好啲，揾間正啲嘅餐廳吃個麻甩晚餐先，尋尋覓覓還是揀咗金記冰室，講晒係老婆大人至愛，因為佢最鍾意食金記嘅咖哩系列，咁唔使頭痕食咩啦就咖哩吧！那個乒乓波板餐牌仲係咁得人鍾意。在云云咖哩系列中選了咖哩雞扒飯$51，已經是第二次食的感覺沒有第一次食咁正，唔知點解覺得好似北角那間好味啫！不過咖哩汁香得嚟唔辣好啱怕辣嘅我，另外要加2皮配杯熱菜蜜，呢味嘢處處也差不多啦！

It was a very traditional cha charn tang where you could find all sorts of Hong Kong style food. We were there for breakfast and I really liked their milk tea for its exquisite favour, creamy and smooth.It has all what a cha charn tang offers: efficiency, good taste and affordable price

今天本身想去厚和街食雞煲，點知要排隊等候，因為大凍了，所以不等就近近地行過隔離金記冰室看看，響門口有個穿西裝（應該是經理）介紹晚餐，有湯、有飯、有飲品，不收加一都是$70-80，都ok啦，一入到去見裝修都幾靚幾特式，最後點了兩個晚餐，菜式與其它茶記沒大分別，味道還可以，當我進食其間，不停留意那位「經理」工作，他去每枱問客人食物味道、品質，對客人非常禮貎，非常親切，之後他還幫客人搬BB車出門口，又幫另一客人搬行李出門口，食嗰一百幾十，去邊搵D咁嘅服務，比錢走時，收銀姐姐都好好笑容，好禮貎，呢D咪上樑做得好，下樑跟得到(呢句我男朋友講的)，今晚真是食了一餐好飽、好満足嘅服務，我下次一定要再去。誠意推薦比大家試下

舊年開業之後, 金記已成為我lunch 既飯堂之一, 一星期起碼去3日。員工招呼好好, 友善, 少黑面, 手快腳快。收銀好有禮貌, 次次都會講多謝同bye bye, 而家茶記好少見。地方亦乾淨坐得舒服。食物方面, 招牌既豬扒用料幾好, 焗飯類都不錯, 味道好但份量略細, 打office 工既人就應該岩, 本人體力勞動工作就勉強D。炒麵飯類味道夠濃, 炒意粉好有鑊氣, 但都係細份D, 下午茶會更細份, 但呢區黎講呢個價細份番合理。飲品方邊, 咖啡好香, 奶茶口感時好時壞, 試過好苦澀, 但十次七次都中上, 算穩陣。值得推介西多士, 炸得夠透唔會干硬身, 即叫即制, 有D 座位會見到廚房整西多既過程, 都干淨企理, 食得放心。overall 黎講金記係堅尼地眾多茶記中唔錯既選擇。

金記冰室開咗幾個月都未試過，趁今日放假就去試下個下午茶。我叫咗個日式豬扒烏冬加一杯熱檸茶。日式豬扒炒烏冬份量算多，裏面有豬扒、紅蘿蔔絲、蔥、芽菜等。但估唔到豬扒條砌埋後係有完整既一塊半甚至兩塊既豬扒，有啲驚訝。碟烏冬炒得有鑊氣 ，由於喺日式既關係，所以個汁會甜甜哋。由於我少飲熱檸茶，飲落去有啲酸澀，我就覺得麻麻地。

第一次試下寫食評🤓以前住銅記偶爾都會去樂心食下早餐（樂心加左價之後就⋯不要再說了.jpg）搬左入堅尼地城之後忙到PK，塵都就黎冇得食🙄難得今個禮拜終於鬆動啲即刻去嘆返個靚早餐先仲記得上個禮拜行過見到有間幾靚嘅冰室，一於就本住大無畏嘅心情去試新野金記冰室行香港懷舊風情，入面嘅裝修都好靚好有地道風味都坐得幾舒服早餐嘅選擇都算好多，以港島區嘅冰室起計價錢都唔太貴今次我就試咗個仿鮑魚絲火腿通（轉福字麵）嘅早餐福字麵嘅調味粉分開俾你，可以自己決定要落幾多好怕食到啲煮到溶溶爛爛又好粉嘅麵好彩佢啲面唔係淋曬一pat咁👍🏻麵身有咬口以佢嘅多士同火腿庵列簡直就係正到爆熱辣辣咁上枱麵包鬆軟而庵列仲係有少少蛋漿咁，唔會太乾身個早餐都係盛惠36蚊（轉福字麵加3蚊）算係咁啦！唔知係咪因為叫做仲算新開，唔係話太忙既緣故，服務質素so far係去過既冰室入面最好下次再黎會一會個午餐先～