金記冰室 (Two Harbour Square)

營業中

休息中

金记冰室早餐🍞牛油方包：小編最愛澳牛嘅多士同出邊餐廳嘅唔同，佢嘅多士鬆軟綿密，加上牛油。兩舊都唔夠喉！🌟🌟🌟🌟🌟🍳西煎雙蛋（可轉炒蛋）：正常煎蛋，中間有流心。但係佢炒蛋比較出色，又滑又香。炒蛋可以加係多士到一齊食。小編啲朋友仔都係鐘意食炒蛋多啲。🌟🌟🌟🌟🍝火腿通粉：不過不失茶餐嘅叉燒意粉，會有四五塊薄切嘅普通叉燒，甜甜地。🌟🌟🌟☕️咖啡或茶：奶茶一流，小編鐘意飲茶走，加少少煉奶，會滑好多！正呀~🌟🌟🌟🌟🌟🥪私心推介：滑蛋鹹牛肉三明治，澳牛三明治真材實料，方包夾住厚厚嘅炒蛋睇見都想咬翻兩啖。不過鹹牛肉有時真係有啲鹹。不過唔影響佢嘅美味！大家睇師傅心情啦~🌟🌟🌟🌟小編係咁啱搭早咗班巴士返工行過去，宜家唔知係咪因為疫情原因冇咩人排隊，8:30即時入座。叫外賣都5分鐘內可拎走。味道：4/5 香港必食！🥰環境：3.5/5 特色必搭檯！小編唔介意搭檯。但疫情期間小編同兩個唔識得嘅人搭檯都冇擺隔板。介意嘅朋友仔就搵多幾個人一起食啦~服務：3.5/5 次次食落單都好緊張~不過呢兩年小編去食啲哥哥都唔會亂發脾氣，佢地好中意撩妹妹仔噶😏！大家放鬆啲！食個飯姐~抵食：4/5 加價啦，點解好食嘅嘢總是少貴😭。大

脆皮燒春雞隻雞燒到脆皮～熱辣辣，而且好多汁👍🏻切開見到肉汁流出來，真係超級滿足🤤🤤肉質嫩滑而且唔會燒到好油，配菜仲有有薯條或者薯仔沙律揀～呢個價錢比到咁嘅份量同質素，真係好抵🤩落完order之後，職員即刻比濕紙巾同手套，就唔怕食到隻手油淋淋豬扒包拼肉醬意粉個包表層好脆，醬汁、豬扒同菜都好夾。係好食嘅，但就冇燒春雞咁驚喜～其實食完個包就飽左🤣義粉係普通茶記水準，份量真係好多～呢一間性價比真係好高，而且隻燒雞真係好正～一定會再去食多次

下班之後和朋友休閒小聚揀咗間茶餐廳冰室品嚐一下～ꔛ‬☆*ﾟ(๑⃙⃘´ಲ`๑⃙⃘ )=͟͟͞͞ ᵏ ⁱ ⁿ ᵒ ᵏ ᵒ ꕀ ᐝ˓◞˂̵✧我叫咗👉🏻鮮牛肉麻辣米線，個樣呢就一啲都唔辣原來食落辣辣地❤️牛肉十分之鮮嫩朋友食👉🏻乾炒牛河，十分有鑊氣加埋辣椒醬品嚐都好食😋我哋加咗個冰鎮芥蘭，芥蘭相當有咬口另外我哋叫咗甜品金粒西多配雪糕脆卜卜嘅外層，加上雪糕多重享受👄飲品我哋叫做黑牛，即係朱古力雪糕加可樂呢個飲品之前未試過原來都好好飲👅

今朝係Instagram上面見到有人介紹就去位於銅鑼灣嘅餐廳食嘢😊知道OpenRice有人話呢間餐廳真係好好食，所以一於要去試吓！而且餐廳環境非常舒適！✨乾炒牛河呢個真係不得了，口感好嫰滑，好juicy，十分惹味，超推介💯

今次閨蜜介紹就去左位於銅鑼灣嘅餐廳食嘢😊社交平台有人都話呢間餐廳係抵食之選，所以就今日要去獎勵自己！真係值得介紹🤤咖喱雞扒飯必叫之選，肉質香嫩，吃起來有肉汁，非常惹味，回味無窮！

金記冰室既早餐，早餐即係午餐，午餐既係常餐，水準一直都保持到。燶邊煎太陽蛋，燶邊脆口，煎到完全冇晒透明既蛋白，唔會煎得太生，剛好半生熟。鮮牛公仔麵，鮮牛麵既精粹就係薑絲，薑絲配鮮牛，令到味道升左一個層次，佢應該係採用「公仔麵」，麵既質感適中。#金記冰室 #早餐 #太陽蛋 #鮮牛肉麵 #公仔麵 #齋啡 #醒神齋啡 #疫情下的日常

觀塘懷舊金記冰室包羅萬有款式茶餐廳餐廳空間座位都算寬敞及大取票排隊等位都算快港式餐蛋麵午餐肉很厚身滿滿的肉味雞蛋有兩隻，感覺一雙一對推介蛋白杏仁茶杏仁很香滑配上蛋白十分美味，養生之選！

觀塘食肆林立！好多選擇！經過見到呢間光猛明亮又有卡位！同fd子好鬼肚餓就衝入去食個下午茶先！QR code落單好方便！. ✨ 牛油皮蛋撻 $14@叫咗兩個熱辣辣嘅食住先！個曲奇餅底幾脆又香牛油味！. ✨ 芝士西多士 $36 (下午茶跟餐飲熱朱古力)邪惡之選！又咸香芝士拉絲又煉奶又牛油！趁熱食幾正！但杯Hot Chocolate揀咗加煉奶過份甜得滯！. ✨ 金記生炸雞翼配沙律 $40 (加配$20上品人蔘雞湯＆跟餐熱鴛鴦) 係懷舊風味嘅生炸雞翼香脆惹味😋Be好鍾意！ 沙律就普普通通！而個人蔘雞湯都幾足料夠火喉！杯鴦幾香濃👌👌. ✨ 咸牛肉蛋菠蘿包餐 $28 (加配$15黑牛) 個菠蘿包幾出色！脆脆面層+鬆軟包包襯埋咸牛肉炒蛋！絕妙配搭！仲有久違了嘅兒時最愛「黑牛」😍爽😍. ✨ 無骨海南雞油飯套餐 $68(加配$3凍奶茶) 雞肉頗嫩滑…但可能被分配嘅位置唔係靚位…差咁啲😅) 跟配嘅老火湯同油飯一齊食相映生輝！同埋呢度嘅凍奶茶係唔錯！. ✨ 四川重慶口水雞套餐 $65(加配$3凍奶茶) 雞肉有啲嚡比較難咬…但啲麻辣好過癮…惹味兼香得嚟又唔太辣…送白飯食就啱哂！

金記冰室 （ 觀塘Two Harbour Square）#餐廳裝修新穎,充滿時代感,非常光猛,座位闊落,客人有私人空間。1）自選小菜兩人份量$14.8：*老火靚湯：火喉十足,不落味精,湯底入味而鮮甜。*白飯：粒粒分明,有口感。*兩款小菜：霸皇雞及西蘭花炒虾仁。*霸王雞够新鮮先,整得够味,雞肉嫩滑彈牙,肉質鮮嫩滑身,雞胸也不太嚡口,超美味！*西蘭花炒蝦仁:鑊氣十足,蝦仁够大隻,爽口彈牙,鮮味十足；西蘭花翠綠色,很爽口和清甜,配合xo醬去炒,吃起來更惹味。2）鐵板西冷牛扒$98：大大塊非常厚身,我哋叫咗五成熟,牛味濃郁,肉嫩多汁,口感豐富,吃起來有種香軟的感覺。配上黑椒汁,將牛的鮮味更突顯出來！伴碟的薯菜份量也非常多,底部鋪滿薯條,非常飽足。3）奉送飲品：細滑蛋白杏仁茶$28：很滑同埋有香濃嘅杏仁味,加入新鮮得蛋白,口感更滑溜,喝下去一股杏仁嘅味道從口中散發出來,令人難以忘懷。

相約友人下班後到這間餐廳用餐。明亮的招牌在漆黑的地方中特別亮眼，內裏主要是傳統冰室的卡位。店內設男女共用洗手間。餐廳以QR Code點餐，點餐後，店員很快便送上食品。煎雙蛋($20)，可選炒蛋或太陽蛋。這款是太陽蛋，蛋白非常嫩滑，直挺蛋黃非常新鮮，加入飯吃甚佳。我向友人極力推薦這裏的蛋白杏仁茶($28，套餐加$10)，多點一杯給友人。友人最𥘉不太想喝，後來才喝了一口，便說很好喝。當喝下一口時，非常香的杏仁香氣便會在口中散發開來，內裏還有一個厚蛋白，是有點厚度的滑溜。無骨海南雞套餐($68)，配油飯、飲品及老火湯。看到鄰座也點了一份。油飯在口中回滲油香，配海南雞吃，我喜歡油飯多於白飯。老火湯是蘿蔔西洋菜湯，紅蘿蔔和青蘿蔔都非常軟稔，湯底入味，很喜歡這裏的老火湯。海南雞非常嫩滑而帶油香，份量足。金磚風沙炸豆腐($63)，長條狀的豆腐外脆內滑，不會過鹹，份量很大，但我和友人還是吃完了。友人點的鐵板西冷牛扒($98)，配蒜茸汁、薯菜、飲品和餐湯，非常抵吃。以不到一百元的鐵板餐來說，這款西冷牛扒超過我們的期望。西冷牛扒份量大，薯條香脆，倒上旁邊的蒜茸汁，頓時變得非常香郁。抹茶紅豆特飲(套餐轉配+

突然好想吃菠蘿油，見到金記就入去食盛惠14大元送到黎時個飽室溫，舊牛油就凍，完全唔掂第一次食菠蘿包是連埋麵包紙，個飽硬挖挖又痴實哂張紙，好唔掂。唔好浪費金錢同quota

因為有事去附近，經過呢間，有2個排緊隊，唸住好快，照排，點知都等左10分鐘，期間見有啲人入左去，又唔似外賣🤨用qr code點餐，湯好快到，好熱茶走都好快到。奶茶控，每去一間新既茶餐廳，點都會試下奶茶飯點了炒飯，但唔知點解俾左咖哩⋯仲要同一碟拎左幾次俾我，都話唔係咖哩囉😑正正常常既炒飯，唔油，都唔錯既。最欣賞係杯茶走，少甜，茶味濃，忍不住飲曬成杯見隔離枱癰冰鎮奶茶，下次可以試下服務差啲，食物ok, 奶茶最好

轉左新工半個月，公司附近都有間平時食開既「金記冰室」，午市通常好多人，估唔到因為要OT 就有機會落黎試下因為預左今晚有排無得走，又等緊個email先做得野，阿姐就叫我地不如食飯先六點零鐘呢個時間少人d，坐位好夠闊唔似一般茶記又窄又逼二人套餐好抵食，$148可以揀兩餸，包湯包飯包熱飲鐵板餐都好吸引中湯係西洋菜湯，好夠味！羅宋湯唔會死咸，飲完好開胃QR code自行落單好方便，要咩汁、汁另上、配薯菜全部自己禁就得鐵板什扒好豐富，腸仔、煙肉、西蘭花，豬扒牛扒雞扒好大塊，個底重舖滿薯條三塊扒質素唔錯，睇相都睇得出煎得好靚，肉質唔會乾爭爭椒鹽豬扒我平時都必點，今次推介比同事佢地都讚口不絕豬扒夠淋又入味，蒜又夠多，炒得夠乾身夠鑊氣但豬扒又唔會乾柴柴沙薑雞例牌肉質偏淋少少，沙薑味好香濃，好惹味另外重打包左個粟米魚柳飯比事業心重唔落黎食飯既同事打開盒聞到好香，同事話好味金記係少有連鎖得黎又保持到穩定質素既冰室！價錢經濟之餘，味道亦見得人靠得住！

放工行過嚟 Two Harbour Square嘅金記冰室，又可以撐枱腳囉今次我哋再叫二人餐，$148 好抵食呀～嗌咗粟米魚柳同XO醬蝦球炒西蘭花椒，仲有椒鹽豬扒。粟米粒嘅芡汁加埋香煎魚柳，外脆內軟，我哋要追加多碗飯呀～而椒鹽豬扒有淡淡嘅椒鹽味，豬扒炸完仲有肉汁架，唔會好乾身，香脆惹味！食咗咁多肉緊係要有返碟菜啦，少少辣XO醬再炒西蘭花，夠曬爽口～差啲唔記得仲有雪糕紅豆冰呀，紅豆同雲呢拿雪糕嘅組合，係夏天嘅好朋友，大大粒煲到軟身嘅紅豆，又甜又凍 YUMYUM

喺觀塘返工，真係成日都經過呢間冰室，但係就真係冇食過，今日終於同個朋友過嚟試吓佢個午餐！其實呢間冰室都幾出名，因為喺唔同地區，都有好幾間分店，可能你都已經聽過佢呢間分店嘅存在安排入咗之後，其實我哋嚟到都已經屬於下午茶時段，所以可以叫下午茶嘅餐牌又得，或者叫返正常餐牌嘅嘢食又得，依家越來越多餐廳用掃QR code，喺電話自助落單嘅形式等客人可以自己order食物，呢度都唔例外，其實都幾好，因為夠晒方便，又唔使麻煩，一落單，廚房就已經可以製造食物飲品方面，我哋見到有呢個冇冰奶茶，淨係將啲冰喺出邊放咁樣，所以令到成杯奶茶更加完美，更加香濃，有呢個就梗係揀佢啦！所以啲奶茶飲起嚟真係非常香濃奶又夠細滑，係好唔錯嘅奶茶果然，成日都真係好快送到俾我哋，除咗頭先兩杯奶茶，今日佢哋叫咗呢兩個主角，分別係左邊嘅 XO豬扒炒公仔麵及右邊嘅 惹味黑椒牛舌粒炒飯，呢兩款麵飯，都可以講係佢呢度皇牌推介之一先講呢個XO醬豬扒炒公仔麵，大家見到佢嘅賣相都幾吸引，整體嘅份量都幾多，除咗面，豬扒講緊可能都起碼有10件，佢可以自己一個人食嘅話，基本上呢一碟都已經夠晒飽公仔麵嘅味道同口感都非常好，重點係煮得唔會太油，而且炒得