金記冰室 (Two Harbour Square) (已結業)

下午茶明明就話去到6點鐘 55分打去叫外賣已經話無 餐牌講到明下午茶做到6點 無講明cut單時間 跟足你地條款寫明既話 咁應該6點都可以叫下午茶啦 55分已經唔比叫 仲叫我叫晚餐 我堅持要叫下午茶仲cut我線 呢啲咩服務態度！一個餐廳呀姐就可以幫公司提早5分鐘cut 單 咁公司都唔洗寫明做到幾點啦 你地餐廳自己決定得啦 唔洗寫出黎啦 以後你地要早5分鐘cut單就唔該寫清楚 唔係我會覺得係你地分店自把自為 我諗要問一問你地總公司 係米早5分鐘cut單 呀姐又係米可以早啲決定唔做我生意仲cut埋我線!

駕車外出吃晚餐，餐廳附近有時租停車場，車位寛敞。餐廳裝修新淨間潔，卡位寛敞。顧客可用手機落單，簡單方便。海南雞半隻118元，雞脾肉嫩滑，雞胸肉不柴，美味。魚香茄子魚柳煲65元，香噴噴，咸魚粒炸得香脆，茄子新鮮，魚柳肉滑，惹味。韭黃蝦球炒滑蛋62元，蝦球大隻爽口彈牙，滑蛋剛剛熟，炒蛋時間掌握得很好，韭黃有助提升味道層次。加15元有白飯、中湯和熱飲品，味道正常。綿滑蛋白杏仁茶29元，又香又滑又甜。總結：抵食美味。

疫情關係，餐廳8:30閂門，7:45先入座吃晚飯，趕緊下單。叫左焗豬扒飯及蛋白杏仁茶。杏仁茶先到，味道恰到好處，有杏仁香，蛋白份量亦夠，只是未於凝固前打散蛋白，以至成了大塊蛋白，與烚出嚟蛋白無異，但有口感。焗豬扒飯，豬扒為厚切，略煎，但不算入味，配上洋蔥鮮茄，味道不算太濃，如飯能炒底更好。最後是咖啡，不是一般茶餐廳咖啡，沒有酸味。

原來假期的金記冰室都很多人， 兩點半後可以叫下午茶餐，欖菜雞粒炒飯＋茶走$42、 招牌鮮牛肉即食麵＋ 雙蛋油多＋茶走$49。 欖菜雞粒炒飯主角當然是欖菜， 靈魂所在令到整碟飯更惹味， 但份量比較少。 招牌鮮牛肉即食麵個人感覺沒有特別， 薑絲有幾條，味道幾香， 但整碗即食麵的湯底好淡， 即食麵質感偏硬， 牛肉又沒有特別， 太陽蛋有燶邊， 煎得幾靚， 牛油多士的牛油很少。茶走 味道偏淡，茶味濃會更好飲。我見到好多人叫銀芽肉絲炒麵， 下次我要試下先。

中午路過見外表唔錯，即刻去試下！人都幾多，好彩我一個人，搭枱就馬上有位！Set lunch有5款左右，有一款係素食既，幾特別！點左午餐C既菠蘿腸仔豬扒飯，個餐同間餐廳一樣，外表都唔錯，但係食落覺得一般般。豬扒比較薄，無咩口感，汁又少，送唔到飯，哈哈，都好？迫自己食少d飯例湯好細碗，隨便飲下都ok, 裡面有少少湯料，但係唔知係咩....咖啡飲到個底突然好多奶，我記得有攪過架喎.... 午餐好似麻麻地，下次揾機會試試下午茶吧！

之前經過金記冰室，佢仲裝修緊，今次見到外賣平台有呢間舖頭，就即刻試吓先。佢menu上面選擇唔算好多，自己比較想試焗野/常餐，常餐好似間間都差唔多咁，所以試咗焗炸雞髀飯，本身想叫焗豬扒飯，但貴幾蚊所以叫咗炸雞髀😂同埋平台有折扣優惠，滿指定金額八折，不過焗野就唔包嘢飲，可以另外加不過10幾蚊，呢個飯折左$62，冇野飲。雖然係外賣送到Office，但係仍然係好熱，雞髀係生炸，好耐冇食過，味道唔錯，茄汁同芝士都幾好，酸度甜度適中，我覺得好食過連鎖店大x樂啲個焗飯，值得推介。

鮮茄炆黃花魚配白飯，表面鋪滿蕃茄、香蔥、洋蔥，黃花魚口感外脆內嫩，肉質鮮嫩滑身、肥瘦適中，醬汁味道酸甜。XO醬蝦球炒西蘭花，蝦球口感爽彈，味道鮮甜，XO醬味道惹味，西蘭花口感爽脆，味道清甜。新鮮菠蘿咕嚕肉，咕嚕肉口感酥脆，味道正宗、甜酸開胃，常見配料包括有三色彩椒、洋蔥、新鮮菠蘿，令口感更加豐富。金記炸雞翼兩隻，即叫即炸，口感脆口，肉嫩多汁，表面灑上椒鹽，味道簡單、香口。金粒西多配雪糕，西多士一口一粒，口感外層金黃香脆、內層鬆軟，配以香草味雪糕、朱古力醬食用，冰火交融，味道香甜。綿滑蛋白杏仁茶，蛋白口感滑溜，杏仁茶味道濃厚，口感幼滑。朱古力，味道濃香、甜度適中。

早排喺觀塘近海旁邊做完嘢🌊就同幾個 friends 去咗金記冰室食晚飯👭🏻👭🏻.四川重慶口水雞套餐(配白飯及老火湯)🐔口水雞好大份😍醬汁辣得尼帶少少麻🌶花生碎🥜芝麻、芫荽🌿食落更香口😙一啖雞一啖白飯就最正😋.海南雞套餐(配油飯及老火湯)🐓海南雞起咗骨，食落啖啖肉☺️肉質大部分嫩滑，雞皮唔會太肥膩😌點埋附送嘅醬汁、薑蓉一齊食好正😬油飯聞落啲雞油味好香🤤仲有一細份嘅花生🤗.金磚風沙炸豆腐🥢長方形嘅豆腐炸到外皮酥脆內軟🔥表面沾滿椒鹽炸蒜🧂🧄惹味可口.羅宋湯(2 客)🥣味道濃郁，配料好足👍🏻有西芹、紅蘿蔔等🥕.黑牛🖤朱古力雪糕加可樂🍫懷舊飲品😉.白雪公主🤍👸🏻雲呢嗱雪糕加雪碧🍦同黑牛類同😝同樣都幾夾

今日又再次食呢間金記，見到佢地防疫措施好充足，相對上都比較放心! 時間上岩岩好搭住下午茶同埋晚餐，所以我地食到多少少野!!鹹牛肉炒蛋軍艦個包烤得好脆身而且鹹牛肉量多又唔會太咸，加上炒到好滑既蛋同埋醬汁一齊食層次感十足，好豐富!炸脾配西多呢個基本上係茶餐精華，炸脾夠脆而且仲保留到肉汁完全唔乾!西多岩岩好又唔會太滯，牛油同埋糖漿比例都適中!鮮茄焗豬排飯呢個又係茶餐，但份量都唔會好少。茄汁調味後好惹味同埋開胃，配合埋軟淋既豬排食味道上好夾。飯亦都有炒過所以幾香口!肉餅山蒸蛋配白飯蒸蛋好滑同埋蛋味濃，加上少少鼓油調味岩岩好! 肉餅山比想像中矮不過肉質非常嫩而且新鮮，送飯一流!

平時12:30落去買外賣, 1:00前一定得拎走. 今日等咗差唔多45分鐘.明明見到好多係我地後面既order. 但係都早過我地有得拎. 仲要個啲單多數都係一次過order 5個餐以上的大單. 我同班同事一個個既order. 就出晒佢地既大單先慢慢出. 都係覺得好食 先黎買外賣. 無諗過咁換黎一肚氣. 咁唔受尊重.

今日回公司工作後，同事提議到樓下金記冰室下午茶...可能近期是疫情關係，平時lunch 或下午茶時段也要排長龍⋯⋯今日居然只有2-3人在等候，所以不用等太久，但冰室仍然是滿座😶羅宋湯通心粉配滑蛋牛油多士...羅宋湯很濃郁，料很足！通心粉不太淋有咬感👍🏻滑蛋很滑牛油多很重牛油味又夠軟熟奶茶夠滑又香濃，茶底很好👍🏻深海吉列魚柳配薯菜，魚柳夠香脆但可惜細條🙈🙈🙈蛋白杏仁茶真係很滑和很香濃杏仁味不是一般杏仁粉加水，又有新鮮蛋白..又滑又有口感！😋😋

今日中午放工後自己一個人去咗食午餐，諗唔到食乜好，於是入了這間茶餐廳，打算快快趣趣食完返屋企。話明快趣，梗係叫常餐啦。先講個沙嗲牛肉麵，佢啲牛肉都係同一般茶記一樣，用梳打粉「嗱」過，不過啲沙嗲汁反而幾香，個麵係ok的。跟住到杯凍奶茶，正正常常，不過偏甜。然後到份炒蛋，份量係幾多，我食蛋慣咗加啲鹽，不過佢包鹽就黏埋一齊，落唔到。反而最意想唔到係件多士，啲多士邊完全唔硬，塊飽幾軟身，同埋甜甜哋，食落去有似丹麥多士，再加上夠熱，唔似其他茶記一樣，喺塊飽上啲牛油都幾多，下次可以去試吓啲飽類食品。

平時一到午飯時間就有很多人在金記冰室門口排隊， 畀我咁好彩經過附近見到不用排隊， 快快手入去食午餐。 落單用q r code好方便， 餐具是即用即棄， 疫情之下令到客人食得放心。 今次點的午餐是夏威夷菠蘿豬扒腸仔飯＋ 羅宋湯＋凍奶茶$56。 豬扒口感軟腍有肉汁， 配菠蘿腸仔， 絕對是老少咸宜的。 芡汁方面就唔太識形容是什麼味道， 又唔使燒汁的味道，羅宋湯幾好飲， 好多料好濃。整體是一間正常的茶餐廳， 下次我會再試下其他菜式， 其實都幾好呀，午餐又多一間選擇了。

這次在觀塘工廈工作完，想買外賣回去吃吃，期間看到這家就決定買外賣了。這家的下午茶性價比不錯，而且挻大份🤭，所以就跟朋去買吧🤣。這分店位於觀塘偉業街Two Harbour Square地下，鄰近海濱公園和觀塘碼頭，買完外賣去搭車回去最好不過🤭。店舖分為用餐區和外賣區兩邊，外賣區還有蛋撻和麵包售賣，看到價錢不貴。💥芝士焗肉醬意粉 HKD$39💥鮮茄濃汁焗豬扒飯 HKD$45💥炸雞翼沙律 HKD$34💥凍奶茶 HKD$3 / 熱蛋白杏仁茶 HKD$0 (跟餐價)靜靜很喜歡這家下午茶點鮮茄濃汁焗豬扒飯，因為味道鮮茄味道濃郁又多汁，賣相也不錯呢。豬扒有兩塊肉質腍身，這個飯很大份，可以吃到很飽🥰。這次另外點了一個意粉和薯條，味道也不錯🤭。意粉有很多汁和肉醬🤤，意粉口感軟硬適中也是可以吃到飽飽的，吃飽之後再飲杯飲品最好不過🤤。

政府最新公佈，晚試六時後禁止在餐廳堂食放工後很少很少會煮飯的我倆, 當然在外邊買外賣會是最方便快捷的放工又搭船來到觀塘, 立即去買個外賣就乖乖聽政府話, 回家抗疫其實六點有很些餐廳都唔開門, 眼起最近碼頭的那楝新商廈還有幾間餐廳是有做生意的再望望門口的餐牌嘩....比佢呢個"飲食連環賞"吸引住, 個二人套餐真係好抵$132包1 菜1肉1飯/炒河, 仲有例湯及飲品諗都唔諗就要呢個啦~因為都多人買外賣, 所以都等了大約15分鐘, 其實都正常嘅Yeah, 回家立即有得吃今朝太匆忙外出, 忘記自備食物盒, 所以呢d食完後我都有洗乾淨再用有橙有綠, 菜很清淡很健康, 啱我平日少油鹽嘅口味鮮菠蘿咕嚕肉, 肉多且沒有多餘的肥膏, 酸甜度剛好, 咕嚕肉的皮還有少少脆口添加了適量洋蔥同炒, 好惹味~揚州炒飯都多料架, 蝦仁有一圓硬幣咁大, 仲要爽口二人套餐真的很優惠, 兩個人吃啱啱好回家吃的好處是可以睇住電視慢慢嘆不過下次我會記得自備飯盒, 唔想地球咁多負擔