金記冰室 (Two Harbour Square) (已結業)

超級老字號「金記冰室」！原來唔經唔覺已經過左50年歷史😲觀塘新開左間金記冰室，開左幾個星期，lunch time 一直都排晒隊食唔到，今日晏左食飯，條隊終於短返啲，等左5分鐘就有位了😪一坐低就聞到隔離枱碗冬蔭功好香，我忍唔住又叫左碗😂，再加左杯「無冰奶茶」🤔見個名咁得意，所以就叫黎試下😂而我同事就叫左「日式雞扒飯」😎落完單唔夠5分鐘啲野食就到了，新開張黎計，上食物速度都算快👍🏻🔹冬陰功蝦球魚蛋米：一上枱就已經聞到陣好香嘅冬陰功味，湯底色水睇落都唔錯！啲配料都好足，有三隻大蝦🍤，蝦係絕對新鮮，食落唔係霉嘅👍🏻最正係仲有幾粒豆卜配比你，豆卜索晒啲冬陰功湯🤩真係超正🤤🔹「無冰奶茶」：其實就即係太興嘅冰震奶茶，只係個名唔同，飲落都係差唔多水準，下午茶餐加$5都算抵飲👍🏻🔹日式雞扒飯：正常水平，日式燒汁本身餸飯就一流，所以叫呢啲一定唔會中伏😆不過之前都去過好幾間「金記冰室」，好鍾意佢嘅懷舊裝潢☺️但新開呢間竟然冇😭有少少失望😞如果大家會去試的話，記得用自助落單，會有95折😎評分味道：4/5服務：4/5環境：3.5/5性價比：4/5回頭率：4/5

禮拜日朝早諗住去食早餐，去到話要用QR Code嗌餐有95折。咁我就用QR Code, scan咗入到網站咩早餐都無，又顯示夜市晚餐。同經理講左之後又冇解決問題。咁我就索性只係點咗菠蘿油餐 ( HKD 40 )。之間嚟錯單兩次。唔緊要，菠蘿油，嚟到冇油。加咗油，食入去，兩個字 - 垃圾。皮唔脆，菠蘿包無味，塊牛油又細，又薄。單嗌個蛋撻，皮又唔脆，完全唔知食緊乜嘢。最後食完呢啲就即刻走人，唔想影響心情。張單HKD60。