金記冰室 (Two Harbour Square) (已結業)

講左飲品先，荷蘭唂咕: 啫係朱古力，但係係好苦既朱古力，個人中意甜野，所以唔中意尼個黑牛: 朱古力雪糕+可樂，但雪糕好快溶☹️，味道ok雪山雜果冰：雲呢拿雪糕加雪碧，但呢個雪糕竟然冇咁快溶，我中意尼個多d西多配雪糕 簡直係一流，甜到啱啱好👍🏻蕃茄魚有啲腥風沙炸豆腐，脆皮，但豆腐唔夠味但外面嗰層有夠鹹，所以夾埋都OK口水雞，好食，夠辣，份量多😋海南雞，偏淡羅宋湯同埋咕嚕肉水準正常，可以一試雞翼普通🍗

今日去咗牛頭角附近，咁岩見到開咗間金記所以就試下，相比起食物，呢度既服務一樣咁出色!太肚餓既關係我地都點咗好多野食，有焗豬扒飯、黑椒牛舌炒飯、一個菜同埋風沙豆腐。焗飯本身都好大個，茄味好濃而重點係塊豬扒勁大塊又有肉汁唔會好乾，一路食一路都覺得好正，同快餐店既真係冇得比! 至於黑椒牛舌炒飯就更加有驚喜，飯身炒得乾身粒粒分明，醬油調味岩岩好，牛舌既牛味比想像中濃郁而且彈牙，加埋炒飯一齊食好正!叫套餐可以半價加一個芥蘭苗，份量都好多，芥蘭苗新鮮冇草青味，加咗少少蠔油已經好好食!風沙豆腐之前食過好正，今次再叫都一樣好食，豆腐本身好滑再加埋炸過既外皮同埋蒜粒辣椒粒，層次好豐富同埋惹味，搞到好想飲返杯啤酒!!呢到既經理好nice，下屬做錯野佢唔會即鬧，又會叫佢地加多句新年快樂等人開心D，呢種態度真係好少有，成餐飯都食得好開心!

This traditional hk restaurant with a modern twist is absolutely my favorite when it comes to local style quick eats. Not only the quality is good, the service line up with it too. My personal favorite to order here is baked tomato 🍅 pork chop rice. However I decided to try something else today and ordered their salted pepper tofu and also egg while almond milk drink as the weather has been quite cold recently. wow! There are a lot of egg white inside the drink, very smooth and not too sweet, it

一新博物館講座，令我有機會經過此街，與他有個約會。唔等下午茶，不想炒碟麵飯，揀金記三文治，$42，即公司治，不包飲品，烘多士，一層厚餐肉~不油、香，厚煎蛋~滑，二層火腿生菜蕃茄沙律醬~薄，新鮮，以為無雞肉，再咬入的，都有的，口感多元化，肉熱、蛋滑，菜爽，茄甜醬酸甜，包脆香，其實滿意，如果多士厚身些更好！蛋撻$6，皮鬆化，厚度不大，蛋香欠小小，蛋漿深度較淺，較喜歡敏華蛋撻$7，深度及蛋香多些，但皮淺薄。滿足，座位舒適，玻璃外牆，陽光透入，舒服，跟住去一新，滿足中國文化好奇。

又要OT😭😭近近地食下野醫飽個肚先繼續做🙄叫了兩樣小菜同白飯～金銀蛋莧菜因為成餐飯食咗太多肉同飯特登叫我清淡嘅菜消制下腸胃之選！菜嘅份量都好多味道剛剛好。金沙豆腐佢係平時食開嘅椒鹽豆腐咁樣，剛上碟炸得好香脆絕對係送飯之選原來呢間分店嘅金記冰室係好先進，已經係率先採用用手機數QR code落單嘅程序過程方便快捷，係繁忙時間，完全唔需要等服務員嚟到先落單，對於我哋繁忙都市人來講絕對係一大好消息！😃

放了一個長假，身心都得以放鬆，可惜回港後便要馬上投入工作。忙了一整天，下班後已經累得筋疲力竭，實在沒心情做飯，老公提議不如在外邊吃個便飯才回家，免得大家操勞。為了遷就他上課的地點，特意選了觀塘這間新開的「金記冰室」，由港鐵站行過去都只是 10 分鐘路程，十分方便。店舖位於偉業街 Two Harbour Square 地下，門面以落地玻璃作設計，透過玻璃晌外面已見到內裡頗大，感覺開揚。甫踏進店，環境非常舒服而且光度十足，樓底雖然不算很高，但完全沒有壓迫感。餐牌印刷得很精美，圖文並茂，而且內頁更有「金記冰室」的歷史簡介。至於菜式方面，項目就包括有：精選晚餐、中式小菜、雞不可失、鐵板套餐、歐陸餐、金記冰室餐、特別推介、港式沙律、香港情懷精選、香港地道特色、泡飯系列、秘製咖喱、1967 焗製、大廚快炒、港味粉麵、三文治與多士、港味小食及一系列飲品等，選擇非常豐富，包羅萬有。餐廳採自助形式落單，客人只要拿起手機掃瞄檯上入座紙的 QR Code，便能直接進入網頁介面，按喜好選擇食物，全程毋須經侍應人手，快捷方便。 老公愛吃肉，點了鐵板西冷牛扒 ($88)，而我就揀咗海南雞套餐 ($65)，另外再加

觀塘偉業街再多左一間金記，是日就來試下。新裝修，光鮮嘅店面，裏面環境亦舒服。而佢係採用QR Code點餐，環保之餘落單亦快捷唔會漏單有錯，其實值得愈來愈多餐廳仿效。乾炒牛河落單嘅時候可以選擇少油，炒得夠獲氣，牛肉食落唔會靭，份量也不少，而河粉唔會好油膩，够惹味，值得試。海南雞叫左半隻，加$10有油飯同湯，飲品亦有半價優惠。雞肉肉質非常嫩滑鮮味，有雞味，雞皮脂肪並唔多，蘸上醬料，好味。油飯，啖啖黃油香味，同海南雞味道好夾。湯係老火湯，但飲得出味精唔多，仲有花生，非常豐豐。金磚風沙炸豆腐炸豆腐切成長方形，外層炸到鬆化可口，沾滿香蒜、椒鹽等，絕對惹味，內裏豆腐非常滑溜，外脆內軟，正！無冰奶茶 奶茶香味好濃郁，以冰塊盛載，茶底香濃，滑度十足，唔會好甜。鹹檸七跟餐加配關係亦有半價，又鹹又甜嘅飲品，開胃之餘又解渴。PS. 當晚有一黑色男年輕待應，應該係小主管吧，有幫忙帶位，佢嘅服務態度值得稱讚！

放工後約左舊同事食飯，又嚟到觀塘區覓食😬天氣轉冷大家都想叫餸食飯，所以就入左嚟試下。～-估唔到冰室而家都咁先進，用QR code落單😂金牌乾炒牛河 ($55) 🌕🌕🌕🌕🌗好耐冇食乾炒牛河，點左依度其中一款推介試下。河粉上色均勻，有穫氣唔會炒到碎哂，牛肉亦嫩身仲好大塊，不錯不錯。-金磚風沙炸豆腐 ($65) 🌕🌕🌕🌕🌕豆腐即叫即炸，面頭有麵包糠同炸蒜，數過有成十二至十三舊😱外脆內軟滑，就算齋食唔送飯都唔會過咸，果然係必食推介👍🏻記住趁熱食呀！-欖菜肉鬆四季豆($61) 配白飯及老火湯 (+$15) 🌕🌕🌕🌕🌑本來諗住佢會偏濃味，所以加左白飯同老火湯。點知欖菜唔咸仲好有咸香味，四季豆炒得偏淋身，愛麗絲本人比較喜歡爽脆口感🙈肉碎拎嚟送飯，剛剛好😋另外老火湯應該冇味精，飲完都冇覺得口渴😀-金粒西多配雪糕 ($40) 🌕🌕🌕🌕🌕 西多超級鬆軟，配埋雪糕，冷熱夾攻味蕾，真係好想encore😂😂-黑牛 ($14) 🌕🌕🌕🌕🌕嚟得冰室當然要嗌番杯懷舊飲品黑牛啦～-奶茶 ($12) 🌕🌕🌕🌕🌕奶茶滑身，茶味濃，連本身不好奶茶嘅愛麗絲都飲左幾啖🤪-晚餐食過幾間冰室/茶餐廳，金記冰室可以話係幾滿意，唔單止

今日去左觀塘行街，行到攰攰地搵左一間茶餐廳食個下午茶。我見到金記冰室馬上就入左去啦，原來觀塘開左一間新分店。金記冰室既分店非常多，食物質素都有保證。我入到去馬上點左一杯冰鎮奶茶，茶底濃厚，奶香茶滑。我再叫左一個咸牛肉蛋菠蘿包。好耐無食過菠蘿包，見到有我最愛既咸牛肉，就叫個試下啦！菠蘿包微暖香脆，中間麵包好軟熟，餡料好豐富。我未飽叫多左一個咖哩雞排飯，咖喱原來分開上枱。雞排極香脆好驚喜，咖哩汁味濃好滋味。

九龍東觀塘區 近海皮一帶 近年來都有不少新成落的商業大廈, 有新 大廈, 就自然有人流, 就自然有新餐廳。 今次去咗 近觀塘碼頭的金記冰室， 餐廳正正位於新落成的 商業大廈， 雖然佢賣的食物只是茶餐廳的食物，但樓底高坐得舒服，自然不在話下， 完全不像舊式 茶餐廳 。海南雞套餐65 海南雞套餐包雞油飯，包湯。 是日老火湯 番茄煲薯仔， 味道不過不失。海南雞賣相幾靚仔 ，雞肉份量也不少， 皮下冇乜脂肪。 雞油飯也做得不錯， 個人喜歡加入醬油一齊食。 金牌乾炒牛河 河粉上色均勻就知廚師炒功了得。 味道帶住濃濃嘅老抽香， 牛肉鬆化， 河粉又唔會黐埋一舊。不錯。 下午茶 45蚊連埋熱飲， 當然要叫依度出名嘅熱奶茶， 熱奶茶茶香濃滑， 集色香味於一身。 來得茶餐廳當然要叫茶餐。 今次就叫了 羅宋湯通粉 配香滑炒蛋及牛油多士 。 炒蛋顧名思義炒得非常香滑， 而且蛋味香濃。 羅宋湯通粉大大碗， 有牛肉味， 蔬菜份量也多 ，並帶少少辣， 惹味! 凍檸茶 跟餐叫了凍檸茶， 檸檬俾得多， 確係現今香港茶餐廳少見。梅菜扣肉 配白飯及老火湯 15 另外又叫了梅菜扣肉， 配白飯和老火湯只是加15

裝修良久的觀塘新分店終於開張喇！光鮮的店面十分搶眼！店內同樣光鮮整潔明亮！但食物的價錢依舊大眾化！新店採用QR Code自助點餐，餐牌分類清楚，點餐後不用5分鐘，食物就陸續送到面前了！Order了兩個Set。四川重慶口水雞套餐 $62配白飯、中湯和飲品，只售$62，也太實惠了！口水雞小辣超麻，勁香口！最重要係，啲雞件超級滑，就算係雞胸都一樣滑，煮到啱啱好，十分出色，推介！綿滑蛋白杏仁茶 跟餐半價 $14就咁飲都OK，但配埋口水雞有奇效，可解辣解麻之餘，仲格外甜美！XO醬茄子炆黃花魚 $92估唔到係原條開邊上，容易起骨，非常方便食客，仲送餐湯！咸檸7 跟餐半價 $13又咸又甜的特飲，很開胃又解渴！金粒西多配雪糕 $40即叫即炸，西多粒點煉奶同雪糕一齊食，冰火口感，甜到入心！

今日同媽子心血來潮利觀塘海濱，點知行到差唔多海濱先發覺原來我地2母子都未食野，好彩附近見到間"金記冰室",可以醫下肚，唔駛行番轉頭，間金記都幾大間，好光猛唔講真係唔知，原來金記冰室1967年已經係香港開店，果然老字號，雖然老字號，但一樣與時並進雜扒餐:有豬/牛/雞扒，塊塊都好大塊，仲要用鐵板上，配埋蒜蓉汁，真係好有懷舊風味。金磚風沙炸豆腐:係炸到金黃色既豆腐，外脆內軟，入面豆腐超級滑。梅菜扣肉:一食落去就知係自家製，梅菜唔會太咸，扣肉肥瘦適中，入口即溶。菠蘿咕嚕肉:份量好足，啖啖肉，d肉唔會拿到好淋蠔油芥蘭花:依樣真係有野要讚，唔係讚個菜，係讚個員工，一入到黎佢d服務態度已經係101分，我一開始係叫菜心苖，因為我媽話怕芥蘭硬，點知佢地話冇晒，咁我地轉芥蘭苗，上菜既時候，職員話已經特登幫你碌耐d,會淋d,一聽到，真係好窩心，依間餐廳請到依 d員工真係要好好珍惜，佢會幫你留到唔少客。羅宋湯:唔會太酸，好足料

我今日去左觀塘等個朋友收工，時間尚早於是去左一間餐廳食個tea。金記冰室，好多地方都有分店。我去左新開觀塘分店，環境好乾淨好整齊。我叫左一杯冰鎮奶茶，入口奶香重茶底好香滑。冰粒放出面，入口唔會太冰凍，又有清涼感覺。我叫左風沙雞翼，雞翼香脆香口，外層脆卜卜，內裡肉嫩夠哂juicy，雞肉好新鮮唔會有雪味。我叫多左一碟菜，最近成日出街食飯，好少食菜，見到有菜食即刻叫左。金銀蛋浸時蔬，蔬菜好新鮮，無咩渣。

今日要去觀塘開工，見到依度有間大大隻字寫住金記，原來開咗新分店，於是入去食個早餐。APM 都有一間，不過每次都要上六樓又落返地，都幾唔就腳。依度係正街口，好好多。佢同APM 最大唔同，係要你自己用手機落單，店員會比張QR CODE ，掃一掃再落，自己搞掂。叫咗豬潤麵，望真D 原來收$40，好似平過APM ，味道非常好。個個員工都好精神，少有冰室有的服務，有歡迎有多謝，非常親切👍不過有樣野要彈，留意到有好多客不停催食物未到，坐我對面個客淨係得份蛋，麵同飲品都未有，睇得出佢趕時間。之後其他枱都開始話有野未到🤔

今晚同屋企人去金記冰室食晚飯，它有好多分店，係老字號嘅茶餐廳，售賣好多懷舊美食同經典飲品。觀塘偉業街分店好闊落，我哋揀咗卡位坐。我揀咗是日晚餐茄子炆黃花魚，配羅宋湯，飲品係檸檬西洋菜蜜。老公揀咗佢最愛嘅鐵板餐燒汁西冷扒配薯菜，他大讚好食，肉味濃郁。囡囡就揀咗佢喜愛嘅鮮茄豬扒飯，我都有試一試， 豬扒非常juicy，好厚身，十分足料。炒飯底配上濃郁嘅鮮茄汁，令人胃口大開。女女揀咗經典嘅黑牛飲品，即係朱古力雪糕配可樂，又解渴又冰凍美味。本身以為星期日工廠區夜晚會冷清清，但係非常多家庭客前來。