金記冰室 (Two Harbour Square) (已結業)

個晚去到觀塘食金記冰室竟然全埸爆滿應該好好食可以用QR code落單都幾方便晚餐C 蝦醬通菜炒肉片🥬🍚 $68 蝦醬通菜炒得夠哂惹味😋肉片大塊又唔韌🐷而且通常炒通菜都會好油膩但係呢度完全唔油膩 值得一讚👍🏻是日例湯有雪耳🤤又滑又潤✨晚餐E 酸菜魚🐟🍚 $92好大份🐟🐟魚片都有好多片仲幾辣下🌶餸飯食就啱啱好加配無冰奶茶 $5無冰奶茶係冰鎮奶茶勁抵飲😝唔會溝淡奶茶味之餘 仲幾大杯金記炸雞脾 $25忍唔住想嗌果然冇嗌錯👍🏻😹雞脾炸到金黃色 ✨香噴噴熱辣辣 仲好juicy 🤤金粒西多配雪糕 $40同樣炸到金黃色😋切好一粒粒 方便易食🤟🏻

以前放工成日行海濱公園再去番觀塘站搭車番屋企，一年多冇行，原來附近都改哂，多左好多商業大廈同食肆～～😳行到倦倦地就走左入去金記冰室hea 下～～一入門口就有麵包櫃，脹卜卜既麵包好似好好食🤤～～坐低見到餐牌就俾隻肥髀相引誘左⋯⋯最後都係揀左生炸雞髀🍗拼公仔麵～～正呀，完全係茶餐廳必點之一！！另外，仲點左沙嗲牛肉軍艦🥪，黑牛🐃同白雪公主👸生炸雞髀賣相好吸引，根本就赤裸裸話我知佢好好食咁😋～～配埋火腿蛋沙律，真係茶記個隻傳統沙律，有薯仔、蘋果、甘筍粒架～overall 唔錯，只係個炸髀咸左少少🤏公仔麵都還可以，但食完個炸髀都飽飽地，下次唔駛加多個麵😂至於沙嗲牛肉就比較濃味，但正正因為咁，個軍艦入邊加左菠蘿粒粒，可以中和番沙嗲味～～麵包有烘過再搽牛油，牛肉軟淋，沙嗲醬都唔錯～～咁因為太耐冇見過特色飲品：黑牛同白雪公主😂😂忍唔住點左，如果唔係會要番茶餐廳奶茶～～而家既人都未必知係咩，其實即係汽水加雪糕！！2樣都各有各味道；白雪公主就清新，雪碧配雲尼拿雪糕；而黑牛就濃郁，可樂配朱古力雪糕～～飲完即刻解左炸髀既咸，爽歪歪呢🥳🥳

金記冰室開到好多地方都有，之前都試過APM分店，今日去搵在觀塘工廠區工作的朋友吃下午茶，先知道原來偉業街都開咗一間。金記冰室我認為係一間抵食份量多嘅港式茶餐廳，尤其喜歡佢嘅冇冰奶茶，而且佢嘅食物款式多，中西素菜都有，我耐唔耐都會幫襯，試吓其他菜式。今日同朋友一齊嚟食，就一齊食好啲，細食嘅朋友叫咗一個下午茶餐，大食嘅我就叫左一個鐵板餐，至於零一個大食朋友就叫咗半隻口水雞套餐，一個人食，認真誇張！炸雞比薯條下午茶餐：呢個餐只係30幾蚊，但份量真係好多，隻炸雞髀大過隻手掌，而且炸得勁香脆，肉又多，食完都真係飽肚㗎！薯條份量都唔少，而且仲係粗薯條，正呀！我朋友勁識食用$15加咗芥蘭苗，芥蘭苗好鮮嫩，加咗蠔油，食到唔停口。佢仲叫咗杯白雪公主，即係雪碧加雲呢拿雪糕，唔使講都知道好飲啦。鐵板三色扒意粉：呢個餐嘅份量真係唔講得少，我食完牛扒同雞扒已經飽咗九成，基本上三種扒牛豬雞全部都好林，鐵板夠熱，燒汁夠多，配白飯一流！咁多嘢食只係$82 ，我自己就真係覺得好抵食，性價比極高。另外我用搬家加咗雪山菠蘿冰，雪山菠蘿冰同白雪公主好相似，都係雪碧加雲呢拿雪糕，分別只係雪山菠蘿冰會多咗好多大粒菠蘿，菠蘿真係大

今天和朋友來到觀塘海濱公園散步，欣賞一下啟德郵輪碼頭的美景，夜晚便在附近順便食晚餐。見到原來這裏有一間新開的金記冰室，我便入來食個港式晚餐。今晚客人頗多都要，等了10多分鐘才入座。韭黃叉燒炒滑蛋韭黃和叉燒的份量較多，入口嫩滑，滑蛋炒得滑溜可口，蛋味香濃，鹹度適中，炒蛋剛好熟，還有蛋汁緩緩流出。䜴椒排骨一端上檯二就香味散發，豆䜴味道香濃，炒得入味，排骨香甜嫩滑，肥瘦適中，配有青椒紅椒蒜蓉等一起炒，味道豐富。金銀蛋浸白菜仔白菜仔新鮮爽脆，湯底清甜，可以中和一下油膩感，有鹹蛋和皮蛋的味道調味，令白菜仔富有鮮味。金記西多配雪糕西多為細粒，可以一口一粒地食，炸得香甜惹味，口感軟稔，不用配糖漿都夠味，雪糕是雲呢拿味道，奶滑香甜。絲襪蛋白杏仁茶杏仁茶是必點自選，熱騰騰，蛋白多而軟滑，入口即溶，杏仁味濃郁，香味散發。

金記冰室夠大眾化，分店多，食物選擇又多，中西合璧，水準穩定，所以我是常客。最近金記系觀塘偉業街Two Harbour Square又開分店，循例又去試下。新店系Two Harbour Square地下，門面一排大玻璃，環境開陽，內裡佈置簡單企理，座位舒適。看看餐牌，有多款港式食品和飲品選擇，如中式小菜、套餐、鐵板套餐、茶餐、焗飯、地道特色、泡飯系列、秘製咖哩、大廚快炒、港味小食和懷舊飲品等。坐下叫了金記冰室餐的仿鮑魚絲火腿通粉配西煎雙蛋及牛油多士、馬來炒貴刁、飲品綿滑蛋白杏仁茶和紅豆冰。仿鮑魚絲火腿通粉配西煎雙蛋及牛油多士是大路茶餐，仿鮑魚絲和火腿絲鮮甜煙韌，通粉軟滑，水準達標。至於馬來炒貴刁，勝在大大碟，分量十足，而且熱辣香口，用料豐富，有蝦、火腿、肉絲、蛋絲、芽菜及青紅椒等，既美味又飽肚。 飲品點了綿滑蛋白杏仁茶和紅豆冰。杏仁茶白滑細緻，杏仁味香濃，還有數塊滑溜雞蛋白，口感豐富。紅豆冰大大杯，紅豆既大粒又香甜，與花奶、椰汁等混和後，夠曬冰涼解渴。

去開觀塘海濱，夜晚又唔知食咩好，行返地鐵站嘅時候見到呢間冰室有開，而且都幾多人，就嚟試吓。⭐️風沙豆腐 招牌菜之一，豆腐好滑，外脆內軟，雙重口感，夠晒多椒鹽同炸蒜。⭐️海南雞半隻多肉美味，鹹度適中，送飯一流。⭐️金銀蛋時菜好驚喜佢用湯碗裝住，因為好多湯，估唔到啲湯唔係味精湯，飲落幾清甜，而且份量都算好多。⭐️鮮牛肉羅宋湯烏冬一次過滿足晒三個願望，又可以食牛肉有可以飲羅宋湯，又可以食烏冬。不過如果牛肉嫩滑啲就更加好。⭐️蛋白杏仁茶冬天飲番杯暖粒粒嘅杏仁茶，好舒服。夠晒杏仁味，又唔會太甜，唔肚餓淨係飲番杯都好正。⭐️黑牛兒時回憶，朱古力雪糕加埋支裝汽水簡直絕配。另外好先進嘅係可以用手機點單

觀塘本來已有金記，最近又有一間新開金記冰室，位置在偉業街，附近比較多辦公室。QR code落單，方便自己，而且唔怕落錯單。晚市有小菜供應：海南雞套餐（$65）：雞肉大件啖啖肉，配油飯一流；雖然少左辣醬，但都有薑蓉醬及甜豉油。拍薑菜心炒牛肉（$58）：夠薑，菜心都算嫩，牛肉冇犯茶餐廳通病，冇落太多鬆肉粉。椒鹽豬扒（$63）：有鑊氣，炸蒜好香，好好撈飯的一味餸。粟米魚柳（$61）：一樣好好撈飯，因為有我最愛嘅忌廉粟米汁！小菜加$15跟餐後，飲品半價，更抵飲！呢度仲有奶茶、蛋捲可以外賣！

近排出親街都食西餐, 悶悶地個冰室癮又起, 今晚就同媽咪係官塘食金記知道有幾間分店而且仲成日經過銅鑼灣個間但就一次都未食過, 原來依度點菜可以用qr code, 係手機慢慢揀, 方便~原本想食鐵板餐嘅但係點知牛扒已經賣曬 ,好彩晚餐都有個板燒肉眼扒, 不過就係配白飯嘅 如果可以揀薯菜就更好啦! 肉眼扒連飯係用碟上嘅, 又大塊又厚身而且夠軟腍, 最緊要係無overcook, 切出黎都係5至7成熟, 冰室做到咁既質素確係唔錯另外媽咪話見到隔離枱碟雞好吸引, 就一於叫隻霸王雞食! 推介之選~ 首先賣相討好, 葱同椒絲係黃油雞上面, 完完整整砌返成隻雞出嚟, 冇偷工減料雞皮立立令, 雞肉肥美好多肉又嫩滑, 我同媽咪都好中意依碟雞!本身唔知道西班牙咖啡係咁樣嘅, 只係純粹想飲咖啡~ 點知泥到個樣原來係咁吸引嘅! 上面係軟滑嘅忌廉, 入面仲有一球雪糕, 咖啡味道重幾濃郁添! 超好飲! 跟餐仲可以有半價, 依杯嘢真係值得一試

早前女朋友上網睇到係觀塘海濱公園係打卡熱點，就操控咗我過去同佢散步。行咗一個來回大概兩公里之後， 有少少肚餓，諗住去附近搵食，但係都係見到飲咖啡嘅地方比較多。諗住行返出去觀塘市中心搵食嘅時候，就見到一間金記冰室，我哋帶住疲累嘅身軀同埋空蕩蕩嘅肚仔走咗入去，身為地道嘅香港人，入面嘅菜式好吸引 ，女朋友點咗個鮮茄焗豬扒飯，而我就食西冷牛扒配薯條，再加咗兩杯好邪惡嘅可樂加朱古力雪糕同埋雪碧加雲呢拿雪糕。鮮茄豬扒飯比起大家樂嘅差不多，係好味既。 而我塊西冷牛扒比餐牌入面嘅細一半，雖然質素算係唔錯，唔會有好韌嘅感覺，最後醫飽咗個肚就 行返出觀塘市中心搭車離開了。

觀塘新開左間金記冰室，係附近放工就黎試下啦。係門口就睇到大大個燈牌，十分搶眼，係人行過都會望幾眼。裡面都幾大，大量卡位，啱曬三四個朋友一齊黎，一入門口仲有張大圓枱，十個人一齊食都無問題。新一代既冰室都追上潮流，用手機落單，介面簡單易用，相信唔會難到年輕人，如果唔得，店員都好樂意幫你人手落單。叫左雜扒薯菜，上菜都快，職員對香港人十分親切，有咩都會幫你搞掂佢，連上菜都會講聲「唔好意思」先放低個餐。讚👍🏻鐵板好夠熱，可以炸炸聲。又唔會整燶d野食👍🏻👍🏻，薯條都應該係即炸，keep到好脆。順便一提，餐牌中有唔少傳統香港冰室用語，有唔少我都未聽過，廣東話真係勁阿。

今天和小敏開OT，大家也餓壞了，不如就找一間附近偉業街新開的金記冰室吃晚餐，金記冰室很道地的港式茶餐廳!今晚我們很想吃鐵板套餐，首先我們叫了一個中式青紅蘿蔔湯，而我叫的是羅宋湯，羅宋湯很濃而且很有味道，胃口更大開了!小敏的鐵板香煎雞扒拼炸蝦，淋上黑椒汁，雞扒炸得很脆而炸蝦很香口，小敏說很可口!我最愛鐵扒三色扒，有牛扒，雞扒及豬扒，大大塊而且很咬口，當蒜茸汁淋下時，熱辣辣的牛扒就最惹味了!我們另外叫了一碟四季豆，更鑊氣十足!加上可口的凍檸樂及杏仁茶，我們真的大滿足!

觀塘就至多 IT 公司，作為IT界其中一分子，特別欣賞佢自己落單既 UIUX 夠簡單直接，scan QR code 之後direct 去網站，揀跟野飲既菜式會提示落唔落埋野飲，野飲提供唔同既走甜少甜走冰少冰，有留意 user 既需要，除咗 menu 較長難搵 item之外都搵唔到其他問題，值得一讚。講番野食，食Lunch加個西多士好似好過份，但炸到脆脆地既多士連雪糕超正。餐蛋菠蘿包，午餐肉咸加菠蘿包甜，喜出望外地好食 。主食推薦炸雞脾芝士蕃茄焗飯，雞脾炸得干身脆皮但保留到肉汁，蕃茄微酸中和油膩感。鐵板雜扒超級豐富，煙肉，雞肉腸，豬，牛扒，其中豬扒最好食，口感彈牙又入味。薯菜既薯條夠脆，特別一讚蒜蓉汁充滿蒜香，正。干炒牛河係下午茶份量，超多牛肉，如果淨係自己一個去食冇 share ，女仔真係岩岩好，炒得好有鑊氣，記得加是拉差辣辣醬，一流。最後緊係要飲杯黑牛，爽一爽。呢度都幾多特色飲品，例如牛肉汁，到而家咁大個人都未試過，有機會要試試佢。

今日去海濱公園附近行吓，走嘅時候諗住行返出APM食金記，點知一轉出嚟就見到有一間金記冰室開咗喺Two Harbour 個位度，我諗應該係新開的，唔使點等位就即刻坐低。冰室都要與時並進，呢度點餐就係俾個QR code你，入咗版面就可以點嘢食，都幾方便。今晚點咗霸王雞，蜜桃中式牛柳同埋XO醬蝦球炒西蘭花。霸王雞🐔- 見到賣相都覺得好食，雞肉嫩滑，啖啖肉，非常大碟！蜜桃中式牛柳🐮- 牛柳煮得剛好，又有香口嘅紫洋蔥，加埋酸酸甜甜嘅汁，顏色鮮艷又開胃，餸飯一流。XO醬蝦球炒西蘭花🦐- 蝦球非常大隻，一夾起上嚟就見到蝦肉非常厚實，食落爽口彈牙！望吓餐牌見到有黑牛飲，梗係要叫番杯！仲有杯熱檸水，雖然味道冇咩與眾不同，但係飲品杯同匙羹上嘅設計就令人留下印象！

金記分店愈來愈多，係觀塘已經有兩間🤣apm太多人可以試吓去依間分店啊！📍咖哩豬扒飯 ($52)除左常餐愛極吾厭之外，咖哩飯都係我既摯愛呀！咖哩汁香濃可口，吾會太辣又甜甜地～撈飯一流！豬扒厚切大大塊啖啖肉😋📍雪菜肉絲炆米 ($53)炆米最緊要夠火候，吾會太濕炒得乾身！📍金記炸雞脾 ($25)炸雞髀係茶記不可或缺的小食！新鮮炸起熱辣辣，雞皮好脆，雞肉嫩滑無冰鮮味😜但食完罪惡感超重😅😅😅📍雪糕紅豆冰(+$14)Menu上既主食加$14就可以加追飲品，連特飲都係+$14，好抵飲～雞脾緊係要配雪糕紅豆冰🤪整體吾會太甜好好飲der😍📍蛋白杏仁茶 (+$14)養生之選就係杏仁茶😚入面真係有蛋白，真材實料！杏仁茶味道香濃吾會太甜，冬天飲岩哂😜

茶餐廳燈光充足, 環境、空間幾大, 餐牌上有多款食物供選擇, 而且價錢亦很親民的。新鮮酥皮蛋撻很香, 酥皮口感酥脆, 富有蛋香。羅宋湯通粉大大碗！羅宋湯味道香濃, 裏面有蘿蔔條、火腿、牛肉碎等等。通粉幾彈牙, 充分吸收到羅宋湯的味道。這個套餐會配上香滑炒蛋及牛油多士。炒蛋充滿蛋香, 烘過的多士夠香脆。招牌海南雞套餐 - 雞肉夠嫩。再配上一碗熱湯, 有點像家的味道。金銀蛋肉碎浸時蔬 - 是日時蔬是小白菜🥬, 湯汁鮮甜, 有咸蛋黃味道, 裏面還有香菇、肉碎和皮蛋粒。