金記冰室 (Two Harbour Square) (已結業)

得知附近的金記冰室外賣七七折，放工便買外賣回家和家人分享。一個飯一個意粉和一個常餐也只是$117，絕對有種「好過自己煮」的感覺。白汁粟米焗牛舌飯，滿滿的粟米汁鋪在上面，配上啖啖肉牛舌，好味。粟米夠甜又夠大粒，配炒飯底是完美的配搭。彷鮑魚絲火腿通粉常餐配上了雙蛋和多士，蛋黃是流心的， 入口滑嫩。通粉配料多，外賣湯底是分開裝的，非常貼心。咖喱牛舌意粉惹味非常，咖喱內的薯仔是炸過的，香口得來又夠入味。咖喱辣味後勁比較強，但不算勁辣，非常適合愛吃辣的我，意粉烹煮時間剛好，很彈牙，沾滿咖喱汁吃得過癮。牛舌非常大塊，帶微微的牛騷味，口感鬆化。

今朝一早好忙，忙到2點先食飯！就近近地叫樓下金記既外賣！2個人，食咁多野野菌雲耳魚柳泡飯尋晚食得太濃味了，今日要食返清淡啲魚柳都幾多喎個魚湯好好味麻辣雞絲米線外賣都擺得好靚喎雞件好滑，完全唔會鞋到乾麻辣湯底味道亦好適中，仲有啲炸蒜作配料，令碗粉更香金記炸雞翼新鮮熱辣炸起的，一定要趁熱食炸薯條今日唔知點解見到menu有炸薯條就好想食喇仲係我最鐘意既粗薯條食左咁多野每人都唔駛一百蚊，真係好抵食原來而家夜晚外賣自取做緊77折，如果要OT的話我都會叫外賣，太抵啦！

OT 的晚上，去食金記。呢間午市經常排長龍，所以我通常會去食晚餐，可以慢慢歎。晚市有套餐亦有中式小菜扒類都有餐廳實行自動化， scan QR code 落單。電話上的餐牌是咁的，如果可以加多點圖片就更加好。鐵板西冷牛扒薯菜$88好大塊牛扒，有牛味有口感。薯條亦係勁多，熱辣辣，好食。仲有好多什菜墊底，健康D。鐵板夠熱，淋上蒜茸汁，滋滋響又香味四溢。無骨海南雞飯 $65有小食有雞有飯有湯，份量亦唔算少。雞肉暖暖地，肉質夠滑已起骨，食起來很方便。點D薑蓉同黑醬油，又似模似樣，幾有星洲風味。餐湯是中湯，蟲草花雞湯，有誠意的。欖菜肉崧四季豆 $61惹味程度不會輸給大排擋，肉崧微辣又濃味，四季豆新鮮爽脆又入味，送飯一流，必食！跟餐加配凍檸檬可樂 $13原枝可樂，加入檸底，爽呀！跟餐加配檸檬菜蜜 $12有三、四片檸檬，足料濃味，可惜細杯左少少，唔係好夠喉。飲完會講多謝的檸蜜

觀塘真是無時無刻都很多人， 每日一到中午食飯時間就會逼爆， 好多時貪方便都會選擇公司樓下的茶餐廳， 但食到悶也會想試下新野。今次就一於發掘下其他地方， 走到觀塘偉業街180號的金記冰室， 一個人快快手點個沙嗲牛肉即食麵＋太陽蛋油多＋凍咖啡$49。 沙嗲汁味道幾香又夠濃， 牛肉有幾片， 唔想食炒蛋改了太陽蛋，有煎得幾靚喎！ 咖啡味道普通， 不算好飲。今次趕時間只係食到常餐， 下次有機會再來試下其他。金記冰室地址: 觀塘偉業街180號Two Harbour Square地下F及B2號舖

估唔到金記冰室都有出月餅，而且都驚喜地覺得幾好食。.呢款低糖雙黃白蓮茸月餅食落去真係冇平時食開嘅咁甜，迎合現代人對健康嘅要求。.而且兩個蛋黃都幾大，成個月餅都充滿鹹蛋黃香。.不過個紙盒比較容易壓箱，送禮嘅時候都唔太方便。

一間50年老字號冰室又喺觀塘開多間分店啦👏·☆ 鐵板美式什扒 HKD$85食扒梗係揀乜都有既什扒😋 豬扒牛扒腸仔煙肉勁豐富🤩 淋上香噴噴既蒜蓉汁，蒜蓉汁同熱辣辣鐵板接觸嗰啲唧唧聲，真係好治癒😍😍·☆ 金牌乾炒牛河 HKD$55乾炒牛河雖然邪惡，但我次次都抵擋唔到，一定要叫嚟食🤤 果然係金牌菜式，炒得好有鑊氣，啲河粉唔會散到一pat pat，牛肉亦好嫩滑，好味道👍·☆ 鹹牛肉炒蛋軍艦 HKD$27鹹牛肉同炒蛋份量分怖均勻，鹹香既碎牛肉配上炒得剛好既滑蛋，好邪惡呀！😍😍😍·☆ 金記生炸雞脾配沙律(下午茶) HKD$38雞脾沙律一向係茶餐廳完美配搭，所以又點可以唔食呢😋 雞脾大過我隻手👋 炸得超級香脆，切開啲油係咁滴落嚟，乜嘢係肥唔記得啦，食左先講啦🤤🤤·☆ 無冰奶茶 HKD$22無冰既奶茶絕對係原汁原味，唔會飲飲下因為啲冰溶左而變淡👍 奶茶係奶味較重嗰種，啱哂我😚

上次乘坐會展的接駁車路過這街道, 看到金記有新店. 今天跟小米出觀塘, 順便行多步, 去這家海邊的金記TEA一TEA.   來到金記, 本想要豬膶, 奈何沽清. 左諗右諗, 最終點了招牌的乾炒牛河.   金牌乾炒牛河      單點55個大洋, 而下午茶餐只是45個大洋, 還奉送熱飲一杯, 抵!  視覺 : 啡色牛河, 反曬光, 勁邪惡!  幸好是份量較少的下午茶餐.   嗅覺 : 因為表面有油, 把香味都封存起來, 所以鼻子感覺不到香味.   手感 : 先夾出一小箸, 但河粉都叠在一起, 需要較多手力, 拉拉扯扯才可夾出. 而河粉實在很有彈性, 有如象筋.  口感&味道 : 牛肉有底味, 唔鞋口, 牛肉份量亦很足, 絶不欺場. 熱辣辣又煙韌的牛河, 來到最後一口都是溫暖的.               白灼芥蘭苗   決定點選邪惡的金牌牛河之時, 也想來一份青菜扮健康. 可是在掀頁餐牌裡, 偏偏找不到單點青菜. 眾裡尋它千百度, 原來在枱面有標示.  牛河下午茶套餐加15個大洋就OK了! 價格合理. 芥蘭苗口感較軟, 没有那特別的苦澀味. 有了芥蘭, 就不怕邪惡的乾炒牛河了!   芥

金記冰室喺香港好多區都有分店，一直以來都係經過，但冇入去，自從上次朋友食完之後，叫我一定要去試，所以今日有時間，決定唔做一個路人，我要做一做顧客😃😃入到去的時候，還沒有看菜單，首先就一定要點它的**蛋白杏仁茶**，平時飲其他地方的杏仁茶，都只係粉加水沖，味道非常淡。但金記不同，佢嘅蛋白杏仁茶，除左有新鮮蛋白，不在話下，最重要的是，口感香滑，味道濃郁，值得一試。再睇就係佢嘅黑牛，他的雪糕並非一般在超級市場買的雪糕，金記的雪糕朱古力味香濃，與可樂的配合非常配襯，唯一小提示的是，可樂不要下太多，因為他的泡沫會較容易溢出。去到冰室，不可不試他們的奶茶，因為奶茶的質素十分能夠反映出餐廳的用心、水準及技術，金記冰室的凍奶茶，除了是冰鎮以外，這不在話下，更加重要的是他的甜度控制得非常之好，不會有那種很甜很甜的感覺。餐前小食點了一客雞髀沙律🥗，雞髀炸得非常香脆😉鹽焗雞可說是這餐飯令我最滿意的一道菜，起初以為她只是用鹽焗的雞，但後來發現廚師👩‍🍳很巧炒地在雞當中混入了砂礓，味道就變得不同，非常開胃。炒菜苗也是不得不試，菜炒得乾身而且翠綠。金記的咖喱，若要試的話，可以嘗試選擇配搭牛舌，除了是別家冰室沒有這

同朋友一齊喺觀塘學完車，學到成8點半，所以同朋友就喺附近搵野食醫肚。今次去咗偉業街嘅金記冰室度食。我地叫左白汁粟米焗海鮮飯 (HKD 53)，白汁焗牛舌意粉 (HKD 53)，法蘭西多士 (HKD 29)。飲品就叫左綿滑蛋白杏仁茶 (HKD 28)同埋黑牛 (HKD 14)。白汁粟米焗海鮮飯 (HKD 53)分量好大，賣相唔錯，白汁夠哂creamy，用料又非常充足，好多海鮮，有魚塊有魷魚同埋蝦仔。白汁焗牛舌意粉 (HKD 53)牛脷都有好多塊，味道煙韌。意粉入口都算彈牙。法蘭西多士 (HKD 29)至於個西多，要極力推薦，因為大份得黎，內涵都好正，厚厚一層花生醬，西多外表金黃，口感鬆軟有彈性，就算變肥豬都要食多幾件😂綿滑蛋白杏仁茶 (HKD 28)比較少地方有嘅蛋白杏仁茶，真係好啱冬天飲，熱辣辣，杏仁味好濃郁，好香滑，好清甜，蛋白大隻彈牙。黑牛 (HKD 14)黑牛就好令人有罪疚感，雪糕大大球，同可樂夾得天衣無縫。

今日去左觀塘，幫女朋友去一田買餸整聖誕大餐。買野之前先去填飽個肚。觀塘新分店金記冰室，經過就入去食個tea啦。價錢唔算貴，而且選擇好多，環境好乾淨又好光，有別於一般既茶餐廳。我見到有頁餐牌推介餐廳既金牌菜式，我見到西多士就叫左啦！即叫即炸熱辣辣，西多士鬆軟外層香脆，入口香甜夠哂香口，旁邊配上一球雪糕，一冷一熱夠哂滿足喎！我再加點一杯懷舊紅豆冰，粒粒紅豆好大粒好足料，入口有微微椰香，紅豆軟糯，好重豆香。

再次同同事放工喺觀塘，簡簡單單食個飯於是搵間茶記。見到呢間有個咁 Sharp 這招牌嘅金記冰室，到時就決定揀呢間啦入到呢間餐廳發現佢已經五十幾年歷史，但佢唔係好現代化咁可以用電子落單我個人就唔知點解想到反轉黎食先叫甜品，因為杯雪糕紅豆冰實在太吸引我哋幾個人share左半隻雞。以沙薑雞來講佢都幾有心思，啲醬汁調好晒搽晒上隻雞上面，而唔係另外一兜野咁丟係側邊，而且醬汁整得好，鹹鹹地嘅薑味入面帶點甜。原來我哋又叫咗梅菜扣肉煲，肥瘦各一半一半，而且用煲上就好夠熱。入口即溶好肥美嘅感覺最令人喜出望外嘅事個炸豆腐，整得好脆好有酒樓嘅水準。外脆內滑。至於主食我哋就揀咗鹹魚雞粒炒飯，炒飯就最考廚師，佢可以做到一粒粒飯分開，而且啲雞粒好大粒，食落好有咬口，更重要係啲鹹魚係都幾靚，可以吊起炒飯嘅味道。成餐飯食得好完整好開心希望下次仲有機會再食啦，我會記得呢間野

難得同朋友到附近睇戲，下午茶時段便先過來吃個下午餐餐廳座得舒服，很光猛酥皮蛋撻批底香又鬆化，包住滑嫰又香甜蛋漿炸雞翼沙律雞翼炸得香口，肉質不算嫩滑，配上什果沙律，作為下午茶不錯金記三文治以蕃茄，炒蛋，火腿，厚切午餐肉，菜等作餡料，每件三文治份量十足，如果午餐肉再煎香少少會更好，配上沙律醬吃起上來頗清爽芥蘭苗芥蘭苗翠綠嫩口，毫不帶渣金粒西多士配雪糕味道又甜又鹹，意想不到的匹配無冰奶茶甜度固定，茶味濃郁，入口順滑不錯

🔎 觀塘偉業街180號Two Harbour Square地下F及B2號舖*📍 金記冰室.海南雞套餐($65)見到menu,呢到嘅海南雞係熱門推介.所以都點咗一個試試其手勢.賣相幾靚,雞肉都嫩滑,而且雞皮都唔算肥.價錢ok.金銀蛋浸時蔬($46)總覺得dinner點都要有碟菜,而且金銀蛋浸時蔬配埋上湯幾好味.平時係其他茶餐廳都未見過咁大碗,所以覺得其實係超級抵.瑤柱冬菇蒸肉餅($63)我係超級肉餅迷,同埋自己覺得蒸嘢又健康D,所以我更加鍾意食蒸肉餅.其次落咗瑤柱同冬菇後,口感更加豐富,加埋碗白飯超級好下飯呢.

今晚食飯揀左去金記冰室，夠曬平靚正嘛。點左兩肉一菜，加兩杯飲品，飽到出汁。呢度用QR Code點餐，夠曬跟貼時代發展。<家鄉鹽焗雞（半隻）>（$108）呢度可以揀全隻、半隻或例牌。鹽焗雞唔會鹹，雞肉依然超級嫩滑，感覺好似全程食緊雞髀位。<酸菜魚>（$92）晚市套餐有宜家超興既酸菜魚，我地就點左一份。酸菜份量幾多。魚全部去骨，軟綿綿。跟餐有白飯、例湯，湯可以揀中湯或羅宋湯，我地揀左羅宋湯，家人超鍾意。<芥蘭苗>（$15）食物可以加$15有超大碟芥蘭。<雪糕紅豆冰>（原價$28）跟餐加$13，如果無跟餐，點左食物就係可以半價點飲品，即$14，我地點左兩杯，好大球雪糕啊！紅豆冰既量都非常多！茶記黎講呢度水準同性價比都算高啊～

星期日晚同屋企人去金記冰室食晚餐，金記係香港好多分店，呢間係觀塘海傍附近新開，裝修好光亮，同時有老香港風格，包括面壁單人位。呢度食物超多元化，淨係飲品款色已經令我好驚喜！今日食左金銀蛋肉碎浸時蔬（$46），份量好多，金銀蛋大大粒好鬼正，時蔬係白菜仔，夠曬爽脆，又唔會好鹹。另外有梅菜扣肉（$62），下面都係墊左啲菜，味道豐富，配飯食超惹味。金磚風沙炸豆腐（$65），外面薄脆，入面係好軟滑既豆腐，要用陰力先夾得起，超正！呢度加$15可以加配白飯及老火湯，當然唔會放過咁正既配搭。老火湯係茶記常見既紅蘿蔔豬骨湯，味道剛好，感覺無乜味精。呢餐好飽好滿足，而且星期日晚好多人好熱鬧。