金記冰室 (新港城中心4期) (已結業)

服務態度極差！只可以分兩次單是什麼道理，還串到爆！不建議去這間餐廳食，是超級不建議不然的話你一定會被串！事後我和我的同伴還和他們討論我們吃了什麼以及分單的問題！收銀員還爆粗罵我們，這是什麼垃圾服務態度？

好耐冇去食，見冇人排隊入去食個早餐，入座大約35-40分鐘，未食完個早餐，個男侍應黑口黑面走埋嚟話限時45分鐘，但門口係冇人排隊㗎，想點呀，真係趕客，唔會再幫襯！

本身一心諗住嚟食有啲菜，同埋蕃茄牛肉湯飯，但係男朋友講出去要食啲自己煮唔到嘅餸 所以嗌自己其他嘢見到人哋啲蒸魚好靚，就諗住嗌返條 苦瓜炆䱽魚諗住係有啲菜咁樣都幾健康幾好味，點知佢成條魚炸過，而且極唔新鮮平時食嘢一啲都唔厭尖嘅男朋友都出聲話啲肉好少 因為勁博只係炸完之後有幾啖咬口反而加落去嘅$18焯菜心就非常之抵呢個完全係鬧咗成餐跟住我哋諗住太少肉就嗌多個餸，傾吓傾吓先啦，不如要過金銀蛋 救命，一上枱就係呢個樣完全係人哋食淨受得嗰啲樣，金銀蛋份量極少，應該只有六份一都唔知係咪 啲菜都係主要係Tong同埋肥肉粒 好差，好差好差啫啫雞稍為好啲 但係$88喎

喺呢間金記食過幾次，一開始以為自己揀嘅食物5號，食多幾次比較之下發現呢間金記嘅質素比較差平時喺出面食金銀蛋菜都唔係呢個樣，賣剩啲咩就比啲咩嘅份量，完全唔似係一個小菜一上枱就好似俾人食過啲材料咁， 10啲肥肉粒同埋極極極至少嘅皮蛋鹹蛋，六份一粒蛋都唔知有冇超級超級差， $32加個白灼菜心都仲多過佢啲菜，根本就係用啲湯嚟泵大個份量喺出面茶餐廳食過涼瓜炆䱽魚覺得好味，隔籬枱啲衫先蒸䱽魚都好靚，點知嗌個涼瓜炆䱽魚諗住友誼賽，佢條魚係好細條 仲要成條炸過，明顯唔新鮮，而且冇乜魚肉食囉，平時唔挑剔嘅男朋友都出聲！所以我哋先嗌多個金銀蛋，點知金銀蛋又係咁差謝謝雞煲算係好啲，雖然只計都係走過又唔算太新鮮，不過配菜好多！雞肉大概六件左右豬潤又四片質素唔錯嘅呢個都$88 㗎，所以佢都要俾返呢個質素先啱衛生程度嚟講，佢啲碗碟就唔多乾淨，建議自己洗 因為目測都已經有好多污跡

我第一次食，以後都唔會再幫襯，唔知係唔係因為樓面太少員工，出餐出得好慢，我叫咗一個牛肉炒通粉，違反商品說明條例，出到嚟碟嘢同張相爭好遠，嗰啲牛肉細粒到放大鏡先睇到，真係連粒洋蔥都大過佢，仲有唔夠乾身，成碟都係汁，同埋味道真係好一般，不過普普通通茶餐廳唔會有太大期望，食晒成碟通粉杯熱奶茶都仲未嚟，半個鐘嘅時候催咗一次單，個職員淨係開部落單機望一望我有冇落過單跟住就叫我等吓，大佬成碟粉都食晒仲等，個店員完全唔想同我催，一杯熱奶茶使唔使整咁耐？隔多10分鐘我再催一次，跟住個店員就行咗入去廚房拎住杯熱奶茶出嚟，我懷疑係佢自己沖，其實明明好快就出到一杯熱奶茶，點解要我等咁耐？好差嘅體驗。仲要杯熱奶茶係唔好飲，茶餐廳嚟講算難飲。冇下次。

今日同家人去咗新港城金記食飯 見到鐵板餐第二個有半價圖片又幾靚價錢又ok諗住試下啦 點知一入去坐低裏邊嗰啲服務員真係忙到你唔信。首先水都唔識俾杯你飲 匆匆劈低菜單然後叫你掃碼。整間鋪根本就個個客人都係自助嘅自助攞水自助攞紙巾自助攞調料，乜都自助好似食咗自助餐咁 最重點係啲人係要不斷噉樣催先至會攞到餐俾你。我哋叫咗一個西冷扒同一個雜扒 而且係選擇鐵板上嘅 但一上菜即刻知道中曬伏 個鐵板除咗用微溫嚟形容之外我都唔識講係點樣講 雜扒嗰塊雞扒燶到黑鼆鼆而且得浸皮 嗰塊牛扒幾寸厚我叫七成但係唔熟。但神奇在唔熟得嚟又可以又硬又冇味！ 嗰啲羅宋湯仲好野酸到好似用醋煲嘅噉 老實講嗰啲大集團乜家樂乜快活我都覺得呢D既扒已經夠差佢可以差過佢哋嘅，你話係咪犀利 最重點係乜嘢哩最重點係食嘅嘢真係差到你唔信兩個餐雖然唔貴，收咗170文但係我只可以講我亦都見到隔離嘅人都係講嗰句冇下次。你話香港嘅飲食漸入寒冬我同你講如果間間都係噉香港就嚟要執曬嘅喇

收銀小姐成日做錯野，態度又差，唔識待客之道，手機落單，睇左又唔覆，等左10分鐘，嬲嬲地落樓睇下咩事，冇咩人排隊，話自己忙緊做其他野（。。。。無語），等左30分鐘仲未出，再問收銀小姐，叫我等下，完全冇諗過幫我追下 ，咁入去問個經理，又係冇train過，只懂叫我等，一個快餐等左40分鐘以上，完全唔掂。

平時經過見到都大排長龍既金記，今日趁住early dinner 時間唔使排咁耐，就入去試試呢間分店既金記啦晚餐有2人、3人既套餐選擇，不過我同老公都唔太餓，就叫咗2個餐1）羅宋湯鮮牛通粉配熱杏霜講講湯底先：羅宋湯湯底味道夠濃，酸中帶甜，甜中帶酸，好開胃加咗胡椒粉更加可以帶出港式茶餐廳羅宋湯既味道配料方面：鮮牛肉同羅宋湯配菜算多，鮮牛肉肉質鮮嫩可口，相信配菜連同羅宋湯一齊煮，所以好入味2）炸雞髀薯仔雞蛋沙律配意粉同熱檸檬菜蜜炸雞髀：出色出色，呢個炸雞髀好有香港特色，外脆內嫩沙律：mix 咗水果既薯仔沙律食落好fresh意粉：湯底味道岩岩好，令到個意粉冇其他配料/醬汁既情況下都好好食總結，唔同分店既金記食物水平都好一致而且價錢又合理，唔怪之得間間分店都咁多人，可以再幫襯

如果茶餐廳嚟計，真係中下或再下落單自助、水自助、紙巾自助…..都算喇仲要成日比中踢櫈腳，你老板，請你細落嚟日日坐啦，個設計有問題，你老細落嚟受啦，我比錢嚟，你當你迪士尼呀，奇妙之旅呀，我駛唔駛多謝你呀撞一次就算，一餐撞十次，個老細廢定班管理廢麵爽啲都淋菠蘿包，差到行業最差真係唔敢再試

今次第二次黎金記食早餐 平時行過成日見好多人排隊 今日好彩前面有兩三位 唔洗等咁耐個稍微年長小小嘅侍應哥哥好好招呼嗌左個炸豬扒麵同招牌鮮豬潤米即炸豬扒 香口又唔鞋 豬扒夠入味 新鮮豬潤爽口彈牙又無腥味薑味濃郁 好好味😋d飽睇落都好吸引 不過實在太飽唯有留返下次再試

- 香濃番茄蛋鮮牛肉湯泡飯因為唔知想食乜，所以試下個未食過既泡飯。賣相一般，不過味道幾好。個湯夠濃，好足料，好開胃。- 霸王雞要加錢，先有飯，湯，價錢比較貴。霸王雞正正常常，普通晚飯小菜。可以用特價加碟菜，比較健康，不過冇得揀邊種菜。金記冰室已經算係大型連鎖茶餐廳，水準都可以保持到，不過小菜份量就越來越少。平常晚餐都ok ，不過性價比越來越低。

今日行咗一過嚟食個lunch，我就係唔鍾意手機落單呀，我就係鍾意同店員order呀！同學點樣講咗我食咖喱吉列豬扒飯飲凍檸茶少甜，佢竟然同我落錯單！黎咗杯凍咖啡少甜，佢張單嚟咗之後，9秒9杯飲品黎埋！我先知佢原來落錯單問佢有冇得換竟然冇得換勁臭串！當個客乞兒！

想食港式下午茶，有啲粉蕃茄咁樣，見到金記冰室有蕃茄牛肉通粉或者豬養，兩個都係我想食嘅入去食！一人一碗唔使選擇困難交換食太肚餓嘅關係牛肉乾會唔記得影，兩個份量差唔多，不過豬膶好味啲出色啲！兩個都好好味其實呢度乜嘢都係要自助嘅，斟水或者拎嘢🙈不過店員服務態度由於唔係太繁忙嘅時間都OK喺香港真係唔鍾意金碧，呢啲時間嚟食嘢最舒服蕃茄湯整得唔錯，唔會太味精有唔少蕃茄粒，真正嘅蕃茄酸酸甜甜唔錯，可以encore！加咗一個冰鎮芥蘭，下面係冰，所以睇落好似好多，芥蘭有少少硬質素唔算太靚

🍳🐔🍜☕️食評時間！我今日食咗一個豐富既茶餐廳下午茶套餐，叫左煎蛋、瑞士汁雞扒撈公仔麵同埋熱檸水。🍳🐔🍜🔥首先，茶餐廳嘅環境真係好舒適，新裝修完。入到去，就聞到豐盈既食物香氣，令我胃口大開！😋服務員都好友善，笑容滿面，令我感到好受歡迎。無論係點餐定係上菜，佢哋嘅效率都好高，好快就拎到食物。👍接著，我嚟講講我訂嘅餐點。煎蛋色澤金黃，煎得剛剛好，蛋黃流心🍳👌瑞士汁雞扒公仔麵呢，真係一絕！雞扒嘅肉質鮮嫩多汁，瑞士汁醬汁濃郁香濃，同公仔麵完美配搭，令我食到停唔到口。🐔🍜😍最後，我飲咗一杯熱檸水，酸酸甜甜嘅檸檬味，令我整個身心都感到清爽。☕️🍋總括而言，茶餐廳環境舒適，服務良好，上菜效率高，係一個值得光顧嘅地方！唯一要留意嘅係佢哋只收現金，所以要確保帶夠足夠現金先至啱晒，唔係要去附近搵ATM。希望下次再嚟，試吓其他菜式！👍😄

位於馬鞍山出名嘅茶餐廳，平時成日見佢都有人係出面排隊，一於試下佢有咩吸引力先早餐時間8點落到去，時間尚早唔洗等就有位，裡面都有唔少位置，座位舒適，可用電子落單，而落單時亦可選擇個人口味，例如通粉爽啲淋啲落單後上菜速度快，侍應態度都友善第一次黎一於食出名既 招牌鮮豬潤通粉豬潤嫩滑沒有騷味而且爽脆，湯底似係好熟悉既公仔麵湯味，加上薑絲很醒胃炒蛋牛油多士麵包鬆脆香口，炒蛋味道正正常常