金記冰室 (黃大仙中心南館) (裝修中)

好耐無試過兩公婆👫撐枱腳食早餐，今日去咗黃大仙一間茶餐廳，裝修有啲懷舊feel，有個餐牌幾得意，好似個舊式日曆📅咁掛咗係側邊，食物價錢普通啦，可以接受。我叫咗個特價粉麵餐：五香肉丁米粉🍜，老公就叫咗仿鮑魚絲火腿通心粉，配煎雙蛋🍳，牛油多士，份量都幾足，都唔會唔夠食，味道就一般啦。最緊要係呢度有朱古力☕️飲，依家唔係間間茶餐廳都有朱古力飲㗎！老公就跟餐叫咗杯奶茶，都幾滑幾香，都應該會再嚟食嘅！

個人最喜歡食茶餐廳既早餐，食過呢間幾次架啦，每次都見好多人食，侍應都好忙，好急好趕，不過港式茶餐廳都係咁既特式我係自在食雪菜米方包加個熱奶茶用好味既早餐去開始我美好一天

行開黃大仙，走去金記冰室食晚餐。點咗個黑松露蝦球意粉餐。有意粉同埋中湯加熱奶茶。個意粉好彈牙。黃金蝦球好正。可惜個意粉份量好細。加上個蝦球只得3粒。一個大男人食唔飽。個老火中湯好飲。一飲便知個湯煮咗好耐。杯熱奶茶好飲。價錢$76算抵食。

坐低等十分鐘冇人執枱冇人寫野，坐係收銀前既枱竟然可以睇住三個阿姐一個數錢一個整乜一個整物，不知所謂終於有另一個人願意係個櫃檯行返出黎，都可以直行直過，再係咁叫先願意落單 嗌豬潤冇豬潤，仲要一肚子氣，極差，差過太古個間9萬倍

平時都會去食早餐開頭覺得真心唔錯而家越來越少去食因為越做越差係環境裝潢比較有特色坐既環境比平時既茶記仲要逼🤷🏻‍♀️可想到係點逼法 服務更加符合一般茶記本色可以話更加出色😑😑唔俾人講要火腿通 一定要講甲乙丙有人見到環境好逼走人伙記大大聲 講埋粗口話人好既野都有 裝潢比較有特色 好有80 年代既感覺好懷舊👍🏻另外奶茶 咖啡真係沖得幾好飲👍🏻好香滑

金記內部裝潢主打以懷舊，60-70年代香港為主題，不過其實裝潢其次，始終我唔係食裝潢，食物先係最重要。早幾日放假，同左男朋友去左金記都食下午茶，金記都有好幾款下午茶餐揀，我見到佢有一個肉醬系列的下午茶餐，價錢比起其他下午茶更平，所以我便揀了肉醬豬扒飯，36蚊包一杯熱飲。佢的肉醬的味道都ok，正常肉醬口味，但係就比較少肉醬，撈匀後唔係所有飯都沾到肉醬，同埋size唔叫太大碗，大約一碗飯左右的大小，但係佢的豬扒係好味的，都好入味，炸得唔錯，同埋對我嚟講ok。但男友叫的係肉醬雞扒，對男友來說就不太飽，但係雞扒味道都ok的，36蚊嚟講，so far so good la。以下評分以5⭐️為滿分推介⭐️⭐️

之前都有去過金嘅主要係港島區今日早上嚟到黃大仙搵緊食早餐嘅地方見到金記ok咁就一於坐低食個靚早餐享受一下週末叫左 早餐乙仿鮑魚絲火腿通粉配兩隻蛋，多士同埋飲品叫左走火腿(個人喜好only)$40都唔洗 選擇都ok多 餐廳都幾大不過早上已經有好多食客睇嚟好受歡迎所以有機會要等一陣位或者搭枱 喺香港地食個早餐要搭枱其實都好正常不過環境方面，唯一要改善嘅係張枱唔平，枱腳un下un下,咖啡一嚟到嘅時候差少少倒瀉通粉嘅湯幾好味配埋仿鮑魚絲 好好咬口另外，多士預先已經搽咗牛油好香牛油味亦都有脆脆哋嘅口感唔錯至於飲品方面，要咗熱咖啡 都幾香濃👍🏻👍🏻另外 建議廚房要注意衛生🤔🤔因為食通粉嘅時候，發現有條好短嘅頭髮😅😅

日期：10月6日人數：2人來到重陽時節，當然要去登高啦。呢日就約咗個朋友行獅子山，出發之前就喺黃大仙食咗個早餐。由滿目瘡痍嘅地鐵站出口行出嚟，就會見到呢間金記冰室。由於我哋覺得佢好似幾有特色，所以就入咗去試下。我哋兩個人都係叫咗豬潤公仔麵，火腿奄列，加一塊多士嘅早餐。我就飲凍檸茶，朋友就例牌飲凍鴛鴦。豬膶公仔麵都幾有心思，首先湯底有少許麻油味，煮得腍度啱啱好，麵底都算唔錯，起碼唔會吸晒啲湯，或者好快就腍晒。豬膶份量好少，但都有放薑絲，唔算hea。麵上邊仲有幾粒杞子，感覺高檔左少少，但其實無乜實際。火腿奄列同樣份量都唔大，味道中規中矩，落少少鹽吊起味道都可以接受。多士方面，麵包幾新鮮。加上應該係即刻烘，所以都好熱。配埋牛油味道算唔錯。凍檸茶正常水準，唔夠大杯。環境方面，裝修係冰室風格，座位亦都夠大，乾淨衛生。餐廳地理位置方便。價錢方面，因為我叫咗凍飲要+$3，所以最後早餐埋單$45。個人覺得味道可以接受，但就唔太抵食。

喺黃大仙中心搵食，見呢間餐廳裝修都幾懷舊就入左去試！我叫左個XO醬豬扒炒烏冬，豬扒都幾林，唔算辣，反而係有dd咸，飲曬成杯野都未食曬，但整體味道係ok的！平日下午茶時間去，人唔多，坐得都舒服，唔洗等

去咗金記冰室，點咗個招牌菜，老夫子耐人尋味焗豬扒飯套餐。入到去，好似去咗屋邨茶記。個橫裝好親民。用街市紅A膠燈。個套餐$68。有飯同有杯凍飲。但凍朱未夠凍。可惜無砂冰感覺。但算合格。個豬扒飯有好重鮮蕃茄醬汁。混入白飯就好開胃。加上個豬扒好大塊同埋好鮮嫩。屬上等食材。好食過美X同大家X。因為我係下午餐時段點菜，但夥計會馬上焗一個新鮮豬扒飯。唔同其他茶記一早焗一大批焗豬扒飯，焗到個汁都乾哂。個人推介此套餐。依家食重有老夫子襟章送，送完即止。

#小秘書 已經有成個月無喺 #黃大仙 出沒喇😅 見呢幾日嘅新聞稍為平靜，今朝先夠膽過去北館攞返張卡，順便去對面嘅 金記冰室 - 1967 食個 #大早餐 先去 #游水🤪平時好少可咁早起身嘅我，估唔到 #早市 都會咁好生意，#金記 差唔多已經坐滿人🤪 好在人流都幾快，等一陣就有位喇！今日我叫咗個 #沙嗲牛肉麵，將 #火腿奄列 改咗做 #太陽蛋🐣 一般嚟講，食 #煎蛋 一定無伏嘅 ，因為稍為識煮飯嘅人都唔會失準吖嘛😅 不過碗 #沙嗲牛肉麵 就認真麻麻，#牛肉 可能落得太多 #鬆肉粉，淋到呢... 所以我只係食咗個 #淨麵 撈埋啲 #蛋汁 就算🤦🏻‍♀️ 唔合格👎🏻 好在杯 #熱奶茶 都煲得幾香，呢餐就當食少啲算佢啦🤪

本身午餐只係食咗個麥當勞包，之後從九龍城行去黃大仙，留咗好多汗，感覺個包已經消化完。於是轉戰到金記冰室充飢，睇到午市套餐一D都唔吸引，作為一間茶餐廳，價錢都幾貴下。於是問隔離枱攞咗個主餐牌，主餐牌嘅嘢食選擇就多D，只係唔包飲品。我就叫咗黑椒三絲炒意粉。上台都幾大碟，但睇個樣都唔多對路。每條意粉都差不多沾滿曬黑胡椒！食落去就仲唔掂……好辣啊！辣到人都燥底！之後勉強食咗幾啖便唔想再食，真係太辣啦。我懷疑係廚師唔小心倒咗一樽胡椒粉落去……同埋我問佢地攞杯水，問咗五六次先攞過嚟，仲要係超熱嘅水……於是就無飲到，出去買杯清涼飲品，拯救我被虐待的味蕾。

當日晚上八時三十分，本人到位於黃大仙南館分店享用晚餐，入座時轉換了三次座位，第一次轉位主要因為檯不穩，第二次轉位因為風口位吹正頭，所以唯有轉第三次期間該位侍應，發出不滿的声音，當時我們還未點餐，而且還沒有客人等位，我們這樣做有何不妥！到我們要求落單，你同事態度嚴重有問題，我話要呢個餐，佢叫等等啦，到我可以點餐我已用手指指要呢個餐，佢就故意指另一個餐，咁我話要中湯， 侍應態度好差講我問你飲乜呀！飲乜呀！連續說了幾次，因唔知除了餐湯之外還有送其它飲品，我已經講話飲中湯，但你同事可以講多句仲有餐飲，咁我會更清楚，唔需要重覆用這樣態度問飲乜呀！最後一句道歉都沒有，重要講多句我唔同你拗就發脾氣轉頭離開。沒有理會客人，亦沒有叫其它同事來落單，如他不想落單或招呼客人可以叫其它同事幫手，客人不是出氣袋。本人已即時向貴店主任作出投訴，及離開去另一餐廳光顧。員工的態度會直接影响餐廳質素，我自己本身從事服務行業，明白敬業樂業重要性。

黄大仙呢間比moko嗰間易等位喎，第左幾分鐘就可以入位，不過餐廳冷氣唔多夠，坐角落位要靠坐地風機送風，但之後都俾調位，坐番中間就涼d la~叫左兩個常餐：鮮牛肉米粉VS沙嗲牛肉麵鮮牛肉米個湯有好多薑絲(俾我揀晒出黎)，個湯好清但好味，醒鮮牛肉係清啖又美味，只是個米粉質地唔係我喜歡的，推介俾愛清啖的。沙嗲牛麵，見幾枱都有叫喎，亦是一向的心水茶餐廳美食。金記又係整得幾好味喎，牛肉和湯都good, 會encore的

連續游咗兩日水，#小秘書 真係骨頭都散，仲諗住可以keep住琴日度氣，今日加多一堂跟 #教練 多啲練習🏊🏻‍♀️ 但係 #小秘書 似乎真係中咗 #GHS 嘅 #魔咒，每次返到去望到個水底，都完全集中唔到... 枉 #教練 仲不斷親身示範😪 幸好我已經比以去去水，每一口氣游到嘅距離都拉長咗啲啲㗎喇😚 👉🏻👈🏻 不過仲有大把進步空間囉😉星期日5:15就落堂，快快趣趣沖個涼仲趕到去食個 #下午茶餐😉 呢日再嚟 #金記冰室 食佢馳名嘅 #鮮茄濃汁焗豬扒飯，雖然等嘅時間就耐咗啲，不過質素真係相當唔錯。一定係即叫即焗嗰種，熱辣辣嘅炒飯底，配埋件大大 #豬扒🐷 大滿足❤️