金記冰室 (黃大仙中心南館) (裝修中)

今早到金記冰室食早餐，叫了好久請服務員收拾檯面，叫了好耐都冇人應，有些在身邊經過都不理睬，直行直過，的覺得忙歸忙，可以應一下客人，次後有個男服務員，應該是經理，很沒有禮貌地款過來，收拾，加點餐！令我覺得，食物質素是其次，服務質素才是重要！

起初都唔覺有呢間茶餐廳，佢坐落黃大仙地下最尾間鋪，仲要有樓梯行落去，有啲地庫格局feel，每逢假日，都多人等位㗎。但如果你想品嚐傳統茶餐廳早餐，我推介呢間餐廳。果日一入去，就完全感覺到懷舊品味，就連餐牌都係乒乓球拍設計，認真盞鬼。之後，便'一意點左個沙爹牛肉麵，麵煮得唔錯，仍然彈口，要加分。沙爹味道可以。麵包多士都好味，又要加分。但最要同大家分享係杯咖啡，佢寫檀島咖啡，我見到就暗笑，都唔知得唔得。點知一飲，正呀，好滑，奶味好濃。真係好野。我每次都係為左咖啡先去呢間鋪頭。不過，不得不提大家，下午茶就麻麻地，可以唔駛幫襯，我試過小抄唔好味，所以，我淨係幫襯佢早餐咋

今天和朋友去了這間餐廳吃早餐， 真的令人很失望，，，。 叫了早餐吃份量又細又少， 我哋叫了兩杯飲品 一杯係凍奶茶一杯係凍檸茶 凍奶茶那杯淡而無味 一點茶色也沒有 凍檸茶那杯亦都一樣 沒有茶味一定是溝了很多水 很沒有水準…… 然後叫侍應把一杯水………… 都要三催四請， 態度勁惡劣 好似得罪咗佢咁， 那裏環境就一般啦 空調不夠用囉 三十幾度好似焗桑拿咁入面 食到滿頭大汗 早餐款式又很少根本就冇得選擇 如果想去的人麻煩請諗一諗 雖然係就腳喺地鐵站上蓋，

金記價錢向來都是中上水平，下午餐基本都要$36，只係三文治套餐。 下午茶餐牌選擇算多樣。餐廳環境都算大，繁忙時間長期要等位。乾炒雞扒即食麵($45)💯一睇就知好味。公仔麵炒得夠乾身，雞扒仲切開一塊塊，肉身食得出係煮熟再撈公仔麵一齊炒，個人就覺得好好味。其他人有可能認為唔係煎就差左種味道。金牌乾炒牛河($45)❌成碗好似湯粉咁上枱，河粉太油，明明成碗粉好黑好似落左好多豉油，但入口一點味道也沒有。因為用湯碗上，油份聚埋一堆，油上加油。

今日如常，lunch又係找好嘢食時間啦。新到黃大仙返工，緊係要試試當佢美食啦。同事介紹金記茶餐廳，ke豬膶通非常正，所以今日就走左去叫了一份豬膶通。果然無令我失望,豬膶煮得剛剛好又夠大塊，湯底好有豬膶味。應該加左小小姜，所以唔會有陣蘇味，好味程度直逼深水埗維記正 直得推介。sorry 小弟掛住食，忘了相機食先，所以唔能夠post 相，供大家欣賞，就此道歉🙇

閒來無事，走去食個tea。去到黃大仙，見以前間茶仔轉左做金記冰室，主打懷舊風味，就入去試下。入去見裝修改左，比以前個間屋邨式茶仔，格調升級自然價錢升級。但食物質素不成正比，碟乾牛河未食過就似人地食完一半拎比我，除左侮辱鋪頭嘅明星，梗加侮辱我既舌頭。勸大家一句，搵食行遠啲啦

近排跳舞跳夜左，去到附近商場先發現好多餐廳已經last order執野，細睇之下，係商場的頂端見到一間仍然營業的冰室，我們就決定係呢到醫肚。冰室除了以懷舊的裝潢外，就連餐牌都以乒乓球拍做成，非常有特色。除了乒乓球拍內的主餐牌外，仲有精選晚餐可以選擇。晚餐的餐湯為雜菜羅宋湯，茄味都幾出，雜菜也不少。由於唔想食太油，呢份係特意廚房以烚代替用欖油炒。由於無了油、醬油調味，所以食到菜好新鮮。另外，廚師推介的白汁蘑菇雞皇飯，$51勁大碟，唔特別大食的女仔2份share應該都ok。咖哩牛腩撈丁真係唔錯，除了牛腩煮得夠入味又淋身外，個汁簡直係靈魂人物！咖哩汁唔會太浠，味道有D似沙嗲mix咖哩，整體好香！另外，個咖哩汁多到可以撈晒成個麵有突，夠晒足料。冰室仲有豬潤通的常餐，個豬潤的量都唔算少。不過對我來說都係淋左少少(我都係鍾意食有咬口的粉麵類)。個常餐仲包埋火腿Omlet，脆多士。冰室仲有超邪惡的西多士，唔係咁多人share，我先唔用叫。西多士炸得好香，入面仲係好Moist，不錯不錯。去到冰室，當然要叫返杯奶茶啦！茶奶比例不錯，有茶香之餘仲有奶的滑。此外，冰室仲有提供無冰凍奶茶，就算叫晚餐都可以加錢

一直都好中意食茶記，沙嗲牛麵同凍奶茶係最愛！去完一個星期旅行，一落機就去左金記冰室搵好掛住既味道～去到茶餐廳就梗係要叫常餐啦（＄43）！雖然依碗沙嗲牛麵既賣相就麻麻地，但食落唔錯！沙嗲味唔會掩蓋左牛肉味，同埋麵一齊食好好食另外配搭既火腿奄列火喉適宜，啲蛋仲係好滑唔會好老，不過同其他茶餐廳一樣，有多啲火腿就好啦～牛油多士就不過不失，牛油份量都唔少！最後依杯凍奶茶好完美咁完左依一餐，茶同奶既份量得宜，又唔會得死甜，好飲！依種港式味道真係茶餐廳先做到

今日在黃大仙上課， 放學後經過黃大仙中心南館內的金記冰室，外貌給人好有懷舊感覺，於是入去食個下午茶先。 雖然懷舊但係餐廳的設備並不舊， 地方簡潔衛生值得一讚， 嘗試咗他們的特色豬扒包和熱杏霜。 豬扒包是長型同一般食開的圓形有不同， 豬扒鬆軟但麵包可以再鬆軟些， 但整體配搭上算ok的。 我就幾欣賞他們用的茶杯和室內裝修， 環境舒適值得加分一

對我來說，黃大仙這個地方是美食沙漠！普遍水準都比較低。當我找不到一所好的餐廳是時候，金記冰室就剛剛裝修好了！數數手指，我已吃下超過十多次！而我最喜歡到這裏吃早餐，因為細節位做得很好，有水準！例如雪菜肉絲米，內裏的蝦米數目很多，而且香口！另外，奶茶方面，奶和茶的份量剛好，能代表香港特色。至於餐牌，很特別！用了乒乓波拍，給客人留下深刻的印象！最重要的是，服務員態度很好！雖然很忙，但全部人都有禮貌！十分難得！

有一次經過開呢度食午飯，價錢合理，個咖喱好好味辣到適中，可以再嚟，餐牌既設計睇得出好有心機，模仿舊式茶餐廳， ，有啲菜式同飲品亦係六七十年代才有的，好啱老人家你懷緬一番

下午茶只比午餐平幾蚊，一個下午茶要$50，份量少，根本不需要到這裡吃，不值！其他下午茶選擇不多，最普通的西多士都沒有套餐，要專登叫一個餐再隔外叫多個西多士。而且啲餐通常都係炸物，㳣水雞脾又冇，全部都熱氣野。

上星期約左朋友去行山，約左0係黃大仙食埋早餐再出發。黃大仙呢頭真係唔多熟路，朋友仔帶左我地去金記！呢間金記都幾多人，我地都等左10min先有位！金記裝潢以懷舊為主題，不過近年實在開左太多呢類既冰室，所以都睇到習慣左而唔覺特別Menu好得意，係用兵兵球拍造成，加分！鮑魚火腿通粉料都算幾多，好可惜個湯底冇乜味，要加鹽同胡椒粉調味，但個通粉既硬度適中，唔錯！蛋實在少太薄，冇口感，麻麻地奶茶尚算可以，幾香幾滑！

早咗出門口返工,當然要嘆返個靚早餐啦！今早黎咗呢間,因為想飲杯好d既奶茶一份早餐33元都算係咁啦！有蛋,有多士,有個牛麵同杯(還魂奶茶)正!奶茶奶同茶既比例都唔錯,牛麵汁夠味,牛夠冧,都幾好呀！下次再早出門口,可以再黎!

早餐A：係豐富早餐（一個面、一份蛋同包、一杯野飲）既代名詞金記係我食早餐A既首選佢有豬潤面炒蛋正塊多士係烘過又查左奶油（唔係好似普通茶記，求其high2high牛油）凍奶茶都一流呀！