金輝海鮮菜館

營業中

休息中

金輝海鮮菜館的霓虹燈招牌在夜色中格外醒目映照著碼頭邊停泊的漁船這家老字號海鮮酒家沒有精緻的裝潢卻憑藉現撈現煮的鮮活滋味成為本地人和遊客心中的隱藏版美食聖地海鮮池里的鮮從牌坊直走迎面而來的是一整排生猛海鮮池龍蝦、花蟹、鮑魚、瀨尿蝦甚至少見的老鼠斑全都在氧氣泵的氣泡中張牙舞爪老闆娘會熱情地帶你挑選，並根據人數推薦做法：今天的花蟹肥，清蒸還是避風塘？這種 即點即稱即煮的模式讓食客從視覺到味覺都參與了一場海鮮的鮮度儀式鑊氣十足的招牌演繹椒鹽瀨尿蝦（招牌必試）每只瀨尿蝦比手掌還長油炸後裹滿金黃蒜酥與辣椒碎殼脆肉彈，蝦膏濃郁到像海味的奶油過癮的是徒手剝殼時指尖沾滿椒鹽和蝦油的咸香連吮手指都成了享受豉椒炒蟶子王蟶子肉厚如拇指，猛火快炒鎖住汁水豆豉的咸香與青紅椒的鮮辣完美襯托貝類的甜味清蒸海上鮮（蒜蓉粉絲蒸扇貝）當日從日本直送的扇貝，簡單蒜蓉蒸，淋上熱油和豉油。帶子的鮮甜味層層分明，筷子一夾就 肉殼分離鮮味純粹得讓人想起小時候的漁村宴席椒鹽魷魷看似一道平凡的小炒卻是考驗師傅火候功力的隱藏王牌這道菜沒有龍蝦螃蟹的華麗身價卻以最直接的酥、香、鮮、辣成為老饕們的必點下酒神物輕薄酥脆的炸衣沒有厚重的粉感咬下時

西貢老字號海鮮酒家原居民推薦 唔劏人 套餐有貴有平上湯龍蝦伊麵-蝦肉飽滿彈牙 處於將熟未熟之際保留著溏心質感伊麵吸飽上湯 每一條都裏著龍蝦精華椒鹽瀨尿蝦（招牌必試）-油炸後裹滿金黃蒜酥與辣椒碎殼脆肉彈 手指沾滿椒鹽和蝦油的咸香有兩種SIZE選擇 手臂長或者手掌大果然係一分錢一分貨 手臂長既超級鮮甜但手掌大既都好飽滿 超爆膏豉椒炒蟶子王蟶子肉厚如拇指 豆豉既咸香同青紅椒既鮮辣吸飽醬汁後脆中帶軟薑蔥炒蟹（炒麵底）-蟹肉剛斷生，腿肉仍保持著半透明的質感炒麵外層爽脆微焦內裡卻保持濕潤彈性完美演繹"外乾內濕"既精髓白灼海生蝦大-蝦頭蝦膏鮮甜濃郁 蝦身肉質緊實彈牙椒鹽魷魷＋椒鹽八爪魚最直接的酥、香、鮮、辣輕薄酥脆炸衣魷魚肉保持著溏心般柔嫩嚼勁十足卻不橡膠 鮮甜汁水被鎖在裡面椒鹽的咸、辣椒的微辣、蒜粒的焦香層層遞進簡單的菜最難做好

初次入嚟西貢食海鮮, 都抱住俾人劏嘅心態入黎, 行過咗牌坊兩間大鋪, 問吓老細幾錢加工, 2個人60蚊一個加工海鮮！好！就買個斑馬瀨尿蝦加工, 再嗌個二人餐, 以$190一個人頭嚟講, 呢個二人餐絕對底食, 雖然一定冇你地出去自己買嘅咁大隻, 但以出去食黎講一定對得住你地！龍蝦爆膏, 蟹仔又係爆膏, 炒蜆份量又多, 全部都係新鮮嘢, 連個海鮮湯係送嘅都有瀨尿蝦, 見到啲人話服務態度唔好, 但我自己完全唔覺得係咁, 老闆又熱情, 食食吓都幫我哋換咗兩次碟!

2024年11月30日令人作嘔噶一日真系救命我地係西貢碼頭總站落車之後，行到海鮮街，盡頭因為這間叫金輝海鮮酒家睇上去性價比好高，因為其他人均都300幾，係得尼間190HKD，服务员又好热情，就选择左尼家，不过万万估唔到卫生情况差成咁上左两个菜，龙虾面细细碟，不过一分钱一分货系咁噶，第二个菜系送噶青菜:我就笔左一壳，吓死你！竟然有一张用过噶止血贴！我顶，有无咁离谱我朋友饮左一啖汤，作呕左一日请看以下实拍图，真系好核突

呢日係平日，放假唔使返工就陪阿媽嚟西貢行吓，嚟到西貢都想去食吓海鮮，但係又唔想食太貴，附近有幾間海鮮餐廳都有做套餐，套餐嚟講其實唔係太貴，每人百幾二百左右啦，間唔中嚟西貢食一次都OK嘅。行到條街比較入嘅位置，就見到呢一間，冇乜人食，不過其實間間都係差唔多，唔算太多人食海鮮。呢一間個店員好落力咁介紹有咩食，我哋見個套餐價錢都唔係太貴，就試吓。佢介紹我哋嗰個套餐，並唔係喺門口棟喺度嗰啲牌，而係另一張宣傳單張，冇影低到，不過我哋走嘅時候問佢係唔係得平日先有呢個餐，佢話唔係得平日，假期都有呢個套餐，但係就唔知點解冇擺出嚟，佢派傳單先會有。可以揀坐室內冷氣位定係室外睇海景位，見今日唔係太熱，我哋就揀咗坐喺出面。套餐每人$190，全包，埋單就係呢個價錢，唔洗再加咩茶芥加一，揀4個餸，另外送湯同灼菜。我哋揀咗龍蝦伊麵底、清蒸海上鮮、椒鹽炸墨魚、生炒骨。另外啲選擇，印象中仲有鮑魚、蜆、扇貝等等，不過因為阿媽唔食貝類海鮮，所以呢啲全部都冇叫。龍蝦伊麵底龍蝦唔係好大隻，但就用本地龍蝦，肉質都算鮮嫩彈牙。伊麵個芝士冇乜味，比較淡。清蒸海上鮮就係蒸魚，有兩款魚可以揀，呢款係比較少聽，店員介紹話幾好食又冇乜骨就

食物質素係不錯的，價錢亦都合理，但係侍應服務態度超差！問佢攞收據報稅，佢只比一張手寫單，我話要有寫明item嗰一張，佢話冇，之後我話你呢張應該要有過底紙，佢話冇過底；只係叫我自己用手機拍照影相，相機拍照影相怎能報稅呢？擾攘一輪之後都係要我讓步，之後仲要俾條侍應話我係乞兒！ 絕對絕對冇下次嘅幫襯！ 30分鐘開始返

重要事情講三次，真係唔新鮮唔新鮮唔新鮮話說見到佢哋喺海邊切咗好多廣告牌，我哋嗰日行過就覺得可以去試吓，因為裏面有一個係海膽炒飯係其他舖頭比較少見嘅，但係入咗去食第一啖就知道啲餸都唔新鮮，魚蟹蝦都係，大家千祈唔好去食。其實都好少喺上面落負評，因為覺得而家香港呢個環境大家做食肆生意都係唔容易，但係點知我哋返到屋企之後就屙咗三次，仲要喺呢度寫評論先至可以話俾大家知佢真實嘅質素係有幾差，如果唔係請大家千祈唔好入去呢間舖頭食飯

我哋叫咗個二人餐， 再另加椒鹽瀨尿蝦和蒜蓉蒸蝦， 雖然價錢貴啲， 但都好好食好彈牙， 坦白講套餐嘅餸就真係麻麻地， 可能真係一分錢一分貨， 但個海膽炒飯還可以所以好快已經食完。算啦唔試過又唔知的。

打氣聚會選了在金輝舉行。西貢友揸主意，訂了海鮮套餐，再加自來赤米蝦，抵食兼豐富。赤米蝦非常鮮甜，不用花巧烹調，白灼一流。是晚的重頭戲之一，龍蝦爽彈，芝士汁味道香濃，配以炒飯同食是伊麵以外的另一美味選擇。蒸元貝屬正常發揮，以套餐而言，元貝的個頭算是不錯。辣酒煮花螺香辣惹味，粒粒花螺的肉均清晰可見，證明花螺非常新鮮，煮工也恰到好處，螺肉爽脆不靭。椒鹽鮑魚非常惹味，也是套餐的重頭戲，鮑魚肉質軟腍不靭，口感與味道一流。是晚唯一的肉食菜式，份量十足，只是略嫌肉質不夠緊實。膏蟹雖然細細，但超級爆膏，適合愛膏香人士。以水上人最喜歡的方法碎蒸沙巴龍躉，不但方便大伙進食也令龍𧄌更加入味。今晚以兩個蔬菜作結，腐乳炒通菜不過不失，菜心清甜，以蒜子上湯浸熟屬最佳之選。

攀山涉水去大浪西灣玩完水，加上乾煎一整日，晚飯帶來自星加坡嘅朋友喺西貢市感受一下做老襯，試伏☺️500幾蚊1個海鮮餐，我係咪唔應該咁多嗲？另外再加咗蛋白炒飯、啤酒，埋單700幾蚊。所有嘢味道正常，只係用料唔正常😀龍蝦…蟹…都係好細隻到接近食殼。魚同扇貝叫做好少少。成餐飯我都e e um um…好唔滿意。唯有咁諗，望住個海食，個價錢同質素係咁上下！食海鮮都係散叫好d😑

去西貢食海鮮都唔少次，今次泊完車就隨便搵左呢間金輝。今日天氣的確好熱，因為帶住狗所以坐出面，店員幫我搵左個最涼既位。點完餸，上菜，一入口，心知不妙，鹹味蓋過曬海鮮味，招牌菜海膽炒飯，海膽少到要撥開啲飯嚟搵，而且同樣喊到難以入口。最後成餐飯一家三口只食咗5份1，不過都飽，係飲茶飽。食物已經難食，一家三口仲邊食邊流汗，我件衫濕晒。有其他食客都覺得好熱，叫店員開多啲風扇，但當其他店都在室外用冷風機時，金輝店員卻話風扇壞咗！最後，實在難忍，埋單走人，我攞張信用卡出嚟，店員話我地只收現金！吓！咩年代，食肆居然無電子支付？！跟住店員話，如果真係要用卡，要收3%🤬當我遊客嗎？相中食物係食剩嘅，三個人收$714🤬

前排去西貢酒店staycation，夜晚出咗去西貢海旁海鮮檔食海鮮餐，沿路海鮮菜館嘅餐單都差唔多，有兩位四位六位等等嘅套餐全包宴，價錢由二百零蚊起一位，菜單上係有好多款餸嘅，但睇清楚二人餐只係任選其中四款，最後我哋行入啲決定幫襯金輝海鮮菜館。菜單上面樣樣都想食，最後揀咗呢四樣，菜和水果係贈送㗎！1）芝士龍蝦伊麵底2）清蒸鮑魚，有四隻3）薑蔥炒蟹4）清蒸海上鮮（蘆魚－條）龍蝦真係好細隻，一隻開邊，都唔知咩品種啊，有少少失望，出邊大鋪呢就標榜係西澳龍蝦，咁如果有要求嘅下次就識揀啦！份量我哋覺得偏小，食完都唔係好覺飽！味道係唔錯嘅，四百零蚊食到幾味海鮮過下口癮，沒有投訴啦！味道性價比服務環境

想試吓地道海鮮，所以決定唔幫襯連鎖店舖，諗住試吓小店滋味~當晚見都幾多顧客，所以就決定試吓整體而言賣相其實非常吸引，份量則正常份量，食物味道正常發揮，有些略嫌調味過重，但尚算可接受範圍

開開心心留港慶祝生日 想遠離繁囂所以揀左去西貢WM Hotel 🏨 有少少外國feel講多少少WM Hotel 早排有package 包一晚2餐我地晏晝就入左酒店食晏晝 到夜晚先去食海鮮其實西貢嘅海鮮酒家都不外乎個幾間咁今次行到入去海鮮牌坊嗰頭 諗住唔好試連鎖試下街坊味道重啲嘅 見依間價錢同食物賣相都唔差 人又幾多咁 就坐低左 同大部分酒家一樣 都有露天雅座同室內我地見天氣幾舒服 涼浸浸就揀左室外我地4大人一個Baebae👶🏻 揀左個4人餐 $912可以十款裏面任揀5款 會送一款菜豉汁炒蟶子相對圖片又係少左啲 但仍然可以接受味道尚算惹味 拌飯一流避風塘炒賴尿蝦比係圖片相對細隻 而且調味料好重即使搣開個殼咬肉質 都唔得係好食到鮮味只係一大浸醃料味清蒸海上鮮 當晚係黃花魚 媽媽一食就話條魚肉質"霉" 唔新鮮 根本食兩啖就吐返出黎 菠蘿雞球相對前面三款餸算係咁 正常發揮海膽炒飯貴店主打攞膽第一人 海膽出色係無可厚非啦事實個海膽炒飯都真係唔錯 首先上檯熱辣辣飯粒分明 又黐到啲海膽 仲要加左海鮮去炒所以成個味道係唔錯💛 只收現金 有送生果盤 但真心唔會再黎

本來屋企上星期已食團年飯, 但既然能安排除夕回老家就一齊去西貢食飯跟著去行年宵。金輝在禁堂食期間都經常來買外賣, 因為仔女都鐘意食海膽炒飯。 可堂食後都來過3次, 今次第4次了。哩嗰時候去食飯都預咗要被抽水。1個大人、1個老人家加兩個後生,要咗隻3斤6兩南澳龍$488/斤。點都有番2斤幾食呱。 點之上枱,要芝士變上湯,仲要得番1斤零無舊好肉。 問啲伙記就面青青講唔知,同你問問。 佢撞正我注定當黑。因為本人哩十幾年就帶兩個細路仔通處走通處食。海鮮就更唔使講, 全香港有海鮮食都去過,仲會經常去。青山灣忠仔記入面的水池就當係魚缸咁。 啲伙記都知我只要大隻南澳龍4斤幾呀5斤就啱啦。    夠唔夠斤兩一睇就心裡有數。不過去都咁大咬就真係平生第一次。  人哋抽水會無咗1/3,1/4, 宜家係我得番啲抽水剩1/3,1/4。 就算知道出聲都無用, 但唔出聲就真係連尊嚴都無埋。話晒佢地方,就走出去找他細聲同佢講我隻龍蝦3斤6兩差好遠喎。 佢連望我都唔敢,只話得你一個係魚缸要龍蝦無換咗你架。 係咪X拍後尾枕???  唔都無話你換,不過唔夠數。    我同佢講我特登出來找你就係要由你親口講3斤6兩係入面枱面