影片
更多
2024-10-27
142 瀏覽
呢日係平日，放假唔使返工就陪阿媽嚟西貢行吓，嚟到西貢都想去食吓海鮮，但係又唔想食太貴，附近有幾間海鮮餐廳都有做套餐，套餐嚟講其實唔係太貴，每人百幾二百左右啦，間唔中嚟西貢食一次都OK嘅。行到條街比較入嘅位置，就見到呢一間，冇乜人食，不過其實間間都係差唔多，唔算太多人食海鮮。呢一間個店員好落力咁介紹有咩食，我哋見個套餐價錢都唔係太貴，就試吓。佢介紹我哋嗰個套餐，並唔係喺門口棟喺度嗰啲牌，而係另一張宣傳單張，冇影低到，不過我哋走嘅時候問佢係唔係得平日先有呢個餐，佢話唔係得平日，假期都有呢個套餐，但係就唔知點解冇擺出嚟，佢派傳單先會有。可以揀坐室內冷氣位定係室外睇海景位，見今日唔係太熱，我哋就揀咗坐喺出面。套餐每人$190，全包，埋單就係呢個價錢，唔洗再加咩茶芥加一，揀4個餸，另外送湯同灼菜。我哋揀咗龍蝦伊麵底、清蒸海上鮮、椒鹽炸墨魚、生炒骨。另外啲選擇，印象中仲有鮑魚、蜆、扇貝等等，不過因為阿媽唔食貝類海鮮，所以呢啲全部都冇叫。龍蝦伊麵底龍蝦唔係好大隻，但就用本地龍蝦，肉質都算鮮嫩彈牙。伊麵個芝士冇乜味，比較淡。清蒸海上鮮就係蒸魚，有兩款魚可以揀，呢款係比較少聽，店員介紹話幾好食又冇乜骨就
行到條街比較入嘅位置，就見到呢一間，冇乜人食，不過其實間間都係差唔多，唔算太多人食海鮮。呢一間個店員好落力咁介紹有咩食，我哋見個套餐價錢都唔係太貴，就試吓。佢介紹我哋嗰個套餐，並唔係喺門口棟喺度嗰啲牌，而係另一張宣傳單張，冇影低到，不過我哋走嘅時候問佢係唔係得平日先有呢個餐，佢話唔係得平日，假期都有呢個套餐，但係就唔知點解冇擺出嚟，佢派傳單先會有。
可以揀坐室內冷氣位定係室外睇海景位，見今日唔係太熱，我哋就揀咗坐喺出面。
套餐每人$190，全包，埋單就係呢個價錢，唔洗再加咩茶芥加一，揀4個餸，另外送湯同灼菜。
我哋揀咗龍蝦伊麵底、清蒸海上鮮、椒鹽炸墨魚、生炒骨。另外啲選擇，印象中仲有鮑魚、蜆、扇貝等等，不過因為阿媽唔食貝類海鮮，所以呢啲全部都冇叫。
龍蝦伊麵底
龍蝦唔係好大隻，但就用本地龍蝦，肉質都算鮮嫩彈牙。伊麵個芝士冇乜味，比較淡。
23 瀏覽
0 讚好
0 留言
清蒸海上鮮
就係蒸魚，有兩款魚可以揀，呢款係比較少聽，店員介紹話幾好食又冇乜骨就試吓，但唔記得咗條魚叫乜名。清蒸配啲豉油已經唔錯。
8 瀏覽
0 讚好
0 留言
椒鹽炸墨魚
呢個似乎最好食，椒鹽炸惹味，而且墨魚都幾大塊，彈牙爽口，炸粉又唔會太厚。
14 瀏覽
0 讚好
0 留言
生炒骨
就正常普通，舊舊都有骨冇淨肉，有幾舊都幾肥。
7 瀏覽
0 讚好
0 留言
送嘅湯，有啲豆腐同白菜仔，個湯就偏鹹。
15 瀏覽
0 讚好
0 留言
送嘅灼白菜仔，都ok。
8 瀏覽
0 讚好
0 留言
每人$190都ok唔係太貴，4個餸嚟講平均$100一個餸，出面酒樓計埋茶芥加一其實都差唔多。
張貼
