金輝海鮮菜館

營業中

休息中

西貢海鮮一向出名，故特意前來嚐一嚐。西貢海鮮街由街頭到街尾，有很多以海鮮作招來的食店。第一次來食海鮮，我們選了金輝。金輝有海鮮套餐，不過我家母覺得自選海鮮及煮法，更為新鮮，所以我們沒有點套餐。於上主食前，會先上蕎頭及炒花生。椒鹽豆腐不過不失，外脆內軟，而且上碟不會好油膩。椒鹽瀨尿蝦經炒炸後，肉質依舊保持鮮嫩，而外層殻則脆卜卜。白灼蝦(例牌) ($120)新鮮的海鮮，不用太多調味，以最簡單的烹調方法，也能帶出食材的鮮味。這個白灼蝦煮法雖簡單，但食落好夠蝦味，非常鮮甜。好快已被吃光光。陳皮蒸鮑魚鮑魚經蒸煮後，不會過老，十分彈牙，不過略嫌欠缺陳皮味。蒜蓉粉絲蒸蟶子蟶子蒸得太耐，好老好靭。蒜蓉粉絲蒸扇貝扇貝蒸煮時間控制得比蟶子好，食落新鮮。不過扇貝蒸煮後，由大大粒縮細成細細粒。辣酒煮螺辣味太出，搶走了螺原有的鮮味，加上本人不太嚐辣，所以不算太喜歡這味。炒通菜還點了一客蛋白炒飯。忘了拍照，不過炒得乾身，吃時不會太油。西貢還有很多海鮮食店，大家不妨比對一下，再作選擇。

如果想食海鮮, 我心目中嘅首選一定係去西貢食!! 因為我覺得平, 靚, 正!! 通常一個價錢便包括幾款海鮮, 油菜, 炒飯同湯, 有D食店仲會送埋甜品添！！通常我覺得食海鮮都係海鮮價, 超貴！！ 但呢度好公道, 先開左個價先食, 會令人食得安心好多！！今晚我哋揀左金輝海鮮菜館食海鮮, 因為望到個餐單都好似幾啱食: 有芝士焗龍蝦伊麵底, 見到時有D失望, 太細隻, 無乜肉食到, 伊麵偏淋, 但勝在夠多汁！！椒鹽濑尿蝦就大大隻, 幾好味道！！清蒸飽魚幾鮮味又有靱勁！！蒜蓉粉絲蒸元貝, 元貝太細粒, 粉絲多就多但過淋呢！！清蒸海斑就好新鲜, D魚汁送飯真係一流！！炒白菜都炒得幾嫩！！蝦仁炒飯, 粒粒飯, 但味道偏淡！！最後秘制海龍皇湯, 料多湯濃！！好飽呀！！

家父喜歡吃海鮮，基於某種原因，每年總會到西貢金輝吃一頓海鮮晚餐。一行十大一細，叫了十人餐，總共有九個餸菜。都是二千多元，比起很多酒家，相對便宜的吧！前菜花生及喬頭，喬頭酸酸甜甜的，很開胃。伴酒必備的沙薑雞腳，肉厚入味！豉椒炒聖子，碟頭很大。椒鹽瀨尿蝦， 本地瀨尿蝦 ，肉質鮮甜嫩滑。椒鹽鮮魷，微辣香口，稔滑惹味清蒸鮑魚， 爽口彈牙！焗芝士龍蝦伊麵 較為遜色 ，龍蝦不見肉，不過伊麵味道不錯。本港走地沙薑雞， 雞肉有口感也嫩滑。海膽炒飯， 份量十足。蒜蓉粉絲蒸大元貝，不過不失。清蒸沙巴龍躉， 肉質嫩滑。連同啤酒及汽水，埋單也只是2300元，十分抵吃！

同朋友去西貢玩，之後朋友又提議嚟呢間菜館食晚飯，最初我都擔心會好貴，因為食海鮮唔係講笑，有時食下食下食多咗就唔好啦， 而且因為遇咗去玩所以就冇帶credit card，不過我朋友話佢同呢間個經理好熟，唔會鋸架我哋， 所以就咁樣就去咗呢間食晚飯。嚟得食海鮮都會叫椒鹽瀨尿蝦，因為朋友話個個都會叫，靠海食海， 食咗都覺得呢度啲瀨尿蝦好新鮮，而且覺得好香口係好好食，如果唔係怕喉嚨痛嘅話一定會叫多啲嚟食。白灼海蝦都係好正，啲蝦真係鮮甜又爽口又彈牙，就咁樣白灼就已經好好味證明超級新鮮， 而家寫文諗返起都想再食。豉椒炒蜆，啲蜆大大隻厚厚肉又冇沙，個廚房師傅炒得好勁好夠鑊氣，好耐冇食過咁好食嘅豉椒炒蜆，而且有少少濕身咁樣可以用多啲汁好餸飯。跟住又叫咗一碟菜，碟菜就ok正正常常咁啦，冇話特別好食或者唔好食。然後又蒸咗蟹嚟食，隻蟹都好鮮甜，唔係好話好多肉但係啲味道就好鮮， 啲蟹膏唔算好多但係就好有蟹膏濃味，真係唔錯。食食下朋友就走咗去埋單，佢話今餐佢請，所以我唔知食咗幾多錢。

天氣咁好，一車兩老今日都係要行吓山輕鬆下。 西貢 菠蘿輋 黃屋村，尾站西貢食海鮮就番歸。通常幫襯米之蓮全記，同埋米之蓮勝記。 間唔中洪記。 今日終於嚟金輝試菜食海鮮。 唉，唔得，煮得好求其，例如個蝦都唔新鮮，分量亦及唔上其他食店，餸菜唔夠熱，上碟好求其，好快一次過嚟晒。 公平 D 講，不會把她跟貴 1倍的米之蓮勝記做比較，但仍遠遜價錢相若的米之蓮全記同埋洪記。 以為位處偏僻會俾心機 D 做，哎，失望，最慘係 quota 被佔用了，opportunity cost好大！ 價錢冇特別平。 唔會再嚟。

聖誕節假期，和老人家遊西貢，順道吃餐海鮮，以作自賞。本來想光顧品評高分數的餐館，唯在打轉選擇時，路過金輝，職員極力推介。拿著單張看了看，五人都可成餐，見價錢相對吸引，而且門面也佳，故拿了位子，坐定下單，選了五人餐。待食時看了看品評，弊！中伏。原來劣評如浪，滿眼皆是。心中不可受，唯已成定局，走著瞧吧。一來雜魚例湯。一飲，心定了，就是有鮮味。過關，不錯。接著來豉椒聖旨。一看份量，嚇了一驚，勁大碟，足足十人餐的份量。只是豉椒份量稍欠，聖旨個體小，沒有切片，致聖旨味道較原味。三來龍蝦伊麵，賣相味道俱佳。麵量勁多。四來椒鹽瀨尿蝦。份量亦嚇人，足雊十人份量，只可惜蝦體較小。老闆也明言佳節貨缺且貴。可以接受的理由。蝦之味道極佳，甘香回味！五來小炒菜，較韌，明顯不新鮮之故。六來蒸扁具。貝身新鮮，蒜蓉味濃，拼湊口感佳。七來海膽炒飯，鑊氣還可，整體不過不失。八來蒸海斑。火喉剛好，魚本身新鮮，味道自佳。連百彈齊主外母都連聲贊賞！因碟頭量實在超乎食量，最後我們拿走三盒食物。最後來生果，適時佳品！整體消費$1068，以量質價算，人均才兩舊，夫復何評？

趁住好天氣，梗係同朋友們去西貢行山兼食海鮮。一心以為西貢食海鮮平過鯉魚門，但可能都係旅客區，行左幾間又多人又貴，最終都搵到間算平既黎食。餐廳以係食餐為主，幾多個人就揀有幾多款海鮮食。我地四個人揀左有五個海鮮再送湯飲，承惠$828。蒜蓉粉絲蒸元貝，蒸得剛剛好！中size，係酒樓食襯都會肉同殻分離左，令人感覺係雪藏野，但今次呢個連殻嫁，哈哈如果可以比多D豉油就perfect!!!豉椒炒聖子，就一人一條，味道不錯！芝士龍蝦伊麵底，啖啖都係肉，芝士夠哂濃！椒鹽瀨尿蝦，熱氣之作，朋友話好正，好夠味！清炒白菜仔，真係好清，油都無滴最後送上既係海胆炒飯，都係預料之內，海胆不多，但都屬正常炒飯味道。

今天一行5人到金輝海鮮菜館食海鮮，睇了幾間海鮮店餐牌作比較後覺得依間比較便宜及有7餸1湯，5位都是1088元，覺得比其他店便宜，後來看了食評不太好，想轉去第二間，大家商量後決定一試，果然不是那麼差，份量足夠5人食，雖然係套餐，不過食物好新鮮，條魚都差不多兩斤，而且仲食唔晒，打包海膽炒飯走潻推介食物，瀨尿蝦，蒸魚，鮑魚

琴晚先食完海鮮，但好似唔係好夠喉，好想食椒鹽大瀨尿蝦，但由於琴晚比較貴，所以沒有吃。今天相公趁著晚上要到烏溪沙建議午餐可到西貢吃，於是駕車起行。記得之前曾經到金輝食過海鮮餐，是有椒鹽大瀨尿蝦，因為都有一段時間沒有前來，所以openrice一下，居然發覺負評不少，心中有點擔心。來到西貢後，看過幾間海鮮餐廳都發覺套餐並沒有此菜式吃，只有金輝。之前來過金輝兩次，並沒食評所說的差，加上價錢抵食，我們決定再賞試。今次揀了四款菜式，承惠也只是408元:有椒鹽瀨尿蝦，薑葱炒蟹，蒜蓉蒸元貝粉絲底及芝士焗龍蝦伊麵底。 我們到達餐廳已是下午2時多，所以人不多, 姐姐仔都有問必答，還建議我們大蝦伊面較龍蝦伊麵當造及鮮，可惜我們早一晚已吃了大蝦，所以我們較想吃龍蝦多一點。至於蒜蓉蒸瑤柱/元貝粉絲底，姐姐仔話瑤柱係冬天較好食，所以我地都係食元貝。由於自選四款菜式會送油菜一碟或海鮮什魚湯，結果我地揀左油菜即係白菜仔啦，咁又有菜食都唔錯。 除了元貝其中一隻較瘦弱外，樣樣海鮮都很鮮甜。蟹很鮮，正，只是略嫌薑葱味可以再濃一點。至於椒鹽瀨尿蝦，超正。相公怕剝蝦，我唯有頂硬上全K.O，真想食多幾隻啊！ 雖然無湯飲，但有茶同

趁今日係happy Friday，又想同狗仔散下步，於是去左西貢海鮮。香港食海鮮嘅地方都有很多選擇，例如三聖邨，流浮山，鯉魚門，西貢等等本身西貢比較方便我本人，而且又有海濱長廊可以比狗仔散下步。一舉兩得。今次試咗呢間海鮮譜，佢哋本身係以家族形式經營的。我個人比較喜歡支持小店，二話不說我就選了這家。我地兩個人選了一個二人海鮮套餐$418。芝士龍蝦伊麵，清炒時蔬個龍蝦伊面好濃嘅芝士味，好食。個白菜仔唔算好多油，好啱我口味椒鹽賴尿蝦，海膽炒飯賴尿蝦都算大隻，個椒鹽我認為可以再濃味一點海膽炒飯個飯炒得唔錯冇乜油而且你會見到一粒一粒嘅海膽係個飯裡面Asahi $28蒸魚，我不太記得這個魚叫咩名。肉質都算滑溜 應該是淡水魚來的。蒸鮑魚，不算很大隻但是也很新鮮

第一次差到要比負評明明menu 有$408 二人套餐 問d伙計果陣都話有 但一坐低就話無 得番$418 二人套餐 咁都無計 坐低照食叫個418套餐 希望食物質素補償番心理 但事與願違 想叫蟶子 佢話蟶子好短唔靚就幫我地揸主意叫鮑魚 明明叫左蝦仁炒飯 但上左海膽炒飯 話蝦唔靚好細隻 都唔知咩理由黎上菜果陣 菜式賣相真是極差 連屋企自己煮都好過佢 椒鹽瀨尿蝦黎得兩隻 油菜極少仲要食食下聽到老闆講：「我做一枱大枱好過你做十枱細枱啦」 呢間菜館完全無服務質素可言 老闆語氣高傲睇唔起人 最後連果盤都無送上 又無解釋原因食到我同女朋友十分氣憤希望大家有睇呢篇食評 唔會再有人中伏啦

明明餐牌2人餐有龍蝦 點餐時話我知冇 我諗算 大蝦就大蝦 結果食食下發現隔離台2人餐 4人餐全部都有龍蝦⋯⋯問返阿姐 話2人餐冇 4人餐先有 .痴線 !明明隔離2人就有 餐牌有寫而家唔係錢既問題 係呢個餐廳好有問題 講大話 服務有問題 味道又差 大家千其唔要幫襯 真係會去消費者委員會投訴呢間餐廳 好氣憤!！！總之真係好差 俾錢受氣上菜慢 味道差 最重要係要騙人 呢種經營手法真係差差差 以後都唔會再黎Blacklist大家都唔要幫襯 一定會後悔

wait for almost an hour for the food tool come, waiter dont care, not helpful. will never come backfood is bad and overcook

一班尋嚐百姓是次約定到西貢食海鮮，其中一名草民一早訂了金輝。開始時頭兩道餸菜都沒甚麼問題。清蒸鮑魚仔只下了數顆蔥粒，能夠突出鮑魚的鮮美。蒜蓉粉絲蟶子只要火候掌握到位，蒜香加蟶子很難不討好。接著問題就接踵而至。椒鹽瀨尿蝦椒鹽味太薄弱，糟蹋了尚算不俗的蝦肉。蒸魚表面上看似正正常常，但有點點蒸過了頭，魚肉不夠滑，豉油不論鮮味或咸味都不足。乍見芝士焗龍蝦，一眾人等的下巴都跌了下來！一碟水汪汪似湯不湯的芝士汁呈現眼前，芝士汁無芝士味，龍蝦無龍蝦味，伊麵太腍，吸汁後口感更糊，堪稱史上最難吃的芝士龍蝦！炒菜芯不夠嫩，硬而無味，不提也罷。另一絕品所謂的海膽炒飯，就是炒飯中找到細碎的海膽，毫無鑊氣之餘，亦同樣是淡而無味的，小人認為在任何茶記吃一碟甚麼炒飯都遠勝於這碟「攞膽炒飯」。今次尋嚐任務宣告失敗，那個訂位的草民被處以極刑。

年初四两公婆去西貢行下食海鲜，間間都爆曬棚，唯獨呢間較少人，就求其坐底叫嘢食，落完order就即刻同你講今日需收加一服務費，都算啦，新年流流大家開心，少少錢就由佢啦……（等待期間，隔離枱一路食一路駡）開始free到中左伏好快就有上菜，一夾落口，我頂……椒鹽瀨尿蝦凍嘅海膽炒飯又凍又濕又霖（肯定炒後焗住流返啲倒汗水落去）芝士大蝦伊面仲離譜，一來凍，二來芝士汁一啲芝士味道都無白菜一碟數埋吾夠八條，又凍又生（未炒熟）豉椒炒聖子，賣相差唔再講，又係凍冰冰，食落又有沙又有穀最遲上菜系條魚，唯一一味餸肯定即蒸，出晒煙，但敗筆嘅係，豉汁落咗好多油，魚肉食落梅梅哋……總括來講，六個餸有五個餸系一早整定嘅……呢間嘢毫無誠意，食嘢無鑊氣凍冰冰咁食黎做乜？求其搵間車仔兩三餸飯好過佢多多聲！