金輝海鮮菜館

營業中

休息中

wait for almost an hour for the food tool come, waiter dont care, not helpful. will never come backfood is bad and overcook

一班尋嚐百姓是次約定到西貢食海鮮，其中一名草民一早訂了金輝。開始時頭兩道餸菜都沒甚麼問題。清蒸鮑魚仔只下了數顆蔥粒，能夠突出鮑魚的鮮美。蒜蓉粉絲蟶子只要火候掌握到位，蒜香加蟶子很難不討好。接著問題就接踵而至。椒鹽瀨尿蝦椒鹽味太薄弱，糟蹋了尚算不俗的蝦肉。蒸魚表面上看似正正常常，但有點點蒸過了頭，魚肉不夠滑，豉油不論鮮味或咸味都不足。乍見芝士焗龍蝦，一眾人等的下巴都跌了下來！一碟水汪汪似湯不湯的芝士汁呈現眼前，芝士汁無芝士味，龍蝦無龍蝦味，伊麵太腍，吸汁後口感更糊，堪稱史上最難吃的芝士龍蝦！炒菜芯不夠嫩，硬而無味，不提也罷。另一絕品所謂的海膽炒飯，就是炒飯中找到細碎的海膽，毫無鑊氣之餘，亦同樣是淡而無味的，小人認為在任何茶記吃一碟甚麼炒飯都遠勝於這碟「攞膽炒飯」。今次尋嚐任務宣告失敗，那個訂位的草民被處以極刑。

年初四两公婆去西貢行下食海鲜，間間都爆曬棚，唯獨呢間較少人，就求其坐底叫嘢食，落完order就即刻同你講今日需收加一服務費，都算啦，新年流流大家開心，少少錢就由佢啦……（等待期間，隔離枱一路食一路駡）開始free到中左伏好快就有上菜，一夾落口，我頂……椒鹽瀨尿蝦凍嘅海膽炒飯又凍又濕又霖（肯定炒後焗住流返啲倒汗水落去）芝士大蝦伊面仲離譜，一來凍，二來芝士汁一啲芝士味道都無白菜一碟數埋吾夠八條，又凍又生（未炒熟）豉椒炒聖子，賣相差唔再講，又係凍冰冰，食落又有沙又有穀最遲上菜系條魚，唯一一味餸肯定即蒸，出晒煙，但敗筆嘅係，豉汁落咗好多油，魚肉食落梅梅哋……總括來講，六個餸有五個餸系一早整定嘅……呢間嘢毫無誠意，食嘢無鑊氣凍冰冰咁食黎做乜？求其搵間車仔兩三餸飯好過佢多多聲！

一直明白點海鮮套餐會比單點質素低一D，但冇諗過會差成咁，完全不值！比通記全記差N倍！芝士汁浸龍蝦伊麵 （已經唔計係殼上），薑蔥炒＂水＂蟹，蟶子炒豉椒 ，稍為好D係碟菜同蝦！一向光顧通記全記，諗住今次試新餐廳，點知係伏！服務態度亦非常差！完全被無視，全碟都係殼都冇人理，D餸放係對面海，唔知以為兩個入去四個食！最攪笑佢門口貼住免茶免加一但有前菜同芥醬每位$10。但佢冇比前菜又收芥醬加前菜錢！不知所謂！一定冇下次😡😡😡😡😡

只是問可否上果盤，侍應突然對食客破口大罵。這是什麼服務？食物非常非常普通，其他西貢食店好三倍有多，價錢也不是太便宜这是第一次偶然想試吓，我们全家六个人也决定不會再光顧，一家人食飯非常掃興

帶子有怪味芝士龍蝦一pad pad 一開始講到明冇雜費最後一堆偷摸雜費俾佢啲怪味花生炒聖子一人得嗰一隻薑蔥炒蟹根本就無肉 一啖食晒上菜上得好快因為全部都係凍嘅食完個胃都唔舒服個心仲唔舒服相信睇到呢篇食評嘅你係已經中咗伏啦請廣傳俾你嘅親友知

就兩個人，朋友食開金輝，帶我去幫襯，話加工平，事實係，碼頭海鮮艇買咗條斤零班、蟶子、鮑魚仔、象拔蚌仔，每項100蚊共400，比金輝加工，海鮮自己選的，考的是金輝煮的功夫，以及是否味道與加工費正比。朋友話金輝豉油偏鹹要求另上，因為四個菜三個蒸，同豉油有好大關係。先上蒜蓉粉絲蒸象拔蚌仔，粉絲要加廿蚊，抵唔抵見仁見智，豉油沾著吃，蒜蓉夠多，粉絲如果剪下會更好，但蒸得ok，豉油我又唔覺好鹹，沾著吃剛剛好。魚蒸多咗2分鐘度，老咗少少，另外加多Ｄ蔥仲好，不過豉油熟油分開上，總是怪怪的，下次可以不用分開了，應該效果好些。果皮蒸鮑魚仔，果皮唔夠，果皮味好淡，但其他都幾好，也沒有話內臟唔清。豉椒蟶子好惹味，炒得剛好，味濃送酒送飯都得，不過餸多兩個人吃，就沒叫白飯，同加個青菜了。最後連支青島，埋單2百零，合理吖！埋單送橙好甜有分加，見Ｄ食評彈多過讚，覓打幾個字還人個公道咯！下次多人Ｄ再試多Ｄ再評。

無一樣野可以讚，琴日因為紅日，所以各大餐廳手工費都加價$10-15，因此衰在貪平，去了這間不知所謂的海鮮店(4/4 手工費$50，足足平其他店$10)。清蒸鮑魚、魚，蒜蒸蚌仔，芝士龍蝦，椒鹽墨魚，豆椒炒花甲，海胆炒飯，蒜蓉炒菜(除海胆炒飯，蒜蓉炒菜，以上海鮮食材均為自購)1)清蒸鮑魚，未去內臟連咀蒸原隻上，"""懷. 疑""無洗過2)芝士龍蝦，芝士汁變麵粉汁，麵粉味濃郁3)海胆炒飯，無任何海胆味之餘係無任何味道， 同白飯無分別，多謝盛為$138，真好意頭😂4)蒜蓉炒生菜=白灼生菜撈蒜蓉無為遂一數，都唔知食左咩"美食"落肚結論 : 勁差，貪平無好處，食完mood都無。大家可以話無圖無真相，唔信可以去試下。

大時大節前夕, 聚餐特別多, 食左幾十年, 諗去吃什麼、去那吃也夠頭痛了, 今次去遠點, 入西貢食海鮮, 一行四人, 其中2人經濟環境一般, 所以今晚不可以豪吃海鮮, 只用可普通晚飯價錢吃海鮮, 沿海邊行了一圈, 越入的海鮮檔價錢越相宜, 最後選了金輝海鮮菜館落腳, 早點食晚飯係我們既策略, 17.00pm 或之前吃, 議價空間最高, 我地食完, 食店又可以番檯做多一轉生意, 一家便宜兩家著呢今次我地選了 $208/位套餐, 減到 $200兼可將清蒸海上鮮的唔知乜魚轉為清蒸游水沙巴斑。秘制海龍皇湯內有蕃茄、雜魚、花甲等, 師奶朋友話無味精, 雖然說不上很鮮甜, 以列湯來說有海鮮味而又無落味精己經很不錯了。清蒸鮑魚仔每人有2隻, 味鮮, 爽口, 豉油鹹度適中芝士焗龍蝦伊麵芝士汁一般, 沒有芝士香味, 龍蝦細隻沒大多肉可食, 貴價海鮮都預左, 龍蝦是新鮮貨或剛死的, 沒有死蝦味, 蝦肉亦彈牙爽甜。******************************蝦仁炒飯炒得不夠乾身, 米飯偏腍, 幸好唔太油膩, 可以清碟。清蒸沙巴班約斤半, 肉質爽嫩鮮甜, 完全唔腥, 豉油恰到好處蒜溶粉絲元貝食

總覺得西貢是旅遊區，賣海鮮的幾間大店都打遊客主意。我和朋友只有兩個人，今晚只想簡單蒸條魚吃，就來到這間僻靜一點的金輝。選了海鮮，朋友才上 openrice 看，發現這店劣評如潮 =.=! 幸好我點的三樣不是那麼差，沒有怪味，只是用油太多。我相信劣評都是針對便宜套餐的質素。先來【果皮蒸鮑魚仔】，火喉掌握得不錯，彈牙林滑，不錯。但若果鮑能刷洗得乾淨一點會更好。（價錢不是特別便宜，$198/斤，六隻小小的就要 $90），還要加上烹調費。 有人說這裡的蒸魚有怪味，我這條【清蒸沙巴】沒有問題，尚算新鮮，只是蒸過火了，厚肉的位置很老，唉，我還特別交帶過不要蒸太久呢。魚是自挑的，不是套餐，$198/條，一點都不便宜，沒辦法，其他大店全都賣一斤以上的大魚。沙巴這類養魚在其他地方賣得很平，不用一百元就有交易，來這裡吃的唯一好處是環境清靜一點。 【蒜蓉炒菜芯】菜很甜，但用油太多。

第一次差評。呢間嘢千奇唔好去試！叫左條蒸魚，送到嚟成碟魚都係油，煮得差都算！食落肉質好"鞋"，仲有一大陣怪味！(疑似雪味)本人平時都唔鐘意浪費食物，但呢條真心食唔落，一大陣怪味。。。成條魚浪費晒！！！總結 : 手藝差！懷疑換魚，真心唔好去試！

間餐廳因為位置比較後，同細，所以冇前面D餐廳咁多人。老細好多時都會出黎招呼D客，好NICE個餐都幾多碟，而且碟碟都夠份量，最欣賞係賴尿蝦，超大隻，佢地整得好夠火喉，又唔算太SPICY，D肉質都幾彈牙，最緊要係唔霉。聖子炒得很香口，很鮮甜，令人回味無窮。個菜雖然望落去係普通少少，但食落去真係好有甜，好爽，見得出師傅既功架，係一碟出乎意料既菜色另外佢個海鮮蓄茄湯都唔錯，入面D材料好足，有蝦又蟹又有蜆，D薯仔切到細細粒，好易入口蒸魚係石斑，大大條，個豉油調教得岩岩好，唔會太甜，加上有蔥香，帶出到條魚既味。佢地既火喉岩岩好，D肉仲係彈口，唔會蒸得太老，所以好滑。另外因為係石斑，而且好大條，所以連細路同老人家都岩食，我地咁岩有老人家，都大讃OK。而元貝同鮑魚個味道都唔錯，最令我地SURPRISE係每人可以有兩隻鮑魚食，雖然D鮑魚唔算大隻，同埋係養鮑，但有兩隻入口，即刻覺得FEELING GOOD。唯一大家覺得有待改善係龍蝦伊麵，個伊麵本身好乾，同埋D伊麵唔好味，雖然睇得出D龍蝦係新鮮，但成碟因為太乾身，變左D龍蝦好"UN"，唔太好味。

同朋友一齊去chok墨魚後，就在西貢食埋海鮮第一次去呢間，因為有朋友推介，話比較化算，而且人不多，睇下個餐牌，又真係OK抵，無左俾人劏既感覺我地chok既墨魚叫餐廳煮堆，真係好好食，比起一食一隻切開再煮差好遠，成食連墨汁食真好味因為5個人，加上有一個暈船浪，所以實際食野得4個人條魚好新鮮，幾下就俾我地食曬炒蜆夠鮮無沙麵底龍蝦，我太飽只吃了龍蝦，夠爽夠彈牙但最好味都係賴尿蝦，因為真係好入味，而且新鮮，個殼一開就一整條肉出左來呢餐平靚正

我地3個冇做research就膽粗粗去西貢食海鮮都預左好就有下次,衰就冇下次。但都要黎寫食評鬧下,話俾D人知呢間野或者有機會可能好好,但我的3人餐(每位$208)就差lor.1) 椒鹽瀨尿蝦唔係原隻上,頭還頭,尾還尾,有1-2舊係個身掛,短到呢~一路食一路睇住隔離3臺都完整一隻隻上，我覺得真係離晒譜!!!!!所以呢間野或者有機會可能好好既,睇你好唔好彩 OR 有冇問清楚係咪完整一隻隻上...2) 落單先話冇海膽炒飯，唯有食蝦仁炒飯啦。我成世都未食過甘無味既炒飯....(後來睇其他食評知道海膽炒飯都不知所謂,所以冇遺憾既) 呢個真係要改善,好唔得,食剩晒,想打包都唔願意......唉,好浪費但真係冇味...3) 條海上鮮的肉係"un"既  衰過我爸爸蒸魚~4) 海龍皇湯 = 有龍蝦的蕃茄湯，甘岩友人鍾意飲蕃茄湯，所以叫唔錯掛~5) 個菜正常,不過落單個下都唔知自己會食咩菜、亦冇得揀要咩菜，總之黎咩食咩~我個人對菜冇preference,但如果你有唔想食既菜又甘岩得個隻菜就唔好意思了6) 元貝正常7) 鮑魚仔OK, 每人2隻鮑魚仔的其中1隻已經係送ga la......好慷慨~8) 雖然其

今日同媽媽去慶祝母親節, 於是就成家去西貢到食海鮮喇~呢間餐廳有自己既海鮮檔, 可以自己出去簡食咩海鮮, 所以D海鮮都十分新鮮!我地今次叫左好多海鮮食, 有海膽, 龍蝦, 瀬尿蝦, 扇貝, 赤米(蝦) 同魚等等特別推介大家食佢個海膽,瀬尿蝦同扇貝.佢D 海膽係新鮮即開出來的, 十分新鮮, 充滿海膽味之剩, 仲帶點海水味.另外,瀬尿蝦係以椒鹽去煮, 十分香口, 帶少少辣.扇貝則是蒜蓉去蒸, 隻扇貝十分大隻, 好有口感, 配合埋蒜蓉粉絲, 十分美味可口.