金雞去骨海南雞專門店

營業中

休息中

以前都食過幾次，呢次入西貢，晨早11點前就等佢開舖，叫咗個金雞二人套餐，$188。套餐有半隻雞海南雞，一上枱未食都覺得佢好靚，冇骨，鋪響隻碟度，有美感。皮薄，唔肥，肉超嫩。滷水豬手， 十分之淋，又入味，餸飯最啱。仲有兩碗例湯，南瓜湯，但係呢次好似味道沒有那麼濃。一碟油菜，都OK。另外兩杯飲品。至於兩碗飯，可以選擇白飯或油飯。我兩碗都要油飯。飯軟硬適中，有少少椰香味，而且唔油，唔錯。食飽之後，好似意猶未足，再叫多一碟雞髀飯自帶盒外賣，並且加多少少飯。要脾，加多$10，即$67。一碟雞髀飯送上枱，加少少飯真係誇張，差唔多係Double上，雞髀斬件，排得好靚，值得俾個like。

🐔🍚去骨海南雞飯套餐跟湯 $57 轉髀+$10✨ 睇完「衛食攻略」一直都好期待來試這款海南雞有幾好味🤔，去到門口原本好多明星都幫襯過，過了食午飯時間來到，不算太多人，點了單店員好快就送過來，見到好大份海南雞髀配油飯還有湯已經心心眼😍，湯好似係南瓜和豬肉做材料，唔濃唔太清味道鮮甜。到主角海南雞喇，見到雞皮雞肉表面好有光澤😃食落好嫩滑，真係好味到難以形容，這個價錢性價比高😍👍🏻🖼佢有兩間舖，另一間就在對面，環境唔算裝修得好靚，但食物質素就係神級，我見好多人外賣成隻海南雞，真係好多熟客仔👍🏻

西貢食個LUNCH， 11點半左右，店內無咩人唔洗等位，我地就嗌左金雞2人餐。海南雞飯配埋雞湯！湯唔係味精，好甜好好飲! 有木瓜、雪耳、紅蘿蔔、南北杏、雞….. 飲完會覺得好舒服！海南雞有雞味嘅，係滑lululu，仲要係無骨，油飯又真係食到有椰油味，但又唔會好油立立。雞皮唔算薄，皮與肉之間有雞油啫喱，油潤嫩滑，食落真係滑溜嫩口，啖啖油香！可以食好多飯！啖啖都係肉！懶人必食！再加上秘製醬料，入口先有甜味，再有少許辣味，但絕對沒有奪走雞既鮮味！滷水西貢狀元蹄，元蹄大大隻，元蹄滷得好入味，不會太鹹仲有少少滷水汁既香甜！煮得軟入口溶化的狀態，成個口都充滿骨膠原感！

前幾日係到搵西貢有咩好食然後見到呢間野咁多好評所以想試下依家晚市無得堂食焗住只可以買外賣我打電話去呢間餐廳到話想轉頭外賣自取一位男士聽電話答可以啊突然電話入面有一個大陸口音既女人大聲講唔做然後男士就答我 : 唔好意思啊外賣賣哂啦於是我諗住係外賣平台到叫外賣點知我見到呢間餐廳係外賣平台顯示係可以叫外賣諗唔通點解打電話去外賣自取就話賣哂唔做生意但就做外賣平台上面既生意？？見到呢個情況於是我叫另一個朋友打電話去朋友問，唔該想問仲有冇海南雞飯外賣？男士聽電話答有然後相同地有個女人大叫話賣哂其實我真係理解唔到點解打電話叫外賣自取唔接？姐係外賣都要選擇性地做生意？定只做外賣平台上面既生意唔做其他途經既生意？其實行前多幾步有間泰國人開既餐廳人哋一樣有海南雞飯賣仲要係泰國正宗海南雞同泰式醬汁雖然你唔識做生意不過都多謝你唔做外賣自取既生意先令我發現有其他更好既泰國餐廳存在親身去過二間餐廳現場你呢間就得一枱客堂食 人哋就爆哂場今時今日仲咁既服務態度揀客黎做難怪得一枱客幫襯你

🍪【#西貢】金雞去骨海南雞專門店 Golden Chicken💥滋味幼滑海南雞💥.🍪又一外賣好選擇🚴🏻‍♀️！幼滑🐔海南雞配惹味醬汁︰薑蔥、🌶️辣椒、甜豉油)✧Now that restaurants are closed for dinner, let’s not stop discovering yummy takeaways!😙Awesome Hainanese chicken rice- silky-smooth chicken with flavourful condiments (ginger scallion sauce, chili sauce, dark soy sauce). 👍🏻~~~~~~~~~~~~~~~~~~~~~~~~~~~~~~🐥 去骨海南雞飯套餐 (跟湯) $52 (4/5)✧ Boneless Hainan Style Chicken Rice Set (with Soup)~~~~~~~~~~~~~~~~~~~~~~~~~~~~~~味道 Taste：🍪🍪🍪🍪/5💸消費 Spending：$52 /人 Person🔥推介度 Recommendation：

我喺香港搵到一間海南🐔嘢唔難，不過要高質素既就……（呢日去食既呢間海南🐔唔錯☺️）呢日去左位於西貢既金雞去骨海南雞飯專門店，座位唔多，當然要試埋啲嘢食先判斷間嘢係咪掂啦（大家睇埋落去 唔好行開呀🧸）講左咁耐，大家有無發現我漏咗講啲咩嘢？無錯就係餐湯啦🤣（由於個餐湯飲完先記得要影相，我無理由影個空左既碗㗎嘛….個餐湯相係無既，容許我遲啲補返🙇‍♀️🙇‍♀️）

📍「金雞去骨海南雞專門店」- 西貢今次食食食之旅黎到西貢😌見呢間餐廳出名去骨海南雞飯，又多人食，仲要去咗骨，岩哂👧🏻呢啲懶人，所以決定試試佢😎📷餐廳位於美食巷入面，店面比較細，座位都幾逼，不過呢間係走平民路線，岩哂快lunch😂🍴去骨麻辣雞飯套餐（跟湯）💰HK$60✨推薦指數：7/10佢嘅海南雞幾靚仔，外皮鮮黃，色澤均勻，面頭鋪上秘製麻辣醬，香濃惹味😋食落雞皮滑口唔油膩，肉質鮮嫩爽滑，雞味好濃🤩油飯撈埋炸蒜、乾蔥同雞油，粒粒分明，口感軟硬適中，非常好食🤤🤤🤤美中不足嘅係Staff唔記得咗俾三色醬我哋，所以無緣試佢哋嘅醬汁🥲🥲🥲套餐有中式南瓜湯，飲落南瓜味好出，香濃清甜😋👍🏻🍴去骨海南雞飯套餐（跟湯）💰HK$57✨推薦指數：7/10海南雞肉質可以睇返上面，呢個無麻辣醬更加食到雞嘅香味😋不過因為Staff無俾到三色醬，而且呢個飯係揀咗白飯，所以整體比較淡味，如果有醬會好啲🤣推薦度：👍🏻👍🏻👍🏻/5性價比：💰💰💰/5//金雞去骨海南雞專門店 (西貢)地址：西貢福民路(食街)34號地舖

呢間西貢嘅海南雞飯早有聽聞！今日終於食到！果然好食！😋😋😋【南瓜湯】free真材實料，不會太濃，唔係就咁將d南瓜打爛咁，係有其他材料嘅中式南瓜湯！【去骨海南雞】$57油飯香，海南雞嫩滑，即使食肚胸都完全唔老！😋😋 大部份雞皮不會太肥和不會太油，加上餐廳送上的三種醬汁-- 蔥油、泰式辣汁、蠔油，相當好食！回頭率：🌕🌕🌕🌕🌗抵食率：🌕🌕🌕🌕🌑

💜黃秋生推薦的西貢海南雞飯💜...話說我的海南雞飯的口袋名單除了 旺角的泰妃雞之外 還有ㄧ間 也在我的口袋名單之中😎✨🙌🏻它位於西貢美食巷子裡 有位泰國奶奶服務的小店店內的招牌去骨海南雞飯 吃了真的會上癮 黃油雞皮不過於油膩還帶著Q彈口感 而且雞肉滑嫩可口 搭配的油飯 加了炸油蔥及雞油的香氣 每口帶有層次的飯香 口感軟硬適中 喔～～無敵✨另外套餐都會搭配 中式南瓜湯 真材實料 好喝✨.喜歡 美味海南雞飯的 吃貨們妳們還不快 找時間 出發西貢看海 吃雞啦😆✨.

今日難得入去西貢，當然要食返最好食嘅海南雞飯，公眾日子再加晏晝時段超多人，等位等咗10分鐘先有得入去坐！今次就咁叫咗個海南雞飯，仲有個南瓜湯送。味道依然係咁出色，等我專程嚟食佢！

半年前睇完YouTube介紹就食過一次，今日行山再來一次果然沒失望。海南雞飯雞肉滑嫩而夠雞味，份量亦對得起價錢。油飯有炸蒜片夠香脆，亦可自選白飯。咸魚肉餅是豬嬸最愛，香脆0.6cm肉餅飄出濃濃咸魚香，超正！

入西貢staycation, 梗係search下有咩好味先啦。其中揀咗呢一間，我哋真係去搵呢一間嚟食。間餐廳一啲都唔起眼，經過左都可能會見唔到…… 好彩老公眼利，捉住我話係咪呢一間？其實原來裏面好細嘅咋，好彩我哋平日嚟，可以坐低慢慢食。我哋三個人嗌咗二人餐。個海南雞真係好滑！好好味！然後我哋嗌咗個煎肉餅，我個仔食到舔舔脷！個南瓜湯都超級濃郁好味道！點算呀！咁好味！下次如果唔係平日嚟，咁咪好難食到？我哋一路食嘅時候，其實不停不停不停都有好多人嗌外賣。所以我估平日啲街坊都係嗌外賣嚟食。如果連街坊都不停不停不停嗌外賣，咁你就知有幾好味。

朋友同我介紹呢間餐廳嘅海南雞飯話佢哋啲雞非常嫩滑 而且去埋骨咁岩入去西貢 又唔想食海鮮 想食啲平平哋嘅餐廳 呢間餐廳就10分適合🈴️.餐廳有兩個舖位 一個舖位連埋廚房 而另一個舖位就剩係得坐位 由於餐廳行平民路線 座位衛生程度還好😌-入到去落完單冇人就會有一碗南瓜湯🥫本湯睇落係濃濃嘅橙色 但係飲落去10分清甜.🌟 去骨海南雞飯食落去雞肉果然非常嫩滑 配埋三種唔同嘅醬汁食 令到啲雞肉嘅味道昇華 而油飯粒粒分明 食得出配左雞油同埋乾蔥 香味十足⭐️

由於疫情關係 無咩地方可以旅行 所以放假都會去下行山 去左遠足 今次同朋友去左西貢 無意間比我發現左 呢間咁好食的雞 呢間野款式唔多 但勝在每款都好食 尤其係個無骨海南雞 連雞胸整完都係滑 我叫左個2人餐 食完忍唔住買一只走 176蚊的餐 有1個菜 個菜就差咁啲 無咩味 一個煎肉餅 兩個飯 半只雞 2個湯 2個野飲 176 今次係食得滿足

同事介紹呢間海南雞飯好出色，話喺香港第一。不過要同泰國比，就曼谷世界第一啦！見佢講到咁誇啦啦，就一於去試！我哋四個人姐姐極力推介叫我哋食四人餐！四人餐係抵啲嘅，有一隻雞、一碟菜、同埋一個鹹魚煎肉餅。呢隻海南雞真係好好食，肉滑到不得了。同埋佢個油飯有啲香茅喺面，好惹味！