金鳳大餐廳 (山林道)

營業中

休息中

整間餐廳嘅裝修都充滿童年回憶，餐廳裝修及佈置都係懷舊茶餐廳嘅感覺。今日2個人的晚餐，叫左招牌菜，因為呢間餐廳牛扒係最出名，來到一定要試試，叫左「牛小排餐」，包餐湯、餐包、餐飲。牛小排係鐵板上的，傳統的牛形鐵板，上枱後，職員才幫你倒汁，有黑椒汁或蒜蓉汁揀，因為鐵板好熱，食客必須要帶著紙巾擋住d汁，防止彈到件衫。牛小排係厚切，大約有2-3cm厚，我揀左5成熟，牛扒真係做到5成熟，没有過熟。牛扒切開入面粉紅色，但無血水出，食入口又滑又林，好正。2個餐分別揀左黑椒汁和蒜蓉汁，兩個汁都試晒，黑椒第一點辣，有少少搶去牛扒嘅鮮味。而蒜蓉汁就剛剛好，重口味，呢個味道係充滿童年回憶嘅。餐飲我加$12轉左黑牛（可樂+雪糕），又係童年回憶嘅一部份。另外，都想試試牛扒以外的食物，所以叫左一份「是日晚餐：比目魚柳配牛扒餐」，包餐湯、餐包、餐飲、沙律及甜品。牛扒跟招牌牛扒餐不同的，是薄切的，質感都是又林又滑，好好味；而比目魚就一般般，原來有骨，不是想像中煎到脆脆的，沒有什麼調味，主要靠個醬汁大起佢嘅味道。總結來講，食物嘅製作方法係非常好，好出色，價錢平民化，值得再來光顧。

呢張外賣紙寫話外賣自取$66但係我去俾錢收左我$69另外$3外賣盒去到俾錢先講，張紙又冇寫明最低限度我打電話叫嗰陣都要講清楚加上$3一個外賣盒，真係好貴而家咁樣真係同呃人冇分別👎🏻希望公司回應一下

今晚朋友話要緬懷一下以前經常同屋企人去嘅"金鳳大餐廳”据扒，重拾兒時回憶。雖然餐廳歷史悠久，但我都係第一次試佢嘅扒餐。不過都聽聞不少人讚過啲扒係唔錯嘅，果然都不失所望。每月特選晚餐：頭盤：蟹籽雜果沙律、餐包+餐湯主菜：比目魚拼西冷扒甜品：意大利配方雪糕，口味係隨機配送的。蘿宋湯夠熱味道又濃郁塊牛扒幾乎同鐵板一樣大，完全覆蓋下面的配菜翠玉瓜同薯格🤣。一淋上蒜蓉汁香氣撲鼻，食慾大增。平時食開七成熟，今次叫左五成，入口更嫩。比目魚炸過好香脆。另點左個美式什扒餐：好豐富，有牛扒、豬扒、雞翼、香腸仲有火腿。雖然牛扒不及特選晚餐那份大，但一樣肉質夠嫩，豬扒又腍身，加上配黑椒汁辣辣地，大滿足。總括黎講低食又大件。

Golden Phoenix Restaurant is a long-standing steakhouse founded in 1969 that specializes in iron plate steak.Compared to the original branch in Prince Edward, the TST branch is more spacious and provides a wide range of menu including seafood and HK style lunch sets.I always order the same items because I know these are the best - borscht and tenderloin with garlic and black pepper sauce.The soup with tons of veggies was appetizing as usual. The steak wasn't over-tenderized and still maintained

金鳳由細食到大，咁老誌號，唔使點介紹啦😂😂最好平日嚟，星期六日假期要排隊等食～今日食西冷牛扒餐！牛油餐包睇落好似普通的一塊牛油餐包可以做到外脆內軟，令人感到餐廳的一絲不苟，有驚喜👍🏻忌廉湯熱騰騰一碗忌廉湯，入口香濃幼滑，有口感，飲完覺得好暖胃。西冷牛扒主角梗係大大件嘅牛扒，大到足以遮蓋整塊鐵板，而且厚度十足！攞餐巾遮遮先(招牌動作)，要等侍應淋上黑椒汁，即刻香氣撲鼻；七成熟嘅牛扒放在鐵板上再烤三分鐘恰到好處，好味道😬凍咖啡咖啡出色！咖啡味香濃，有酒店水準😉

嚟金鳳大餐廳，雖然佢個Menu有飯有意粉有沙律，但咁多年我都係鍾情鋸扒餐！今日食鴛鴦扒餐，包括一塊豬扒一塊雞扒，加餐包餐湯餐飲，最鍾意呢度凍飲，唔使加$3 ，俾個like佢😬一塊豬扒加一塊雞扒已經大到cover成塊鐵板，望見已經流口水。呢度嘅扒餐可以揀黑椒汁或者蒜蓉汁，今次揀咗黑椒汁。淋上去嘅時候已經香噴噴，配埋香煎雞扒同豬扒超夾！雞扒塊皮煎得好香脆，平時唔食雞皮嘅，我都忍唔住食埋d煎到燶燶哋嘅雞皮。豬扒又係煎到燶邊，點埋黑椒汁好惹味。每個鐵板餐都有薯菜跟，啲薯條加埋黑椒汁真係好好味，如果可以俾錢加大薯條就正！之前有同事嚟食過，話龍蝦湯正，所以今日想試吓龍蝦湯。呢個龍蝦湯加上忌廉，濃濃的，而且有粒粒龍蝦肉，真材實料，正！平時好少會食埋餐包，但係呢個牛油餐包好軟綿綿，忍唔住一啖又一啖就食晒成個餐包。最後嗰杯餐飲，揀咗凍檸茶，真係推介大家飲，因為啲檸檬超新鮮，茶底香濃，好想飲多杯😄

金鳳大餐廳都應該大家都識，今日突然掛住港式扒陣味。叫左美國德州頂級西冷扒餐。首先，羅宋湯嘅濃郁度同口感都幾唔錯，令人食欲大開。可能我9點先黎，d湯如果熱d就完美了。湯底濃郁，裡面仲有好多嘅蔬菜同熟嘅肉碎，令湯嘅味道更加豐富。西冷牛扒叫左5成，肉質鮮嫩，無煮過龍，燒得十分入味。牛扒上嘅黑椒汁都好夾，令味道更加突出。薯格都燒得好好，口感酥脆，係有少少壓扁左😂😂飲品我叫咗凍檸茶走甜，就正常發揮。佢menu選擇其實都好多，朋友揀左龍蝦同扒，睇落幾正不過我無試餐廳環境舒服乾淨，呢個價錢都好唔錯。我地有卡位坐，大聲傾計都唔會嘈到隔離。也能夠享受到舒適和愉悅的用餐體驗。總括而言，金鳳性價比高，港式牛扒餐廳佢都係數一數二。

最近好想食牛扒，於是搵左尖沙咀一間港式扒房餐廳- 金鳳大餐廳試下。餐廳枱與枱之間既空間幾闊落，坐得好舒服👍🏻同朋友點左一個dinner set 同埋香煎雞扒，套餐入邊包埋餐湯 （羅宋湯/忌廉湯），餐飲同餐包～好抵食！而落單後不出10分鐘已經上曬全部嘢🫡佢哋嘅餐包烘得暖暖地而且仲好鬆軟😆不知不覺都食晒！蟹籽沙律份量都幾多👍🏻比目魚扒拼西冷牛扒 $178叫咗七成熟，西冷牛扒肉質幾軟腍，重點係超大塊😆好多都冇筋，性價比好高！比目魚煎得好香口，皮脆肉嫩，正🤩香煎雞扒餐 $114香煎雞扒又係勁大塊🤤🤤雞肉都幾有厚度，食落好嫩滑，咬落仲要啖啖肉汁，整體好唔錯👍🏻推介叫呢個餐～Overall 餐廳食物性價比真係好高，難怪朋友話要預先預約😆之後會再嚟食！

今日同媽媽去尖沙咀睇醫生，原本睇完醫生後帶她食日本菜，但事與願違，輾轉要去佐敦，所以要用較長時間先睇完。已經下晝1點幾，旁邊又有金鳳大餐廳，媽媽亦想試下喎，於是就去試🫡 lunch break, 餐廳差唔多滿座，慶幸地安排到卡位給我們😇😇午市扒餐有88折😆, 於是分別點了西冷餐(扒餐)和午餐B洋蔥豬扒。兩個餐都有跟湯和餐包，點了羅宋湯和忌廉粟米湯。湯好夠熱，甜餐包亦都熱熱地，加上牛油後幾唔錯。忌廉粟米湯，並不是水，有調過味，在沒有期望下覺得味道還不錯。至於媽媽揀既羅宋湯，有好多蔬菜，好夠熱而且亦調過味，我覺得中上，3.5 out of 5。😇主角西冷牛扒上場 - 我揀5成熟，都幾大塊，盛起後突顯塊鐵板好似唔夠大😆😆😅 我揀左黑椒汁，服務員倒在西冷鐵板上，d煙就四散，要用大tissue 擋住😆😆 呢啲就係細個既時候据扒既指定動作😇西冷既肉夠腍，呢塊完全冇筋需然唔係靚牛，但佢有牛味，幾唔錯；5成熟，都會見到肉既中間都係紅，但不是有血水果隻⋯西冷扒係鋪在薯條和翠肉瓜上，可以擋下鐵板熱力而唔會過份地熟，翠肉瓜我幾like 😁 媽媽亦食得好津津有味☺️而午餐既洋蔥豬扒飯 - 賣相唔錯而且好大碟，塊

I mean the most basic thing in a ice-tea restaurant is rice, I ordered the most expensive and it is their top one, but no rice offered. The steak is so hard to chew and not enough for that cost. The air conditioning is super cold which has cooled the steak and drinks, and it let me feel uncomfortable. No service, and you also need to pay extra service fee. Washroom is nightmare, it is not clean.

食肉獸必食推介－尖沙咀山林道金鳳大餐廳。嚴格黎講，金鳳係一間茶餐廳外型嘅傳統扒房，各類扒類一應俱全，放工時間食人山人海，好多客人係一班人一齊食，樂也融融，係一個快樂嘅美食國度。1. 每月特選晚餐－比目魚扒拼西冷牛扒：份量驚人，就算好小心地淋蒜蓉汁都會流晒出黎，比目魚扒炸至香脆，名符其實外脆內嫩，牛扒嫩滑味美，保證夠飽2. 荷蘭豬扒餐：一山還有一山高，足料兩大塊豬扒，林得黎有口感，汁多味濃，一定滿足到任何食肉獸嘅需要話明傳統扒房，當然有西湯餐包、沙律，跟餐雪糕，加埋侍應姐姐親自淋上醬汁，所有回憶都返晒黎，價格公道，分量十足，行過路過唔好錯過！

行行下街不知不覺差不多9:00仲未食晚餐，即刻搵下有咩食，經過老字號金鳳大餐廳，有50多年歷史，以鐵板牛扒為主打，多款扒類，親民價格，有數間分店，而呢間山林道分店，有緣來到一於試下。餐廳面積頗大，實用的設計，似茶記，牆上多是餐牌及雜誌介紹，卻有種懷舊之感。餐牌，多款扒類之餘，小食都有好多選擇。餐包，微熱。羅宋湯，好大碗下，雜菜份量十足，酸中帶甜少許微辣。西冷牛扒餐，$138。 鐵板燒，配洋蔥汁，要5成熟，好大件西冷牛扒，肉厚，口感爽滑鬆軟，懷舊港式鐵板燒的味道。失敗之處，薯條壓到腍晒，口感變左薯蓉...爭點。黑牛，跟餐+$18，可樂+朱古力雪糕，味道普通，純粹想懷舊一下。雪糕紅豆冰，跟餐+$18，友人的。食物味道不俗，都幾抵食，服務態度正常，平平地食扒之選。

係太子長大既我對呢間餐廳並唔陌生可以話由細食到大對於細個既我, 西餐既定義就係金鳳排好耐好耐既隊等阿叔叫位入到去餐廳係煙霧彌漫, 靠台面塊格仔枱布鎖定張枱係邊左邊一陣蒜蓉味.炸~~~右邊一陣黑椒味.炸~~~店仔細細非常溫馨換左時代, 金鳳有幾間分店都坐得舒適多位又唔洗排咁耐隊, 從前既格仔枱布無左變左店員身穿既格仔恤衫*忌廉湯*雖然賣相無特別, 但絕對濃郁唔會水稀稀咁*牛柳餐*牛柳配左黑椒汁, 黑椒濃而不辣. 牛柳口感嫩滑, 滿滿既肉香不過就熟過要求既5成好多*T骨牛扒餐加蒜蓉*T骨牛扒份量十足, 遮住全塊鐵板蒜蓉的香味瀰漫整道菜同牛扒完美結合左, 每一口都散發著濃濃的蒜香但又唔會喧賓奪主扒餐會跟適量既薯菜係扒底, 吸晒d汁同牛味. 好鬼正

經過尖沙咀山林道，呢一度，就一定會入去試吓金鳳大餐廳，開咗咁多年歷史質素有保證。餐廳裏面餐牌有唔同嘅配搭，同埋怕累，如果點牛扒嘅話，侍應會問你幾成熟，今次叫咗集扒餐同埋牛柳餐，牛柳餐要七成熟。點餐冇耐已經上咗餐包，餐包夠熱，同埋有牛油。冇幾耐上咗個湯龍蝦湯同埋羅宋湯兩個到10分有味道，夠濃。扒餐到10分唔錯，有得揀黑椒汁同埋燒汁，我同朋友都揀咗黑椒汁。肉質非常之淋，而且非常有玉香，份量更加係驚人，真係要一個男人先食得晒一個餐。集扒餐油雞翼，牛扒，豬扒香腸同埋火腿，如果女仔細食的話可能兩個人分享一個餐都可以。而且底下嘅薯條同埋菜類吸收晒所有汁嘅精華10分好吃。Best steak in Hong Kong !

地道抵食港式扒房，想食平價鐵板鋸扒，呢間就會係on the list，服務同環境都好港式🇭🇰不過以我所知，呢間分店嘅環境已經算舒服1️⃣ 每月特選晚餐 $178 ⭐️7.5/10牛油餐包及是日餐湯，蟹籽雜果沙律，比目魚扒拼西冷牛扒，意大利配方雪糕，餐飲👦🏻餐包餐湯同沙律都係典型香港茶餐廳感覺，正正常常，比目魚炸幾好，冇乜骨，夠味，有油香，牛扒冇乜牛味，有醃過嘅黑椒味，不過唔嚡，幾鬆軟，洋蔥汁好食，點綴成個餐，再加兩蚊蒜蓉，畫龍點睛，整體性價比不錯👩🏻個沙律好難食🤯炸比目魚有啲多粉。牛扒好彩加咗蒜蓉，同兩個汁都好夾！份量都幾多2️⃣ 西冷牛扒餐 $138 ⭐️7/10牛扒同上，不過黑椒汁唔夠甜味同鹹味，多黑椒嘅辣味，整體唔錯--🚗條街好多咪錶位，不過應該俾人泊哂，泊路邊抄唔抄牌就睇緣份啦Food: 7/10Environment: 6.5/10Service: 6.5/10Price: 7.5/10Overall: 7/10💸 ~170 pp