金鳳大餐廳 (山林道)

營業中

休息中

金鳳大餐廳 Golden Phoenix Restaurant 📍尖沙咀山林道9A號地舖金鳳大餐廳我自己幫襯過幾次，不過從來都只係午市同茶市，晚市嚟真係第一次。近排咪好興玩懷舊嘅，今晚我睇完牙，心血來潮都想同朋友玩下懷舊，體會下老派約會之必要。呢種老牌港式扒房一向都受唔少上咗年幾嘅食客支持，但估唔到呢晚都不乏年輕人嘅身影，無論係同情侶嚟撐檯腳，定係同朋友嚟嘅都有，都吸引到唔到年齡層嘅人喎！餐廳有梳化櫈嘅卡位，亦有唔少長檯，店員着上懷舊嘅格真恤衫，為食客們送上熱辣辣嘅扒餐，彷彿時光倒流，去返幾十年前咁。雖然多數人嚟到都會點各式各樣嘅扒餐，當中又以牛扒同豬扒最受歡迎，但朋友知道我唔想食太多肉，又知我通常會想揀啲與人不同嘅餐點，所以佢貼心地揀咗羊肉同海鮮，等我可以試到有特色嘅鐵板餐。 💰$148鐵板大蝦配薯菜 🦐Sizzling Prawns朋友揀俾我嘅呢個鐵板餐有三隻大蝦，淨係睇個頭都知係隻大頭蝦嚟，哈哈。餐廳已將蝦殼分半，所以食起上嚟比較方便。大蝦嘅蝦肉好結實，食落好比龍蝦肉嘅質感，配以蒜蓉汁食，滋味非常。墊底嘅係我愛食嘅脆肉瓜，薯條則係由細食到大嘅波浪粗薯條，熱辣辣嘅鐵板帶有好好嘅ke

陪同事去尖沙咀做嘢，之後佢話請我鋸扒，去咗山林道金鳳大餐廳，餐廳以平民懷舊鐵板餐而聞名，裝潢簡潔帶點懷舊感，座位闊落, 空間感十足。所有扒餐都會奉送牛油餐包餐湯及餐飲。忌廉湯香甜濃郁，口感順滑。餐包軟熟，配牛油好好味。加18 雙檸雪碧，咸檸檬和新鮮檸檬味各異，但一齊放入雪碧，味道又好夾，帶來激爽口感，感到涼快無比，獨特清新味道隨即在味蕾中爆發。凍檸茶：香濃嘅茶底，配上清香嘅檸檬，飲落酸酸甜甜，清爽涼快！香燒羊扒餐：羊架上臺後，侍應在羊架點上倒入黑椒汁，立即香氣滿溢，羊扒五成熟，內裡呈嫩嫩的粉紅色，火喉控制得很好，入口已經肉香濃郁，加上黑椒汁更加惹味。金鳳王牌焗豬扒飯，加咗芝士和特製醬汁焗成，而且份量十足，飯底用珍珠米，並用蛋炒過，嫩滑嘅豬扒已經切件，將芝士和醬汁撈勻食，十分惹味，轉套餐只需加$25，有餐包、湯和飲品。

===^^CheatDay焗飯^^===招牌牛扒焗飯$43🔥熱量估算：650卡（飯量只吃1/8）🍴預計營養成分：蛋白質30g、碳水95g、脂肪20g一般茶記焗牛扒飯落鬆肉粉後已失去肉味，但金鳯不愧座立佐敦多年的港式扒房，牛扒煎焗後仍保留肉味、亦不會乾身，略嫌焗飯只有一兩粒蔬菜（好像是青椒和洋蔥），但芝士與茄汁剛好與炒飯底相映。其實只要吃得有節制，也可解叫焗飯解解嘴饞。P.S. 早餐只喝了一小盒無糖豆漿+吃一隻溏心蛋（合共180卡路里），所以中午才解放一下

細細個有得出街食鐵板燒就覺得好幸福今日同媽咪就黎懷緬一下以前既幸福。我地一人叫左一個餐，我叫左每月特選套餐帶子西冷牛扒7成熟配蒜蓉汁，套餐除左有牛油餐包、餐湯之外，仲有雜果沙律、甜品同一杯野飲，都只係$178。份量同以往一樣咁大份，最開心就係聽到d汁淋落鐵板上面既聲，非常療癒。面頭兩粒帶子都幾大粒嫁，即使有蒜蓉汁都唔會蓋過左佢既味，肉質鮮嫩。點解會叫7成熟牛扒係因為自己唔太中意太生既牛，對於我黎講7成熟係岩岩好，不過對於媽咪黎講就可能靭左d。媽咪叫既係牛柳套餐，不過呢個餐少左雜果沙律同甜品，但依然份量十足，有兩大舊而且又厚！牛柳叫三成熟，在透過鐵板嘅熱力，令到牛差唔多五成熟。牛柳肉質相對地比較嫩，口感豐富。媽咪呢一個係額外加左蒜蓉，加完之後仲香口左，令牛更加突出係牛嘅底下仲有薯條同薯角同少量嘅蔬菜，唔洗齋食牛咁dry對於今次嘅晚餐非常滿意，所以下次決定叫埋爸爸黎，再食過

今日食lunch去咗山林道金鳳大餐廳，我午市套餐真係好多嘢食，有湯同埋餐包，呢度凍飲同熱飲都係一樣價錢。一般餐廳凍飲都會加錢。我叫咗個牛肝菌忌廉汁雞扒，雞扒份量冇想像中咁大，同事叫的豬扒份量比雞扒大一倍，所以豬扒更加抵食。

金鳳都算係好出名嘅舊式扒房，今日就嚟咗鋸扒啦！見到有呢個15周年特別版嘅牛扒，貪得意，所以就叫咗啦。套餐係包餐包，嘢飲同埋餐湯。餐湯我哋就揀咗白湯，不過不失，同以前飲嘅味道都係一樣。貴族牛扒，睇落都幾大塊，牛味都幾濃。圖中係加汁之前影嘅，之後我揀咗黑椒汁，店員拎住個壺嚟幫我淋啲汁上去。淋落去嘅時候渣渣聲，白煙冒出，一聞黑椒汁味超級香。另外我哋仲叫咗一個雜扒餐，有腸仔火腿，雞翼豬扒同埋牛扒，樣樣都有啲，啱晒咩都想食嘅我。呢一個我哋就冇加汁，因為本身豬扒已經好夠鹹。

一直對港式扒房存有偏見，因為扒類會用鬆肉粉去醃，令肉質過份軟熟，而且扒質素都好一般，唔會有肉味，但……原來凡事都有例外，比我發現到《金鳳》有一款扒令我另眼相看兼一再enjoy，回味非常！🍴貴族牛扒餐 (美國牛肩肉) $208 ⭐️⭐️⭐️⭐️第二次食貴族牛扒，係相隔四個月嘅事，呢款扒水準依舊，雖然價錢係最貴，但我覺得非常值得而且要極力推介。首先呢款扒無醃過，可以食到原汁原味，其次牛味香濃(千祈唔好要黑椒汁同加蒜蓉)，再嚟5成熟肉夠腍夠juicy，有啲筋位好爽口，加埋香脆薯格，贏晒！一人共消費：$229

今日和朋友在尖沙咀行街shopping 🛍️和吃晚餐😀 行行吓見到老牌鐵板牛扒店，金鳳大餐廳！ 好久未食啦，於是和朋友再重溫昔日的味道😚餐廳位於尖沙咀山林道9A號地舖！ 港鐵佐敦站D出口行幾分鐘就到，十分方便😉 門口有一個大大的舊式霓虹閃爍的燈箱招牌，勾起一絲童年的回憶😄 內裏的設計簡潔和地方很寬敞，坐得很舒適！ 牆上掛著舊照片和海報，很有懷舊氛圍♥️我們一定要吃它們的鐵板扒餐🥩🍴點了今天的每月特選晚餐和荷蘭猪扒餐🐷🥩 先來的是羅宋湯，夠熱！有蔬菜料，味道酸甜適中，配上牛油和熱辣辣的餐包，不錯😆晚餐的頭盤是蟹籽雜果沙律🥗，雜果加上蟹籽卜卜脆，很清新的口味！ 主菜是帶子西冷牛扒🐮🥩，五成熟要黑椒汁😆 西冷牛扒大大件，肉厚多汁，入口稔滑鬆軟！有牛肉的鮮味💯 還有兩件大粒帶子，新鮮爽口鮮甜！配菜有薯格和翠肉瓜🥒，吸收了黑椒汁味，好吃😄 真的份量十足，超正👍荷蘭猪扒餐要了蒜蓉汁🧄！ 兩大件猪扒和煙肉片🐷 猪扒稔滑有口感，猪肉味很濃！ 煙肉煎得很香口👍 配菜有薯條和翠肉瓜，吸收了蒜蓉汁味，超好吃😄這間懷舊的港式扒房，有悠久歷史！耐不耐就要光顧一次，緬懷一下昔日的時光😉 這裏的扒類和其他食物，

✨茶餐廳式嘅扒房😝免加一，同時姐姐d態度算比較客氣👍🏻✨兩個人，雀仔胃，點咗一份本月特選晚餐share，姐姐仲好貼心比多2隻碗我地分餐👍🏻✨份牛扒好大塊，而且5成熟岩岩好，唔會韌！d帶子質量都ok，整個餐都幾好味。不過黑椒汁就唔夠黑椒味😂，同埋個雪糕唔好食😂去老麥買杯新地仲正！

朋友好耐冇返黎香港，咁耐冇見面梗係要約食飯啦，佢話好掛住香港嘅港式鐵板餐，一於就同佢去「金鳳大餐廳」据扒✌🏻我地嗌咗一個雜扒餐同每月特選晚餐，兩個都飲紅湯，侍應會先送上熱辣辣又鬆軟嘅餐包，搽埋牛油又香又好味😋鐵板上枱淋上黑椒汁吱吱聲出晒煙，侍應會提我地打開餐巾以防彈到件衫👍🏻雜扒餐嘩勁多種類，啱晒樣樣都想試嘅我，有牛扒、豬扒、雞翼、腸仔、火腿、薯菜，我揀咗黑椒汁，味道香濃辣辣地，牛扒稔身冇根，豬扒大大塊仲係厚切添，旁邊大有少少肥膏，肉質鬆軟唔會柴，食完好滿足呀😍每月特選晚餐蟹籽雜果沙律帶子西冷牛扒(5成熟)朋友點嘅套餐，佢請我食咗粒帶子，大大粒又厚肉，西冷牛扒份量足，帶有少少根，食落有牛味，配上黑椒汁特別惹味👍🏻📍金鳳大餐廳 (山林道) (尖沙咀)尖沙咀山林道9A號地舖人均消費：$150-200食物：⭐️⭐️⭐️⭐️環境：⭐️⭐️⭐️⭐️回頭率：⭐️⭐️⭐️⭐

金鳳大餐廳 (山林道) 地址: 尖沙咀山林道9號A地下電話: 27363008=====================香港舊式扒房，吃的絕對是吃情懷，小時候香港不富裕，能出街吃飯己開心到飛起。人大了有賺錢能力，好東哥及世界各地菜式都品嚐過，但有時來吃情懷，是很好回憶的味道各類扒飯，都會有一個牛油餐包同湯，是很普遍，兒時記憶的味道，也沒改變過一紅湯 一白湯，都是兒時味道，沒怎樣變，回憶返曬來。鴛鴦扒餐 （豬扒+雞扒） $122 好抵食，雙扒岩曬我，吃肉哦T骨牛扒餐 $173，唔錯大約7成熟，食得出牛味，肉質又唔會鞋。

Vivian已經唔記得對上一次食金鳳係幾時，今日咁啱經過，一於去食下先😋個門口好懷舊呢Menu 叫左2個餐，分別係美國安格斯肉眼扒&荷蘭豬扒餐，2個套餐都包餐包，餐湯同餐飲，仲保留住以前扒房嘅set (Vivian表示自己好young，都係聽老一軰講😌）首先送到嘅係餐湯同餐包，餐包好軟熟，好好味呢，Vivian想食十個🥹白湯唔會煲到一舊舊，真係湯黎，而紅湯唔會太甜太酸，比例唔錯美國安格斯肉眼扒（$198）揀左七成熟+2蚊試埋個蒜茸：一送到黎就滋滋聲，Vivian即刻用餐巾（淑女地）掩面，個扒都幾厚，仲要唔韌，蒜蓉味好香，牛香都有，夾埋一齊食非常唔錯呢荷蘭豬扒餐（$122）都係加左$2蒜蓉呢個豬扒超級大份，Vivian咁小鳥胃都超飽，仲有重點係個豬扒好嫩，就算食到好飽都想一啖再一啖咁食🫶🏻最後埋單加一$356.4

好耐冇幫襯過啲港式懷舊扒房🥩今次同Daddy慶祝生日，一班人去特別有feel以扒房嚟講呢間好多選擇，全部包餐包、餐湯同飲品▶️ 餐包黎扒房嘅我唔係為咗牛扒，而係佢個餐包😂似嘉頓一包四件嘅衛星餐包🍞嚟嘅時候微暖質感軟綿綿有嚼口，麵包控認證 (如果可以好似outback咁可以任叫就好啦haha…. )另外仲可以揸半溶牛油🧈▶️ 羅宋湯入面有椰菜、少量紅蘿蔔絲同西芹，冇牛肉同洋蔥味道上酸酸甜甜，好開胃應該用咗茄膏而唔係真蕃茄🥫唔知點解會有少少灼喉嚨🙈唔通呢啲就係傳統羅宋湯嘅威力？送餐包飲都唔錯▶️ 鐵板香煎魚柳餐 ($112)一開始以為煎，點知係兩條巨型炸魚柳😮可以揀黑椒或蒜蓉醬，揀咗後者蒜蓉醬冇想像中咁重蒜味，比較似燒汁，但味道絕對夠濃同鹹炸魚柳外皮香脆，應該用麵粉加蛋再落油炸？令魚柳冇咁易散魚柳本身厚肉，所以肉質鮮嫩多汁🐟底部有薯條同翠玉瓜，薯條係雪藏曲型粗身嗰隻🍟本身幾脆，可惜俾醬汁同炸魚柳搞到濕咗淋咗 (之後發現可以叫佢分開上，咁就可以解決呢個問題)▶️ 鴛鴦扒餐($122)一次滿足你兩個願望，又食到雞扒，又食到豬扒豬扒偏薄身，肉質好淋，完全唔柴🐷雞扒正正常常🐔唔算厚肉，相對冇咁出色同樣有薯

在繁華的城市中，尋找一頓美味的餐點是一種享受。今天，我們將一起探索金鳳大餐廳的黑淑牛扒餐，這是一頓能讓味蕾驚喜的餐點。首先，提到黑淑牛扒，就不能不提其獨特的肉質。這種高級牛肉以其豐富的肌肉紋理和極佳的口感而聞名。每一塊牛扒都經過細心的選擇和烹調，保證了每一口的豐富滋味。在金鳳大餐廳，黑淑牛扒的烹調方式堪稱藝術品。廚師將牛扒在高溫下快速煎烤，形成了一層酥脆的外皮，而內部的肉質仍保持著嫩滑多汁。這種獨特的烹調方式使得牛扒的口感層次豐富，既有外皮的酥脆，也有內部肉質的軟嫩。配菜的選擇也是一種享受。鮮蔬的清爽，與牛扒的口味相得益彰。至於服務，金鳳大餐廳的工作人員態度親切且專業，不論是點餐還是上菜都極其細心。他們對菜單的熟悉和對食品成分的了解讓人感到放心，讓這次的用餐體驗更上一層樓。总的來說，金鳳大餐廳的黑淑牛扒餐是一頓值得一試的美食。從牛扒的烹調到配菜的選擇，再到專業的服務，每一個環節都讓人感到滿足。如果你是美食愛好者，那麼這裡將是你的不二之選。

之前去過D2同太子既金鳳大餐廳食飯，感覺很不錯，今次專程去尖沙咀山林道食過午餐先得。尖沙咀山林道這一間保存了原有的特色，而且地方寬闊，頗有氣氛。🌟🌟我哋order了美國牛小排餐（七成熟）、香煎雞扒餐、餐湯有羅宋湯和忌廉湯，餐飲凍奶茶和有特色的白牛。🌟🌟我最鍾意飲金鳳的羅宋湯，微辣的調味令人更加開胃。而且用料十足，湯中的配料豐富。🌟🌟忌廉湯口感出色，香濃且幼滑。每一口都充滿了濃郁的奶油味道，好好飲。🌟🌟美國牛小排（七成熟），口感軟嫩，肉汁豐富。搭配惹味的黑椒汁，更加提升了牛排的風味，絕對是肉食愛好者的不二之選。🌟🌟香煎雞扒餐外表金黃誘人，內裡鮮嫩多汁。搭配蒜蓉汁，增添了一絲蒜香的風味。🌟🌟白牛（雪碧加雲呢拿雪糕），雪碧的氣泡配上香甜的雲呢拿雪糕，給人帶來了口感上的層次感。凍奶茶甜度適中。