金龍船海鮮酒家 (已結業)

初七人日, 一班朋友一行8 人打算食一餐好, 之前因為有人食過話唔錯, 所以再黎食啦!原本想點半席食, 不過又唔啱食, 於是我地就散叫!!蒸魚- 比想像中好咕嚕肉- 一般海鮮卷- 搵笨, 得一粒唔係鮮蝦既蝦肉, 用左好多炸粉包著茄子煲- 好少, 唔抵食瑤柱西蘭花- 一般, 好少, 唔抵食乳鴿- 一般糯米飯- 麻麻翠瓜炒貴花蚌- 搵笨不過就因為人日就每人一個壽飽同埋有一個好味既雪耳木瓜糖水, 條氣先順返, 不過都唔會再黎架啦!!

簡直就是垃圾！一個閒日的中午一行十四人到此吃“壽比南山宴”，每席$2,400。招呼差、伙記少，食物質素勁劣！閒日中午有此消費，且是三星期前預訂了，竟安排了一個非常狹窄的散坐給我們！12:45入座，左催又促上菜仍是斷下斷下，全程沒有換過碟，金湯蟹黃翅是芡汁、雞肉“鞋夾韌”，所謂大青斑不足兩斤…。我們是受害人，食到兩點半只來了5道菜，突然一位女侍應來對我們說: “你地可以走啦”！無辜的拍了三個鐘頭車，經理卻企硬說“只限兩車，每車一小時免費”！停車場一定是同一個老闆。

上個禮拜尖沙咀金龍船訂2個位食聖誕大餐, 點知老婆話好要分亨(分亨? 幼稚園呀) 要約埋表姐同表姐夫BOOK多2個位, BOOK就BOOK啦, (聖旨下)平安夜星期日, 早早7點鐘坐落, 即刻同老表商量食邊個餐好–2人餐夠特色, 4人餐勝在底食, 轉頭想問老婆們, 已見佢地走去試酒區, 捉住上次食大閘蟹識落經理哥哥仔要試紅酒(女酒鬼乎? 唔駛錢梗係唔蝕底啦, 女人本色), 既然行開, 好, 男人話事, 4人餐1個, 唔該食落果然唔錯, 由其有我鐘意食芝士焗龍蝦同片皮鴨(中西合璧呀), 遺憾每人只得半隻龍蝦, 以前覺得中式酒樓食聖誕餐, 怪怪地, 但試過食正宗法國餐, 氣氛真係好, 但個胃唔高興呢, 價錢貴又無幾多樣食, 香港人Ma, 都中餐胃口, 雖然氣氛弱D, 但可以飯後行街街補番埋單$1000? 無攪錯, 原因兩個女酒鬼(老婆), 話D特價紅酒底飲, 質素又唔差, 物超所值, 所以每人ORDER多一杯囉(4個人咁多好食, 又有特價紅酒飲, 認真數)離開金龍船, 摸摸肚腩, 暗叫一聲, 爽

每年聖誕節我都好頭痛, 又要買禮物比老婆, 又要諗去邊度食飯, 都結婚10年啦, 想去D地方都去得8899, 都唔知食乜好。哈, 估唔到今日睇報紙, 見到金龍船聖誕餐出廣告, 睇落都幾得意, 玩中西合璧, 價錢又超值, 其中3間重特設多款免費法國紅酒試酒區(扮鬼佬), 真係數多多, 問老婆好唔好, 一聲OK, 即刻打電話BOOK番2個位先(飛起2個仔女, 哈哈哈), 老婆問我揀邊間, 緊尖沙咀啦, 食飽飽後立刻可以行街街

見金龍船有個十二人用$1,380的不俗套餐，當然個機會試一試，而今次的借口相當好，一為神功二為弟子。位置已獲有關人士訂好，否則Walk in 都幾難有位，點菜是以這道菜譜為主，而選這裡出名的特大壽包作結尾。是標準宴會菜式，乳豬全體、金龍船六小碟、海鮮卷、XO醬象拔、炒蝦仁、金湯海皇翅、大青班、鹽焗雞、鱆魚荷葉飯、伊麵、合桃露及壽包。其實大部份食味不可以，比想像中差，但海皇翅做法較為獨特，南瓜海鮮的味道匹配，魚翅的角色反而變得不重要；鱆魚荷葉飯和伊麵可以，因味道較好及油份不多；當然個單尾合桃露及壽包是筆者期待很久的，仍然可以。若不是有以上幾道不俗的菜式平衡一下，喊面不遠矣！整間食肆招呼侍應絕對不夠，看見他們跑來跑去已經是盡力但始終很多地方兼顧不了，難怪；環境不錯，起碼干干淨淨；分量相當足，更可Talk away，可想而知分量不小；以星期一至五以這價錢可嚐到這頓菜，絕對超值，但要預算是大路食味，驚喜欠奉（除了個金湯海皇翅）。

昨晚跟家人到此酒家食晚飯，從報紙上知道有一些特價餐就來試，點知昨日到此看看其他對此酒家的評語，當堂嚇一跳，心想死喇！但一時間又不知可以都那裏吃，唯有照去。家人先到，點了一個蟹黃翅乳豬的套餐要九百五十蚊（半席）。菜陸續送上，雖然乳豬唔係好脆，都尚可接受，有個帶子煎餅（全名唔記得）就幾好味。之後的都還不錯，比想象中還好（因為已經作了最壞的打算）。個蟹黃翅都唔會好稀，幾杰。不過，就比較畸呢，因為上的時候係筆好哂係碗度，而唔係一大碗放上再逐碗筆。所以總括來說，這餐飯也不錯，份量也足夠，侍應服務態度尚可，不過唔夠人，經常我們食完的碟很耐都不收回，但下一度菜又上，唔夠位放。

今天是愚人節,竟然自己做了一個大愚人.一向金龍船酒家都給人好評.可是今晚我非常不滿.今晚到了尖沙咀港景峰的分店,點了一個乳豬魚翅套餐(半席).以前曾經光顧多次此套餐都是在旺角店.覺得非常好食及抵食.因今晚旺角無位所以改去尖沙咀.所有菜份量比旺角店的小一半以上.味道更不知所謂.比菲佣煮得差.所謂翅湯得個腥字,鮑片菜就蠔油水,鹽焗雞就甩皮甩骨,其餘小菜就似豆粉開水.所有菜都是凍上.服務又差.總知永不再去.

They're having a 'promotion' now, so our family went to have a banquet. The banquet's BAD, the food's terrible (the 'fa gau' and 'hoi sum' are very 'sang'!), the food came in reverse order (first the roast piglet, then the fish, then the roast chicken...), the service was bad...nothing's right. don't go, it's really terrible!!! The worst kind of banquet we have ever tried.

點了蟹翅海班餐乳豬不肥，good炒龍井蝦仁完全沒杭州菜味道，普通炒蝦一碟海鮮卷令人開胃，外皮夠脆象拔蚌普通蟹黃翅大不如前，湯的色澤好artificial菜的分量夠食：但上菜太快。

都幾年冇去金龍船飲茶，見佢近排母公司又轉股東，又轉名，轉業務之後會點啦~ 我覺得金龍船遲早會放棄做酒樓囉！一向金龍船的裝修都唔多欣賞，覺得都幾古怪又老土，都唔緊要啦，咁三個人坐四人檯，個侍應收起一個位啦~俾我眼尾見到收起隻碟底下又隻死左的蟑螂仔係度！雖然個侍應都盡量掩飾，將佢掃左落地，但我都睇到囉！D點心就麻麻啦，個糯米卷就蒸到過晒龍，叫左個牛柳絲炒麵，就真係O晒咀囉！麵就分開炸起，搞到成個面全部都脆晒，完全冇烘面個種兩面王的工夫係度，另外就成個大湯碗咁大的茨汁加牛肉咁上，D茨汁真係好多，但撈真D就冇乜料…可能唔係叫得太多野，都唔係好貴，每人$40左右，不過唔會再幫襯金龍船囉~

去到見到有一個$198 既4 人套餐，又有湯，又有四款點心，又有炒飯，覺得好抵，選好晒點心同炒野，點知個伙計先至話星期日無！車！無你又放響度？D 點心都唔算難食，服務亦都唔係差，仲送甜品( 紅豆沙或者蕃薯糖水) 同一小時免費泊車。不過價錢唔平，同埋無套餐就唔該收番起個牌啦！

某個星期日響度食晚飯, 有人事先已經訂左菜, 係個十二位用既套餐. 我地其實有成十五人, 初頭都驚唔夠, 點知後來係有剩, 可想而知份量都好足.量就夠, 質方面就普通, 乳豬偏肥, 皮唔脆; 海鮮卷太乾爭爭; 高湯翅算係咁, 料多亦唔算太味精; 蒸多寶魚都幾嫩滑; 狗不理熱辣但太油膩. 最正係壓軸既壽包, 大大隻, 賣相靚, 皮鬆軟, 仲有成隻漏油蛋黃響入面. 可惜在座多人懶健康咁, 挑晒d蛋黃出黎, 有好此道者見狀大叫心痛, 哈!最差係服務, 其實唔算好多客, 高峰時有七、八成掛, 但人手不足, 好幾次(係「幾」次!) 侍應明明見到我地揚手, 都完全無反應. 喂, 你唔得閒, 都向我遞遞手示意睇到我丫, 搞到我地好似傻佬傻婆咁起勢揮手無人理.既然食物質素一般, 差勁既服務就成為關鍵, 決定左如無意外既話應無下次.

7月13日那晚慶祝爸媽結婚週年紀念,就走左黎試呢度既鮑魚套餐$888 (四位),包4杯飲品~(每款的名字我已忘記了,大致有以下幾款)1.海鮮蝦卷:好正,好脆~2.哈蜜瓜炒蝦蝦幾彈牙,但無乜蝦味3.生煎雞:我覺得好普通,好似張雞件煎熟4.魚:好味~5.鮑魚:好細隻的乾鮑魚,但我唔識分好食唔好食,但D汁唔夠香味6.上素粟米泡飯:幾好7.甜品(熱)~木瓜椰汁燕窩:真係燕窩黎架~都幾好,唔係太甜8.壽包:好大粒鹹蛋黃~服務態度好好~

今日星期日正午左右時幫襯, 當係飲茶兼食午飯, 食物款式繁多, 連日本料理的食品都有供應. 只可惜, 食物質素未見突出.過去幾年, 和家人幫襯金龍船很多次(唔止呢一間金龍船), 不論飲茶或食飯, 但食物質素始終強差人意, 有時上菜速度仲超級勁慢, 令人有點失望.以金龍船的名氣, 我expect各方面要做得更加好.

平安夜去食左個3百幾既聖誕餐, 諗住有鮑魚, 有翅都幾抵, 點知樣樣都唔掂, 鮑魚鞋口又唔入味, 翅又唔熱, 蝦係霉既, 乳鴿咸到死, 澳門茶餐廳一定好食過佢. 可能因為夜去, 佢竟然有d燈仲冇開, 攪到好似裝修緊咁, 唔係呀~~咁都打開門口做生意? 事後投訴佢竟然話係平安夜熄d 燈有氣氛d....佢真係唔知停電同情調既分別. 又話d蝦可能一早開左, 所以霉d... 咁係唔係暗示比d唔新鮮蝦我食?雖然個經理好好禮貌, 但實在挽救唔到佢d野食既嚴重失分.