鉄人旨花 (已結業)

Great addition to SYP neighborhood. Was curious by the sign and peeked in. Slick minimalist fresh decor that complements the food well. Was surprised by the affordable price given the space. Food feels fresh and well presented. Portion is good size too! Reminds me or Japanese food in Taipei. I will definitely be a regular customer!

發現呢到有勁大條鰻魚既鰻魚飯，大過 iP7+ 冇難度呀，真係未食過咁大條既鰻魚呀 😂——————————————————————#大虎蝦 $68好大好大隻蝦，味道不錯，但稍為燒乾左少少！#喜知次 $128識食魚既朋友都知喜知次係好魚，價值不斐，魚肉真係幾嫩，中意食魚既朋友唔可以放過呀！#長燒鰻丼一尾 $168好大條，好大條，好大條！驚訝既事情要講三次！#云丹丼 $198飯上面都鋪滿哂海膽，新鮮鮮甜度整體一般！——————————————————————鉄人旨花西環西營盤皇后大道西 393 號地舖

依間開左冇耐既鐵人分店吾大，多人既時候要等位，內堂一眼睇晒，但勝在裝晒幾好，夠晒日本風格。餐牌雖然得一張，但上面都有林林種種各項不同既食物，可以俾你慢慢揀都得😀我叫左一個鰻魚丼（一條）同燒貝柱。落單後，首先黎左一碗面豉湯，咸得黎吾會太濃，算系咁啦。正主到啦，一尾鰻魚飯，佢既飯量系正常一碗飯既大細，而鰻魚系個碗飯既兩倍以上，足夠兩個細食既人食。佢既飯粒咬質感軟熟，煮得剛好，但可能太早裝好，令面個層凍凍地，鰻魚燒得吾錯，咬落吾會太實同腥，有少少黏口既感覺，再加上個鰻魚汁已經一級棒。上面仲大過粒士多啤梨既就系燒貝柱啦😝，燒得吾會太過火變到好韌，亦都吾咸，食落鮮嫩彈牙，好滿足😍總結就系，我下次出糧要再黎食多次😸

呢間餐廳好耐之前已經聽朋友講過唔錯可以試吓，條鰻魚呃like一流👍🏻👍🏻今次好彩渣車去（平時好少渣車過海），如果落地鐵行過去都有啲距離，車仲可以泊到門口😝。餐廳唔算大所以book枱是常識吧，只等一陣就可以坐底。長燒鰻丼一尾 -- 真係好肥美😋，第一次要用刀叉好似鋸扒咁樣食鰻魚，條鰻魚確實係燒得好口感又正，不過分量真係太大，食到最後有一啲滯漏😜喜知次 -- 口感嫩滑，不過可以大條少少厚燒牛舌 -- 不過不失，唔太特別好海鮮山丼 -- 海鮮都算新鮮，海膽特別甜👍🏻

店鋪位置方便，裝修舒適。店內沿用木桌椅，桌子及座位皆很寬敞。店面不大，約十桌，所以不會很吵午餐餐單魚生選擇不太多，只有一個選擇，但熟食variety頗大，包括有牛舌：什錦魚生飯碗子，餐桌布都很有格調，精緻非常，賣相滿分。魚生飯內的類別也多，更有炙燒過的及鰻魚。可以說青瓜、薑絲及紫菜蛋絲是「佔位置」「令場面更好看」，但其味道也發揮了不少作用，令只有魚生味的飯添上不同色彩，並更健康。魚生亦算新鮮。可惜的是魚生的量偏少，要「就住食」。總的來說，這裏是適合吃環境、吃「精緻」的朋友，要求「大件夾抵食」的就可能不適合。

平日放工後經已很攰了，沒有住家晚飯吃的我, 最好的選擇當然是地鐵站附近的茶餐廳，食完就可以立即返屋企， 經過鐵人旨花, 發現除咗銅鑼灣之外,原來西環都開咗間, 門外看到相, 有日本丼飯食, 賣相都幾吸引就入去食啦, 選擇一個秋葵盛 就有牡丹蝦, 甜蝦, 蟹柳, 蟹鉗, 蟹子, 另外仲有白身魚添先飲一碗麵豉湯暖暖個肚, 因為食魚生都幾生冷, 麵豉海鮮湯裏面, 有好多隻蜆, 飲落去非常之清甜, 散發出陣陣海鮮味飲完湯之後, 秋葵盛就送到,份量都幾多, 飯上鋪滿咗唔少嘅紫菜絲, 夾埋飯一齊食, 特別香, 刺生方面都幾新鮮, 尤其是蟹柳, 真係非常之啖啖肉鐵人旨花, 一間有水準的晚飯絕對會為疲累的一天劃上完美句點。

第一次到西環鐵人旨花，環境規模相對下比銅鑼灣店細~但感覺就有種獨特既個性！花花椅子令到成間店有畫龍點睛既效果好靚好靚價錢豐儉由人~有d平到100蚊留下既菜式都有麵豉湯好好飲真材實料~有蜆肉海帶青葱！相當濃郁有味。我就食左個旨花盛丼~有牡丹蝦~質感超鮮味size都好大隻海鰻都燒到好香~有埋有d鰻魚汁~成件事好惹味右口魚邊質感軟綿細緻~!!入口甘香即溶~好好味呢！！其他刺生片都好食！飯既size都非常足夠。米飯粒粒分明都好食厚燒牛舌~厚切好有質感爽口彈牙~牛味在口腔不散有埋d黑椒檸檬汁更帶出鮮味

早陣子從報導得知這家鉄人旨花小店，和銅鑼灣吃鐵板燒及高級日本料理的鉄人旨花同名，西環這間店走的是親民路線，食物價錢相宜。雖然如此，踏入店內感覺濃濃的日本風，精美優雅漂亮，最搶眼的是黑底花圖案的座椅，與別不同，成為整個佈置的重點。丼飯附送的麵豉湯，有隻飽滿的蜆在內，麵豉湯卻沒有明顯鮮甜，口味略鹹。長燒鰻丼一尾$168這個該是鎮店之寶吧，我也是為了這鰻魚而來，這巨型版的鰻魚的確很震撼，既長且厚大大件，最好有兩三人一起來交換食，比較不膩。鰻魚先蒸後烤，醬汁是自家以黃糖、冰糖、蜜糖、麥芽糖等調製，鹹甜平衡，甜香具層次，鰻魚燒到有微微烤香，肉質豐滿嫩滑，醬汁濃香，質素相當不錯，比日本吃到的更滿足更抵食。喜之次$128初認識喜之次是在一些較高價的日本料理店，難得在這吃有平民價錢，當然要一試，將魚切半打開來燒，燒到均勻而皮脆肉嫩，配上附有蘿蔔蓉的醬汁及鮮檸檬，可見餐廳對細節的注重。西環鉄人旨花鰻魚超水準，環境及服務也令人滿意，會推介給喜歡鰻魚的朋友。

終於有機會食到師父發辦,事緣係朋友升職加人工,係咁既市道仲可以有人工真係勁,果然無識錯依個朋友佢請我食飯慶祝,仲要係出名又貴唔抵食既師父發辦系列去左鐵人旨花,之前未聽過依間餐廳,今次都係第一次去黎到無耐坐低已經有種高級既感覺,因為個套餐要$1280,第一次食咁貴壽司呀首先食左前菜之後,就食左依個燒和牛,和牛好嫩滑,而且厚度適中,味道唔錯之後食既第一個壽司係金木稠壽司,新鮮送到既刺身果然唔同D,全口香滑,油脂感充足,點小小WASABI食感覺唔錯之後食拖羅,拖羅都算厚切,而且油脂感又係好重,好香口再之後食既係帶子壽司,帶子算係巨型,但入口唔會好硬好韌,口感一流另外幾款壽司雖然都唔差,不過都係依幾款最好味雖然食完成個餐都唔算好飽,但味道真係一流

跟好姊妹去西環行山樂同到景點泳棚一遊之後，就係附近搵好野食醫醫肚。姊妹們上網搵到呢間日本野，睇睇原來我之前食過另一間店既omakase, 質素是有保證的。而西環這間店，跟銅鑼灣店格局有點不同。 地舖店子比較細，以海鮮丼，日式特色小食為主，比較合街坊生意。 裝修怖置像日式小店形式，舒適有種親民感覺。海鮮山丼 $168甜蝦、拖羅蓉、海膽、魚子海膽紋路清晰滑溜，金黃鮮豔，鮮甜味十足，配上醋香珍珠米，加添清香鮮味！甜蝦爽鮮甜潤，新鮮無比，魚子粒粒脆卜卜，最後不得不說主腳拖羅蓉，深色拖羅高質，打至蓉狀起膠，更顯魚肉軟嫩，獨特魚香味道，入口即溶，在整個口腔久久不散，回味無窮！大虎蝦$68另外叫了小吃，燒大虎蝦一隻，尺寸有一隻手掌連手指咁長，份量十足，燒到香脆，蝦味鮮甜，質地爽彈，唯一是有少許燒得熟了一點，令肉質硬了一點點。長燒鰻丼 $168而姊妹點了呢都一樣份量十足既燒鰻魚丼，上菜時不禁嘩左出黎，長過手板既鰻魚，除左長，肉亦十分厚。肉質軟腍適中，都好鮮甜，鰻魚汁係靈魂，濃度剛好，將鰻魚鮮甜提升，足足一條價錢亦算好合理，喜鰻魚既朋友一定要試！呢間鉄人旨花水準平均，鰻魚飯有驚喜，價錢性價比高。舖位雖

呢間野係西環都叫開左一排既日式料理今日終於有時間去試!!!入到去已經好有日本feel，好正宗既感覺~就連前菜都咁pro!!!入面就唔只得麵豉湯，仲有海帶片同蜆肉再加上蔥既味道，令到個湯有一份鮮味，蜆肉就有少少沙就扣少少分啦~其實我平時就唔太點食海膽既，不過呢度既海膽就令我有D意外，唔會腥而有甜甜地既味道。而吞拿魚就好似蓉咁，都係第一次見，感覺一片片會有番D口感最後想講D飯，呢度既飯就係黏黏地既，好有口感，份量都唔少。而呢個天婦羅真係好大隻，平時就一條過，呢個係要切埋做3件炸粉冇落太多，炸得好脆而且唔會太油，而蝦都保留到鮮味，唔會乾可惜既係可能調味落得比較少，少左D鹹味，較為清淡

一向喜歡吃日本菜的我，今天在朋友強烈介紹下來到這一家吃東西很鮮甜喔~咸度剛剛好，而且很足料。份量沒有很多，應該是說佢魚生的部份比較多但飯量不多，所以大食量的人可能會不飽啦哈～拖羅很多，很肥美，配飯很不錯。甜蝦超甜，QQ的海膽就不得了啦味道很濃厚，很甜，吃完了咀裡還是滿滿的海膽味喔～魚子每一口都爆漿，咸咸的很新鮮，味道很香，配飯也是超幸福~比較淡，沒有什麼調味料，著重原汁原味。超厚一塊，口質超好。烤得剛剛好不會老不會乾，淋上一點檸檬，酸酸的很清爽。

近排開左好多刺身丼食店，但往往只係吸引眼球，真正味度同新鮮度欠奉。今次揀左鉄人旨花，係因為之前食過銅鑼灣店，是有水準之店，所以見到佢西環開左，都想黎試下！我很喜歡食店用上有格調嘅餐具，而店亦播放著高級日本料理會聽到嘅音樂，令人覺得自己置身高格調嘅餐廳！蜆肉麵鼓湯，蜆肉鮮甜，但湯略咸手卷是自己卷，幾特別海膽厚身鮮甜又唔腥，食材新鮮！鉄人丼有主要有三文魚籽，吞拿魚腩蓉同海膽，食材同樣新鮮，同其他店一般刺身丼真的有分別燒玉子，初初仲以為係自家制嘅玉子燒，味道不過不失 而呢個鰻魚飯，真係一定要試，真係好大條！而且肉質肥美！入口即溶！好耐會係香港食過咁好食嘅鰻魚飯！真心推介！

鉄人旨花距離港鐵西營盤站只有五至十分鐘既步程，交通十分方便。坐低就見到餐廳用上頗高貴既餐具，倍添氣氛。坐低看看餐牌有各式各樣特別名稱既丼飯，真係抓晒頭好在牆上有式各式丼飯既圖片，有選擇恐懼既我都唔知食邊樣好。友人選左 右手面既雲丹丼，我就選左手邊既鐵人丼，味道新鮮，不帶腥。份量可參考旁邊的可口可樂。附送一碗蜆肉麵豉湯，內有四五隻蜆肉。其次再試燒物「喜之次」，其實是一條開左邊既魚，味道像煎香的紅衫魚，頗為多骨，愛吃煎魚人士多加留意。最後就是天婦羅虎蝦，蝦肉比男性手指公更要粗，厚肉多汁，不妨一試。最後場內只有十至二十個座位，想試的朋友記得早點來啊。

第二次吃鐵人旨花了，記得第一次吃是在銅鑼灣店，當時是吃omakase的。 得知西營盤開了鐵人旨花，所以早早就預約了來試一試。 西營盤這間與銅鑼灣完全不同，後者主要吃omakase和鐵板燒，而這間是主要吃丼飯的。 由於店內座位不多，每枱客限時用餐一小時，建議來之前先預先訂位，walk in的話隨時沒有位。 丼的種類很多，牆上亦有各式的圖片以供參考，除了丼外，還有一些燒物及壽司可供選擇。 麵豉湯每份丼均附送麵豉湯一客，麵豉湯內有蜆肉，很足料。 雲丹丼 $198超豐富的海膽丼，海膽鋪滿整碗飯，先嚐嚐海膽，鮮味十足，入口很鮮甜，十分新鮮。而飯粒軟硬度適中，wasabi味道不會嗆喉，看似很迷你，吃完亦很飽肚。 油甘魚餃 $128油甘魚被煎得很香，而且肉的部份很多，入口除了魚鮮味外，魚油亦很豐富，魚骨部位還有骨膠原的感覺，又香又甜，吃後令人很滿足。雖然時間有點趕，但吃到如此美味的丼，還是很值得的。