銀座梅林 (已結業)

原本去萬豚食烏冬不過排晒隊，要咁等位乜都假，近近地轉去K11試食依間新吉列專門店。當晚店員介紹佢地有比黑豚更靚叫"金星豬"嘅特選豬揀，不過就要每個set加多$20，為左比較當然叫晒兩種豬試試啦。吉列金星猪扒定食 - 比多$20嘅果然好食啲，比黑豚juicy好多，有一兩舊同丼吉有水準時嘅豬扒有得比。吉列黑豚猪扒定食 - 珠玉在前，立即比下去，只屬中水準。咖哩吉列蝦定食，咖哩唔突出，而且佢嘅蝦都無近又同丼吉咁爽咁新鮮，可以唔叫。吉列黑豚豬柳定食 - 寫到依道先知自己無食，不過朋友話ok。炸薯餅 - 無特別梅林串炸 - 有8款唔同嘅食材，味一般。豚角煮 - 食完一致覺得係東坡肉加介辣味。同其它吉列店一樣，白飯同菜絲係任加嘅，而且佢嘅飯係日本米菜絲亦好新鮮。不過依道係無得玩磨芝麻嘅，扣分。

返到香港, 總會與朋友一聚, 一聽到朋友話食日本野, 心中不禁彈出一句「玩野呀」。因為小弟o係日本「浪費」青春, 所以o係香港食日本野有d反感。呢日食午餐, 小弟點左個梅林special汁的黑豚蛋飯, 但無黑豬... (點解坐抵的時候唔講既無黑豬?)都好為小弟慳返廿蚊。三位朋友分別點了, 炸豬柳, 炸蠔, 炸蝦。個賣相唔錯, 但張台有三個汁, 環境暗, 我要同朋友逐一解釋係咩汁, 用係咩食物之上。點解個侍應可以唔同客人解釋呢?先講一下我個梅林special汁的豬蛋飯先, 勁濃味, d 汁將d蛋將d豬味全部蓋住晒, 正如我係日本食過的「miso」豬扒一樣, 咸! 咸! 咸! 「有人歡喜有人愁」, 我就唔太歡喜。因為小弟帶病的關係, 所以無抽朋友的水, 佢地話佢炸豬柳, 炸蠔, 炸蝦, 唔錯。但會唔會再黎呢, 唔太有機會。仲有呢間野有心要做到好服務, 但好多細節都唔注意, 例如侍應會隔台大叫, 行路好似爛仔咁, 如果可以改善埋呢d野, 就係五星服務架啦!

上次tour around K11時經過銀座梅林己心癢癢的想光顧, 但因當時已用過餐, 故沒有幫襯此在曰本响負盛名的炸豬扒專門店. 今天趁着元宵佳節, 於是相約友人往慶祝.店內多數以卡位形式. 我們一行四人, 選了有日式垂簾的卡位, 甚有privacy. 每張卓上都有三種醬汁(自助式), 排成一行及清清楚楚列明 予客人選擇. 繼有柚子沙律汁, 青芥末沙律汁, 同梅林豬排汁; 都萛多元化.我們叫了黑白豚肉套歺各一. 本人則喜愛鳗魚定食. 另外胃口細的友人ordered 稻庭湯烏冬及半份黑豚(有四塊). 再加了一客炸蟹肉薯餅大家分享. 薯餅最先, 有兩件. 味道不錯, 外面鬆脆而當中creamy 輭熟. 鳗鱼除了十分juicy外亦沒有任何細骨, 香甜可口,極之美味. 另配有特別醬油供食鳗鱼. 黑豚肉比白豚肉色較深, 更肥美多汁. 總括而言, 無論哪種食品:豬肉, 海鮮, 蔬菜; 銀座梅林都能通通炸得外脆鬆化, 而仍然保留肉汁於食物當中.伴碟的椰菜丝份量適中. 侍應每隔15-20分鐘便探頭進來詢問"需加添菜絲嗎?"....那怕你不夠吃! 白飯是日本米, 粒粒有韌度又帶黏性, 所以一粒都留

今天百忙中終抽出時間去試菜. 店子裝修簡約低調但又不會像拒人千里. 我蠻喜歡這樣的食肆.但午餐也不會有甚麼着數因侍應說晚餐也是用一張menu. 我挑了它耍家的黑豕吉列豬扒飯套餐, 黑豕要另加20元. 不特別說明便是白豖.賣相一貫日式風格, 豬扒望落也乾身, 不會混身是油. 咬落肉質鬆軟不會死實實但又有趙頭, 真的是名不虛傳, 另有大量菜絲伴碟, 既可點綴也可食用來減低熱氣, 可算十分體貼. 特別要說是那個湯, 十分美味, 一渴便知是心機嘢, 湯內更加有很多菜蔬來增加咬口, 總之十分好味啦!!

剛從梅林回來, 兩個人在9:00左右到達, 以為可以唔使等枱, 點知都要等, 大約9點半至有位.我們點了猪柳 (黑猪), 炸鰻魚 及炸蠔. 炸鰻魚非常肥美, 其他的就不過不失. 大家都將梅林與Tonkinchi比較, 價錢應該是梅林較抵食, 炸物的水準也差不多, 不過 - 米飯及椰菜方面, 就ToTonkinchi比較好, 特別是椰菜, Tonkinchi比較清甜及鮮嫩, 梅林的就老多了. 總的來說, 值得一試.

記得在十年前,吃日式吉列菜式,世貿Tonkichi是首選.當年差不多是全港唯一的日式吉列店,早年去過三次,每次也沒有失望過.到了今天,日式吉列店越開越多,月前才新開張的尖沙咀兩個新商場,K-11和ISq,各有一間日式吉列專門店,其中一間,是在K-11地庫的銀座梅林.小弟有眼不識泰山,當初見到個招牌,還以為梅林牌好地地賣午餐肉,現今又走去賣吉列炸物?原來,銀座梅林在日本,有八十多年歷史.初三赤口的晚上來晚飯,七點來到,可以直入坐吧檯.晚一點來的話,門外已排滿人龍了.因女友沒有胃口,只能點個吉列豬扒餐.我們在吧檯前,看著師傅不斷地將材料沾粉,再放落油鑊炸.製作過程一覽無遺.檯上面的醬汁有三款,上次在豚組的柚子汁味道,實在嚇人,來到梅林,還是用梅林豬扒汁來點炸物算.先試一口,濃甜惹味.套餐內包碗麵豉湯,湯料甚足,內有蘿蔔片,將麵豉湯的味道,加多份清甜味.炸豬扒肉在網上,這樣做是將油份隔走,只見外表炸得色澤金黃,再看看個橫切面,外層很薄,但肉質似乎很粗.先咬一口,炸漿非常鬆化可口,沒有一口油的感覺,再吃到豬扒內層,肥就幾肥,肉質果然不出所料,有點粗糙,更帶點硬.不過沾些惹味的豬扒汁吃,也能夠吃

又係爸媽不在家的孤獨老人... 友人陪本宮食晚飯，e個友人好特別，因為本宮同佢成日都日又傾，夜又講，所以每次食飯都要去d坐得舒服，又要嘈嘈o地o既地方，方便高談闊論~識本宮o既人都知道，本宮唔鐘意食豬扒，自從留學之後，發覺豬，真係可以有咁騷，得咁騷之後，本宮就開始唔食豬，但係凡事都有例外，本宮又好鍾意食叉燒包、餐包、豬柳蛋漢堡，畢竟，一個食豬o既大國，真係好難唔食豬o既~今次o既胃有事，出奇地得意，鐘意食生冷o野同炸o野，食炸o野wow~ 點可以唔食豬?? 唔緊要，最重要係d豬唔好臭就得~ 聽聞k11有一間食炸o野，所以就同友人一齊去試下~食e間o野好難唔同丼吉比較，仲要本宮落筆之前o岩o岩先再食丼吉... 價錢差唔多，又係要排隊，當然要揀間好食啦~先講d sauce，梅林係比較有系統，因為佢寫好o左洋sauce打咩sauce，唔洗好似丼吉咁要估估下，但係落汁之後，就調返轉，梅林o既柚子汁，冇咩柚子味，只係酸味，而青芥汁就只有spicy o既feeling，冇wasabi o既香味... 而豬扒汁，由於冇得玩磨芝麻，冇o左芝麻味，當然又冇咁好食啦~因為友人係非常熱愛烏冬，所以佢叫o左一

無錯梅林豬扒三文治的確配搭得很好，麵包再吸收餘下的油份，很好吃。不錯不錯！！

真係好想知銀座梅林係咪比 Tonkinchi 好，因先前有本雜誌出比試結果，銀座梅林竟然大勝，結果一如所料 .....兩間主打吉列食品，這香脆既食物真係難以抗拒，冒著可能食到口嚨痛既風險都要食。銀座梅林同樣不接受預約，要當日去排隊。無錯梅林豬扒三文治的確配搭得很好，鬆軟的白麵包夾著熱騰騰既豬扒，麵包再吸收餘下的油份，很好吃。這次order 了兩客。說到這裡，心想應該如雜誌所講比 Tonkinchi 好一點...可惜.....事實並非這樣。吉列蠔 - 還記得Tonkinchi 的軟軟熱烘烘像溶掉的吉列蠔，這裡的，炸得死實實...蠔味是有的，但不及Tonkinchi 那般柔軟。古列豬扒 - 弄不清是大家樂還是大快活的比它更好吃，應該是說没什麼特別。稻庭冷烏冬 - ...........無話可說，只可以講，過了冷河的一堆烏冬xxx薯餅 - 可能我大鄉里，未食過這種質感，cream 多得很.....題外話，椰絲，他們很吝嗇，給得很少，我們4 人不斷食，他們不斷少少的補給.......我數過了，補給20 多次 ......不像 Tonkinchi 大方地一盤給我們銀座梅林輸了不能自己磨芝麻

星期六晚去食,7點幾去等位,都係等4張姐,唔算好多人等位.本身比較鐘意食豬柳,所以點左個豬柳黑豚定食,侍應話黑豚比白豚會多D肉汁,的確無錯好好味,好多肉汁 不過豬柳偏細件,如果再大件D就淡淡肉,仲正喎服務方面都幾好,會不停添加椰菜絲俾客人.而D椰菜絲都幾甜幾新鮮個人覺得日本餐廳呢個價錢,裝潢和質素係OK的.可能不是大眾化的級數.若閣下要食"又平又抵食"的吉列豬扒,就唔會選擇呢類餐廳囉.

未講食野質素，先要講點樣去。＠Paul Lafayet 左手邊有架Lift，按B1，再向左邊行即到。上次去Misocool食左一餐好失望既飯之後,對銀座梅林既期望相對地高,趁屋企大年初一做節既時候,自己又要睇Show,先來一頓賀年飯。如果用六十八蚊去食幾舊豬扒三文治,不過用七十八甚至可以更低既價格食一塊豬扒。佢雖然係半量,但都有大快活舊豬扒咁長,食落去有豬味,亦有D油花,最重要係炸功唔油同埋唔會皮肉分離*而六十五蚊既熱稻庭烏冬,有三舊天婦羅既黑豚、紫菜同與別不同既鳴門卷,烏冬好爽,好滑有質感,而鳴門卷唔係薄片冇味o個種.....呢間野既爭議性都幾大,有d人遇上好好味既一餐,有d人就唔係,要試真係睇緣份

深圳的食評無論如何是追不及了，還是在牛年過去前，把最後一篇香港食評也清掉吧!不過自己也真夠大意的，提交了多篇團年飯食評後，開始才留意到慶祝紀念有「團年飯」的選項，唉...在此唯有提自己也提大家，醒目運用食評分類呀!　回到正題，銀座梅林真是一間OR界極具爭議性的餐廳，它的人氣是不用置疑的，但有的食友吃過很出眾的炸物，有的食友卻吃到水平低劣的出品。不過這已是年頭的事，步入2月，知道Oli與漏漏的試食報告也滿意，於是牛年最後一天，也與老公去吃頓late lunch!　約3時進場的最大好處，不用說就是不用等位，但寧靜充滿和風、甚有簡約日式美的餐廳內，其實仍是九成滿。一早打了底，又要留肚晚上回家團年飯，與老公集中火力專挑梅林推介的兩款名物：　梅林豬扒三文治($68)-不知就裡的老公看到一份三文治要收$68，覺得很驚訝，但當品嚐鬆軟麵包+香脆帶油香豬扒的美味化學作用後，又頓然明白了!我認為，高水準又好吃的吉列豬扒固然是重點，但當中微帶芥末香的醬汁也佔功不少，令富油香的豬扒不會很膩，口感頓變清新可喜。推介!　吉列豬柳便當($148)-相信食友的專業推介，沒有加$20要黑豚，果然這白豚的水準也沒有令人

已早大半個月約好表表們一齊去南生圍影影影, 可惜天公不做美, 大雨連連, 早上港島區既雨水不大...相反..下午時分, 一入到屯門..就行雷閃電..大雨極....只用車兜了南生圍, 是日整日遊車河... 有車上途中, 外星話前2晚去過銀座梅林食飯, 話唔太差, 於是晚飯決定在此解決了~ 因為外星人和火星人要做節, 只有其餘6個人 - 基基, 教主, 熊仔, aki ma, 豬bu + 本魚, 大概7:15 p.m. 去到, 問門口既姐姐, 如要坐大枱要等半個鐘, 而bar 枱就唔需要等, 緊係坐bar枱, 順便知道D師博點樣煮唷. 坐底即睇Menu, 唔...聽外星人話定食都幾大份, 於是叫3個定食, 仲有另加其他既食物. 單點 - 炸豬扒薄切 (半份), 唔...粉漿夠鬆脆, 但係鞋了點...有點過火... 單點 - 炸蠔(1隻), 佢地係一隻計, 上枱, 外型細隻, 味道一般, 32蚊一隻黎講貴咗D, 唔抵吃~ 單點 - 炸薯餅, 入面有粟米, 薯餅厚身, 薯仔味道夠濃, 可以一試~ 單點 - 炸雞塊, 無炸粉在外, 佢地係就咁炸, 太乾身, 要用醬汁點黎吃先可以~太 熊仔+ak

炸黑豚豬柳，好失望，一啲都唔鬆軟，死死實實，炸得太厚。入口第一個感覺好似食緊家香雞咁，一Ｄ肉汁都無, 好乾, 好失望！炸鰻魚！有驚喜嘅做法，值得一試！好肥美，好特別，其他地方好少有得食。炸蠔, OK，平過TonKiChi, 不過好細隻.每人食咗$168唔係好值。

紅顏常引禍水，珍豚美人的殺傷力就在于，一邊為涌入體內的滾滾卡路里眉頭緊鎖，一邊卻被她的豐腴油潤迷得神魂顛倒。美人天生麗質，肥瘦相宜，油潤又不膩口。誠然，這里比Tonkitso的肥膏比例要大（每件占1/5左右），或許怕胖的香港人會不喜歡，不過我這個北京妞兒就大可肥來順受；醇香的肥肉被咬開后油脂溢出，頗有烤鴨皮上脂肪的范兒，令整件豬扒都變得香口流油；更難得是豬扒的肉質比較鬆化，不會死實，這點明顯好過Tonkitso。美人的胭脂水粉自然也功不可沒，三種醬汁各有其效。個人覺得如果配菜的話青芥好過柚子沙律汁，芥末辣得清爽不嗆鼻，而柚子就有點過于清淡了，配豬扒的話當然還得是酸甜帶著醋香的梅林豬扒汁！美人的侍女也著實叫人心動。貪心的叫了過把癮的梅林串炸，有蝦、帶子、豬扒、免治豬肉、雞肉、鵪鶉蛋、洋蔥和四季豆各一件，最好味是蝦，蝦肉彈牙配上酥脆的炸粉，比起天婦羅的做法更美味；免治豬肉配青椒，有清新的椒味。可惜免治豬肉比較柴，缺少肉香；帶子最可憐，本來是傾國傾城的佳麗，可惜著錯了衣裳，被粉衣包得厚厚實實，又被油炸得通體肥膩，可惜可惜！豚美人當前，不必說迷戀肉身的勇士，就連我這等平素遠離肉海的甜癡都把持不