銀龍粉麵茶餐廳

營業中

休息中

應該係我食過最難食既茶餐廳 坐低叫左個$68既黑椒牛扒意粉 由於野飲要加$8所以就無叫落單既時候已經講左3次汁要另上 最尾都係淋汁上 員工講左句唔好意思就算數 完全無提出要換講返碟野 意粉淋到煮左一日咁 完全係無味 黑椒汁味道上應該同你用水食差不多味 牛扒厚度大概同3張A4紙加埋差不多 仲要有一半都係肥肉 成碟野真係好難食 比狗食我諗狗都未必食埋單$68 一定無下次 伏到喊有樣野好既 由於係聖誕正日 餐廳員工都戴晒聖誕頭飾 叫做有下聖誕氣氛🤡

今日去左附近工作，見有啲時間，就去左銀龍食個快靚正午餐，又未到食飯時間，就食左個常餐醫下肚先。叫左個雙拼餸，雪菜肉絲加沙嗲牛肉米粉，火腿奄列同加多士，沙嗲牛肉夠入味同林，份量都足夠，多士十分脆口，不過雪菜略微咸左啲。

其實都係為左試下奶茶，咁岩係附近，試下先。點了個好邪惡早餐。又公仔麵又牛角包🥐整體來說，不錯的，奶茶反而略嫌不夠茶味，奶味偏重，沙爹牛肉麵，味道正常。牛肉夠林，有沙爹味，公仔麵就唔係出前一丁，口感偏林。牛角包細細的，有點點牛油香，但沒有酥皮那種鬆脆感，不是空氣包，口感略為實了一點點，唔夠鬆軟。性價比不錯。

坐位空間足夠，但冷氣強勁，早上不多人時頗冷，食物好快也凍了。早餐選擇多，可改准山麺，份量適中，價格合理。火腿料頗多，通粉一般，菠蘿油夠熱不錯，菜肉餃也ok，准山麵夠爽，但准山味淡，湯底就合我味道鹹度剛好，奶茶夠滑沒有苦澀味。服務就一般。

今日去左銀龍食早餐服務態度ok只係因為唔想等其他餐廳，而銀龍好快就可以入去食再加埋早餐可以揀牛角包，唔係好多餐廳有呢個選擇所以就來試試味道都ok但衛生情況就需要再改善

很多時候，新年，無論初一至初四，甚至毛去到初五、六，有些店主都說要加價，或是加一服務費，有些更是加20%，好像挺為過分。像銀龍這個做法，就比較醒目，預先已經弄好另一張餐牌，明碼實價，沒有服務費，叫客人吃得比較安心。由於妻子生怕肚餓，還是點了個飯，竟然在下午茶點福建炒飯，令我捧腹大笑，汁醬都不算太多，但炒飯都算有輕微鑊氣，還算夠熱。我的特色西多士，原來是已小塊的麵包做多士，弄成特色西多士，不算太過油膩，亦都不會太厚，但亦都有牛油以及糖漿，和傳統的正方形西多士稍微不同，不過其實中間的花生醬，少許失望，但味道來說也不太差。佢仲有雞翼，溫度高，不覺得油，亦都不太油膩，肉香非凡，味道相當不錯。不過令我喜出望外的，就是因為先前無論在青衣還是美孚的銀龍，感覺上奶茶咖啡都只是中規中矩，不覺得特別出色。但反而這次來到，可能都接近五六時，茶滾得比較耐，因此覺得，這杯鴛鴦的味道挺為香濃，奶茶以及咖啡味道都出眾加煉奶亦都不會太甜，感覺比起大埔其他小店都未必遜色，更勝於某些小型茶餐廳。

日日叫外賣，二人晚餐還好，送小菜一個。可惜聽電話女士態度奇差，叫外賣比人鬧禁！連我媽媽講慢小小都比佢大叫，明明佢講錯外賣提佢仲鬧返人，不止一次，食物還可以但禁既態度遲早幫銀龍倒米。

老公講過好多次呢間啲嘢唔好食，我係唔信，點都要親身試一次；簡咗位坐底就水都冇一杯就即刻有位姐姐企定定喺隔離等我落單，我話轉頭落單，我睇咗一陣再叫人嚟，今次係個肥叔叔，四萬咁嘅口問我想食咩，都係水都冇杯俾我，少少哋就試吓個下午茶，叫咗個XO醬金菇肥牛炒烏東下午茶餐，再加$6叫咗杯凍檸賓少冰；凍檸賓講明少冰，就同正常冰冇分別，即刻叫肥叔攞個杯仔俾我，又係四萬咁口攞嚟，拔咗細半杯冰出嚟，淨返大半杯檸賓飲；仲話係咪蹝嘢食店，真係配咩？！等一陣好快就有XO醬金菇肥牛炒烏東食，係我自己要走韮走蔥，所以成碟嘢都係黑墨墨嘅豉油色，香味就當然只有豉油香，完全冇XO香味，食落更加冇XO味，加幾辣椒絲就話會辣，辣都唔辣下，只得個咸字，仲話係少鹽少糖食店，真係一啲都唔配。肥牛份量一般，但金菇得一兩條，想搵多條都冇，烏東麵質太淋，如果炒嘅就唔應該太淋。整體嘢食唔值得再食，水吧先生沖嘢飲沖得太麻木喇，多啲留意火記寫客人嘅要求，樓面員工服務非常好，識對客人笑，只要記得客人入坐時係唔係都整杯水先實冇死。一間餐廳最緊要係啲嘢好食，有幾好嘅服務都係唔會發揮得到，有幾近民居都係冇用，啲嘢唔好食永遠都唔會有回頭客。

曾經試過呢間連鎖茶餐廳嘅炒粉麵同小菜，街坊質素中規中矩。但今次食茶餐好明顯係錯誤選擇。兩份奄列水準大不同，一份ok，一份炒到上左年紀，好在有蛋香。牛角包似去便利店買完叮熱水準，加埋份奄列勉強合格。沙爹牛肉麵 - 沙爹牛肉唔夠花生香，普通。麵質好差，大多數茶記已經改善即食麵質素嘅環境底下，仲用以前有如批發「大x麵」質素嘅即食麵，失敗！豬骨湯天然豬肉煲意粉 - 個名.....唉.....湯底似用心煲嘅豬骨湯嘅，豬肉材料應該不俗，濃肉味，但鞋口；意粉太硬，呢個新產品唔掂....奶茶算係保持水準兼中上評分，茶味濃郁，而且質感黏口，唔錯。其實餐廳各種菜色套餐都會時不時轉變一下，亦常有新口味推出，中式出品較合乎茶記標準，證明老板係有心經營。但廚房水準同新產品吸引力唔穩定，價錢唔平，員工唔熟悉公司新產品、宣傳、不顧及食客的態度，真係有待改善。

冇歺紙！要求俾2蚊，先有歺紙！！冇水提供！！就嚟🔪叉都收＄啦係咪撈得好唔掂，係就执咗佢俾人啲做啦！！價就年年加，件牛角包🥐就一年比一年細件！啲嘢食就冇厘特色！

【濕滑的四寶河】$45 真的有點貴, 軟軟的河粉, 不夠彈牙的魚蛋香港人公事繁忙, 作為奴工的我們每天都要為3餐勞動,  然後, 上午茶吃什麼? 又不想太熱氣,  【可能是有點貴的下午茶, 四寶河餐上線了 】四寶河由長條形的粉組成, 白烚, 魚蛋是比較圓的, 裡面沒有菜, 沒有蕃茄,少少的四寶 魚蛋魚皮交 (才5顆), 菜肉都不夠, 再配以香港人最喜愛的 凍檸檬茶,  香濃的紅茶味,  面有幾片薄薄的檸檬, 完全沒有感覺到檸檬味, 味道超淡, 完全吃不了味道的.   最重要是, 上餐快, 也鄰近地鐵站, 方便上班族.

是日就返屋企人, 想近近地O係屋邨商場食個快飯.本身又係諗係譚仔算, 但譚仔好多人, 所以走左去旁邊既餐廳. 第一次食, 都OK wo~入到去, 有得坐卡位~Menu好多選擇, 炒粉麵飯, 咖哩, 焗飯/意都有. 仲有D go green既選擇!揚州炒飯碟炒飯都幾大碟, 同好足料, 有叉燒, 尤魚, 蝦等等..炒得幾夠鑊氣!蒜蓉汁雞扒腸仔意粉蒜蓉汁好夠味! 有2大塊煎到外皮脆卜卜既雞扒~個意粉有略炒過, 有D茄汁味~正~跟扒餐有配湯,揀左中湯, 合掌瓜湯~餐飲揀左熱柚子蜜,潤一潤喉~!

呢日放假可以訓到晏一晏先起身 實在太幸福！起身個陣都一點幾 梳洗完都差唔多兩點 見肚餓就去食個下午茶揀左腸仔肉醬意粉～ 因為係焗野所以等候需時，前前後後大約等左15分鐘終於有得食意粉用玻璃碟裝住去保持熱度，面層鋪滿芝士，撩開d芝士就係滿滿既肉醬！岩岩焗起真係熱到辣咀！唔知夜晚係咪同size但貴一截呢？仲有杯凍奶茶都好有茶味！唔會太甜！下次黎可以再叫～～其他下午茶餐都值得一試，見到隔離枱嗌左炸脾沙律，個樣都唔錯～！

難得今日放假，差不多11點去到屋企附近既銀龍茶餐廳食野。 一去到睇個餐牌，估唔到早餐供應時間去到1130am哈哈哈我就即刻點左個西式早餐黎食喇久違了既沙嗲牛肉麵 +炒蛋 +牛角包份量正常 岩哂本身唔大食既我雖然係茶餐廳 坐得好舒服 完全無壓迫感侍應哥哥姐姐都好有禮貌 值得一讚

午餐食茶餐廳方便快捷今日試了銀龍的魚旦米雖然係出名招牌的魚旦河$37但米粉較健康所以轉了食米粉另點了熱咖啡上菜速度快 食物夠熱湯底正常 上面加左少量莞茜同䓤味道不錯 可惜份量偏少 這個份量當作下午茶炸魚皮好味 唔腥 可惜只得尾指咁大片魚片兩片 可惜同火腿一樣薄魚旦有三粒 轉淋身 有魚味魚角一件 size 同擦膠一樣大食完唔太口渴 味精不算加得很重可惜唔夠飽熱咖啡唔酸 夠熱 奶味香 都幾滿意整體來說 味道還可 可惜份量不足只可作下午茶填肚