影片
開飯介紹
主打自家點心的粵菜餐廳，由經驗豐富的名廚現場主理，點心更標榜新鮮製作、即叫即蒸。亦有供應原盅燉湯、傳統燒味、巧手小菜等。
繼續閱讀
營業時間
今日營業
07:00 - 16:00
18:00 - 23:00
星期一至日
07:00 - 16:00
18:00 - 23:00
以上資料只供參考, 請與餐廳確認詳情
今日放工突然間好想食一盅兩件，見到荃灣有間「鋿晶館」，每次午飯時間經過都係超多客，所以今日放工特意去試試。 落單時，跟姐姐交談才得悉呢度嘅師傅原來大有來頭，他曾在日本東京富麗華任職多年，回港後亦喺多間酒店和連鎖酒樓集團做過主管，經驗夠晒豐富，所以呢度嘅點心出名在全部係自家手作，兼且係即叫即做，夠晒新鮮。➰ 鮮蝦腐皮卷金黄酥脆嘅腐皮包著滿滿的鮮蝦餡料，鮮蝦肉質夠晒鲜嫩弹滑。➰ 好姐潮州蒸粉果超薄而充滿彈性嘅粉果皮包裹超多嘅馅料，還有酥脆的花生在裡面，充滿潮州風味。➰ 鮮蝦菜苗餃外皮超級薄而且很有韌性，咬起來特別Q彈，而裡面的鮮蝦餡料夠晒鮮嫩多汁，再加上清新的菜苗，真係好好食。➰ 梅菜肉餅蒸金鳳飯咸香濃郁嘅梅菜與鮮美嘅豬肉互相融合，令到肉餅口感更加豐富。蒸飯就用咗米味香濃嘅金鳳米嚟蒸，口感十分鬆軟。➰ 雷沙煎堆仔金黃酥脆嘅煎堆仔表皮，包滿著黑白芝麻，真的超級香脆，而內餡係香甜嘅芝麻醬，真的讓人欲罷不能。
繼續閱讀
🎀上環。鄰近地鐵站的傳統中菜酒樓🍵🎀🪄店名* #鋿晶館🔮地址* 上環德輔道中287-291號地舖🔮🗾分店地區🗾 旺角,上環,荃灣💰價錢$836 已加一 (2人)➖➖➖➖➖➖➖➖➖➖➖➖➖想睇更多同區推介👉地區搜尋🔍🗾#pickyme_上環剩系食呢一類👉食物類型搜尋🔍🍜#pickyme_港式➖➖➖➖➖➖➖➖➖➖➖➖➖🎵餐廳環境🎵平時通常都係同屋企人夜晚食中菜 今次收工黎到呢間都幾出名既中菜館 佢位置十分方便 地鐵站一出行2分鐘就到～總共有三層高 但晚飯就主要一樓為主 裝修比較中式傳統風格 燈光偏黃 門口有一個位置擺放新鮮游水海鮮 空間幾大有分大細圓枱 平日到訪都算滿場～🍽️食物質素🍽️食物方面同普通中菜酒樓差不多 有不同類型既小菜,煲類,海鮮,燒味等 價錢以中價為主～更提供多款套餐 價錢更優惠茶味$15 一位 *2👀評分💖💖💖💖🪄龍蝦湯瑤柱燴海皇羹 $168呢款羹湯味道都幾唔錯 份量上都幾大碗 而且頗足料 入面有蝦,瑤柱,菇等海鮮 味道好鮮甜👀評分💖💖💖💖🪄香芒貴妃大蝦球配蝦多士$138呢款菜式系酒樓熱門菜式 佢地既蝦球好脆口大隻 蝦球味道帶輕微芒果及黃芥末味 甜甜酸酸易入口 另外蝦多士都脆卜卜 不錯～👀評分💖💖💖💖🪄老爺子半肥不瘦蜜餞叉燒$148叉燒個名幾特別 食落好軟熟 醬汁甜甜地 半肥瘦入口唔會膩😆👀評分💖💖💖💖🪄金不換三杯雞煲$128用左啫啫煲上 就算擺左一陣都保持熱辣辣 用左雞肉片 無骨食得比較方便 入面超多洋蔥及蒜頭提升香味👀評分💖💖💖💖🪄上湯厚豬潤浸莧菜$148豬潤好新鮮 熟度剛好 質感軟熟有沙感 莧菜吸入上湯精華 比炒菜更健康 如莧菜可以嫩身些就更出色！(5個💖為最高)✴️✴️✴️✴️✴️✴️✴️✴️✴️✴️✴️✴️✴️⚜️整體評級⚜️🎈味道評分*😋😋😋😋🎈環境質素*🎇🎇🎇🎇🎈抵食程度*💰💰💰💰🎈服務態度*💌💌💌💌
繼續閱讀
最近食得多西餐, 想同朋友食下中菜, 朋友係上環返工, 介紹左呢間位於上環的傳統中式酒樓食晚飯, 原來呢間酒樓嘅師傅喺日本東京的中國料理店富麗華任職多年，而且係香港多間米芝蓮酒店同大型連鎖酒樓集團做過主管，款待過好多明星及高管達人，餐飲經驗十分豐富，除左巧手中菜, 原盅燉湯, 、傳統燒味、都有自家製點心, 即叫即蒸, 下次要黎飲下茶先。今晚就叫左四餸一湯, 白飯任裝, 哈哈!*龍蝦湯瑤柱燴海皇羹 呢碗湯有驚喜, 除左湯羹材料十足外，湯底香濃, 有不同的鮮甜海鮮味道, 龍蝦肉彈牙,混合埋蛋白一齊飲，好滑不會穊撻撻, 味道有層次~*回疆大汗欖角醬燒骨排骨以欖角醬醃製，食落鹹鹹地又小小甜甜地，肉質肥美，骨位附近都軟腍, 送飯一流~*上湯豬潤浸莧菜 豬潤煮得剛好, 軟滑得嚟唔乾唔”鞋”, 爽的。莧菜嫩滑無渣，補血又有鐵質, 真係好岩我。*蝦多士蝦多士炸得好香脆, 黃金蝦食到有咸蛋黃味, 蝦肉彈牙, 不會好油, 真係唔錯~*滷水豆腐 好入味, 食落有小小酒味, 很滑口, 喜歡整體用餐愉快, 價錢實惠，食物質素同服務都很好, 下次要同媽咪黎飲茶先~
繼續閱讀
之前係旺角飲過依間夜茶 全部自家製點心覺得幾正有誠意💞今次去開上環又試試佢啲夜市小炒⭕️ 脆皮燒腩仔去酒樓食燒味真係試到真功夫依間燒肉 皮夠脆肥瘦一層層間住 有油脂又有肉味well-balanced👍🏻⭕️ 蜜椒薯角一口牛食小炒另一最愛🤗牛粒份量幾慷慨 牛味濃 薯仔🥔內裡軟身得黎 外層炸到好有鑊氣🤤 ⭕️ 金沙蝦球上枱熱辣辣 勁香咸蛋黃味😍蝦球好鬼大粒 又彈牙咸蛋黃撈得好勻循 鹹香味十足邪惡度爆曬燈💡但我鍾意⭕️ 酸辣海鮮羹味道好特別 自己第一次食酸辣度接受到 (自問唔算食得辣) 能夠提升食慾蝦粒出奇地鮮味 有驚喜海鮮羹仲有金菇/木耳蘿蔔絲等配菜增加口感👍🏻⭕️ 上湯菜芯菜芯好嫩 上面配左少少金華火腿絲好有💚思經理仲話用左寧夏銀川既菜芯特別好味 細嫩傾開仲話酒樓師傅背景幾猛 係日本做過多年 專serve達官貴人 番黎香港後仲做過唔少米芝蓮餐廳同酒樓集團 經驗好豐富👨🏻🍳
繼續閱讀
今晚嚟到上環嘅鋿晶館，鋿晶館一向出名係即場手作點心，但我哋今次試咗小菜，水準真係一流！一入去就見到成個魚缸，啲海鮮睇落非常新鮮。首先，點咗雙拼燒腩仔同叉燒。叉燒分分鐘係我近期最好食嘅，半肥瘦嘅比例啱啱好，肉質腍滑，配埋甜甜地嘅蜜餞，入口即化。燒腩仔更加係出色，脆皮卜卜聲，肉同脂肪完美融合，再加上少少芥辣醬，味道層次即刻提升。之後叫咗金沙大蝦球，呢道菜絕對值得一試！大蝦球外面均勻包住鹹蛋黃，炸得啱啱好，唔會過鹹又帶淡淡金沙香，蝦肉彈牙，咬落去非常爽口。北菇扒豆苗亦都係另一道經典菜式。北菇厚實，炆得好腍，豆苗嫩滑無渣，好鮮甜，非常清新。最後試咗京都焗肉扒。酸酸甜甜嘅京都骨開胃之餘，肉排亦都煎得剛剛好，配搭菠蘿更加突出佢嘅酸甜味。鋿晶館嘅出品咁有水準，原來係因為師傅喺日本東京富麗華同多間米芝蓮餐廳有豐富經驗，難怪每道菜都咁出色！
繼續閱讀