鍋卷鳴門 (已結業)

本來想食父親節飯，咁5月尾已經book 定，打去book 個陣佢話$328一位，聲稱唔會因為特別節日加價。點算去到睇餐牌先知最平成$428一位，星期五六日仲要加$20🥴。咁算啦照食，入座前問係咪仲有4人同行一人免費，職員話有，點知埋單又無左個優惠😵‍💫入座前，職員話食到830，食嘅期間我地再問左一次係食到830。點知8點正已經有職員同我地講用餐時間已夠🤷🏼‍♀️叫我地交枱！ 咁我請佢幫我地check 下，點知一去就走左，完全無交代翻🤷🏼‍♀️而且雖然都知90分鐘普通火鍋都夠食，但海鮮真係完全唔夠時間。我本身都唔大食，但係剝殼都搞左好耐，90分鐘真係唔夠時間食！不過雖然係安排混亂啲，但職員服務態度都唔錯，唔會西住面咁處理問題👍🏼

多番出來食飯一定周圍搵下有冇特色美食，又其係晚市時段比較多選擇，至於今次食乜美食當然係火鍋，就去咗旺角通菜街呢間鍋卷鳴門係一間日式海鮮火鍋放題店，店內環境闊落自然坐得舒服，晚市套餐有3款不同價錢特色肉類提供，我哋點了下忍之卷已包括多款美食，除了係QR code落單品嚐其他美食，又可以係出面自助區攞火鍋配料，當中最吸引肯定自助海鮮檔人山人海，每日有任食時令5-8款生猛海鮮，係水缸自己夾超新鮮，有大連鮑、南非鮑、賴尿蝦、海蝦、花螺、青口、白貝等，飲品方面有玻璃樽汽水飲落夠晒氣同多款生啤任斟正，火鍋湯底鴛鴦鍋準備好開始逐一品嚐，先食下澳洲牛板腱肉質鮮嫩味濃厚，美國小牛排肥美又多汁，沾上蛋汁一起吃食更香滑，再來係海鮮有海蝦肉質爽口鮮甜、鮑魚肉質飽滿鮮嫩同青口都係出面海鮮檔捉夠晒新鮮，除了食火鍋配料仲有多款刺身帶子、八爪魚、甜蝦、馬刀貝一邊食，輪到即炸帶子天婦羅同炸蝦，炸得鬆脆可口， 仲有多款小食同一品料理，有蟹肉薯餅，榴槤炸彈、唐楊炸雞塊、炸一字雞翼，又繼續喺出面夾海鮮食下，保證食得滿足，最後攞埋甜品雪糕咁至完美品嚐一餐高質日式火鍋美食。

尋晚去試近期旺角人氣火鍋店鍋卷嗚門，佢哋主打海鮮任食，多款海鮮魚缸自取，新鮮感十足，訂咗位8:30pm，佢哋嘅海鮮真係唔錯，魚缸有充足海鮮供應，而且都係相當新鮮😋👍🏻先講吓手機落單嘅食物，刺身款色算多，而且質素唔錯，係其中一個值得續點嘅好選擇👍🏻👍🏻天婦羅，因為驚叫多咗食唔落其他嘢，所以只係揀咗帶子天婦羅，口感外脆內軟，好食👍🏻👍🏻蒜片牛柳粒，唔係細細粒肉碎貨色，size同份量都OK，味道還可以👍🏻清酒煮蜆，唔知係唔係廚房唔記得咗落調味🤔成碗都係淡茂茂嘅😂其他嘅蟹子沙律，炒雜菜……正常水準，冇驚喜冇失望😂火鍋配料我揀嗰個套餐係包括有牛小排同埋牛板腱嘅下忍套餐，我主力食牛冇叫其他肉類，其中牛小排係比較出色，肉質嫩滑👍🏻牛板腱有咬口但係略嫌有少少騷味跟住到主角海鮮出場，我喺網上訂位，餐廳優惠係送火鍋用龍蝦一隻，龍蝦肉鮮味彈牙，正👍🏻跟住出去魚缸攞海鮮，餐廳提供一個桶仔用嚟裝冰裝海鮮，略嫌個桶太細，裝嘅份量唔多之餘，因為缸入面啲海蝦同埋賴尿蝦都相當新鮮，放入桶嘅時候彈吓彈吓都幾論盡🙈海鮮品種唔識細分，其中鮑魚，海蝦，賴尿蝦都係又新鮮又大隻，重有其他唔同種類嘅蜆同螺，全部鮮甜美味，食到停唔到口

見到普遍評價都唔錯所以約埋朋友去試睇相睇片個陣好吸引🫣去到發現真實情況唔係甘食物既質素、食物種類既選擇都無其他評價講到甘好覺得係3/4百既水準但埋單要6百幾一位如果里個價錢應該有更好既選擇最後都要讚下員工都快手執嘢同有禮貌😹

大癲！任夾海鮮高質放題 鮑魚賴尿蝦螺蜆咩都有海鮮控注意！呢間五月先新鮮開業既旺角痴線放題竟然可以比你任夾海鮮，價錢仲先係$468 有冇可能？不過只限90分鐘 想回本？即睇有咩回本位啦好講返我地個餐，牛呢有基本牛小排牛板鍵食不過就無和牛/仲有刺身日式料理同火鍋配料等等～不過我重點就一定係海鮮架喇！大佬回本位黎架ma~ 📍鰹魚清湯湯底我就揀鴛鴦湯：鰹魚清湯，如果味道太濃就試唔到海鮮鮮味～📍海鮮重頭戲就係去魚缸自己攞海鮮！南非鮑及大連鮑、瀨尿蝦九節蝦花螺刀貝，即撈即煮鮮甜味美～📍肉類肉類如果你叫五百幾嗰款就有和牛，呢個四百幾就有牛板鍵同牛小排，另外都有豚肉同雞件～📍刺身刺身就係大路野，有三文魚甜蝦帶子等等📍日式料理/小食本來諗住叫蒜片牛柳粒同芝士年糕但實在太飽真係食唔落！📍飲品/雪糕佢地啲汽水竟然係樽裝！仲有啤酒任飲；餐廳有哈根雪糕，仲有其他雪條雪米糍嗰啲～📍如果想食耐啲就可以揀120分鐘，價錢就升級到5字頭，如果再加和牛就去到7字～

知道呢間可以自己揀海鮮，又有刺身、日式小食，立即book 枱試吓。餐廳環境不錯，地方闊落，坐得舒服。海鮮種類唔算多，但好新鮮，d鮑魚好大隻，蝦又爽口。OpenRice 訂枱有龍蝦送。剌身每次只可以選兩片，比較麻煩，不過都幾新鮮，而且冇漏單，小食就不過不失。餐廳仲有日本啤任飲，真心唔錯，本來有雪糕食，但正想去食既時候，個雪櫃壞咗，我揀既套餐只有90分鐘時間，所以比較趕，但整體來說，又海鮮火鍋、又剌身放題，都值得推薦。

✨重要公佈✨ 竟然畀小編喺旺角發現到一間新開嘅日式海鮮火鍋放題， 重點係海鮮隻隻游水生猛， 全部由自己喺水缸親自挑選親自夾， 成個美食體驗都一流👍🏻 想食好啲嘅仲可以加錢叫龍蝦🦞同埋日本直送松葉蟹🦀， 而且價錢一啲都唔貴( 抵過自己喺街市買海鮮, 仲要煮埋畀你食😌) 小編今次食嘅係🔸90分鐘下忍之卷🔹 $468/位💁， 自己用QR code落單， 食物種類選擇超多🤤🤤，有澳洲牛板腱🥩、美國牛小排、熊本豚肉、多款高質厚切刺身🍣、時令海鮮熱盤、超過50款日式小食（即叫即炸天婦羅、清酒蜆、辣酒花螺等等）、 就連雪糕甜品目測都有超過十種選擇， 仲有🍻手工生啤自己任斟任飲😋🎖️必點推介🎖️🎈美國牛小排&澳洲牛板腱: 一食落口就知道係靚牛， 每一片厚薄均勻， 一放落口濃郁嘅牛香味釋出， 每一片都唔會有筋/渣。🎈 鵝腸: 唔好講笑, 食到咁飽小編仲要encall 多次， 不得不讚餐廳處理食材嘅認真態度， 每條鵝腸處理得好乾淨，而且切走腸內多餘脂肪， 真係好少餐廳做得到咁好嘅服務， 所以鵝腸輕輕灼熟點少少醬油已經鮮味爽口，爽脆彈牙🤤~~~~~📍鍋卷鳴門旺角通菜街1A-1L號威達商業大廈3樓3B室~~~~~

我哋兩個人嗌咗午市最平個餐食60分鐘,埋單先知原來有八折優惠，最後一個人三舊水有找。非常之抵食！！！首先，個環境非常之靚，日系和室裝修，望落去非常之舒服乾淨👍🏼我哋兩個人坐嗰張枱非常之大，放題枱嘅三倍😂。午市時間冇乜人，店員將所有枱安排最接近攞嘢食個位👍🏼然後我哋本身就係為咗活海鮮而去，去到果然冇失望，大大隻賴尿蝦，九節蝦任食，花螺同鮑魚我就麻麻哋，冇食到，藍花蟹細細隻但都好多肉。最後我哋食咗14隻賴尿蝦，6隻九節蝦，2隻蟹，仲飲咗三杯生啤，非常滿足！佢有成五款生啤任飲，都唔係大路牌子！👍🏼另外佢嗰度啲豬肉同牛肉都唔差，好食過同價位嘅但馬屋啲肉👍🏼值得一提嘅係，係我搣賴尿蝦呢度好那西嘅時候，有個職員主動出嚟教我拆賴尿蝦肉🥹令到我之後可以好快刷到完整嘅賴尿蝦肉👍🏼👍🏼👍🏼最後，我覺得都唔係好趕嘅，主要係學識左拆賴尿蝦，攞嘢食又好近，下次都會揀返60分鐘嘅餐

睇到啲片介紹，講到好正，就打算試下，但真心唔值。的確係有活海鮮區，不過除咗呢點係吸引之外，唔覺得再有任何可取之處！湯底淡而無味，從來未食過咁難食既麻辣湯底！所謂和牛，完全睇唔出係和牛！埋單千幾2個人，我用番相同價錢，係其他火鍋店都一樣可以食到新鮮海鮮同更好食既湯底同牛！難怪假日都靜到得幾張枱！要嘗試既食家，請自行三思！本人就十分後悔作出嘗試了！侍應又串，十問九唔應，應該有既service都冇！啲醬油配料又少，連裝海鮮既冰既冰桶，冇哂都唔識有人refill，啲staff都係行行企企咁，我真係嬲到唔打食評對唔住自己！呢間野贏左我第一次！謝謝！

youtube看到某位美食博主推薦於是立馬定位 吃完也不知道這麼多好評是不是托？？六點準時到開始第一round 第一批的水缸裡有瀨尿蝦（沒有很生猛）鮑魚 下層的蝦一半死一半生 給拿海鮮的小冰桶🪣很小一個 凍不了幾隻蝦。原本想著第二輪再去拿 結果第二輪去到已經什麼瀨尿蝦和鮑魚都沒有了 就在角落找到小小的梭子蟹。直到一個半小時後埋單也沒有見到refill 。我看到後來入座的人都根本沒有什麼東西拿 這樣做生意的嗎？ 再說到牛肉 我點的套餐是有牛板腱和牛小排的 第一round點了兩份牛小排以後 入座才二十多分鐘 系統直接顯示牛小排售罄（根本就是系統設定好的） 一個任食火鍋才剛開業就這麼玩不起嗎？？ 這麼摳門的餐廳真的讓人很無語😓 花這個價格真的唔抵 即使是有送一隻龍蝦 那也並沒有讓人有很舒服

睇到YouTube 介紹，馬上訂位試下。平日晚上6點正入坐，餐廳都好寬敞舒適。一心以為會有滿滿游水海鮮任你食，少年你太年輕啦⋯⋯眼見只有海蝦，不知名嘅螺，仲有沙白⋯⋯說好的花螺，鮑魚，賴尿蝦呢⋯⋯直到我2小時食完，都只係拎到4隻賴尿蝦，鮑魚？花螺？係不存在的，而且賴尿蝦一出係要搶嘅⋯⋯嘩，每人要7百幾蚊，唔係平架，唔好咁啦！我哋唔係食緊2-300嘅放題呀。另外啲乜丸乜丸就無心機試啦，衰過牛大人好多。湯底雙拼，麻辣+蕃茄，麻辣唔得，蕃茄正常。甜品得雪糕⋯⋯係cheap 雪糕，甜筒，孖條，阿波羅果啲。回本位可以叫日本國產牛，不過無論你叫幾多，佢哋都只會比4薄片比你。係薄過0.03嘅，好刀法。總結係⋯⋯500蚊可以去食下，7百幾就⋯⋯咗

話說YouTube見人介紹依間主打有個海鮮缸比你自己活捉生猛海鮮打邊爐任食，仲要有大大隻既賴尿蝦，虎蝦同鮑魚，仲有日本和牛任食，4個人仲送一隻松葉蟹，於是約齊四個人今晚就試下佢！我哋揀左中間個價錢，連埋加1，人頭6百蚊，120蚊任食，3個價位，唔同價位海鮮同小食都一樣，只係牛既級數唔同，但YouTube介紹話佢d牛麻麻，所以我哋揀中間個價位！坐低先發覺無鮑魚同牛小排，我本來一心衝住新鮮賴尿蝦同鮑魚嚟，點知嚟到主打其中一樣無，算，因為佢仲有大大隻既賴尿蝦，佢d賴尿蝦真心掂，又大隻又新鮮，點知食左唔夠一個鐘，就話無哂！火都嚟，海鮮得返蜆，螺，虎蝦個d，其實除左海鮮係掂，其他野好一般，特別係刺身，仲衰過爭鮮個d，d小食完全係2-3百幾蚊放題質素，係d和牛都算係ok，但未到好好食，無左賴尿蝦同鮑魚，比6百幾蚊等於食2-3百幾蚊放題差唔多，最老土係間野做生意做到十分孤寒，四個人比一個好細個桶仔比你出去捉海鮮，每次最多放到4隻賴尿蝦左右，網上落單又每次只係比你落好小量，比如刺身4個人最多都係每樣比你落兩塊，限時120分鐘，搞到你點餐時間長用餐時間少，貴既食材入到去一係就話無哂一係食兩食就無哂，咁你

放假同朋友黎食即夾即煮既海鮮火鍋！依度最特別既就係有個海鮮池，可以俾客人自己夾完再即刻打邊爐！真係又有得玩又有得食湯底就分別揀左濃厚番茄湯、清酒煮沙白湯同埋秘製麻辣湯。食靚牛既時候我最鍾意用清清地既湯底黎淥，好似當中既清酒煮沙白湯咁，咁先食到最原汁原味既牛肉味每個set都包任食自助活海鮮區既海鮮！記得記得！夾蝦之前一定要拎d冷放入海鮮筒先呀！因為咁先會令d蝦凍暈，唔洗驚佢跳出黎蝦肉好爽彈，蝦味濃郁。海鮮類別都有唔少，基本既沙白蜆、海蝦緊係唔少得啦，除此之外仲有澳洲鮑魚、瀨尿蝦、花螺！當中我就最愛澳洲翡翠鮑魚因為d鮑魚真係超級新鮮既關係會吸實個池邊，夾上黎果陣都要用d力摌，煮左10分鐘左右，咩醬汁都唔洗蘸已經好鮮味，夠彈牙爽口！一定要encore 依加4人同行仲送一隻松葉蟹咪話送既就冇好野，依隻蟹真心好有誠意！我地用沙白湯底煮，肉嫩鮮甜啖啖肉又有蟹味，仲係爆多蟹膏嫁除左海鮮吸引，佢地既”上忍之卷”套餐既牛肉都好正第一次食日本A5藤彩和牛，特別推介牛舌同牛肩胛！！依度既牛舌同平時既好唔一樣，打直切帶有脂肪層，其實完全睇唔岀係牛舌，但一食落口就知，質感好爽嫩真係一分錢一分貨，七百幾蚊就可以任

旺角新開特式火鍋店 店鋪環境好舒適 仲可以比客人自己即撈即食海鮮 概念十分特別！一個價錢可以有得玩有得食 仲可以同時食到火鍋同日式放題🤩店內海鮮好生猛 所以食落好新鮮 當日海鮮有鮑魚、蜆、蝦、螺 另外新店開張仲有優惠 2人同行送波士頓龍蝦😍大大隻好鮮甜除左火鍋配料外 仲有日式放題 可以任叫刺身、炸物同一品料理 例如蒜香牛柳粒等 而飲品同雪糕既選擇都好多 超正▫️90分鐘下忍之卷套餐 ($468)📥 鍋卷鳴門 (旺角)旺角通菜街1A-1L號威達商業大廈3樓3B室

店舖設有活海鮮區 比大家係缸內自己任夾想食既海鮮 一方面有得玩 另一方面可以確保海鮮既新鮮度 隻隻到好生猛😳缸內既海鮮係老闆每日到香港仔魚市場入貨 所以會因應時令 提供既款式亦有所不同-▫️下忍之卷套餐 ($468)90分鐘內任夾自助活海鮮、任食刺身、火鍋配料、小食、雪糕同飲品🤤新店開張優惠2人同行 送波士頓龍蝦一大隻🦞是次湯底簡左壽喜燒同蕃茄濃湯🍲✨自助活海鮮當天自助區有鮑魚、九節蝦、賴尿蝦、蜆、海螺可以夾 缸上仲有其他種類 例如松葉蟹同海膽等 呢啲就要加錢💰✨小食 & 刺身 有一品料理、炸物選擇 特別欣賞紫薯餅同炸天婦羅 即叫即炸 不厚粉 而刺身都幾新鮮肥美 ✨火鍋配料 呢個套餐可以任食牛板腱同牛小排 肉質好嫩滑 惟火鍋配料選擇不多 如果有更多丸類選擇更好-✨雪糕有好多選擇😍😍😍Häagen-Dazs、Dreyers、Movenpick竟然同時存在！