鍋卷鳴門 (已結業)

之前老公在youtube看到了這間餐廳，賣點是活海鮮任客人自己捉，活海蝦，九節蝦，瀨尿蝦，馬刀貝，花螺……等等。看起來很吸引，經open rice訂位，今晚就去試試。晚餐因應所食嘅牛肉分3個價位，我哋選咗中間價，$568 一位，提醒一下，如果能在7點前埋單可以$40。講番食先，講明活海鮮任捉任撈，海鮮一定夠新鮮，所以無得輸嘅，推介九節蝦，爽甜，馬刀貝，肉質清甜。反而瀨尿蝦的肉質就比較削，瀨尿蝦是新鮮的，夾上來還是跳動的，但肉質就是削，雖然甜。牛肉方面就非常好，肉質好，有牛香，讚天婦羅唔係幾掂，粉太厚，唔駛食雪糕有多款選擇，唔錯。但最不足的是飲品竟然只有汽水和啤酒😖，已同店員講唔飲得汽水啤酒，問佢有無茶供應，佢話係無嘅。由於新開張，思慮不週，會同公司反映。但係大哥，你都可以醒少少。至少比杯水卦，結果係水……都係無嘅😂呢個放題都算係比到我好深刻嘅記憶🤣🤣

好耐無去食放題lu 最近見到新開左呢間自助夾海鮮打邊爐放題店 一於約朋友去試試先揀湯底 可以單款湯底/兩拼湯底/三拼湯底 我地想試多幾款湯底就揀左三拼湯底 有蕃茄羅宋湯、秘製麻辣湯、另加$58試埋清酒蜆湯底。新張優惠四人同行仲免費送一隻松葉蟹以忍者為題嘅日式裝潢 環境非常寬敞舒適自助區有各款蔬菜、丸、雪糕、飲品類等等 最正係有自助生啤/黑啤可以自己斟重頭戲絕對係自己夾海鮮有大蝦、賴尿蝦、南非鮑魚、蜆等等 海鮮新鮮生猛 推薦鮑魚 打邊爐後都大大隻無點縮水 口感唔會韌 非常好食 另外大蝦都係必Encore之選 鮮甜啖啖肉仲有蝦膏添除左自助區外 仲有qr code落單 有日本熊本縣阿蘇火山藤彩A5和牛、日本產豚肉雞肉、牛肉、前菜、即炸天婦羅、下酒小食、刺身、火鍋配料等等刺身方面帶子最好食夠鮮啖啖肉必食日本A5和牛 牛味濃郁入口即溶好豐富嘅一餐呢

早排母親節，帶咗爹哋媽咪嚟呢間朋友推介嘅放題店慶祝，呢度主打高質飛機貨刺身和活海鮮，佢哋一定鍾意❤️餐廳以木製枱櫈和特色吊燈作主調，以日本嘅居酒屋裝修為藍本，令人更加有旅行feel🥰難得Chili一下～一坐低我哋已經急不及待，order大大盆刺身，一邊打邊爐一邊食凍冰冰嘅刺身，一熱一凍，相映成趣！刺身有甜蝦、八爪魚、大油甘魚、三文魚、吞拿魚、北海道帶子等，大油甘魚肉質粉嫩，入口smooth，無筋，甜蝦肉質又Juicy，帶子大隻又厚身，完全不需要過多嘅調味，已經夠鮮味。炸物～天婦羅 即叫即炸，上枱仲熱騰騰，粉漿唔會太厚，蝦、南瓜、茄子和秋葵，一樣出色。因為太多海鮮選擇，我哋今次揀嘅set 下忍之卷只有90分鐘，食得有少少趕。下次都係補多少少錢，升多一級，食夠120分鐘先😄一家人圍爐取暖兼食得過癮😍推介！

好耐冇去街食喇，煮餸煮得多都有啲苦悶，同另一半一齊食好啲先🥰呢度有四款放題套餐，我哋揀咗下忍之卷，可以食90分鐘🙌🏻已經包括埋自助活海鮮區PREMIUM、SAPPORO等品牌生啤任斟，MÖVENPICK、Appolo、prevers名牌雪糕任食，好正！一黎到，我哋已經飛奔去活海鮮區，所有海鮮都大大隻，勁吸引，我哋食得最多就係海蝦同埋鮑魚，海蝦隻隻目測有8至10cm長，烚完勁爽口，第一次見咁巨型，夾起嘅時候仲會郁嘅鮑魚，非常厚肉，煮完都無咩縮水添。刺身類款式非常多，挪威三文魚刺身、日式蟹子、刺身帶子、甜蝦、八爪魚、希靈魚、油甘魚等，款款厚切，絕對冇孤寒，三文魚刺身粉白分明，入口有油脂。帶子口感甘甜，甜蝦爽滑，明顯即叫即切，夠晒新鮮！平時自己去買呢啲海鮮價錢都幾貴，呢度任點任叫，而且全部海鮮質素非常高質，CP值勁高👍🏻👍🏻

🥢鍋卷鳴門 🔍旺角通菜街1A-1L號威達商業大廈3樓3B室-----喺朋友嘅極力推薦底下，前幾日收工帶咗爹哋媽咪嚟呢一間日式海鮮火鍋店食晚餐。緩緩打開嘅木製🚪大門，帶點華麗又帶點✨神秘感，場內座位非常寬敞，設有自助qr code落單，亦有自助區比客人自己攞食物。🥣湯底：建議可以揀傅統鰹魚清湯，因為佢哋嘅海鮮極其新鮮，較清嘅湯底更能突出海鮮嘅鮮甜味。🔥海鮮區：佢哋嘅海鮮區並唔係一般嘅急凍海鮮，係用水缸養住嘅全活海鮮，比客人任夾任食，亦都係朋友極力推介嘅主要原因。活海鮮嘅種類頗多，例如有活鮑魚，蜆、賴尿蝦、大蝦、海螺、刀貝等等，而且全部都係有質素嘅海鮮，Size夠大，味道夠鮮，質感彈牙，自己屋企打邊爐都未必捨得買咁好，可以任食都幾驚訝，只要夾海鮮技巧得當，快手夾完再返去現洽現食，輕鬆回本絕對唔難。另外，我哋四個人惠顧仲有送上一隻新鮮現切龍蝦🦞（最少兩人惠顧就有送龍蝦）不過呢個就一次性冇得再order嘅。🍤天婦羅：佢哋嘅天婦羅全部都係即叫即炸，酥香得黎，天婦羅中央嘅食材亦都用得不錯，炸蝦唔會好似坊間好多嘅任食天婦羅咁，淡而無味。紫芋栗子薯餅亦係另一心水之選，顏色誘人，芋香濃濃，且帶有粒粒栗子

今日中午食咗中忍套餐，只有60分鐘，想慢慢食都有啲困難。淨番10分鐘店員過嚟話我知，最後5分鐘又過嚟黎話時間差唔多，如果過時要收錢，同佢講落單嘅都未上齊，店員語氣好差一直催又企係旁邊，當時餐廳只有我一枱客，炸物最後幾分鐘先上，咁我又邊夠時間食呢？係咪唔可以彈性處理，一定要準時趕個客走呢？其實啲食物真係唔差，只係食火鍋又要煮，煮好太熱無可能即刻放入口食，海鮮又要剝殼，時間真係唔夠，講真打邊爐兩個鐘先夠

最低入門價，計埋加1，500蚊。諗住佢海鮮同牛肉會有唔錯既質素，首先一入座就去攞海鮮，一睇得蝦，五花八門既蜆（2，3）種，螺，賴尿蝦，聖子仔，完！我問唔係有鮑魚，青口果啲，佢話冇貨。果刻心都淡埋。蝦同賴尿蝦都算大隻同新鮮，但我比得500幾蚊黎專門食海鮮黎講，種類算少。湯底係冇落味精，同屋企煲湯一樣，淡到水咁。所以一開始落牛黎食，啲牛肉係冇肉味，刺身一見就知唔新鮮，炸物乾到pk,又唔熱。唯一可以讚既係佢送既波士頓龍蝦，食得出真係新鮮好味。總括黎講500幾蚊，食啲咁既野，唔會有下次。

🦐旺角新開自己夾海鮮放題 超多款活跳跳生猛海鮮 和牛海鮮刺身放題🦀最近見到一間自己夾海鮮的火鍋放題，自助區有金魚缸俾去夾海鮮，平時去食海鮮餐都唔平，呢到價錢唔貴最平三百幾蚊一位起，仲有和牛同刺身食，睇落好似好抵食咁，今次一行4人 就抱住一試無妨嘅心態去試吓，究竟係咪真係咁正？🦞搭lift上到3樓，見到門口好似好隱秘咁樣，望唔到入邊係點有啲驚驚地，原來門口係一個日式電動趟門，電門撳掣一打開入邊非常之開揚寬躺，座位與座位之間好寬闊，另外有包廂房間，自助區會有一個金魚缸，可以俾你自取火鍋海鮮及配料🦀由於新開張大約一星期暫時冇人知道，所以冇乜幾個檯客，店員好好人咁介紹我哋可以點樣出去夾嘢食，提到金魚缸的海鮮會因應時令，由老闆親自由香港仔魚市場入貨保證每日新鮮，今日提供了大蝦，瀨尿蝦，海蜆，花螺，最正嘅竟然有澳洲翡翠鮑魚，見到呢啲海鮮我呢個海鮮控已經流曬口水🦀海鮮店家除咗有新鮮海產可以夾，另外有當日時令單點海產，今日就見到有象拔蚌同海膽，其他一邊係自助區，小筒仔取一些冰，將金魚缸入邊的海鮮夾凍暈，海鮮全部都係活跳跳任夾任食🦞今日嘅重點我哋食咗翡翠鮑魚，口感非常之軟腍鮮味，大蝦及賴尿蝦一夾就彈走好

喜愛放題的朋友最近介紹了這間新開張的日式放題火鍋店，竟然可以任食自助活體海鮮，並有大量食材、飲品及甜品任飲任食，感覺相當吸引，怎能不和海鮮控的太太來試試呢🥳✏️位置: 8/10✏️環境: 9/10✏️衛生: 9/10✏️服務: 8/10✏️食物: 10/10餐廳以忍者為主題，入口已甚有忍者特色，值得一讚。店內裝修精緻，環境寛敞，自取區分區清晰整潔。單是海鮮已無可挑剔，更設有冷熱飲品及不同品牌的雪糕雪條任食，讓人滿足😘🍱下忍之卷 - $468/位選了第二級的套餐，主要基於有基本的牛肉等食材，以及個人重心放在自助區的活體海鮮上，這樣性價比才是最高呢✨🌟傳統鰹魚清湯首先湯底選了清甜的鰹魚清湯，同時就不怕浪費火鍋的空間，可以立刻放海鮮去煮😆🌟自取海鮮區有幾個缸的新鮮活體海鮮可自取，種類絕不馬虎而且相當高貴，包括大大隻的南非鮑及大連鮑、份量十足的瀨尿蝦及九節蝦，還有花螺、白貝及刀貝，即撈即煮，鮮甜味美，只要看過就知道價格雖高，但絕對超值😍🌟肉類下忍之卷套餐雖沒有其他更高價套餐的高級食材，但肉類也不普通，有來自日本的熊本豚肉眼片、熊本豚五花及日本產雞件，肉質的確比其他放題更好，而牛肉亦有美國牛小排及澳洲牛板

活海鮮好新鮮 食過返尋味嘅火鍋店～～～週末去咗波鞋街濕平之後，路過見到唔知幾時新開左呢一間新嘅火鍋店，可以任夾海鮮好似好好玩咁，就一於同朋友入去試一試。～～～日式炒雜菜雜菜炒得幾爽脆，口感不錯。🥬～～～辣酒煮花螺雖然出面嘅活海鮮自助區都有花螺，不過懶人就係鍾意人哋整好俾我食，呢個辣酒煮花螺辣味唔會太強，但係又帶有辣香味，就算唔食得辣嘅人都可以handle到。🌶️～～～榴槤炸彈六月係食榴槤嘅季節，佢哋嘅榴槤炸彈外脆內軟，一咬中間嘅榴槤蓉就爆破而出，榴蓮控一定要試吓。🔥～～～熊本豚五花：同行嘅朋友唔食牛肉，所以我哋就叫咗豬。意想不到地佢哋嘅豬肉都好高質，肉味濃郁，肥瘦均勻，一個人都可以輕鬆食幾兜。🐷～～～佢哋嘅天婦羅都係推介之選。南瓜天婦羅，茄子天婦羅，前者香甜，後者好似煎釀三寶，味道都非常不錯😊～～～刺身方面，八爪魚好爽甜，三文魚魚脂滿滿，帶子就厚身鮮甜，甜蝦味道亦不錯，不過個人就最更加鍾意佢活海鮮區嘅活蝦～～～鍋卷鳴門 (旺角)旺角通菜街1A-1L號威達商業大廈3樓3B室

朋友約食飯，來到位於旺角通菜街既鍋卷鳴門，全新日式忍者🥷主題和室，坐位寬敞又舒服！今次選了90分鐘 🔸下忍之卷套餐 $468，除海鮮外，仲有美國牛小排，熊本豚肉，澳洲牛板腱，炸物，天婦羅，火鍋料等任飲任食，真係好豐富呀！水缸內有九節蝦，賴尿蝦，南非鮑，大連鮑，花螺，白貝，刀貝等，全部任食任夾，小妹第一次夾蝦，夾鮑魚，真心覺得好好玩！開始夾海鮮～～九節蝦新鮮大隻，蝦肉鮮甜爽彈，蝦頭更是美味，無得輸！雖說蝦頭，會愈食愈蠢但都停唔到口游水賴尿蝦，個頭亦不少，去殼後啖啖肉，好鮮甜，唯要小心蝦殼上的尖刺！湯底有濃蕃茄湯，關東壽喜燒，麻辣湯等，我們選了傳統鰹魚清湯，海帶豆腐清清地，跟海鮮很配合！炸物，天婦羅，即點即炸，質素唔錯！紫栗芝士薯餅入口香脆鬆軟，紫薯味道香濃！芝士年糕熱辣辣，軟糯煙靭，芝士可拉很長絲！蟹肉薯餅，一咬就有濃郁忌廉薯仔蟹湯湧出！平時食放題，大多都是涷海鮮，呢度海鮮即夾即食，夠晒新鮮～價錢亦合理，一定會再約朋友去！🌈鍋卷鳴門🌈旺角通菜街1A-1L號威達商業大廈3樓3B室🌙月光太太

火鍋放題都吃過好多，但有埋高質海鮮任食都好少見。仲要係大大只九節蝦，瀨尿蝦，鮑魚，白貝。真係勁鮮甜。呢間店係無意中係fb見到有人介紹，然後我為了海鮮就來試下。第一次來的時候係中午，竟然無海鮮任食，好唔甘心啊！不過可以加50選三樣海鮮，每樣三隻，都好正啦！試完午餐之後一直都覺得無食到海鮮任食好遺憾，於是昨晚又同朋友再戰江湖。真心覺得海鮮係高質噶，而且呢個價格真係唔算貴。我地當時只選了最便宜那個，但就只有90分鐘。如果各位想食埋其他牛同刺身可以食高級d噶。不過我個人感覺海鮮已經好滿足了。

鍋卷鳴門 (旺角)今次同朋友嚟食新開既火鍋店😚環境好好 每張檯都好闊落 坐得好舒服🤣 佢哋嘅晚市火鍋配料選擇都多，呢到主打係海鮮任食🔥任食時令5-8款生猛海鮮，水缸自己夾仲要好新鮮！大連鮑、南非鮑、賴尿蝦、海蝦、花螺、石白蜆、白貝、刀貝等等！餐廳都好方便係用QR code落單👍🏻環境舒適 價錢都可以接受😎今次叫咗見習忍之卷餐🤤！👌🏻有我最鍾意嘅美國牛小排😚好重牛肉味，肉質亦好嫩滑～配料方面亦都有好多選攞🔥嘢飲款式都係 好多款樽裝汽水 好有特色😳海鮮區嗰到真係嚇咗我一跳 款式多仲要超級新鮮！😛下次我都會再叫埋朋友一齊嚟食🥰📍旺角通菜街1A-1L號威達商業大廈3樓3B室整體：🌟🌟🌟🌟🌟性價比：🌟🌟🌟🌟🌟食物：🌟🌟🌟🌟🌟環境：🌟🌟🌟🌟🌟人均消費：~400

太棒了，目前见过这个价位全香港最棒的海鲜自助火锅。海鲜任吃，选品多，朋友介绍过来，吃两次了，以后还会再来，真的超级无敌👍🏻，九节虾各个又大又活，品质超赞，圈粉了。

忍姐 theme 火鍋放題夠晒特別 🥷 $328起 晚市火鍋放題美國牛小排,豚肉,多款小食,前菜等等火鍋配料有海鮮任夾任食生啤任飲,好多甜品雪糕任食另有刺身,熟食供應,可樂係玻璃樽裝正呀!湯底有常見既日式,仲有麻辣等等而家有4人同行 1人免費加錢重有得食龍蝦刺身，毛蟹同松葉蟹。所有食材都超新鮮同好味。老婆最鍾意去個自助海鮮區自己攞海鮮，竟然有鮑魚同賴尿蝦，啲蝦重新鮮到周圍跳 🤟🏻如果經過旺角一定要試吓啦。