鍋心海鮮燒 (已結業)

鍋心的火鍋已食過好多次，今次就決定試下食燒海鮮啦😝老實講，我很期待的。亦都知道很滿座，所以我前幾天已打電話過來訂座。每次食鍋心，我都覺得會吾夠飽，但事實係每一次都捧起肚子走的今次都吾例外。今次我揀左$168海鮮餐（已包6款時令海鮮，2款串燒，1款輕食及焗飯）最值得一讚的是每款食物的烹調醬汁都是任君選擇大家就可以按照自己的口味挑選自己最喜歡的醬汁。初體驗後感，窩心海鮮燒，也能保持一貫水準海鮮新鮮，低食經濟，服務態度好

我自已同啲朋友黎食過幾次，個個麻甩仔都話好抵食夾大件今次帶埋高太黎一齊食佢都話真心覺得好抵食168一位無加一依個真係抗疫價仲有一個248套餐，貴80蚊多半隻龍蝦or蟹不過如果想食蟹要早一日預訂先至有可以自選六款燒海鮮，每人每款一隻自已揀煮法，大至分蒜蓉燒，泰醬燒，葡汁焗同麻辣水煮，仲有芝士焗甘上下啦我揀哂啲貝類海鮮全部都無over cook無咩邊隻煮到老哂咬唔)海鮮質素都好ok:不過高太就覺得個芝士焗象拔蚌仔個芝士汁食左会有啲膩:]]]]]]]套餐除左可以揀六種海鮮，仲可以每人揀二串串燒同一款輕食再加一個迷你焗)$168一位有甘多野食，又海鮮又串燒甘多野食，真心抵:食物質素仲要唔係求求其其整熟就:餐廳大部份都係卡位，坐得都幾舒:所以我一個月都黎食左三:

今次幫襯是因為上次食鍋心蒸氣海鮮鍋介紹來既，點知就出事啦係平左一百蚊，但都要198一位，食串燒都有經驗，但今次真係極失望。門口見到168....甘咪仲抵過折扣後的198原來係無龍蝦或蟹就168點都好，訂左位就食一次啦三隻鮑魚，得一隻全熟蝦切一半，無咩肉，有失望感龍蝦來到啦但又無咩驚喜串燒每人得兩串，甘就唔係串燒啦甘個主題都離埋，有啲難接受呢兩碟野，味道係正常既一人一塊囉個焗飯同塊蟹肉餅差唔多大細真係無下次

套餐 一 SET $168 選6 款海鮮，除了魚是豆醬外，其他都選了蒜蓉的倉魚剛剛熟，醬汁味道👍，其他海鮮則正常，可惜一兩隻唔新鮮，有小小腥味同有沙。串燒同炸物則正常，沒什麼驚喜，而焗飯方面，爆谷雞挺不錯，炸雞焗完還是脆身，唔會話有醬汁係面就淋哂😋整體而言，價錢合理，經過的話，可以一試，但特意去就.......但最好訂定位，當日都幾多人，且見訂左位既人都不小。*如果不是部分海鮮扣左分，感覺會更好。**另當晚有一海鮮不熟，時間不夠換了另一樣，但可惜係後補既水準同質素，跟原本點的，原全是兩樣野，😂

鍋心一向都出名高質抵食！之前幫襯過幾次鍋心嘅海鮮粥底火鍋，海鮮種類多又新鮮，次次去食都飽到捧住個肚返屋企。而呢間鍋心海鮮燒係主打燒海鮮同串燒。$248套餐包括一人半隻龍蝦/蟹、自選六款海鮮、串燒小食、迷你焗飯。海鮮嘅調味都有幾種選擇，有最大路嘅芝士焗蒜蓉焗，亦有鍋心自家製嘅泰醬，食落好香辣椒味少少酸。食得辣嘅話，有部份海鮮仲可以揀辣水煮。我地就揀咗芝士焗龍蝦、泰醬鮑魚、蒜蓉焗蠔、蒜蓉花甲、蒜蓉刀貝、蒜蓉貴妃、蒜蓉帆立貝。芝士焗龍蝦比想像中大隻，肉質彈牙食得出係新鮮。鮑魚都好大隻又厚肉，食落爽口彈牙，同酸辣惹味嘅泰醬好夾。其他貝類屬於鍋心嘅一貫水準，即係好好味，全部都鮮甜無沙除咗海鮮，套餐仲包括串燒同小食，串燒每人可以揀兩串，小食每人揀一款。串燒同小食有成幾十款揀，我平時無選擇困難症都諗咗一陣，因為好多款睇落都好吸引。最後揀咗兩串孜然雞翼、汁燒香蔥牛肉卷、辛辣香蔥牛肉卷、炸芝士年糕　同埋　葡汁椰菜花。孜然雞翼係開邊燒方便食，燒得啱啱好雞皮夠脆而雞肉又唔乾。香蔥牛肉卷不論汁燒定辛辣味都好夾，調味啱啱好惹味得嚟唔會太咸。食到呢度已經飽咗，但原來仲有迷你焗飯未食。葡汁爆谷雞飯本身諗住太飽會食唔

鍋心旗下嘅蒸海鮮同粥底邊爐都抵食又好食，見到佢有燒物，加上二百幾蚊咁嘅價錢，於是打電話去bk啦！餐廳分兩個時段，我地bk咗8點。7點45分左右店員開始安排入座，訂位時已預訂龍蝦餐，店員再解釋埋餐內其他嘅食物，我地就響食物紙揀喇。。。二百幾蚊咁多樣嘢食其實好飽，而質素都唔係差嘅。整體係可以去試吓題外話。。。食到差唔多尾聲餐廳特別無電，由於係燒物，店內開始好焗又煙，我地嚟埋飯同聖子即刻要埋單走，但由於無電佢出唔到單，店員唯有問我地食咗咩餐手計，唔收飲品以表歉意

早一個星期訂了5位，分兩張枱（3+2） 一早確認兩張枱會係相鄰，去到有個阿姐同個男人安排不了，態度語氣非常差。已放入黑名單。由於影響心情，最後決定取消以後不會再幫親鍋心所有分店

見到網上推介有抗疫價套餐，於是訂枱試下。呢個套餐$168，有海鮮，小食，串燒同埋迷你飯，但唔包飲品。是日海鮮有8款，我地選左鮑魚，聖子，象拔蚌，花甲刀貝，海蝦。全部都好新鮮，無沙，啖啖肉。小食有廿幾款，我地揀左葡汁椰菜花同炸墨魚餅，不過不失。串燒都有廿幾款，我地揀左孜然羊肉串 （好細粒肉，麻麻地），韓式豬頸肉 （不過不失），汁燒豬護心 （幾好味），汁燒雞脾菇牛肉 （有驚喜，好好味）。蒸飯有6款，我地揀左蒜蓉蒸蝦飯同葡汁牛脷飯，普普通通，如果個size可以再大少少更佳。呢個套餐真係岩晒2個人，可以用一個幾抵嘅價錢，$168 又食到海鮮，又可以試甘多款食物，滿足晒女女嘅喜好。而且上菜好快，唔怕仔仔等到肚餓，唔錯唔錯。😊😊

一直都係鍋心嘅fans， 每次打完邊爐都會話憑收據去食串燒平啲， 所以決定去食下鍋心串燒。我哋去咗佐敦店， 舖頭都幾大唔會好焗， 不過客人唔係太多。開頭睇過宣傳單張覺得唔係太多嘢食， 好似係少少串燒， 再畀兩個焗飯餵飽你咁。 坐定定研究下之後發現都幾多海鮮， 我哋揀咗龍蝦，生蠔，扇貝， 蟶子， 鮑魚， 蚌。 每款海鮮都有三四種口味畀你揀， 有芝士～辣汁～泰式～葡式～其實食曬海鮮已經覺得好爽， 不過呢個時候串燒先出場， 然後仲有小食。 到最後真係食唔落個焗飯， 覺得好浪費。不過成餐飯比想像中好好多， 鍋心海鮮好新鮮。呢樣應該大家都知， 不過估唔到燒嘅都咁好味。 好滿足🥰🥰🥰

#鍋心海鮮燒 $168套餐好抵食，有6款燒海鮮、2款串燒、1款小食及一個細飯，食到好飽飽。大家一定要訂座，booking 好full!我覺得這個價錢對得住食物質素，海鮮有一部份是新鮮、好不錯的（包括鮑魚及海魚），不過有些就普通。燒物及小食不錯，比想像中多，最重要是熱辣辣，的確令人很窩心。

海鮮燒勁滿足，話說今晚晚飯哩間可以一個價錢set/散叫，見到有個疫情價$168好抵食！免加一（最後兩張相）睇落去啦～.1. 自選六款海鮮+自選醬汁十款選，好新鮮大大件！全部都係叫蒜蓉蒸，超級正！食完返去刷牙👍🏻2. 串燒每位選兩款66款😌😌選擇困難症呀！細心會發現主要分開孜然、鹽燒、汁燒、韓醬、辛辣及其他，串燒質素都幾高，韓醬豬頸肉好食，少少辣肉質好緊實，金菇牛肉卷都好得！夠味又豐富！3. 輕食每位選一款37種呀！叫咗榴連炸彈正呀！好濃烈嘅榴連充滿全口！！4. 秘製焗飯每位選一款四個人食叫晒四款岩晒😎.🉐推介1. 魚，貴妃蚌，刀貝，元貝2. 韓醬豬頸肉、香蔥牛肉卷3. 炸墨魚餅，榴連炸彈.@grilled.sweet.seafood

上一次食完鍋心粥底火鍋之後，憑單去食鍋心海鮮燒可以用優惠價每位$198食滋味四重奏。海鮮燒可以龍蝦或者肉蟹二選一、自選另外六款海鮮、自選兩款串燒、自選一款小食、自選一個焗飯。所有自選嘅海鮮都可以自選埋煮法，可以因應唔同海鮮同埋個人口味選擇。整體來講全部海鮮都好新鮮，燒既時間唔會過時，肉質鮮嫩。海鮮我地揀左蒜蓉龍蝦、鹽焗鮑魚、鹽焗蝦、蒜蓉貴妃蚌、蒜蓉象仔蚌、蒜蓉花甲同葡汁聖子。鹽焗蝦就唔係好食到有鹽味，因為始終有殼，不過蝦味都係鮮甜嘅。葡汁聖子就有啲怪，不過都係諗住試吓姐。其餘嘅都唔錯👍🏻而串燒我地就揀左五花腩、豬頸肉、雞翼同雞軟骨。串燒味道就正正常常，無咩特別。小食我哋就揀咗墨魚餅同脆皮香蕉。呢個墨魚餅同平時食嗰啲墨魚餅好唔同，一食落去好林，入邊散開晒，唔似出邊食嗰啲墨魚餅咁彈牙。如果脆皮香蕉我開頭以為係好似焦糖香蕉咁，點知嚟到好似香蕉糕咁，我覺得呢樣嘢食唔係太好味。焗飯就揀咗葡汁爆谷雞飯同埋芝士爆谷雞飯，份量比想像中大，芝士味好味過葡汁味，但係整體來講都係麻麻。因為有優惠今次只係需要比$198一個人，感覺幾抵，因為佢冇收加一。雖然串燒小食同焗飯就一般，但係呢個價錢當食海鮮都抵嘅。原價

之前食過鍋心嘅粥底火鍋，今日就黎試下佢嘅海鮮燒。用料靚，款式多，仲好多海鮮添，相當唔錯。有好多唔同嘅醬汁配各款串燒。鮑魚大隻，爽甜。龍蝦都好厚肉。另外仲叫咗啲串燒，都燒得啱啱好。

上次食完鍋心粥底火鍋今次就到燒烤有料！我地啲fd食親燒烤都係唔睇價錢食佢啲海鮮都好新鮮蟶子同果個好似叫馬刀貝既野都勁好食 忍唔住要encore(太耐先打番唔記得叫咩名）😂無咩野好講 翻啅！

早前已嚐過太子的鍋心八鮮蒸鍋，覺得海鮮質素不錯，收據更可以到佐敦的鍋心海鮮燒當100元現金使用，即每位原價298元，現在只需198元，都算合理價格。最初也以為這類型食肆，只求快翻枱，加上有現金券，食物應該份量少及味道一般，但我要為這店平反。套餐內的選項很豐富，我們要了龍蝦、貴妃蚌、飽魚、蠔、蝦、刀貝及倉魚，另有熱食及焗飯可選。海鮮的醬料亦有多款選擇，倉魚很大條，用了泰醬，非常惹味，龍蝦的羔非常多，多得有點令人怕，海鮮非常新鮮，沒有出現霉爛情況。不要以為海鮮不飽肚，當每人食完兩隻蠔、兩隻貴妃蚌、一隻飽魚、兩隻蝦、兩隻刀貝，半隻龍蝦，三人共享一條倉魚後，原來已經再食不下後來的熱食，唯有打包外帶。整體來說，每人198元，有這份量，是非常抵食，如果沒有現金券，現時正做緊特價248元，亦算抵食。