鍋心海鮮燒 (已結業)

朋友推薦，超級抵食如果鍾意食海鮮嘅朋友可以必試之選一個套餐包含咗六款海鮮再加一個飯再加幾款串燒小編都算係比較大食的人，但係食完之後都有滿滿嘅感覺今次極度推介芝士龍蝦！本身龍蝦已經係冇得抗拒嘅食物，再加上口口嘅芝士簡直係邪惡之選本來以為二百幾蚊嘅龍蝦應該係比較細嘅小龍蝦但係一上枱簡直有意外嘅驚喜龍蝦差不多有一隻手掌咁大食落去啖啖肉！超級好食！！❤️❤️另外再叫了一個泰式醬配聖子但係小編覺得有啲太辣嘅感覺如果唔鍾意食辣嘅話可以試吓其他但係整體海鮮都係非常新鮮再加上二百幾蚊嘅價錢簡直冇得挑剔鍾意食海鮮嘅話不妨一家人去試吓👍🏻

鍋心有三種吃法食店，分別是海鮮粥底火鍋、蒸海鮮、海鮮燒，佐敦海鮮燒離佐敦站A出口很近，只要兩分鐘，直走第二街口轉右，兩分鐘到。海鮮燒分兩個時段可預約：5:45-8:30，8:30-11:00，有套餐和散叫，套餐包八種海鮮+焗飯+每人三串串燒，蒜蓉醬和泰式醬味道最好，龍蝦後悔選了芝士，其他魚和貝類選泰式醬，酸酸甜甜，有小小辣，很開胃，但2人6串串燒有些少，辛辣真的很辣，最後是靠焗飯吃飽，由於每人減了100，還是覺得性價比滿意！

上次食過太子分店嘅鍋心蒸鍋，真係一流，而且結帳時送coupon,去佐敦分店-$100，撞岩2個美女生日，所以一行4人又再約去食。食。食。約左8:30，去到早左，唸住都入得，俾職員不禮貌叫返門口，必定8:30才可入座，話想放低旦糕🎂,都有藉口，太多會怕亂，我反問，一陣放都會亂，咁係咪唔俾放🙄,最後有另外同事解決才可放，激死!😡😡😡咁係附近行一陣，差不多夠鐘就返舖啦，到8:30叫人時，又唔用咪，所以好大聲，又無禮貌，又唔清楚，有人問佢訂左位，佢叫人地唔好嘈，仲勁惡，我唔明點解食野咁無禮貌，朋友鍾意食海鮮，先無走，就繼續等，到叫晒人先問我地有無訂位，講完一輪，用質疑嘅態度問返我地，叫左你地名，仲咩唔出聲，真係想。。。🤬🤬🤬入到座位，就知伏左，座位比太子窄之外，環境又嘈🤦🏻‍♀️🤦🏻‍♀️海鮮必定🦞`🦀2選1，再選6款海鮮，另再選12串燒及2個飯(因4個人食份量)，味道一般，不過就勝多款選擇，海鮮還可，但一比太子分店就差得遠，食過好野返唔到轉頭，而且態度勝於一切，希望佢改進吓(只是門口同事有問題，其餘同事還可以，雖然有點急，但明白佢地比較忙)麻辣好夠味，有驚喜勁伏👎👎堅唔好叫

早2星期決定咗父親節去食個燒海鮮，所以2星期前就Book 咗餐廳有3個時段揀，5:45 - 8:15; 8:30 - 11:00; 同宵夜時段11:00 - 02:008:30 段full 咗，所以我地決定食早啲因為餐廳5:45 先開門，好多人都早到咗，喺門口等到5:45 就開始安排入去坐低因為父親節特別日子淨可以叫套餐，套餐有2款Set 都好抵食。因為都肚餓大家就叫左Set A先揀左波士頓龍蝦或者肉蟹。每人有半隻之後再揀6款海鮮，每種海鮮你仲可以揀佢嘅煮法。煮法有好多種蒜蓉焗／燒、泰醬焗／燒、芝士焗、葡汁焗、鹽焗同辣水煮因為5個人可以揀2個飯同埋15串串燒。串燒都有好多唔同嘅調味同好多種揀；例如孜然、芝士、鹽燒、汁燒、辛辣、葡汁因為太多選擇，我地都揀咗15分鐘先落單我地叫左蒜蓉焗肉蟹同蒜蓉焗龍蝦。好新鮮同好大隻。龍蝦個槓位好多肉，同埋龍蝦有蝦膏，咬落去啖啖肉蒜蓉焗係無得輸，啲蒜蓉好多同好香口，非常惹味之後就上6款海鮮。因為都想試曬唔同嘅調味麵豉蒸三刀加盲鰽魚魚肉蒸到好滑再加麵豉好夾蒜蓉焗生蠔蠔好大隻阿，呢個一上菜，大家都心心眼蒜蓉再加蔥係蠔上面，一入口又唔腥咬落去好好質感辣水煮花甲有

以前試過食鍋心嘅粥底火鍋同八鮮蒸鍋，因為食完八鮮蒸鍋的收據可以用優惠價$198黎試埋佢嘅海鮮燒。所以今次特登去食。/A餐可以揀七款海鮮，三款串燒，而焗飯就跟人數而定。/芝士焗波士頓龍蝦🌟蒜蓉焗生蠔🌟蒜蓉焗刀貝🌟泰醬燒蟶子🌟泰醬雖然有少少酸，都幾辣，食落仲辣過水煮花甲辣。出奇地配蟶子幾夾幾好食。/水煮花甲🌟心型盤幾特別，除左花甲，入面仲有蓮藕，煮得夠哂入味。蒜蓉焗元貝🌟/燒菠蘿🌟鹽燒雞皮🌟雞骨丸🌟孜然雞翼🌟汁燒西班牙五花腩金菇卷🌟/香濃芝士焗牛脷飯🌟海鮮同串燒量唔多，食埋個飯就夠飽啦。/總恬而言食物味道唔錯，有折扣叫做幾抵食。如果正價就比偏貴。特別一提店員幾nice，好熱心介紹餐牌既食物，態度唔錯。

早前幫襯鍋心八寶蒸鍋，憑發票可以有優惠， 以優惠價$198惠顧意鍋心海鮮燒三重奏套餐。套餐食物包括龍蝦、又可以有六種不同醬汁的燒海鮮， 食完第一重奏已經有飽肚感。第二重奏，有不同的焗飯。第三重奏，有各款輕食及串燒物。食物質素相當不錯，我們最終都吃不下那麼多的食物，焗飯要包著走。值得一讚是整晚為我們服務的服務員。他們待客的態度十分親切有禮!令我們留下深刻的印象。下次有機會一定會重來，這絕對是一間性價比高的餐廳!

前幾日見朋友post ig黎左呢間野食，爸爸咁啱生日唔知帶佢去食乜好，於是決定咗食呢間。提前兩日book咗，book左夜晚10：30嘅，好抵食，$198一位全餐。可以揀膏蟹或者龍蝦，另外揀6款海鮮，加9種串燒同一個飯。每一種海鮮都可以揀唔同嘅醬，個人認為葡式醬同泰式醬比較特別，蒜蓉醬普普通通，但泰式醬食太多會好甜，因為係甜酸辣嘅關係。 揀左龍蝦🦞，雖然唔大隻，但d肉好爽，證明好新鮮，海鮮果度覺得蝦同貝殼類嘅好好味，魚就一般般...食到串燒果part已經覺得好飽，望落好似唔係好多甘，但完全係夠食仲要食唔曬架！！串燒推薦鴨舌鴨舌鴨舌同雞翼！鴨舌真係好好味，食完仲想食！金菇牛肉卷都好味，唔會乾增增，好juicy。

由於三月中去觀塘鍋心蒸海鮮，憑張單可以減每人一百蚊，所以同朋友去試吓！我選了芝士龍蝦，龍蝦很鮮甜，芝士汁中有煙肉粒，很香口！之後一次過上曬三款海鮮，我最愛帶子，因為肉質厚實，啖啖肉，與蒜蓉很夾！水煮象拔蚌，個汁好麻好香，入面仲有幾片蓮藕，很爽口，有驚喜！老實說，串燒較遜色，我覺得汁燒雞軟骨丸係最好，有雞肉香味加軟骨脆脆口感，值得一試！另外，選了蓮藕牛肉，比較失望，因為蓮藕索唔到牛肉汁，較乾身。葡汁牛舌飯，飯很乾身，汁好惹味，不喜歡牛舌太稔身！但以此價錢，十分超值

之前經過鍋心串燒，好多人排隊walkin食唔到，今次book位就食到啦。Book左8:30時段食，晚市分左套餐同散叫，同朋友選擇散叫，鐘意食咩先叫咩。特式燒茄子 好味多汁，不過蒜蓉略嫌硬，要挑走哂啲蒜蓉先食蒜蓉燒生蠔覺得隻生蠔燒唔熟，有陣怪味燒蟶子大隻爽口，夾埋蒜蓉一齊燒 好食燒九菜九菜好老有渣明太子玉子燒即燒好食燒牛舌，雞皮，鴨舌，雞腎串燒有分4種味（鹽燒、孜然、辛辣、醬燒）牛舌要左鹽燒，爽口彈牙唔韌，燒得好味雞皮鹽燒，雞皮分量少，燒出黎少少脆唔油膩鴨舌鹽燒，鴨舌燒得入味，不過得幾粒，偏貴唔值雞腎辛辣，辛辣好辣，不過燒出黎一啲都唔硬，爽口有汁，另外叫左串孜然，比較之下，辛辣好食好多鹽燒蝦新鮮蝦，爽口彈牙，加少少鹽痴著個殼，好好食下面2樣唔記得影相😂芝士焗五花腩飯即焗好熱，芝士味濃郁，食落普通太子雞翼燒到脹卜卜，覺得個明太子餡食落個味怪怪地埋單食左500蚊，食物選擇多，味道同食物質素算唔錯，如果唔嫌貴可以一試，不過我就未必會再幫襯😂

鍋心粥底火鍋食過好多次 做埋燒烤一定要試試menu紙上有超級多選擇 好眼花瞭亂但係仔細睇 其實佢只係有唔同海鮮 用唔同既醬去燒/唔同煮法 就無咁亂燒海鮮既口味主要有麻辣水煮 / 蒜茸 / 泰醬 / 芝士 / 椰香葡汁而其他串燒都有 孜然燒 / 鹽燒 / 汁燒 / 辛辣燒真係好多選擇 每款海鮮 每種煮法都想試~朋友唔食辣 所以我只係叫左一份四川水煮花甲麻辣汁夠辣得尼非常惹味! 就算我食哂d花甲 都留低個汁用尼點其他野食其他海鮮好多揀左蒜茸燒 感覺上最夾最穩陣蒜蓉帶子 蒜蓉蠔 蒜蓉鮑魚 蒜蓉蟶子 全部都好大隻好新鮮 啖啖肉之後亦叫左 泰醬貴妃蚌 泰醬帶子 醬汁酸酸甜甜 好開胃~另外好推介 串燒雞皮蒜心  好香口 食完好想叫多串燒饅魚都好味 不過 $49 一串就略嫌少少貴最後埋單都只係每人二百頭食到咁多燒海鮮尼講算係幾抵~

海鮮好新鮮，唯1不滿意係其中1個員工態度差。座位都算舒服。客到左7點都不滿座，都係鍋心邊爐抵食d.會再encore去食邊爐。下面有影相比大家睇睇。如果有係鍋心邊食過有張每人減100蚊既coupon.可惜我張過左期。

個日同朋友約咗食窩心，7:45去到門口，見到里面得一台客食緊嘢，以為唔使等位可以直接入去，點知一個男職員話唔可以入去，我地好奇怪，佢話公司轉咗制，跟時段食嘢，最快要8:30先可以入去，即使裡面得1⃣️台客，也要我地在出邊傻等9個字，特等過來食，但是啲服務完全唔夠人性化，態度極差令人失望！😞😞😞

6:45坐低 6:52落一次單因為未人齊所以叫住幾樣7:15左右剔緊嘢想加單個肥嬸職員行過黎望到 就同另一個職員用勁串語氣講”你望下 佢地住想叫多轉喎！”嬲嬲地就唔叫 打算食完第一轉嘅就走點知等到8點都未齊 同個丫姐講cut單想走 佢竟然答因為全場都食緊串燒丫嘛大佬 串燒舖唔係全場食串燒咁食乜？叫得幾樣嘢 成粒鐘都唔齊 仲要串啲客 燒得慢但又要有限時90分鐘Book兩個時段都唔知食唔食得飽附近兩枱都燥底話唔飽

經過佐敦呢間海鮮燒，好特別，於是入去試咗。佢哋有set餐食，好抵食，每人298可以俾你任揀8款海鮮，8款海鮮全部都好足料，好新鮮，唔係普通海鮮，而且有不同味道choose，單食海鮮我已經覺得好抵食了，而且之後仲可以有串燒可以揀，同埋飯，真係好滿足嘅一餐～如果平時食唔多，我建議單點，不過偷偷講一句，都係set餐抵🙈🙈

雖然店舖唔算好大，但真係一個吹水嘅好地方，最正係無限時，三五知己吹下水，食下串燒海鮮好一流，全部食物上枱熱辣辣，不論芝士焗、鹽燒、辣食...，全部味道都恰到好處，推介。👍🏻