鍋心粥底火鍋 (德成街)

營業中

休息中

鍋心已經幫襯左好多年( ˶ ̇ᵕ​ ̇˶) 哩間真係超抵食而且食物仲好有質素! 而我哩排就已經光臨過2次🙈 首先你坐低之後店員會比張紙你先揀左食咩海鮮同配料 之後就會開始煲粥水 上埋海鮮就可以開始打邊爐架啦(＊´∀`)ノ海鮮方面我最近去個2次都有少少差別的 第一次去既時候所有海鮮都非常新鮮!! 而且所有貝殼類海鮮都沒有沙 非常乾淨👍🏼反而第二次去貝殼類海鮮較為普通 而且食到少許多沙(˶ ̇ ̵ ̇˶ ) 不過200蚊黎講小妹覺得食到咁多海鮮都算係咁! 都明白好難保證材料每日都咁新鮮‪ꔛ‬而我覺得哩到必叫既配料一定係自家制手打雞骨丸😍食落去有好多軟骨粒 好有口感 而且肉好新鮮 如果大家去一定要叫黎試下✨最後最後就係個粥(ᵒ̴̷͈ᗨᵒ̴̶̷͈ )✧ 已經煲左勁耐既粥水充滿住海鮮既精華 加上南瓜同芋頭粒粒煲到溶哂 再將粥同菜圃放埋落去攪拌 O M G 好味到喊出黎啊🥲🤤

好食嘅嘢不妨一食再食呢度雖然已經食咗好多次但係都唔會食厭 全因性價比好高😎海鮮新鮮不在話下 鮑魚大大隻，仲有多寶魚 肉蟹 鮮蝦⋯而且其他火鍋配料一樣出色 個人最鍾意佢嘅牛肉 西班牙豚肉 同埋最正嘅雞軟骨丸 😍沾埋自己調配嘅沙彊豉油🤤🤤最後再落個粥膽 煮做海鮮粥。而且呢度服務都幾好，名副其實真係幾窩心 ，服務員都會幫你煮粥，唔使自己郁手。人均二百幾就可以食到咁多海鮮 仲要飽到抱住個肚走。😎 不枉我由大圍第一間舖開始就已經支持佢😌

限時兩個鐘～食飯全部上哂又無位放，枱又細，急急咁食，食得唔舒服海鮮無鮮味鮑魚係夠大隻，但無味，蝦同蟹還可以啦，花膠，竹生同生豪一食落口就成口沙，完全係失望，無洗乾淨！！食食下見到地下有隻小強，嚇到我同事大叫！！未食飽就last order,完全係趕住下一輪8：00～我都知道係200$一位咁平，唔應該有咩要求，但成張單1400食完都唔飽，個粥無味道既，因為海鮮唔靚，又唔夠時間煲所以唔覺有咩食過落肚囉！如果要食，寧願食太子個間鍋心起碼最後都果蒸飯先！

來「鍋心粥底火鍋」，目的就是吃一整桌都是生猛海鮮的海鮮火鍋。如果你是一個喜歡海產、特別是像我一樣，鍾情貝類和蝦蟹的原味，不喜歡過於濃味的煮法，簡單地，用粥底去滾煮，足夠矣。吃海鮮要新鮮，這是個基本，必須的，不需要強調。要強調的是便宜，每人$200左右，費用是以每位計算，就算海鮮升級，把肉蟹換成龍蝦，也只是+$20。大可以安心點菜，不會過預算。海鮮可以選7款，我們點了 1)龍蝦+沙白蜆、2)鮑魚、3)蟶子、4)元貝、5)海蝦、6)蠔、7)花甲，吃完海鮮再上其他火鍋料，肥牛、手工丸、多款蔬菜等等等等。最後，把煮完海鮮的粥底，加入南瓜、芋頭、菜脯等，化身成一鍋濃郁香粥，一個漂亮的finish。如果說，還有什麼能加分，我希望能把有海鮮過敏的好朋友拉來吃一餐，我心滿意足，無憾。

同男朋友已經來超過20次，當左飯堂一樣，首先一樣樣嘢，佢平已經好值得黎，其次佢食材十分之新鮮，初初嚟嘅時候會覺得好似食唔飽咁，點知每一次都飽到反艇。最驚喜係佢每一次隻蟹都好新鮮又大隻又多高，啲肉又好實，其他海鮮都一樣鮮味好足，每一次食蝦佢啲蝦都好生猛。

Great seafood for a very reasonable price. Busy as they are, the staff are friendly and accommodating, which is quite rare in Hong Kong. We didn’t order any extra except what was on the ordering sheet and it was more than enough for us three. It’s a must-visit & will-revisit restaurant.

很久沒來了， 這天朋友忽然說想吃海鮮, 兩個人去吃海鮮很難點菜啊！幸好我忽然想起很久沒去的鍋心粥底火鍋， 200大元套餐價已經包含了6款海鮮8款火鍋配料外加蔬菜粥底，十分豐富。6款海鮮有沙白硯、鮑魚、蟶子、蝦、蟹同生蠔， 除了蝦同硯會有好幾隻之外，其他的都是一人一只。雖然如此， 但其實都很足夠了，因為後面還有很多其他食物。鮑海鮮們都很新鮮，特別是蠔及蟶子， 很鮮甜。鮑魚也很爽口。蟹想不到很肥美呢！8款配料分別是牛肉及梅頭片、雞肉丸、牛筋丸、魚三角、炸魚皮、餃子、油條。最喜歡他們的雞肉丸，因為他是加了雞軟骨打的，所以入口質應特別有層次， 另外粟米餃都很鮮甜。豐富的食物配上青島啤酒，實在吃得十分痛快。

我今次係食頭輪 5:45-8:00，入場後即選海鮮，本想加20蚊要龍蝦，但當天沒有，唯有食蟹！我無記錯的話$199一位，有2款特訂海鮮及自選6款海鮮+8款火鍋料，如唔夠的話可比錢叫，不過其實係夠食呀！但價錢唔包飲品呀！不過$199食咁多野，我覺得好抵死選好後即上海鮮海鮮都好新鮮，隻蟹唔水，d肉好實在，不過如上蟹比客人前，會拍一下蟹鉗會好d，因我鉗唔到隻蟹鉗食太硬，好彩友人幫手鉗開！好快咁食完海鮮後，就上火鍋料！食完曬所有野，係時候食我今次來食的終極目標，粥底！我火鍋料其中一樣係油炸鬼，我專登留返現在配粥食！如果可以多芫荽同配料可多一碟，粥底應該更加好味，但唔知可唔可以呀！無問到食左2大碗粥底，飽飽！

又想過下海鮮癮，又想食火鍋，鍋心咁出名一定要黎試試呢晚比較早食，所以唔洗等位，好快就已經安排座位開餐海鮮款式都唔錯，有7,8款，一次過上晒枱，可以自己決定想食咩就落咩先花甲、沙白同蟶子都鮮甜，冇沙，亦冇唔開口蟹同樣多肉，一咬落去一梳梳蟹肉鮑魚肥美，厚身彈牙，可惜每人得1隻青口有驚喜，真係好大隻，厚肉，大隻到碗都差d放唔落，夾上手好重身，好新鮮，多汁食完海鮮之後仲有火鍋配料，食晒再加埋南瓜粒，芋頭粒，將湯底變成美味既粥底其實黎到呢個時候都8成飽，但係個粥好好食，吸收晒所有海鮮同配料味，但唔會太鹹太膩，不知不覺間就成個粥底都食晒

好耐冇打過邊爐，諗住趁仲凍凍地食多次🌬朋友之前食過呢間，話啲嘢好新鮮，所以就決定黎試試佢😜~~~滋味5重奏套餐 ($200)🌊海鮮本身配肉蟹同沙白蜆，加$20可以轉波士頓龍蝦🦞另外仲可以揀5款海鮮，我地就揀左蝦、鮑魚、蠔、象拔蚌、花甲全部都好新鮮👍🏻肉質鮮甜😋😋餐廳仲提供埋煮海鮮嘅最佳時間👩🏻‍🏫十分貼心啲蝦新鮮到要拎個兜冚住佢，如果唔係會跳出黎🤣所以落蝦個陣要再小心啲，因為朋友話上次煮啲蝦係個鍋度喺咁彈😂不過啲蜆就食到有沙，可能吐沙吐得唔夠👅🥬火鍋配料除咗海鮮，仲可以揀8款配料，大部份都係出面火鍋鋪有嘅料～當中必嗌雞骨小丸😍脆脆地好有咬口😛當大部份都係基本上少🍲粥底建議盡快食完海鮮，因為要預時間煮淋南瓜、芋頭個啲粥底配料🤭🤭食曬配料之後，職員就會倒粥落去同攪拌🥣雖然望落去賣相麻麻地，但個粥吸曬海鮮精華，又綿又鮮甜好正🤤🤤本身大家都話飽，但最後都忍唔住食晒🤪本身大家都話飽但最後都忍唔住食晒本身大家都話飽但最後都粥底仲有其他配料，有我最鍾意嘅豬油渣，令粥嘅味道再昇華☺️☺️所以本身大家話飽，最後都忍唔住食晒🤪~~~⭐️回頭指數🌕🌕🌕🌖🌑呢個價錢食到咁新鮮嘅海鮮，簡直物超所值🤩仲要免加一仲要值得

一直致力於發掘唔同類型嘅海鮮火鍋， 而我本人係鍋心常客。 因為202蚊有咁多海鮮同配料， 真係覺得好抵。朋友係港島人， 冇試過鍋心， 所以等我呢個鍋心fan 趁復活節假期book位同佢哋食下。 佐敦店裝修最新， 坐落最舒服， 又近tst。平時鍋心會有肉蟹同埋龍蝦， 我哋去嘅今日咁啱冇龍蝦， 淨係可以揀蟹， 不過都ok, 一樣咁好食， 只係要拆麻煩d😂😂。 另外五樣海鮮， 我每一次都係唔要大尾魷同埋多寶魚， 揀晒其他5樣野， 貝殼新鮮又好味😊另外八樣配菜, 畀啲貼士大家, 因為粥底火鍋本身好淡, 所以配菜可以揀有味少少, 如果揀全蔬菜嘅話食落會淡茂茂。 必食推介係雞軟骨丸， 由第一次到依家， 每次都要食， 另外就係油炸鬼， 食粥當然配油炸鬼， 正！其他嘅， 好似淮山， 花膠仔其實都好好食， 可以跟心情配搭！ 埋單都係400幾蚊2個人， 好抵呀。 不過因為佐敦店大， 食完海鮮之後等佢出其他配菜等好耐， 佢每次出親都要出全場， 等埋單又係全場逐張逐張埋， 明明我可以早好多食完😂另外係店員不停噴消毒抹旁邊張枱， d清潔劑超攻鼻， 死曬啲菌， 差啲攻死埋我， 係應該清潔乾淨， 但係可唔可以顧慮一

Haha ✨終於恢復堂食啦🥰今日我哋一家今次去佐食粥底火鍋丫🤩佢哋除左有粥底火鍋之原來仲同鉄火堂crossover有即劏既原條藍旗吞拿魚🐳，而且仲有好多唔同部位選擇🥰鍾意食吞拿魚嘅(一定要試吓😍✨)當然唔小得其他刺身選擇啦😍分別有：赤身、三文魚、三文魚腩、魚、甜蝦、八爪魚同北寄貝😋價錢大概由$38-$88左右(按照重量計算)📌不過要留意番暫時只係佐敦分店先有刺身櫃㗎😜📌而粥底火鍋套餐方面，價錢係$200/位而且仲免加一可以選擇 7款海鮮、（龍蝦🦞同大羔蟹🦀✨必點✨）(龍蝦🦞只需要加$20👍🏻👍🏻👍🏻)仲有8款邊爐配料同3款時蔬(足足四人份量😋😋非常滿足）✨✨佢哋既海鮮每日流浮山新鮮運到，真係非常新鮮! 食完火鍋🍲記得要食埋粥底丫😋完全落任何無味精，非常鮮甜😋😋我家寶貝自己都食咗一大碗丫😋

我們一行4人相約在佐敦等，因為有朋友之前食過，今次係鍋心粥底火鍋x鉄火堂crossover，好特別在德成街鍋心粥底火鍋，係我在香港第一次食，入到去環境和地方，都給我一種舒服闊落感覺，店員推介我們食一個四人套餐，異口同聲都話好，又介紹有刺身，目前只有佐敦分店有刺身櫃，價錢為$38-$88，可以在雪櫃自己鐘意就攞，明碼實價因為和鉄心堂合作，我們揀咗6樣，作為冷盤小食，刺身非常新鮮,以價錢來講係好抵食套餐材料嚟㗎有肥牛，豬梅頭片，又有嗰啲豬肚，王牙白菜，粟米，南瓜粒同埋芋頭，花膠，最重要就係海鮮有好生猛嘅生蝦隻隻都跳跳紮，鮑魚好大隻仲識郁嘅添蟹.龍蝦.聖子非常新鮮，放落粥底火鍋時一定要，跟足指示，時間，步驟，次序，咁樣先至食到每樣食材，最佳品質和最好味道，果然真係好正，好好食。鍋心粥底火鍋，埋單只係$200仲要免加一(龍蝦+$20)

佐敦地鐵站E出口呢間地舖，鍋心粥底火鍋。最近鍋心粥底火鍋x鉄火堂crossover，暫時只有佐敦分店有刺身櫃。刺身價錢為38元至88元。座位舒適，牆壁中貼滿很多溫馨貼士。餐廳職員也很細心解釋，名副其實令食客窩心。藍旗中拖羅，肉質鮮美。齒頰留香爽口彈牙的甜蝦也令人回味無窮。此外仲有多款新鮮刺身可供食客大飽口福品嚐完刺身後，繼續品嚐海鮮粥底火鍋。在經過餐廳職員溫馨提示，恰到火候的新鮮鮑魚鮮美彈牙，超正。粥底的香味令鮑魚的口感豐富有層次。而龍蝦相信也受食客的寵愛吧！在粥底中烹調後龍蝦更能吃到鮮，彈的口感。品嚐多款新鮮海鮮後。賣相吸引的肥貓開始出場啦！粥底繼續發揮作用，吸收了海鮮的鮮甜美味。碰上至愛的肥牛真係相得益彰我的摯愛響鈴，秒速旁人粥底後立即品嚐，香中帶脆。品嚐完所有嘅美食之後，再吃上一碗多款配料的海鮮粥。真的是滿心滿足，最後鍋心粥底火鍋套餐結帳200元加一(龍蝦+20元)

適逢限聚令的完結，終於可以一家大細一起吃飯。而經家人推介後，我們決定去食海鮮火鍋。係鍋心粥底火鍋x鉄火堂crossover。該餐廳名為鍋心，一進到餐廳環境，座位與座位之間的空間相當足夠，給了我一種很寬敞的感覺。而在門口旁邊，最近鍋心和名為鐵火堂的餐廳合作，只有佐敦分店有。因此能夠看見在旁邊會有很多款刺身可以選擇，價錢$38至$88。而我們本來就很喜歡刺身，因此我們每一款刺身都嘗試過，不得不說這些刺身是真的新鮮，而且還能夠品嚐拖羅，這個這個價錢來說我認為相當物超所值。我們點了四份套餐，鍋心粥底火鍋套餐200蚊免加一(龍蝦+$20)份量真的相當足料，基本上每一個人也能夠品嚐所有不同種類的食物。再來談及這餐廳的海鮮，這間餐廳的海鮮絕對是我嘗試過最新鮮的餐廳之一，原因是因為海鮮端上桌時仍然會在動，充分證明了餐廳只會以新鮮的海鮮給顧客，因此我相當滿意該餐廳的海鮮，不論是沙白蜆，鮑魚，龍蝦等等。而最後那一份海鮮粥也是我嘗試過最好味的粥，該海鮮粥充分吸收了先前焯海鮮的精華，完全吸收了所有海鮮的鮮味，若果大家喜歡吃海鮮的話，絕對不能錯過，誠意推薦大家來這間餐廳品嘗美食。