鍋心粥底火鍋 (德成街)

營業中

休息中

——————偷懶左一排終於update 下😈🌟🌟🌟🌟🌟🌟🌟🌟🌟#鍋心粥底火鍋 呢間超級推薦👍🏻$198一位免加一每日嘅海鮮都唔同 睇下個日咩新鮮就比咩你 我個日就有蟹、鮑魚、蜆等等....#自選配料方面 超推薦大家叫 #雞骨丸 佢係將雞軟骨同埋雞肉打成肉丸 有口感又彈性 食得過#美國肥牛 又係要叫 我地個日食嘅牛係幾靚 油花同肉嘅比例剛好 —————————————食到咁上下佢就會比粟米芋頭同南瓜粒 加入個粥底再整爛佢 咁兜粥就會變到好綿 同提鮮左 ☄️要注意嘅一點呢間餐廳著重食番原味所以冇咩調味 重口味人士就要自己再加調味料喇～ ⚡️環境：2.5/5（地方唔大 有啲逼⚡️食物：4/5⚡️服務：4/5（侍應態度唔錯#winfat#winfat佐敦 —————————————-鍋心粥底火鍋 (佐敦)佐敦德成街1-5號康源閣地下A-B舖鍋心粥底火鍋 (大圍)大圍積存街18號地下鍋心粥底火鍋 (元朗)元朗安寧路38號世宙第三座地下23號舖鍋心粥底火鍋 (北角)北角和富道96-110號僑裕大廈地下1號舖

雖然粥底火鍋流行了好幾年，但一直只流於興趣及個人喜惡不是首選。但今次跟朋友十多人朋友選了這間鍋心粥底火鍋，是時候寫寫見聞，佐敦也去了好幾家不同餐廳，有的也想寫，趁還有記憶就寫下來了。說到粥底火鍋，據說很火爆必需訂檯，可能我們是訂六點的鐘數，所以一個多星期前就訂到。要是訂八點半的話，應該有點難度。他們的店分兩個時段（另外還有宵夜），真的是必須準時出現，要吃這個粥底火鍋，還真的建議人多一點，因為份量太足了！其實我從來未吃過粥底火鍋，也未吃過其他流行的蒸汽鍋⋯⋯每張臺上都有海鮮烹調時間，及粥底火鍋的吃法，還有計時器！鍋中乳白透亮的清粥，仔細撈起卻不見米。外表雖然單純，個中內容卻決不簡單。因為我是初哥，唯有等朋友幫選海鮮及烹調。朋友先煲蟹，因為時間要最久，非常鮮美！其餘的海鮮都非常新鮮美味。海鮮的汁滲入粥底，本來以為會有腥味但粥竟然變得更甜。粥真的非常鮮甜，非常好吃！！二百多一個人，我們都覺得很滿足！

本身以為佢係粥底火鍋點知原來係粥水底火鍋😂 會先比海鮮你 再到啲配菜 最後落飯做粥海鮮黎講都幾新鮮 唔會得少少叫做比左你就算沙白呀蜆呀鮑魚帶子都有鮑魚都真係幾大隻佢地又有個牌寫住每樣海鮮煲幾耐就夠 所以唔食開都唔洗驚會唔知煲幾耐啲員工做野好快 收到order即刻幫你搞誰動幫你較爐同埋教你點食但專業得黎又幾..有原則 唔夠水既話 佢地都未必比你加水 話要留番少少做粥底就夠😅叫左啲野飲啤酒 計埋都係220唔洗 普通邊爐野又有得食 海鮮又有 味道仲要唔差 依個價錢都真係幾抵食！

今天一家四口去了佐敦店鍋心食晚飯、他搬了新地址、地點超方便地鐵E2 出口轉右直行就到、店舖比以前大很多舒適很多、店員非常細心一到步就為我安排位置、準備好所有嘢、還細心介紹一下如何下單、價錢超平太約$220 一人就可以有主海鮮二選一、再選5款海鮮、全部非常新鮮份量足夠、配菜可選8款、粥底火鍋送上粟米南瓜同芋頭、以下附上餐牌給大家參考、重點他在枱上貼上了餐牌介紹、每款海鮮煮的時間小trips, 還有清楚列明三段用餐時段、服務員態度亦非常好、不蓋為煱心服務、名不虛傳、食物新鮮👌味、沙白超甜、大大隻鮑魚、淡淡肉肉蟹仲向羔😋😋、潮汕牛丸不錯爆汁、重點連我嘴刁的老公同女女都大讃、女女仲話公司活動一定帶同事來試👍👍我們點了三支大啤埋單$845 超平、4個人食到非常飽非常滿足、份量絕對足夠、就以上我給她90 分推薦大家必試無論一家大小定情侶朋友都非常啱😋😋

肉蟹龍蝦二選一，加$20蚊有龍蝦食(龍蝦超鮮味必選海鮮之一)，鮑魚大大隻好鮮味(必選)，刀貝(推介)，沙白蜆，花甲，多寶魚，大尾魷全部都好新鮮，另外有肥牛(必選)，厚花膠(必選)，韮菜餃，響鈴卷(必食)，花枝丸，爽口豬肚(推介)，樣樣重都有水準，最後粥底加粥膽，南瓜粒芋頭粒粟米及菜甫等配料，超鮮甜好味 ! 這間粥底火鍋搬遷到新舖德城街，地方較舊舖大很多，新舖裝修得好雅緻，坐得很舒服！期待約齊好友再次去品嘗鍋心粥底火鍋！

鍋心出咗名抵食夾大件，粥底海鮮火鍋每次食完親戚朋友都讚過不停👍🏻因為夠晒平！靚！正！平！每人$200就食到五六款海鮮加自選配料同海鮮粥，呢個價邊度搵靚！雖然只係$200大海鮮一啲都唔揸流攤，每人都會有半隻肉蟹，一隻鮑魚，四五隻蝦，大約10隻蜆，半條多寶魚...正！全部海鮮都10分新鮮，就算我外賣打包返屋企啲蝦仍然跳跳紮，鮑魚郁下郁下自選配料冇記錯應該係八款，我揀咗午餐肉，萵筍，魚腐，肥牛，梅頭肉（必吃），雞骨丸（必吃），鮮淮山...而且會配埋粥水俾你先打邊爐，打完邊路所有海鮮嘅精華都係粥水嗰度，呢個時候加埋南瓜粒同埋芋頭粒，成個粥升華晒，不但有海鮮嘅鮮甜味，又有南瓜嘅香甜，記得留肚食粥！！！食完超飽，減肥晤好試，因為好味到停唔到口

為慶祝我識睇Google map ，我決定今晚將減肥放埋一邊，食餐飽佢😋😋。多謝肥仔比左個機會我有用得著Google map既時候😏😏 等我行餐懵，消耗腦力同腳骨力。你真係用心良苦今晚係肥仔帶我食餐好既☺️☺️好開心呀💫💫因爲我皮膚敏感既關係，我已經無食海鮮2年幾，最近先停左葯，醫生話可以慢慢試下食海鮮，yeah!!! 我終於解禁，但如果真係痕既話，唔洗食藥啫，但若然痕的話都有葯膏可以包底。😙😙太耐無食海鮮既我舉手🙋🏼‍♀️🙋🏼‍♀️承認🙆🏼‍♀️🙆🏼‍♀️我係有點滾動🥺🥺個火鍋既玩法係粥底。我地叫左個蟹set，裏面仲可以自選五款海鮮，我比肥仔全權發板😋😋 我就懶到唔想諗野😂😂等食算數🤣🤣佢揀咗魷魚，蝦，鮑魚，帶子同埋蠔。海鮮新鮮質素唔錯架😙😙好味👏🏻👏🏻除左海鮮我地仲叫左D邊爐配料，其中芝士豆腐，韭菜餃，牛丸都幾好味。同埋會有張紙講解海鮮要煮幾耐同埋有個計時器做一個溫馨提示。我覺得係貼心既💫💫食到8899，店員拎左啲南瓜芋頭芫荽蔥叫我地放哂d粥既配料落去個粥底備用。準備稍後時間壓軸登場👏🏻👏🏻 佢地最後會過黎幫你煮埋個粥，其實個粥唔會唔好食。佢完全索晒啲海鮮嘅鮮味同精華！我覺得發明粥底火鍋嘅人好

自從3,4年前食過之後，呢幾年都冇去食過.....點知最後斗鋪都搬埋......真係到訂位個陣先知.....幾年前佢係抵食既，但個陣我記得未到真係好好食~但隔左幾年，今次再食又有唔同的感覺!準時到左門口見到好多人.....真係好多人..不過佢都好快,大慨10分鐘就已經放曬大家入去坐低~ 坐低當然要揀食咩喇....當日揀左龍蝦同蟹都有的餐.....兩樣野一上台見到都好新鮮!!!!!!開始緊係食左呢兩樣野先喇~ 鮮甜,肉彈牙,有糕!推!再黎就當然係其他海鮮喇!幾年之前黎食...都覺得佢的海鮮好新鮮...今次再黎..真係再打破之前的記憶..因為成晚所有海鮮都係非常好食，完全冇一樣野伏......一入黎個陣有朋友話得咁小野會唔會食唔飽....但食食下...大家都開始話點解仲有咁多野....到最後...真係食剩左好多野...裝埋有成2個外賣盒....朋友先講...原來咁多野嫁...粥就真係冇影相喇....因為真係一下就食曬~當晚唯一唔好就係...原本我地已經食曬野...諗住叫佢幫手煮粥...同左個侍應講...個侍應拿左的粥水黎.,.....嘩一聲就加水然後走左去...我個下都覺得奇..點解係加粥

今日放假，早早地約埋朋友去佐敦打邊爐，一行三人，有人提議粥底打邊爐，粥底打邊爐並不是度度有，這店抵食夾大件。各款海鮮都非常新鮮，廚師即叫即準備，大大隻蟶子皇爽口彈牙。生蠔都唔錯，記得淥熟啲，安心啲。鮑魚大隻的程度係食完飽咗三分一。開邊龍蝦有膏，正呀！海蝦都好新鮮，大大隻，肉質爽口，最喜歡沾辣椒豉油吃。天山雪蓮都有得食，大家不妨試試。飲品都有多款選擇，但係最終冇人肯試土耳其汽水。其他火鍋材料一樣新鮮美味。窩心滋味五重奏，套餐都好夠食，飽飽。

同幾個朋友去食佢哋都第一次去食，我就食過幾深水埗分店，為左就大家方便就去佐敦分店。一路食都冇乜事，到最後11點04分左右，有一個女侍應走埋黎，冇啦啦將我碟拎起，所有蝦殼倒左落粥到，我下左一聲話未食完，佢好串話我哋食到11點。我之後話咁係咪要話我地知，等我地打包定係點，佢話冇喎宜家11點04分，之後仲一手拎左兜粥。正當我好嬲想投訴，點知佢又去第二枱做同樣既野，人哋立刻投訴，仲話初初食唔係咁服務態度愈來愈差，我行出門口，人地仲係岩岩3個各人食左一碗，應該仲有好多粥未食。其實我比錢去食，點解唔問下客又或者早5分鐘話比客知11點要食哂？唔係所有客都食過幾次，唔知好正常，咁基本嘅嘢侍應都唔識？

其實我麻麻地鍾意食粥底火鍋架咋， 但家姐話呢間好好味，又抵食， 唔試唔得咁話。吹到咁大， 咁就緊係要拉大隊嚟啦。我地訂左第二場， 所以都等左一陣，等清場。坐底店員就會開始報置桌面、鍋底、放低調味架等。流程十分順暢。點菜亦非常簡單， 海鮮六選一， 其他配料選八款。我地因為第一次嚟， 所以當我地點好菜， 隔離左右都已經開始上菜了😅。打邊爐當然要配啤酒啦，仲要係我至愛嘅青島添！好快我地都開始有得食喇。每張桌面上有放了計時器同每款海鮮所需烹煮時間， 好方便。我地先吃蛤蜊、大蜆、鮑魚、多寶魚等， 跟住煮蟹。大蝦勁新鮮， 上桌時仲不停跳緊，我地要用碟蓋住以防生蝦亂跳😂。吃過海鮮， 我地開始滾其他配料， 魚皮餃好好味， 響鈴就麻麻地， 下次唔會叫， 雞丸係手打，裡面溝左雞骨所以幾有咬口。豬肉片同豬肚都好好味。最後店員會加入南瓜、芋頭粒同米飯煮粥， 吸飽各類海鮮精華嘅粥勁鮮甜， 勁好味。咁多野食，呢個價位真係物超所值！

餐廳分3⃣️時段開放，第一時段17:45開始，居然大部分枱已坐滿！呢度非常底食，試過去食蒸氣鍋連粥底要$1200+埋單，呢度每位只是$200，經濟實惠！加咗每位$20 要本地龍蝦🦞，龍蝦本身偏細隻，但肉質鮮嫩，值得一試！另外有五種海鮮選擇，大家見到相片就知道幾新鮮。食完海鮮仲有其他八種配料用粥底打邊爐，又係多到食唔晒離開是剛好是20:30 ，使下一輪的進入時間，已經有好多人在門口排隊等候進入，一睇就知道呢間一定抵食好食，先有咁多人願意等候

鍋心粥底火鍋有好多間分店 間間都好多人😘😘-如果你唔book位 呢 通常都唔會有機會食既😌-龍蝦沒人加20蚊 -大隻 鮮甜 多膏 好食😋😋😋鮑魚新鮮大粒 一人一粒 😉刀貝同沙白🤣有幾粒🈶️沙 不完美 但可接受🤨🈶️8樣配料俾你揀🥳🥳🥳-🈶️肥牛 西班牙腩肉 芝士腸 蝦餃 erc.😋-食完 之後 再食粥 精華濃縮係粥入面😭😭-入口鮮甜美味多汁 難於啟齒既味道😛😛-好正 如果大家想食 請記得事先book位

之前有一段時間好沉迷任食卜卜蜆煲，後尾食開個間轉左手，d 蜆又細隻又多沙，就放棄左無再去食lu，打邊爐就轉番食之前食過覺得好抵食既鍋心粥底火鍋鍋心抵食之處係佢 fix 左一個價錢 $200，你係個海鮮menu同其他火鍋材料menu入面揀你想食既野，佢會按照你既人數去預備材料分量，例如一人一隻蟹，鮑魚等等，而且一定食得飽海鮮類佢會有個提示牌，話你知每樣海鮮要滾幾耐。只要跟足佢個時間煮海鮮，就會岩岩好熟，唔會老同埋好鮮甜！不得不提既係佢提供既醬料，我最中意佢有提供沙薑粒！沙薑粒加左入豉油之後，你點海鮮落去，會更加突顯出海鮮既鮮味！係度學識左之後，我係屋企打邊爐都會加沙薑粒~當你食完海鮮，再食其他自選火鍋料到咁上下，佢會提你落定 for 粥底既南瓜粒芋頭粒，就會慳d時間。不過基本上去到食個粥個陣，你已經十成飽，每人都係夾硬食一兩碗粥就飽到反艇，哈哈

朋友話間嘢好食，咁一行多人就嚟試下啦。早到咗，第一次嚟，同門口資客傾咗幾句，了解下間嘢咩玩法。當時姐姐都幾有心機解答我問題，第一印象不錯。跟住入座食嘢，超多嘢食，啲海鮮都新鮮。成個過程都覺得幾開心。雖然有時叫肆應要叫幾次先有人覆，但你畀$200呢個價錢，都明嘅。好喇，到最後煮粥，一位金髮女肆應過嚟幫我哋煮。我見佢撈嗮啲嘢上嚟，第一次食嘅我好奇問咗句點解要咁做，金髮好「掘」咁話「公司要求咁做，我都係跟公司指引，你可要求唔撈，咁你撈定唔撈？！」個語氣非常串，好似有種「講咁多嘢嘥我時間」嘅感覺。我費事同佢吵，忍住話咁你照做。我哋有兩兜粥，一兜要芫西一兜唔要。佢做完要芫西嗰兜，就叫我哋換另一煲出嚟畀佢整。咁我多口提醒句「呢兜係無元西嘅wor」，金髮即刻語氣好差咁隊我「咁你唔攞嗰煲出嚟我點整啊！」我終於忍唔住，大聲少少回佢一句「整啦」，佢即刻丟低啲嘢，話「我搵其他人幫你」。就算第二位同事嚟到，亦無話唔好意思，一開始仲要話「邊位同事？我睇唔到wor」。其實成件事好細，但成餐飯好哋哋，係都要臨尾香，真係多得呢位金髮同事。相信如果佢繼續喺度，只會有更多類似事件發生。亦多得呢位同事，我係一定唔會再返去佐