鐵板世家

營業中

休息中

講起豉油西餐，後生一代唔喺好知乜，但一聽就明，就證明你小弟咁，都喺有番咁上下年紀。早前晌太子食嘢，偶見呢一家「鐵板世家」，主打喺港式懷舊鐵板餐，之後再上網睇睇佢啲食評，感到好有興趣，所以，拉埋獨居老友嚟鋸吓扒。雖然呢個鋪位唔喺咩幾十年老店，但喺裏面裝修格局好有回到以前嘅感覺，好有復古懷舊風，尤其是啲紅白格仔枱布，絕對喺七八十年代嘅標記。佢唔喺咩茶餐廳，茶式唔會包羅萬有，但務求貴精不貴多，包括各款鐵板餐之外，就只有焗飯、焗意粉……等等。我哋嚟得目標清晰就喺港式鐵板餐。有一樣嘢好搞笑，坐低無耐，餐都唔好話未點，連食乜嘢都仲研究緊，侍應哥哥已經問你紅湯定白湯，相信點乜餐都包餐湯、餐包。餐湯、餐包叫得豉油西餐，揀紅湯白湯又喺另一經典，小弟就鍾意紅湯羅宋湯，因為酸香微辣好醒胃之餘，有大量蔬菜夠健康，飲落確喺好足料。跟湯送嚟呢一款餐包，真喺滿有情懷感，依家真喺唔多地方仲供應呢一款餐包。餐包非常之軟熟，微微暖，搽上牛油，配羅宋湯真喺經典中嘅經典。鐵板肉眼牛扒拼豬扒 $128呢度嘅服務好有香港人嘅特色，就喺快，兩份鐵板餐好快就送到上枱。我就多心少少揀咗肉眼拼豬扒配燒汁，啲燒汁淋落去真喺「咋咋聲」，好有

是日來到旺角試下好出名嘅港式鐵板餐，呢間鐵板世家晚晚爆場㗎😆七點多來到，剛好有枱，喺入座嘅途中，店員已經問你飲咩餐湯，似乎係任何餐點都會送餐湯喎。⭐餐湯&餐包叫了一紅一白餐湯，再附上由微波爐叮熱嘅餐包。是晚紅湯係羅宋湯，白湯係粟米忌廉湯，味道唔錯，而且店員十分客氣，每位客人的餐湯都是盛得滿滿的，每一碗都是滿到洒的喔。⭐鐵板西冷牛扒拼雞扒餐點也是十分有效率，由落單到上菜不用五分鐘。放低鐵板，店員便問要燒定黑，我哋估係燒汁或者黑椒汁嘅意思啦，咁唔想要黑椒汁，就揀咗燒汁。醬汁淋上鐵板的一剎那，即刻傳出咋咋聲，香味四起好吸引喲。朋友話雞扒的雞皮煎得香口，牛扒嫩滑，啖啖肉係正嘅。⭐鐵板西冷牛扒自己就點咗淨西冷牛扒無要雙拼，牛扒大大塊加上醬汁香噴噴，真係令人食指大動🤤一大塊牛扒肉嫩無渣，愛肉人士真係要嚟試下。牛扒下層放滿薯菜，吸咗牛油同醬汁好好味呀。⭐菠蘿冰 & ⭐紅豆冰見餐牌有懷舊菠蘿冰同紅豆冰，特飲都係加八蚊又幾抵喎，叫咗各樣一杯試下。菠蘿冰係用新鮮菠蘿唔係罐頭貨，店員豪不孤寒，一杯菠蘿冰有三分之二杯菠蘿，好抵飲！朋友揀紅豆冰都有好多紅豆，紅豆煮得淋甜，加上淡奶香，正呀。⭐甜品懷舊港式鐵板餐又

假日，同媽媽去左太子行街，經過這間食牛扒專門店太吸引了，餐廳的格局行懷舊風，彷彿看電影會睇到80年代的港式牛扒小店的環境，餐廳還用了相當懷舊的格仔枱布。餐廳提供的餐牌選擇很簡結，只有豬、牛、雞的扒餐、焗飯和意粉。因主力的食鐵板牛扒餐，吸引了不少喜歡鋸扒的朋友前來。👭🥩💥🍽️未點餐前，店員會先送上餐包和紅/白湯給客人享用。微暖的餐包塗上薄薄的牛油，浸一下餐包確實滋味。紅湯酸酸甜甜，滿滿的洋蔥、蕃茄、雜菜和蘿蔔，都幾足料。🫕🍎🥕🥬機緣巧合來到當然要一嚐招牌扒餐，牛扒送上枱後，店員拿了兩小桶的醬汁，分別是黑椒汁和燒汁，先讓我們準備好餐巾遮檔，醬汁一淋上鐵板，牛扒咋咋聲不停地冒煙，香噴噴。同時也很有童年食鐵扒餐的回憶。😻🫶🏻🥩鐵板西冷牛扒（$128），西冷是牛脊後半部份，帶有少少肥美的脂肪，牛味相對較濃郁，牛扒都幾鬆軟，容易切開，咀嚼時都幾有嚼勁。周邊還有條條粗身薯條，炸得好脆口。🥩😚鐵板肉眼牛扒（$128），肉眼扒好大塊，完全覆蓋整塊鐵板，牛扒的肉質鬆軟嫩滑，肉汁豐富，淋上黑椒汁，粒粒粗身黑椒帶火辣辣的滋味。🥩😋紅豆冰（+$8），一半紅豆一半花奶，撈勻嚟飲味道濃郁。🫘🥛菠蘿冰（+$8），超過一

第一次嚟呢間鐵板世家，位置好方便好近太子站行3分鐘就到。我哋平日嚟食，都等咗大概10分鐘位，成間餐廳都坐滿晒人👍🏻👍🏻我哋坐低叫嘢食後，啲湯同埋餐包都上得好快。我哋兩個都叫咗羅宋湯，因為唔鍾意忌廉湯。羅宋湯煮得好傳統好好飲有少少辣，好酸好啱我口味。餐包亦都好軟熟，搣開點一點牛油就食。主菜方面，我哋叫咗一個鐵板西冷牛扒同埋一個鐵板肉眼牛扒加牛脷。餐廳啲牛扒都好靚好腍好易入口，牛脷都好腍好好食。我哋一個配黑椒汁，一個配燒汁。兩種汁嘅味道都唔算話好濃，所以好易入口，而且食完都唔會話好口渴。食鐵板牛扒，我次次都會叫凍檸樂，真係好match。估唔到餐廳仲有甜品送係好傳統嘅黑加侖子味啫喱☺️呢餐真係好滿足呀，下次我都會再嚟過😋👍🏻

琴晚同朋友去咗旺角嘅鐵板世家据扒，真係幾有驚喜！我哋點咗兩個鐵板套餐，分別係鐵板煎牛舌拼牛扒配薯菜同鐵板原條龍脷魚柳配薯菜，每個餐包餐湯、餐包、飲品同甜品，夠晒豐富。🥢開場嚟個紅湯，飲落暖胃又開胃，味道唔錯！配埋烘熱咗嘅牛油餐包，牛油滲入麵包，非常滿足😋🥢鐵板煎牛舌拼牛扒配薯菜呢個真係我至愛！牛舌煎得啱啱好，口感嫩滑，有啲微微焦香味，豉油調味非常入味。至於牛扒，叫咗七成熟，熟度掌握得幾好，煎到外層焦香，內裡仲保留咗肉汁，配埋黑椒汁，完全係港式鐵板嘅精華！薯條係我鐘意嘅粗薯，寧舍有薯味👍🏻🥢鐵板原條龍脷魚柳配薯菜龍脷魚柳係另一個亮點！魚柳煎得皮脆肉嫩，入口滑溜，加埋黑椒汁，啖啖肉好惹味😋🥢花奶啫喱杯最後甜品嘅花奶啫喱杯，雖然簡單，但味道唔錯！啫喱入面重有啲雜果，撈埋花奶食，甜度適中，食完成餐感覺冇咁膩，係一個幾好嘅ending。

今日出咗太子買龜龜糧，行到咁上下，見到有依間扒房，見到價錢相宜，而裏面又好似好多人咁，就抱住試一試嘅心態。入到去，就見到係四方格仔餐枱布，即時心心眼，因為真係好鍾意呢種懷舊嘅設計，見到佢寫住「港式經典鐵板餐」就想試吓係咪真係細個食開嘅味道。最後，我同老公分別揀咗肉眼扒同埋T骨扒，好快脆就已經有，而且最開心嘅係，個侍應問我哋要咩汁，當佢淋汁嘅時候，聽到嗰啲吱吱咋咋嘅聲音，真係超開心，同埋超級回味！第一個感覺係：真係以前嗰種鐵板餐啊！，食落啲扒都真係好港式鐵板餐嘅味道，超好食！ 5×熟的扒味道夠，又腍，正！最後仲有得揀餐飲同埋送甜品。雖然個甜品個人覺得比較甜，但都係以前細個嘅回憶。埋單兩個人計埋飲品都只係$300左右，我覺得如果想回到從前，我會再呢一間餐廳食扒😋

呢幾日天氣凍凍哋，食鐵板餐就最啱啦！坐定定之後，我哋決定叫一份鐵板蒜香雞扒 同 鐵板西冷牛扒，另外再加$10 追加意粉一份。套餐跟埋餐包、餐湯同甜品啫喱，因為鐵板餐本身配埋薯菜，份量都好多呀！想食其他嘢嘅，餐牌上亦有唔同嘅選擇，分別有焗飯、意粉、香濃馬來咖喱等等。鐵板上菜嘅時候要記得拎定餐紙呀～仲記得細個嗰陣，已經好鍾意淋啲醬汁落鐵板個時嘅滋滋聲呢😍 牛扒牛味香濃，中間仲係嫩嫩嘅粉紅色，保留適度嘅咬口。而雞扒大大塊仲係厚切㗎，肉質鬆軟，調味啱啱好，配上燒汁就緊加惹味啦！餐湯方面可以選擇羅宋湯或者忌廉湯，主菜未上之前，就可以食住鬆軟嘅包包同飲湯先啦～而最後出場嘅係甜品啫喱，仲可以加埋花奶，好似細個同屋企人一齊出街食一樣。✨鐵板蒜香雞扒✨鐵板西冷牛扒

晚市見佢有生意以為食得過，結果九唔搭八。一坐低就問要咩湯，叫咗兩個忌廉湯冇味，好似飲水咁。睇隔離枱羅宋湯都係水汪汪。想叫肉眼扒，侍應一句話冇，但係之後聽到至少四枱叫咗肉眼。改食雜扒，送到上枱佢話爭條腸，等咗一陣都未補上就同另一個侍應講，點知我一啖擺緊入口途中佢想成碟拎走。制止咗佢之後，主管溝通完過嚟話唔好意思，全部都係學生童工，心諗咩年齡關我咩事，重點係你要訓練班員工。雜扒黑椒汁又係水汪汪。$128一份雜扒，仲衰過大快活。另一個叫芝士焗海鮮意粉，淡到極點，意粉冇炒底，白烚兼冇滴乾水，海鮮都係完全冇味。凍檸茶、凍奶茶兩杯叫少甜，結果得杯凍奶茶有少甜。最搞笑既係杯凍奶茶佢插枝檸檬棍落去，篤乜？題外話，背脊嗰張兩人枱，一位男士入座，食到一半要同另一位搭枱，面對面^_^ 臨走之前，侍應上後來嗰位既飲品，倒哂落地⋯⋯ 濕拖完就算，等待意外發生。

熱辣辣的西冷牛扒加牛脷鐵板燒這道西冷牛扒加牛脷鐵板燒的餐點，無論從價格還是品質上來看，都堪稱價廉物美的代表。-西冷牛扒:這種牛扒肉質細膩，價格相對實惠，卻能提供高級餐廳的享受。鐵板燒的烹調方式保留了肉的鮮嫩，讓人一口咬下去，肉汁四溢，令人滿足。- 牛脷:作為一種獨特的食材，牛脷的價格通常比其他部位的牛肉更親民，但卻能帶來不同的口感體驗，讓人驚喜。- 羅宋湯:這道湯品不僅色彩鮮艷，味道酸甜可口，提升整體餐點的層次感。- 凍檸茶:這款飲品清新爽，為整頓餐點增添一抹清新。- 柔軟餐包:這款餐包，柔軟好味，還能搭配牛扒和牛脷，吸收肉汁，提升用餐體驗。總結整體而言，這道餐點以合理的價格提供了豐富的口感和美味的享受，讓人感受到真正的價廉物美。但係舖頭較細，繁忙時候要搭枱。

今日黎魚街買野，見到開左間新餐廳，裡面幾有港式懷舊扒房既感覺，鋪既係好舊式既紅色格仔枱布，真係好懷念呢到除左扒之外，仲有我叫焗野食首先，我地緊係要叫鐵板啦，揀左西冷牛排，黑椒汁，黎到個陣個鐵板仲好熱, 淋汁上去個陣jaja聲，真係好懷念呀！牛排我地叫左7成熟，黎丁都岩岩好，肉質非常鮮嫩，配埋黑椒汁好香濃，唔會太辣，每一啖都食得出肉的鮮味，食落去好滿足跟著我地仲叫左個芝士焗鮮茄豬扒意粉，豬扒焗得好金黃香脆，面頭係焗到燶燶地既芝士，食落既時候芝士又可以拉絲，意粉吸收咗番茄醬的味道，味道酸甜適中，整體搭配得非常好，焗得好出色最後，我地仲叫埋個芝士焗白汁海鮮飯，海鮮好足料，有蝦，魚，帶子，青口等等，白汁好濃郁，味道香滑，加埋飯一齊食，吸收咗所有的味道，食落去真係好滿足。而且上面嘅芝士焗得好香，咬下去有一種濃郁的口感，真係好開心！總括來講，呢到既野食整得幾好，而且好有以前懷舊港式扒房既味道，黎開呢頭既不妨一試

去旺角金魚街買金魚，順便食個靚lunch 番番屋企😃見到呢間好近太子始創商場既鐵皮世家大大個招牌掛喺通菜街，非常吸引！見到有鐵板食！仲更令我同朋友心心眼！☺️☺️每日都有精選特價午餐！好多選擇我同朋友就食豪啲！每人叫一個鐵板扒餐🤣不過其實都係約$100🤣🤣 真係好抵食！鐵板西冷牛扒配薯菜$95加意粉$10- 西冷牛扒🥩幾厚身，啖啖肉！ 可以揀燒汁或者黑椒汁，仲係好有懷舊風味！係有侍應親自拎咗汁筒去大家面前倒汁既！😁 呢啲懷舊美食，隨住時代變遷，已經好少見！未試過既朋友仔要黎珍惜下😝😝鐵板肉眼牛扒拼牛舌拼薯條 $108- 朋友🧑‍🤝‍🧑就叫咗呢個餐，估唔到有兩大片牛舌！而肉眼牛扒就相對地份量無咁多，牛舌做咗主角😁😁鐵板世家 (旺角)旺角通菜街188號地舖

今日中午我去咗太子一間好受歡迎嘅鐵板快餐店，距離地鐵站只需三分鐘，真係好方便！大約一點鐘嘅時候，店入面已經有幾位客人排隊，但因為佢哋清潔執枱好快，所以排隊唔使等太耐，就已經可以入去喇！呢間餐廳保持住舊港式風格，紅色格仔桌布令我感到好懷舊，而環境亦都幾乾淨。服務方面，侍應都好有禮貌，上餐速度亦相當快，令我感到非常滿意。前菜嚟咗碗熱辣辣嘅羅宋湯，湯底濃郁，味道都幾好，飲落去令人覺得暖心。餐包又柔軟，可以用來沾湯或者搭配牛扒食。我點咗鐵板和牛漢堡扒，加埋黑椒汁，仲有薯條、生蛋同白飯。每位客人都有一份牛油餐包，餐包已經加熱，食落去鬆軟又香濃，非常好味！當漢堡扒上到枱，香味真係撲面而來！牛肉煎得剛剛好，外面微焦裡面又嫩滑，肉汁流出來，配上黑椒汁，有啲微辣，非常開胃。薯條金黃酥脆，口感一流，食落去真係好滿足。至於生蛋同白飯呢個組合，就更加特別。我將生蛋打喺白飯上，輕輕攪拌後，滑滑嘅口感同漢堡扒形成咗一個好嘅對比。再加上一杯凍檸水，整個午餐就更加清爽。朋友嗌咗份鐵板肉眼牛扒餐，呢道菜表現得幾好。鐵板上發出滋滋聲，香味都幾吸引，令人好期待。呢份肉眼牛扒質量唔錯，每一啖都可以感受到肉嘅鮮味。侍應上枱就幫

今日晏晝經過太子金魚街個邊，見到間鐵板餐廳排哂隊，呢度真係肉食者天堂，好多人幫襯，心諗唔通好好食。見今日有啲時間，都去趁熱鬧排吓隊，試下佢有咩符弗，等左10分鐘多啲左右就有位。一入到去餐廳坐底，見到紅白格仔枱布已經滿滿懷舊感，即刻嗌番個是日靚午試下先。跟餐嗌咗一個羅宋湯同一個忌廉湯。忌廉湯入口綿滑香濃，羅宋湯真材實料，酸酸甜甜好開胃。配埋個熱辣辣既牛油餐包，真係好好味。扒餐嗌咗是日靚午嘅E餐鐵板肉眼牛扒（五成熟）拼雞扒肉眼牛扒係由牛肋部切出嚟，油花分佈得好均勻，食落去特別嫩滑。我揀咗選擇五成熟同黑椒汁，肉質保持住好多汁，每一啖都充滿咗濃郁嘅肉香。每一啖都有淡淡煙燻嘅香氣，真係好好味！而且呢道菜仲有配埋塊雞扒同薯菜，口感層次再豐富。朋友叫咗鐵板西冷牛扒餐西冷部位係從牛背部切出嚟，肉質厚實而且有彈性，非常適合鍾意有咬口嘅朋友。而朋友都係揀咗黑椒汁，因為黑椒汁令整體肉味更加立體。西冷牛扒配埋係熱辣辣嘅鐵板上煎烤時，吱吱聲真係好吸引，絕對係港式鐵板嘅特色。朋友都係揀咗五成熟，可以保留更多肉汁同風味，食起嚟更加Juicy。我哋選咗凍檸茶做跟餐嘢飲，港式檸茶酸酸甜甜，可以中和牛扒嘅油膩感，令整個用

就到聖誕，約左朋友食飯，想揀返間有聖誕氣氛嘅餐廳，所以就去鋸扒，今日食呢間餐廳好有細個同父母喺聖誕節食聖誕大餐嘅感覺人愈大，愈想過返細個時嘅日子🥹餐廳裝修好有懷舊氣氛，好似7,80年代是扒房嘅環境，紅色格仔枱布加上聖誕裝飾，好有氣氛我哋食飯時間7:30去到已經坐滿晒人懷舊鐵板餐價錢合理，我哋叫咗一個鐵板西冷牛扒，一個鐵板肉眼牛扒無論係份量，定還是食物質素都比我預計好好多，重點係牛扒嘅質素真係幾好點完餐店員已經好有效率咁上咗餐湯同麵包，紅湯嘅調味做得好好唔會太酸天氣凍又飲暖笠笠嘅湯好開胃原本想留肚食牛扒，但都係忍唔住全部飲晒鐵板肉眼牛扒，牛扒又厚又大件，我自己一個人食唔晒，又嫩又juicy，成塊牛扒完全無筋，唔使係咁𡁻到牙都軟質素好高朋友點嘅鐵板西冷牛扒，牛扒份量又係非常之大而且好厚，我地都係叫七成熟，入口非常之鮮嫩軟冧，唔怪得知成間餐廳平日夜晚都坐到滿晒人最後點都要讚吓佢個燒汁，調味啱啱好，唔會太鹹太重口味，燒汁令牛肉既味道更豐富，店員幫我哋加燒汁嘅時候好貼心咁等我哋準備好晒先出手成日都好怕鋸扒時侍應好似趕收工咁出晒煙，熱辣辣，好正好有氣氛好中意佢個啫喱，好懷舊，細細個去鋸扒就係食呢款

成日聽到呢間好有香港懷舊特色既鐵板餐餐廳決定同朋友黎試一試 一坐抵 店員就會問你紅定白 （應該無論你叫乜嘢都會問）原來係指紅湯定白湯 我地齊齊選左紅湯 羅宋湯 酸酸地、辣辣地 好開胃！ 同埋超級足料 好多蔬菜🥬跟湯仲會送埋餐包 呢款餐包真係好好好久無見啦滿滿細個既回憶🥺🥺餐包微暖 浸一浸個湯再食 食不得了❤️因為我哋兩個都係牛魔王 又想試晒兩款唔同嘅牛所以分別叫咗鐵板西冷牛扒同鐵板肉眼牛扒自己可以選幾多成熟 估唔到細細餐廳都咁貼心🫶🏻一上到枱已經聽到渣渣聲 然後店員會拎住兩大桶嘅 問你燒定黑？原來係講緊燒汁定黑椒汁淋汁嗰陣店員仲好貼心咁樣提我哋記得用大餐巾遮住 又一加分位睇到咁多煙，就知道個鐵板真係好熱睇埋入面 真係做到5成熟❤️同埋底下有波浪薯條 又係另一個細個回憶本身個餐牌包埋餐飲因為想試佢特飲，所以就加咗$8超足料嘅菠蘿冰同養生嘅菊花薏米水兩款都好好味😋最後係估唔到原來係包埋甜品 係細細個好鍾意食嘅啫喱多謝店員主動問我地要唔要上埋有齊餐湯、主菜同甜品 仲要唔洗加一真係CP 值好高！