鐵板世家

營業中

休息中

第一次去但以後都唔會再去🥲見人少少有下午茶就入去試下！佢哋已經冇咩客、我地落單指住張圖再講埋最後都要落錯單，都算好小事！最離譜系人地食緊野佢哋拎d消毒酒精、毛巾企系張枱上面抹吊燈！隔離枱個女人望一望都已經吾出聲！人地系張枱食緊野你喺高處抹燈仲要咁近隔離又有人仲有消毒藥水味擺明趕客走😡啲塵仲要飛落嚟!之後佢哋仲要求個女人轉枱就係為咗方便佢抹個女人正在食緊嘢張枱既燈！個女人忍唔住出聲話佢哋，我哋都睇吾過眼出聲，之後仲諗住抹埋我隔離枱！我即刻出聲你吾好抹過泥丫，我從未見過一間餐廳甘差，完全系趕客走😡😡😡😡😡😡😡奉勸各位千祈唔好去！

入到餐廳即刻問紅定白！當時未有準備比佢考起！全程用餐感受到壓迫（坐位及吃嘢）經常吹吹貢！最後連啫喱都冇比（聲稱賣曬）又唔講！（咁是否扣返錢先）冇下次！唔怪得D人走曬去深圳吃飯！起碼唔駛受氣！

未試過特登寫衰邊間餐廳，呢間嘢真係無得頂，簡直串到無人可及😅我心諗，做得餐廳服務員就要回答客嘅問題係好正常，句句窒到唔想同佢多講一句，想最後講聲…嗰位先生，唔想做就不如返屋企唞啦，影衰嗮成個行業😅唔該…

服務態度極差，全程受氣，侍應大聲呼喝客人，千萬唔好幫襯。垃圾餐廳，做臭香港名聲，飲食界之恥！食物質素差劣，座位擠逼，員工態度極奇惡劣，寧願餓死都唔好幫襯呢間垃圾！

雖然話人比人，比死人，但係無比較又點知呢間真係最差。唔同高檔比，你話同1千幾百蚊一塊扒比，一定無得好講，就講平民鐵板餐，附近連埋佢一共有3間。（其他2間在始創對面，萬寧樓上）價錢佢最貴，鐵板肉眼扒9x元，碟上肉眼扒6x元，其他2間鐵板7x-8x元，碟上不用60元。份量佢最少，size三間差唔多，鐵板世家就最薄，厚度同大家樂早餐有得比。味道講真牛排味道就3間差不多，幾十元唔求太多。但講頭盤個湯同餐包，呢間又輸。個忌廉湯又稀又無味，餐包係室温嘅。服務呢間真係無得頂，頂心頂肺個“頂”。入座坐低食咗唔夠30分鐘，食完個扒，杯餐茶重未飲完，已經催你埋單比佢返枱。要做生意都唔使咁，其他餐廳都會比你45分鐘-1小時，佢一來無寫二來態度唔好。中年男經理全場呼呼喝喝啲待應，見到聽到都影響心情。加上待應全程企隔離睇住你食，等你一食完放低刀叉就立即收盤。你可以話佢做係爽手，不過等佢收咗盤之後催我埋單，我覺得咁樣係趕客。總結三個字：無下次PS 個個香港人放假返內地食嘢唔係無原因，香港消費者都唔係儍嘅，邊個想來回坐2個鐘車，過關人迫人？只係講飲食業，已經無得好比一來價格二來味道三來服務就已經比下去我明白香港租貴

難得在金魚街找到位置泊車，便在附近找吃的。我們叫了一個什扒餐（$128），一個蕃茄海鮮天使麵餐（忘記多少錢）。每個餐包一個湯，餐包，主菜，飲品同甜品，非常實惠。味道方面都常可，好似花園餐廳，好味過金鳳。如果鐵板餐配飯，份量十足，一個男人可能吃不完。最久違的是繞汁的時候，汁碰到熱熊熊的鐵板發出的「滋滋」聲同煙霧彌漫的情境，因為很現在很多餐廳的鐵板餐都沒有這種氣勢。。。繞汁的侍應叔叔穿著短褲和圍裙招呼，令我回想起星爺的電影😆海鮮天使麵沒有腥味，麵質不錯和彈牙。希望品質可維持。

每次經過通菜街想食鐵板一定會到鐵板世家，位於旺角通菜街188號地舖。 之前食過好幾次， 印像都不錯的， 但今次退步了，晚餐 ～ 鐵板肉眼牛扒拼豬扒、 海鮮天使麵、 凍檸茶少冰。 ◾紅白湯和餐包 ～ 兩款湯都好淡， 連餐包都偏硬。   ◾鐵板肉眼牛扒拼豬扒 ～ 兩款扒都比以前差了很多， 配蒜蓉汁， 牛扒沒有牛味， 豬扒質感好硬。 ◾海鮮天使麵 ～ 味道好淡，海鮮好小，天使麵好腍。 ◾凍檸茶少冰 ～ 凍檸茶點少冰，都係好多冰。 ◾啫喱 ～ 味道正常， 唯獨甜品跟以前差不多。 整體味道不似預期， 有點失望😮‍💨。 🏷️溫馨提示～ 整個用餐體驗均屬個人分享意見， 只作參考😊。

好耐冇食過嘅垃圾餐廳 兩大一細入去吃午餐 點兩份午餐 點知有位中坑 話唔夠數 細佬要點多杯野飲 真係火都嚟 佢態度之差 有辱香港 誰知道 食物之差更難想像 以為去了大陸三線城市 差到無論 大家千祈唔好去幫襯 等有能力的人去做 正 陀衰香港

忍唔住即刻開戶口寫食評，避免有人重蹈覆轍，今日老婆推介我同埋兩個細路嚟食，因為我先去泊車之後先入去，一入到去就見到個高級侍應呼喝隔籬枱個細路，叫佢坐埋啲唔好阻住條路，我即時已經反感，我坐埋位後發覺我個仔（二年班）張凳同隔籬枱個細路都係咁出，我即刻提醒我個仔快啲坐埋啲唔好俾人鬧，但佢啲凳有扶手想坐埋啲係有啲困難嘅，條路又真係窄咗啲嘅，因為我遲入去嘅關係，佢哋已經嗌晒嘢食，咁我啱啱拎起餐牌嘅時候頭先嗰個高級侍應就行埋嚟飲咩湯食乜嘢(老闆呀，我都未知你呢度有咩食點叫呢)，我當然望一望佢，叫佢話等陣，佢就好不滿走咗去，最後嗌咗份鐵板牛扒，但呢份牛扒，我發覺大家樂嘅好食好多，都算喇，嗰個白汁焗意粉冇味嘅，但個羅宋湯飲完又要飲好多水，都算喇，連杯檸茶都⋯，好又一餐唔好又一餐啦，但我冇遇過食個飯要全程睇人面色受埋啲呼呼喝喝嘅態度，杯嘢都未飲完就叫你走，我肯定唔會再去。其實我哋呢啲又唔係什麼食家，呢啲咁嘅急凍肉通街都係，間間都係咁上下，我都冇乜要求，但你打開門口做生意，可能你預咗啲客冇回頭，或者你唔志在啦。完！

好難食唔會再入尼囉無論多定唔多人都係趕人走咁既款，人地3個人又分開人地隔住中間2個人咁真係好差咯個意粉好難食，難食到食唔到咯卡邦尼汁變左水，咁樣蛋汁變炒熟蛋，wtf

上星期五晚（26/5）食完呢間餐廳，令我忍唔住第一次出post，以免大家再受氣。1. 我地一行七個人，五個成人，一個中一學生一個小二學生，坐低都仲睇緊餐牌，門口收銀阿叔已經吩咐侍應俾七個湯我地。侍應過黎問我地要咩湯，我話我地想睇下食咩先，跟住佢話：我地係要叫左湯先，你地七個湯，幾多紅幾多白？可能佢無咁嘅意思啦，但我地收到嘅暗示就係我地一定要叫七個餐，中一我可以接受，小二，點解一定要叫一個餐呢？佢明明寫住最低消費一人$20。為免麻煩，我地無反抗，叫左七個餐。2. 湯同餐包喺我地仲未決定到食咩，已經全部黎哂，侍應嘅高效率，一直keep住，我仔的意粉仲未到，佢就捧住一盤啫喱黎，問佢要唔要花奶。我話：佢意粉都未到喎。阿姐話：意粉係慢啲，咁你要唔要奶？我話：食完嘢我地先要甜品。阿姐話：你可以放喺枱度，食完嘢食。我再話：我唔想咁快要甜品。阿姐再話：你唔要我咪又係是但放出嚟，我唔會放返入雪櫃。3. 成餐飯我地真係好忙，意粉未到，要處理甜品，之後，阿叔叔又要我地叫飲品了。佢喺收銀位叫過黎，吩咐我地要叫飲品。我朋友講得唔太清楚，叔叔表示不滿意，我唯有大大聲，清晰地講一次我地飲咩，叔叔才收貨。但我唔明白，

這間餐廳充滿濃厚的香港舊式情懷，所有扒類都是用鐵板製作，讓人不禁懷念起昔日的美好時光。踏入餐廳，侍應立即問起我們要選擇羅宋湯還是忌廉湯，我們選擇了羅宋湯。在還未點主菜之前，就能品嚐到美味的湯和鬆軟的餐包，令人感到相當滿足。今次我們點了鐵板肉眼牛扒，選擇了三成熟的程度。上菜後，我們挑選了黑椒汁作為佐料，淋在滾燙的鐵板上，瞬間冒出陣陣熱氣和香味。再來談談這道主角的表現吧，肉眼扒的口感一流，肉質鮮嫩，三成熟的程度恰到好處，搭配上香濃的黑椒汁，更是美味無比。值得一提的是，牛扒下方還放置了香脆可口的薯條，作為絕佳的配角，與牛扒相得益彰。薯條外酥內軟，口感絕佳，讓人回味無窮。享受完牛扒之後餐廳更有甜品贈上，是花奶布甸。非常蘊含住香港舊時代的情懷。

去太子行完寵物街餓餓地走去搵嘢食🤤見到佢寫住鐵板世家🔥就走咗入去食🤣入邊個feel係好舊式嘅扒房🍴我嫌佢餐枱嘅位置太迫啦肥少少都坐唔到啊🥹真係用盡每一寸空間😆😆😆同埋佢啲侍應收碟速度超快😆諗起土瓜灣嗰間舊式，扒房又係咁！笑死嘢食嘅話都OK ！兩個人食咗兩個扒餐其中一個就係肉眼牛扒🥩第二個就係西冷牛扒拼雞扒🥩兩個都唔錯🤤牛扒啲肉好林🔥每個餐都有湯餐包有嘢飲最後仲有甜品🤤非常滿足！食完之後過嚟打食評點知見到好多人彈！😂😂但係食落就OK嘅！

嗌咗個下午茶，鹹牛肉蛋三文治，嚟到得兩塊白麵包夾住啲餡料都算喇。個店員出完單，仲要一下調落張枱度，啪一聲咁樣(睇埋佢就知道嗰個係老細)真心黐孖筋，服務態度又差又冇人理，依家嗌個下午茶好唔開心呀，俾咗少錢，人哋嗌鐵板餐就唔會咁樣，不過見到服務態度都係差㗎啦，咁嘅嘢都要$41啊，加埋杯凍檸茶。唔鍾意人哋食得小錢，咁就唔好整個下午茶出，真心比較呢個價錢食大家樂嘅公司三文治仲抵真心，至少唔會好似咁頹先啦。

 先講環境，坐位比一般茶餐廳還要窄，胖一點都會佔到2 個位。光顧是星期一的晚上， 附近還有好幾張吉檯，但職員硬是要把不認識的客人，擠到一張4人檯，東西都不知往哪放，極不舒適不是因為趕時間，打算隨便吃一吃，我們一定會離開餐廳不吃。餐廳內的職員的態度沒有很好 ，令我們感到很不舒服食物方面，除了熱的羅宋湯，味道正常，餐包是凍的偏硬，牛油是溶了再雪的那種。我們點了鐵板雜扒餐，和芝士鮮茄焗豬扒意粉。先說芝士鮮茄焗豬扒意粉， 樣子是漂亮的，有芝士，但味道非常一般。鮮茄沒多少塊，反而有西芹，感覺怪怪的不合口味。意粉是有茄汁，有顏色，看似好味，但其實沒有蕃茄味，汁很不夠，引致有部份意粉還是白色沒味道的模樣。豬扒正常發揮。鐵板世家的招牌，當然要光顧鐵板。 我們叫了雜扒，內有雞扒，豬扒，"梳打粉"牛扒，半條司華力腸。黑椒汁竟然不夠味，連我這個不吃辣的人，到感受不到黑椒味。當店員阿姐淋上汁的時候，見到的汁好像沒甚麼顏色。"梳打粉"牛扒，就是說已被梳打粉"乸" 到沒牛味，只是一塊不知名的薄肉，自己也不覺得自己在吃甚麼的。 豬扒我覺得有怪味，比焗豬扒意粉內的豬扒還差。正常發輝是雞扒。愛吃司華力腸的我，當然覺得這