鐵板世家

營業中

休息中

今天和朋友到旺角太子行街， 經過金魚街，見到有間吃港式鐵板餐的，名叫鐵板世家。它在旺角通菜街188號地舖，太子地鐵站B出口，行1-2分鐘就到。 門口黃色的中文大招牌 “鐵板世家” 十分搶眼! 門口放著一大個晚餐的告示牌：有七款不同鐵板餐和多款特色意粉和飯。 內裏裝修簡約，充滿懷舊氛圍：有琉璃波璃、紅色格仔枱布、梳化和藤椅和綠白色的地磚。我們一定是食鐵板餐，餐已包含主食、餐湯、牛油餐包、甜品和飲品； 加$10可加配白飯或意粉。 @羅宋湯、忌廉湯和牛油餐包湯好夠熱! 羅宋湯有蕃茄、椰菜、紅蘿蔔和西芹，鮮香味濃。 忌廉湯內有蘑菇、洋蔥，忌廉味濃，配上熱辣辣的鮮牛油餐包，特別好食! @鐵板西冷牛扒 (5成熟)當鐵板牛扒餐上檯時，店員會拿着兩桶的醬汁：燒汁或黑椒汁，給你選擇。 店員會提醒你拿起餐巾，當淋上醬汁時，渣渣聲的黑椒汁味的白煙就會升起，西冷牛扒很大件，5成熟啱啱好，肉質帶些筋，有口感和鮮味! 仲配上薯條和西蘭花，好正! @鐵板肉眼牛扒 (7成熟)7成熟都唔錯，肉質鮮嫩，醃製得牛肉很入味，配燒汁更惹味，配菜有西蘭花、車厘咖和薯條，好食! 雜果啫喱雜果啫喱加上大量花奶，滿滿兒時的味道。 凍奶

入面嘅裝修無論地磚、牆身都有英式西化嘅港色味道。餐廳名顧名思義係專主打鐵板餐，但係如果你想食意粉等等西式嘢都有其他選擇😀✨忌廉湯好濃稠，好有忌廉香滑質感，最啱點上鬆軟的熱餐包侍應一上鐵板，就問我哋要黑椒汁定燒汁，佢會即刻幫你淋上，成間餐廳就係咁咋咋聲，十分有氣氛✨鐵板西冷牛扒 ＄128+10（+意粉）我朋友嗌咗四成熟，肉質鬆軟額外加飯或意大利粉都只係需要+$10！✨鐵板肉眼牛扒 ＄128肉眼扒好有肉味，再加埋煎香咗嘅味，簡直覺得想嗌多份特飲只係需要加$8 ！✨菊花薏米水食鐵板唔會冇嘢飲，但係要揀個清熱氣嘅話，呢個係明智首選✨菠蘿冰粒粒大粒菠蘿，消暑一流！✨花奶啫喱驚喜地仲有甜品，好有童年回憶難怪呢度人流咁暢旺☺️

好耐未食過港式“据扒”啦，今日興之所致，同朋友食個晏，据個扒，懷緬下以前嘅時光先。餐廳好近太子地鐵站，行幾分鐘就到。餐廳唔算大，午餐時段已經好多人，望一望餐牌，原來午餐好抵食，餐湯餐包飲品再加個主菜都係$60-70，唔怪之得咁多人啦。紅白餐湯加餐包餐包軟熟，唔錯。紅湯有雜菜料，味道較淡。主菜緊係要揀好耐無聽過嘅“咋咋”懷舊鐵板餐啦。隨住鐵板餐上枱，待應拎住2個壺，分別係黑椒汁同燒汁，一淋上鐵板，咋咋聲作響，好香呀。鐵板肉眼牛扒拼豬扒2塊扒都大大塊，肉眼軟稔，豬扒都唔差，以為會比較嚡口，估唔到都唔會，而且有肉汁。鐵板西冷牛扒呢塊西冷比剛才嘅肉眼更大塊，更厚身，揀左7成熟啱啱好，中間少少紅，肉質軟稔，而且無筋，好正。波浪薯條都有唔少，熱辣辣。飲品揀左紅豆冰，啱哂咁熱嘅天氣呀。餐廳上菜速度夠快，而且份量十足，鐵板餐嘅回憶真係返哂黎呀！

「鋸扒」是不少港人出街食飯必選之一🍴懷舊鐵板扒餐更十分有香港特色😃舊式餐廳格局，格仔枱布，燈光昏暗💡環境算闊落，座位不會擺得過密，梳化卡位舒適，頗有懷舊情調🥹十多款鐵板餐有海鮮、豬扒、牛扒🐮鐵板上枱「滋滋聲」，香味四溢😍再淋上醬汁，味道更惹味💦份量十足，牛扒近兩吋厚🥩牛肉味濃，肉質滑嫩😙豬扒同樣厚身，香嫩入味🐷口感軟腍，肉味香濃，入口爽彈😋小食更有西多士、瑞士雞翼、炸雞脾🍗更有多款常餐供客人選擇😄飲品更有我最喜愛的懷舊椰汁紅豆冰🫘濃濃的椰奶味好香🥥配上大量紅豆，清新解渴🤩

今日去開旺角，朝頭早我哋嚟到通菜街裏面搵早餐食。呢度嘅裝修風格都懷舊，仲有綠色白色格仔枱布鴦走 - 少甜熱鴛鴦味道濃郁，咖啡味茶味恰到好處，朝早飲一杯提一提神沙嗲牛肉麵出前一丁麵嘅軟硬度適中，另外配上麻油，都幾貼心。牛肉份量都幾多，沙嗲湯底味道唔錯牛油多士+炒蛋+煙肉多士厚身，加上牛油之後更香炒蛋蛋味足夠，配搭上鹹鹹香香嘅煙肉十分配合紅豆冰粒粒紅豆味道濃郁香甜，奶味香滑。熱香餅配牛油及糖漿+漢堡扒+雞扒+炒蛋熱香餅新鮮做好好味，漢堡扒加上糖漿一齊食都唔錯，雞扒煎得香口，調味足夠，啖啖肉正奶醬脆豬一咬落去口感超級脆！豬仔包上面嘅煉奶同埋花生醬都好香濃好足夠久唔久食吓茶餐廳早餐，別有一番風味為一日嘅開始增加動力

老婆想鋸扒，原本諗住食花園，不過comment又麻麻地，行過咪試下。位比較窄，枱與枱之間條行都窄，尚可接受嘅，一坐低即問飲咩湯，正常，嗌左西冷同豬拼牛，正常係要等客飲哂湯先上扒，我老婆飲完，上扒ok，我未飲完，上扒，但其實張枱係冇多餘位放湯，咁即係要收走，差！味道尚可，起碼啲汁唔咸，餐包可以，牛油溶哂變流質，差！我諗花園點差呢啲基本嘢應該都keep到，所以冇下次。

有時行開金魚街個邊都留意到哩間鐵板, 價錢同一般港式扒餐差唔多, 質素都唔錯。牛油餐包同羅宋湯係我心目中就係鋸扒前既儀式, 必須要有。都幾多菜係入面👍🏻一份西冷, 一份肉眼, 兩份都大大件, 加埋好香有少少辣既黑椒汁, "咋"一聲個下真係正。薯菜份量都好足, 唔夠喉都可以加$10 要飯/意粉。唔知點解係D帶有少少懷舊色彩既地方食鐵板就好想飲番杯紅豆冰, 仲有凍檸茶, 就係香港味道。最後原來仲會送雜果啫喱, 重好有心地加埋花奶, 兒時回憶番哂黎!!

鐵板世家位於旺角通菜街188號地舖，是一家以精緻早餐聞名的餐廳。這些裝修已很難找到。經典懷舊，非常有感覺。他們的沙嗲牛肉公仔麵搭配午餐肉、香腸、奶醬和豬仔包，每一口都散發著濃濃的香氣，肉質鮮嫩多汁，讓人回味無窮。而他們的雙拼早餐包括香煎雞扒和可選擇，經典「福」字麵，口感絕佳，讓您一口接一口欲罷不能。好像返返去細個嘅時候嘅味道。🥢🍜🍖🍳🥪☕🍹🥤除了美味的主食外，鐵板世家還提供精選的凍咖啡和凍奶茶，清涼爽口，絕對是您開啟美好一天的最佳選擇。整個用餐體驗充滿了時尚和舒適感，享受一場美食。🍽️🥞🍳🥓🍜🥪☕🍹無論是單獨享用美味早餐還是和摯友共聚一堂，鐵板世家都能滿足您的味蕾需求。食物新鮮美味，服務親切周到，絕對是您品嘗美食的理想去處。快來鐵板世家，感受美食與時尚的完美結合！🎉🌟👌

我們去旺角食午飯，這間餐廳每日的午餐都不相同，我倆叫豬扒拼鴨胸配薯條及肉眼牛扒意粉，套餐包括例湯及飲品。豬扒肉質嫩滑，咬口不錯。最特別的是菊花薏米水，因很少餐廳會有的，這杯飲品有很多薏米，又不太甜，很適合這個炎熱天氣飲用。

鐵板世家今次要介紹喺旺角嘅一間「鐵板世家」餐廳，呢間餐廳門口有一級，我又自備咗一塊斜板，餐廳入面比較逼，好彩我部輪椅都入到，店員好好人幫我搵方便位置比我坐！1.西冷牛扒配飯+羅宋湯$66+紅豆冰$8（9/10）呢個西冷牛扒配飯揀咗黑椒汁，黑椒味算強烈，西冷牛扒有一塊細同一塊大，牛扒生熟程度啱啱好，估計都有六成熟，好好食！羅宋湯：入面有大量洋蔥、蔬菜同紅蘿蔔，仲有少少牛肉碎，羅宋湯酸酸地辣辣地，唔錯！紅豆冰：最後嚟一杯紅豆冰，紅豆煮得好淋，唔會有硬紅豆出現，成杯紅豆冰會好甜，跟餐價只係需要加$8，非常抵飲！2.香煎豬扒拼牛脷配意粉+忌廉湯$63+菠蘿冰$8（9/10）呢個香煎豬扒拼牛脷意粉揀咗黑椒汁，果塊香煎豬扒肉質唔會好鞋，煎得啱啱好，牛脷一大條，牛脷肉質好軟淋，加埋黑椒汁配意粉已經好耐無食過，意粉彈牙好掛汁，好好食！忌廉湯：呢個忌廉湯好濃稠，唔會好稀，入面仲有打碎咗嘅粟米粒，好好飲！菠蘿冰：呢杯菠蘿冰好鬼甜，仲加咗大量梳打水，妹仔仲有大量菠蘿果肉，飲落好清爽，跟餐價只係需要加$8，非常抵飲！3.法式厚切吐司$40+凍檸茶$3（9/10）呢個係下午茶套餐，我叫咗法式厚切吐司，一遞上枱見

大家好今晚到左位於太子既鐵板世家食扒這間店係在金魚街裏面都係一間港式既扒房果日叫左兩個餐首先上左紅白餐湯各一羅宋湯都係好正宗既港式羅宋湯比較多番茄味同蔬菜忌廉湯就比較滑用麵撈果種配幾鬆軟既餐包跟住上埋飲料加8蚊既紅豆冰同菠蘿冰紅豆冰都幾多紅豆而菠蘿冰都一樣幾多菠蘿溝埋雪碧甘樣既都幾好味主菜方面叫左五成熟鐵板西冷牛扒這個牛扒都係在客人面前淋汁比較有儀式感牛扒五成熟中間係紅色控制得幾好牛扒應該係有少少醃過但都完全食到牛肉既質感比較嫩滑配黑椒汁比較惹味仲有粗薯條放碟底可以吸收牛扒汁同黑椒汁另一個主菜係芝士焗流心蛋肉醬意粉這個肉醬意粉用左流心蛋蛋汁比較多多左D蛋味而且芝士都好多肉醬既牛肉粒比較粗比較食到有肉既感覺而個醬汁都有蔬果好似番茄紅蘿蔔同西芹最正係最後仲有什菓啫喱送總括這間店好有港式扒房既風味

旺角新開平價鐵板世家，鐵板餐多達十款選擇，另外仲有意粉、焗飯、咖哩，全部晚餐都奉送餐湯及餐茶，好抵食。餐湯：我哋叫左一紅一白，羅宋湯好足料，有很多牛肉碎同埋大量既蔬菜，味道濃郁；忌廉湯綿滑可口；配上鬆軟既餐包，最佳組合。每份鐵板餐都配薯菜，只須另加$10就可配埋白飯或意粉，醬汁可選黑椒汁或燒汁，仲可以免費加汁。鐵板龍利魚柳：魚肉雪白細膩，厚身啖啖肉，配上兩片檸檬，美味無窮。鐵板珍寶什扒：上枱好吸引眼球，疊至幾寸高，每份有齊牛扒、豬扒、雞扒、珍寶腸和煙肉，非常豐富，肉質軟嫩，煎得香口。菠蘿冰：菠蘿甘甜解膩。紅豆冰：紅豆煮得香甜好飲。食飽後，店員隨即送上雜果啫喱，食埋甜品真係大滿足。總結，鐵板餐定價親民，份量十足，服務殷勤，值得推介。

呢晚朋友約喺太子食飯見到呢間鐵板世家諗落好耐都冇食過港式鐵板同埋好耐冇聽過啲汁倒落鐵板吱吱嘅聲音2個肉食獸諗都冇諗即刻入去食入面環境光猛乾淨 裝飾有啲懷舊雖然成間都係食鐵板但又唔會好油煙 餐牌設計都好港式一百蚊左右就已經有鐵板薯菜+餐湯+餐飲加$10 仲有飯/意粉 幾抵食餐湯紅白都好好飲羅宋湯好足料白湯好creamy好rich跟牛油餐包食一流珍寶什扒$128 份量唔惹小 有牛扒、豬扒、雞扒、煙肉、腸仔下面仲有大量薯條上枱時店員會問想要燒汁定黑椒汁再咋一聲淋落去吱吱聲加埋勁吸引嘅賣相 好開胃幾款肉都好香好好食 軟嫩juicy 好啱送飯朋友要咗西冷牛扒$128要咗3成熟 上枱時再吱一下 熟度剛剛好入面呈嫩紅色 食落去好滑粗薯條勁正 好脆 食到停唔到口食完鐵板仲有甜品😛花奶啫喱好好食 入面真材實料 真係有果肉食完真係好滿足飲品加$8就有紅豆冰或菠蘿冰兩款都係勁多料 勁解膩 食到捧住個肚走🤣

餐廳裝修好別緻😍濃濃嘅香港情懷feel🤩🤩唔單只係裝修😆係食物帶俾你嘅感覺都一樣😌😌回到兒時咁😍食物款式選擇多，咁就叫左鐵板西冷同肉眼扒，仲叫埋咖喱雞飯😝非常豐富😋😋 我哋叫咗一個紅湯，一個白湯餐湯羅宋湯超足料😏🥕味道酸香，好味😋忌廉湯就係以前細個飲嘅味道😌😌甜甜地既餐包🍞熱辣辣😊配上牛油，鬆軟好味😉 鐵板牛西冷配薯條跟洋蔥汁🐮份量超大碟！肉厚勁嫩又多汁，叫左5成熟🤪佢真係做到🤩🤩🤩靠鐵板嘅熱力，啱啱好👍🏽薯條炸得好脆😌嚟到嘅時候職員會拎住大大桶汁淋上去😝 滋滋既聲音，即時香氣滿溢😍😍😍牛肉眼扒跟薯菜黑椒汁🐮肉眼扒超淋，冇咩肉味，但係呢個就係以前香港情懷嘅鐵板餐，超級懷念，黑椒汁味道香而不辣👍🏽香濃咖喱雞扒飯🐔果然係香濃咖喱就係有濃濃嘅咖喱味加少少辣😋好好送飯👍🏽甜品就係雜果啫喱🤩🤩所以選擇加花奶或者唔加😊😊呢個絕對係懷舊之選總括嚟講餐廳性價比高😌😌絕對可以滿足到香港情懷☺️☺️

而家好似已經唔多地方食到呢種價錢親民嘅傳統港式鐵板扒餐，性價比幾高鐵板珍寶雜扒、鐵板肉眼牛扒(各$95) - 汁可以揀黑椒汁同燒汁，雜扒餐有齊雞、牛同豬，仲有司華力腸同煙肉，薯菜又多，大大份勁抵食；肉眼牛味都幾香，肉質軟腍，質素唔錯餐包夠熱，軟綿綿少少甜，搽牛油勁好食；個人幾欣賞個紅沙，辣辣地又足料；白湯夠濃稠，口感唔錯凍奶茶(+$3)、紅豆冰(+$8) - 茶底夠濃，幾亞神；紅豆冰椰香夠，甜度啱啱好，啖啖都飲到紅豆，好滿足lunch嚟講選擇都唔少，除咗鐵板仲有焗飯、意大利等，常餐都有店面乾淨闊落，冷氣又夠，坐得幾舒服，有機會會encore