長浜No.1拉麵

營業中

休息中

拉麵，好個人口味一碗簡單既拉麵，食得出師父既心機從湯頭，叉燒，麵，配菜任何一樣有少少不對板，就已經影響到成碗麵而今次食既呢碗，個人而言，算係不錯，但只有叉燒帶到驚喜俾我，因為有食得出有心機燒過，並不行貨。加左温泉蛋，但都係不及豚王既入味，蛋黃又不夠糖心。但湯底不俗，不太油但又夠濃！麵係扁身既，質地都很好！我相信如果不是米芝連推介既名銜，食之前我既期望無甘高，我對呢碗麵既滿意度應該會更高！(講真，位置不算方便，所以有少少期望都算合理吧!)

豬骨湯好濃好厚， 香港好少見 。玉子好軟又香又結有流心，紫菜索左湯超正，叉燒夠厚唔靱店員親切有禮，裝潢樸實。呢間拉麵係我香港食過最好味嘅難得唔駛排隊，一定會再來呢！第一次食評，掛住食冇影相

放工特地黎到位於九如坊既拉麵舖由於佢晚市晚上6點先開門，所以去到時都無咩人，唔駛等位👍🏻有6款拉麵選擇，其實6款都係大同小異，湯底除左辛味噌之外其他都係豬骨湯底，只係配料有唔同配搭。佢同一段正宗拉麵店一樣都有得揀硬度香油...蔥同蒜都一定要落啦緊係！我叫左個辛子高菜拉麵 加玉子賣相相當唔錯！高菜非常惹味，令到我胃口大增❤️叉燒唔係就咁一舊白色既肥豬肉，佢係燒過又香既叉燒，食落一d都唔油蛋都幾好，唔會完全無味又唔會好熟！湯底唔會好油好濟，全部配料加埋一齊有少少辛辣既味道👍🏻份量亦岩岩好，對我黎講唔會太少又唔會飽到食唔落，但大食既人黎的話可能要加底/叫多其他小食啦😂一定會再黎食，佢係我係香港食過最鍾意既拉麵❤️❤️❤️❤️❤️❤️

你間鋪頭喺上環, 其實都好隱蔽嘅喺九如坊, 其實我都唔係第一次去㗎啦, 第一次行緊呢間拉麵嘅時候, 發覺佢真係好有日本feel啦, 再加上以為係普通嘅呢, 食落真係好好味呀,特別係以下嘅食物, 拉麵好彈牙, 湯底好濃, 紫菜好脆, 雞翼好味, 牛舌無得頂, 真係 好正. 同埋都有好多款式, 可以畀客人去挑選呀, 特別係嗰個 number one啦我都幾鍾意㗎.

久聞這裡的大名久矣, 因有朋友說這裡是她吃過全香港最好吃的拉麵. 上一次來時迷路而誤打誤撞去了另一家麵店--麵三館, 頗為好笑. 這次在上環試酒後專程而來, 5點半已到了附近坐著等到6點便進去. 跟現時大部份的拉麵店一樣, 蔥, 蒜, 麵硬度等均可按喜好選擇. 湯則是似豚骨為主再作變化. 桌上有標準配置, 冷水, 辣芽菜. 店面頗大, 但不以吧枱位為主, 讓數人同行的客人方便圍桌而坐. 點的是招牌拉麵, 材料上較豐盛. 除一隻半熟蛋外, 有4片义燒, 紫菜, 木耳, 酸菜等. 湯裡頭的酸菜混著湯麵同吃, 令味道多一種變化, 這方面不錯. 整體拉麵的平衡度ok, 但不算驚喜. 湯底是相對不太油膩的豬骨湯底, 味道不錯. 但有點不夠細緻.流心蛋不太流心, 調味上亦略淡. 义燒是整碗麵最欣賞的地方, 肉味既濃厚又帶點焦香的味道, 一小片已比別家大片的义燒更有滿足感. 麵用上的是幼麵, 有點彈性不足的感覺. 翻食指數: 60分.  拉麵質素不錯但不突出, 地點不太方便, 再來的機會不大. (此指數平衡店舖交通, 味道, 環境, 價格... 等等, 個人作出的評價.)

復活假期第一日係上環搵食，見呢間都幾多好評就入去試試，兩點幾兩個人唔駛等位，鋪頭細細，好有日本特色，場上面寫左好多日本字既小食，廚師都好似係日本人，侍應態度都好友善，餐牌選擇唔多，只係得六款，野食係自己畫紙既，可選麵既軟硬度、香油加唔加、要唔要蔥蒜，叫左個豬骨湯拉麵$79同no.1拉麵$99，豬骨湯味濃郁、不要有少少潔身，d麵就係幼幼地果種，我叫左麵要軟d，真係好似林左少少。no.1拉麵$99 叉燒係半肥瘦果種，好林唔鞋口豬骨湯拉麵$79同no1差唔多味，不過無咁多餸

今日係上環做完facial，所以就諗住就地搵下野食。上網見到附近有間拉麵店好有特式，所以就去左試下喇。由地鐵站行左10分鐘左右，就到左依間拉麵店。係門口見到地方都唔算闊落，但感覺幾有日本feel. 職員出黎招呼我地既時候同我地講日文😂入到去我地被安排左係靠牆既位置，個位夠放我地既隨身物品，餐牌中日英對照，牆上面仲有d牌仔掛住間鋪既菜式，都算係舒服既，加埋個日天氣好好，我地個位又望到出面，感覺都好舒適，而個陣間鋪唔多人，所以第一印象都幾好。坐低之後我地嗌左一個豬骨湯拉麵同埋no. 1拉麵，香油蒜同埋䓤都只可以揀要或者唔要，對於重口味既我黎講，食親拉麵都想要多香油，依一點實在係有少少不足。野食好快黎到，賣相正正常常，冇乜特別既地方，飲落個湯有d澀口，個麵唔知係因為浸耐左未食定係點，食落好淋，去到最尾個感覺好似有d脹左好淋好爛。不過如果唔係去到最尾既話食落都ok既。而個no. 1拉麵其實都八九不離十，材料就多左既，多左一隻溏心蛋同兩片肉，不過個麵都係偏淋，越食越章口，但d肉同埋個配料都係ok既，只係個麵都係越早食越好。總括黎講，今次依間野，如果唔計個麵既話其實都ok既，算係正正常常咁，位置雖

今日同外國朋友找日本菜，見到呢間拉麵，入去一試，非常不錯!我點了no.1拉麵，朋友就點了辛拉麵。no.1拉麵份量足，湯底不錯，拉麵軟硬剛好，有掛湯! 叉燒雖未有入口即融的感覺，但口感尚算ok! 唯一美中不足就是紫菜唔夠脆。地方不大，服務不錯。

Yummy authentic Ramen!! Went there this afternoon for lunch at 2pm! I ordered their signature noodle, you get two 1/2 boil egg and 4 pcs of BBQ pork! Size quite generous and soup base very yummy! Best of all is that you can just add $10 for extra noodle ! Good place for a quick lunch!

上環 E2 出口行幾分鐘就到一向對拉麵無咩特別感興趣，因為食開拉麵都覺得偏鹹呢間拉麵店得6 款拉麵揀，我揀左玉子拉麵。好似其他人咁講，個糖心蛋既蛋黃真係整得有啲實，食落唔算特別好食，無咩糖心蛋既甜，多多鹹，但都算係咁啦！仲有木耳絲、一塊紫菜、蔥花作配料，都係得好少，係點綴來，無咩話特別好食同難食。重點就來試湯底，個湯底我食既呢次係整得好濃郁杰身，飲落似係似緊骨膠原蛋白豬骨湯咁，濃得黎唔會覺得佢好鹹終於搵到間岩我口味既似樣啲既拉麵店拉麵我叫左普通軟硬度，都正常口感，麵既份量漸成碗野極大部分，食得耐會feel 到飽飽地（女仔份量），不過如果可以，下次我會試下硬口感。因為依家食耐左覺得有啲似公仔麵個口感hahahahaBtw, 個湯底真係淺嚐一兩口就夠，食完我口渴到晚餐時間

Weekday晚上來不用等位，可惜朋友仲未到，入去坐住等，想幫朋友先order，欣賞店員堅持要等客人到才上。落單紙清楚方便，可選麵硬度、要唔要蒜蓉、蔥，揀左no.1拉麵。有多種配料，半熟卵、叉燒、紫菜、木耳等。豚骨湯底濃郁和麵質配合不錯，有quality的拉麵。

收工同朋友泥食，位置有D難搵去到已經身水身汗🙄行到咁辛苦坐低order完當然好期待上泥既食物啦，不過講真食完係有少少失望⋯叫咗最basic嘅叉燒拉麵，個湯好淍而且好咸又溫，可能有人會覺得咁嘅湯底好正不過吾係我杯茶🙃之於D拉麵，都正常嘅不過鹼味有點重同埋我朋友叫咗正常面質，但係過軟好＂淋＂整體其實都還好不過只可以話一般，沒有很特別或者好好食

星期五晚去開上環探朋友，朋友介紹左佢屋企樓下既拉麵店。一去到，岩岩有人走，所以可以直接入去坐。呢到拉麵有幾款，其實睇清d，係一樣，只係配料唔同，要唔要玉子，要咩肉，要咩配料，懶得選擇，就決定左要No.1拉麵，咩都有齊。呢款有肥瘦叉共4塊，有糖心蛋同3種配菜：木耳，蔥同酸菜（唔知係咩，因為其實無咩味）呢個湯底好濃味，食得出得煮出黎，唔係溝唔黎。個拉麵係白白地色個隻，比較林身，無咩口感。呢到既叉燒好好食，肥叉燒一層肥一層瘦甘，食落唔會好油，同埋肥叉有用火燒過，所以特別香口，唔肥膩。瘦叉都唔錯，唔會好乾身。一肥一瘦甘間住食，岩岩好。隻糖心蛋就普通d，個蛋黃唔夠流心，同埋唔太夠甜，好彩仲好滑。有3種配料令到食拉麵個時無甘齋，木耳切到細細條，可以增加食拉麵時既口感。唔夠配料，仲可以有任食既辣豆芽。好爽口，不過有少少辣，個辣味會影響個湯底，所以千其唔好直接加落碗麵到。雖然拉麵既質地我唔係特別鍾意，不過個湯底同配料都好正，朋友果然無介紹錯。（一路食既時候都見到好多人排隊等位，質素真係有番甘上下）

拉麵向來是我的最愛，幾乎每一見拉麵鋪就有衝進去吃的衝動。在這裡也是照舊吃了一個叉燒拉麵。這個拉麵的湯底呈鮮褐色，看來十分濃郁，碗沿放著一片紫菜，賣相不俗。先喝一口湯，真的很濃郁! 香氣滲人，質感香醇飽滿。叉燒也有驚喜，看是先拿去烤炙過的，所以邊緣微微焦香，令叉燒的味道更上一層樓。麵條不過不失，幾有勁道。是一碗幾令人滿意的拉麵。

同事很想食拉麵，我隨口講了中環5間我食過的，然後佢揀了這間位置相當遠、位於九如坊的這間長浜No.1拉麵這間我之前吃過一次但沒有寫過食評，也好！就讓我補回來吧！店子小小，烈日當空迫於無奈在門口等了又等等了約莫15分鐘，可以入內全店有4個店員，其中一個是日本人師傅，一個是其助手，男店員有點笨手笨腳，不過態度不錯女店員就頗為能幹餐牌上拉麵選擇只有6款我選了冠名之作「No.1拉麵」全部揀了普通，乜都要。No.1拉麵($98)有紫菜和叉燒各4塊，附有木耳，溏心蛋和一些高菜。其實叉燒面頭兩塊和下面兩塊是有分別的，底的兩塊明顯較瘦。它最令人印象深刻的還是其湯底，非常的濃厚，色澤雪白在香港我吃過的拉麵當中，長浜No.1拉麵的湯底是Top5之內。口感飽滿，沒有溝粉之感。完全豬骨的精華都滲入其中。其麵底則屬於幼細款，我自己會覺得佢麵底的蛋香稍為不足不過吸收湯底方面就相當不錯另外美中不足的我會覺得反而是它的溏心蛋過份凝固了沒有半融的狀態已大為扣分而且吃下去味道亦沒有甜而不膩的感覺是為敗筆另有免費的芽菜(辣)配料可添加來吃不過我覺得既然湯底已這麼濃，再添芽菜就顯得太咸了如果不計湯底，長浜No.1拉麵由拉麵以至