長發海鮮酒家 (已結業)

話說今晚鰂魚涌開會，開完7:30就喺附近搵間酒樓食飯，其實晏晝都成日嚟長發飲茶，啱啱今日晏晝飲完茶，夜晚又來食火鍋🍲因為佢真係好抵食，$168免+1任飲任食，啱晒我依一班大食嘅同事😆 ，仲要生日免一位，再送壽包🍑真係抵食到不得了！同事唔食豬潤，又叫鬼死咁多嘢，搞到我一個人食啲豬膶😱雞子都係任食，我起碼食咗10幾廿粒，唔知係咪加埋豬膶太補，搞到食完之後隻眼下面即刻生咗一粒好大嘅瘡😭基本上你點乜嘢佢都會嚟齊，好唔好食就見仁見智啦，將貨就價，咁平嘅價錢唔可以要求太高😬個經理都好好，生日已經免咗一位，仲送埋壽包俾我哋🍑

第一次食長發訂了18:00吃晚飯去到先知道下層已經不能安排位置因為訂位時沒有說所以我們好幾個人小心翼翼扶著94歲的阿公爬樓梯唔係櫃台既人唔不幫忙係我地真係蠢忽略左中秋前後每檯大檯都會好似我地咁一定至少有一位老人家或行動不便的人行 樓 梯 會 好 辛 苦下次再去就記得注意 訂檯時好好說明服務都唔錯架係有啲死板囉主動換碟好細心但佢係以佢專業判斷邊啲換邊啲唔換我地遞俾佢換佢會拒絕 然後指著隔離果隻「果隻多啲骨」又上左省水環保一課蟶子40/隻但口感像蠍似橡筋跟他反映也免了那碟錢我就說服務好了吧係喇 價錢都唔錯係幾優惠每人200幾食到好飽

前幾個星期六，都要晨咁早去到太古坊，為每年20多小時的 CPD 學分而努力。一早九點正要上的堂，我因為住得遠，提早了許多出門口，到達鰂魚涌時，仍未到七點。要打發時間啊，而且我又未食早餐，在落車的巴士站附近，見到一間很有本地街坊 feel 既酒樓，就二話不說，推門入來這一家《長發海鮮酒家》飲個早茶。飲早茶，當然看看他們有什麼早市的特價點心啦。我一坐低，就看中了他們的早市孖寶。是一盅飯加一個點心。而點心方面，我選了這一個水晶餃。餡料就是碎蝦肉同碎雜菜，有足夠的鮮味道。此外，餃子的皮做得很好，夠晶瑩剔透，也夠煙韌。燒賣，是原隻大蝦的燒賣。份量足，很香，入口的味道是鮮味的，蝦味鮮，豬肉味既香又滑。大細不等的燒賣，看得出是自家師傅製作而不是廠房大量生產的點心出品。早上，一盅兩件最是令人開心，所以，我有叫一盅鳳爪排骨飯。這是早餐的份量，細細地，剛剛好。四份一隻鳳爪，有適當份量而且熟到完全離骨的肉排，已經不理會這飯是不是完全是生米蒸熟的，加上甜豉油，就是好味道的一盅鳳爪排骨飯。點心幾好播，我既 schedule 係要來鰂魚涌三次，三個星期六的早上，第一次雖然貢獻了給茶餐廳，但之後的一次 (執筆時已經

又到左每個星期最期待嘅時間，冇錯啦！就係星期日朝早同屋企人飲茶嘅時光！今個星期日就係屋企人推介下，揀咗一間位於港島嘅酒樓長發有分上下兩層，樓下地廳係唔搭位，樓上就係任坐，自己搵位嘅，皆因我哋想食得舒舒服服，所以就揀咗地廳，因為我哋嚟得都算早，10:30到，所以唔使等位就入得咯紅棗糕好煙韌，黏性重，不過如果係薑汁紅棗糕就更加好食啦腸粉就可以唔使嗌，皮雖然煙韌，但係有啲厚，一般呢個沙嗲金錢肚好味，金錢肚炆到好淋，非常容易入口，不過比較遜色嘅就係蘿蔔，太爽，蒸得唔夠淋我哋四個人食，埋單都只係$250樓下⭐️溫馨提示⭐️如果大家都想好似我地咁食得咁平，就要記住11點前落單啦，佢啲早晨孖寶都幾抵食㗎！😋

星期日又係family day既日子，一家人食咩好？飲茶最適合不過。今次向鰂魚涌出發，試下長發海鮮酒家。今次總共叫左9個點心，雪山叉燒包、潮州粉果、沙爹金錢肚、叉燒腸粉、山竹牛肉、紅棗糕、鯪魚球同埋鮑片滑雞粥！先講好食既點心，菠蘿包皮既叉燒包同平時既中式叉燒包口感好唔同，不過都係好食既！沙爹金錢肚係極力推介既一款，因為好淋同埋好入味，但蘿白就好爽口（應該未熟晒），我唔食蘿白既所以覺得冇咩所謂！山竹牛肉、紅棗糕、鯪魚球、粉果、粥就正常味道，冇咩特別！差既有腸粉，上枱時已唔熱，所以啲皮好厚同硬。總括黎講係一間普通質素既酒樓！

難得今日早收工，一於就約屋企出街食啦，聽老豆講屋企附近有間酒樓有做任食火鍋。就聽佢講去試下啦。可能因為未到晚市時間，6：30左右冇乜人，我哋一到就有大枱坐。冇理，把握時間即刻叫嘢食先！肥牛、雞子、牛柏葉、烏冬、鮮蝦雲吞，呢啲絕對係食火鍋必叫㗎啦，質素唔差得去邊，水平一般般，係個肥牛片真心有啲老咗少少。後尾仲補加咗豬肚、魚滑、魚豆腐、響鈴同腸仔。個人最鍾意係鯇魚片同生海蝦，個海蝦好大一條而且夠鮮。最後同大家開估，呢間係位於鰂魚涌嘅長發海鮮酒家。

同一大班人行完山，過嚟不過依頭覓食，見到依間鋪頭好吸引於是入咗嚟，等左一陣就有位，埋到位我哋幾個帶咗好多嘢食：福建炒飯炒飯、牛展、雲吞皮炸牛肉... 但鋪幾張圖已經好正😝特別推介係依個炸雲吞，出邊係雲吞皮，裏面係牛肉球，我呢個大鄉里第一次食，一食就覺得超正😁好小可係而家嘅茶樓食到咁有特色嘅嘢食，一食難忘，推介離一定要食呢個👍🏻

有時都會去幫襯鰂魚涌長發飲茶， 食物不過不失， 冷氣凍到雪房咁，啲碗有時會洗唔乾淨有漬，今日下午1 點9 入座，特登吾等茶市吾洗同人迫埋同一個時段，坐係306 號檯，一坐底好快遞左點心紙比短髮女部長，隔左20分鐘都未有野食就問下該名女部長幫手睇睇係未漏單，我地好聲好氣叫佢睇睇佢hea 我地話就有， 等左35 分鐘再問佢話今日人多要等，等到45 分鐘隔離檯都有曬野食再問佢都仲要死撐話包同燒賣係要蒸好耐，係咁嫁啦咁，但係隔離檯都有叫嘅腸粉都黎左但我地都未有，之後黑住面走左去，搵個男部長幫手佢話原來漏左單啱啱先落返，一句吾好意思都冇!完全吾明佢地個優質旅遊服務係點樣黎

明白人多工作忙是會暴躁，但開口罵客人又是一個正確的發洩途徑嗎？因有其他家人未到齊，小朋友又肚餓，所以我家人把餸和飯分開兩次落單，可能真的對你們做成不便，但有需要出口責罵客人嗎？“點解你呢張枱咁得意嘅，係都要分開兩次叫餸嘅!”樣子和態度請各位自己想想我們啞忍，待飯後致電經理投訴，經理回覆，“是這樣啦!現在的伙記是不能責罵啊！因他們會隨時辭職!”你有不滿，唯有我同你講對唔住囉！小姐，你滿意未!各位如有興趣，隨便去感受吧!

今日放工前，成班同事一齊開會。開完會之後，其中有同事話附近酒樓book左樓食打邊爐。見佢地咁有心，一定要去啦。去到reception，搞左勁耐先有位，點知上到去，原來夜晚係無咩人。咁都難怪既，鰂魚涌既商業區，夜晚好少人，附近又無咩住宅。但唔知點解要等咁耐。終於有位坐，咁住開開心心食野，但由7點半落單，到8點15分都未有野食。得d調味料同野飲任飲。攞到成枱都係調味料都未黎野食。等左好耐終於黎到，但野食唔太吸引，好一般，款式唔太多，沙嗲湯底好淡。唯一加分既係比較平。

午餐搵唔到位？長發啦! 長發係鰂魚涌打工仔較經濟飲茶既選擇，最重要係佢既質素同價錢都keep 到，坐位唔算太迫，有些酒樓真係迫得太緊要，畢竟中午飲茶都離不開傾下公事，太近隔離熟就唔好啦，長發既點心唔錯，炒粉面飯都非常可取

細細個成日同屋企人去茶樓，大個左仍不時會記掛著一盅兩件。經過長發就衝左入去飲茶食點心。酒樓內部裝潢比我想像中新淨，燈光鮮明，最重要係夠衞生。鮮蝦燒賣大大粒，有蝦肉同雞肉，仍保留肉的質感，調味也ok，但如果加埋冬菇，應該會更香口。沙嗲金錢肚都好食，金錢肚軟淋入味，底下鋪了白蘿蔔，吸收了湯汁，精華所在。

難得齊人，今日中午就約埋去飲茶！我哋好耐都無幫襯「長發」，嘢食似乎比公司樓下果間多，不過街坊酒樓，食物款式就當然無咁精美㗎啦！#小秘書 拎住張點心紙，不由自控咁係咁劃，六個人食11個點心，加碟豉椒魷魚炒河，勁喇掛？！🤣 點心味道唔錯wow，尤其我最鍾意個牛柏葉，好鮮味👍🏻不過個女侍應實在太離地，凌空拎住個水壺幫我哋加水，仲要唔係好手勢果隻😰啲水彈哂出嚟💦 我哋提吓佢... 反而比阿姐啤返轉頭🤨 咩世界？

兄弟來電，話請食生日飯，又係遲左三個月，即係我的百日宴。今天在鰂魚涌工作後，順便在附近晚餐。首要先剔除快餐店，不能久座的地方。然後目標是環境舒適，可以坐足几個鐘，不會趕客走的餐廳。看到這家酒樓火鍋任食，價格合理，可享用2.5小時，抵左。　雖然没有提前訂位，兄弟在六點到達仍可入座。　這次是火鍋任食任飲，二人於四人枱就座，才覺得足夠。食物方面，没有羊，没有鱔片，没有很特別或貴價食材。最貴應該是肥牛吧！下單後，馬上到飲品部和醬料部。飲品任飲，發現有羅漢果茶，清咽利喉，正！平日教仔，真係聲都沙。有羅漢果茶就無有怕！　鍋底：澳門豬骨煲，有胡椒黑椒，八角和全熟的豬骨。植物類火鍋料　　　白蘿蔔要最早下鍋，需要長時間，慢慢煮至軟身入味。個人覺得這是最美味的火鍋料。　炸芋頭　平時少嚐到炸芋頭，所以任食火鍋也要來一份。粉粉的芋頭，在口中充滿澱粉質的感覺，正。大豆類 炸枝竹／响鈴　配芫茜蔥，一流。還有大量青菜，菇菌類，丸類等常見的火鍋料。肉類火鍋料肥牛　一層肉，一層脂肪，紅白分佈平均。調校細火，慢慢浸熟肥牛，在粉紅色剛消失之時，就是牛肉最滑的黃金一刻。脆肉鯇骨腩　脆肉腩真係好脆口，但没有魚應有的鮮味。豬膶　

基本上午餐時間，諗唔到食咩，又唔想趕住食，被人趕，就會去長發飲茶，其實鰂魚涌一帶不止長發一間，但論價錢、環境，長發實屬不二之選，價位合理，飲茶食得飽大概每人80-90，枱不會太密，至少傾計都唔怕比隔離忍枱聽到哂，最重要夠哂多位，有上下兩層，人多人少都好易搵位，就算要等都好快有位今日午餐又大夥兒去長發飲茶，食物質素一向的平均，特別值得一讚是燒腩仔，又夠熱又夠脆，好多酒樓既燒腩仔都會又凍又淋，所以真的抵讚另外一個每次必叫就係雪山叉燒包，墨西哥包皮拼叉燒饀，好吃好吃打工仔可能不知，其實長發晚市小菜都好抵食，70-80一個小炒，大大碟，水準ok, 值得一試