開心餅店

營業中

休息中

人氣店舖Happy Roller以售賣爆餡日式卷蛋而聞名，而Happy Roller正正就是這家傳統餅店「開心餅店」的副線。卷蛋必須要預訂才確保有貨～～是日要到旺角區交收，便來開心餅店一趟，選購生日蛋糕為妹妹慶生。第一次踏足旺角店，一派傳統舊式餅店的格局，售賣多款港式麵包和蛋撻。雪櫃內有傳統瑞士卷蛋、糯米糍、芒果班戟等等，原個蛋糕有雜果鮮忌廉蛋糕及黑森林蛋糕之類，當中有兩款新式蛋糕比較顯眼，分別是士多啤梨芝士奶蓋蛋糕🍓及芒果芝士奶蓋蛋糕🥭。士多啤梨芝士奶蓋蛋糕🍓除了面層鋪有原粒士多啤梨外，蛋糕內裡有夾有士多啤梨果肉，用料充足！士多啤梨酸酸甜甜，飽滿多汁！蛋糕外層塗有士多啤梨忌廉，忌廉軟滑，香甜不膩。蛋糕面層淋上厚厚的芝士奶蓋，帶陣陣芝士鹹香，質地比較稠身，切開時未能形成爆漿效果。海綿蛋糕夠濕潤，但可能雪的時間稍長，略嫌口感不夠鬆軟。全家人都滿意蛋糕的甜度～～～舊式餅店的包裝都不太講究，普普通通一個紙盒加一個不是fit size的大膠袋，經歷一段車程後，蛋糕都移位了。但要讚讚店員的細心，知道我回家有段車程，才提供膠袋及冰包給我用來冰著蛋糕，避免蛋糕溶化得太厲害丫～～

17-12-2022(Sat)晏晝同喺旺角老公攞完嘢,原來過條馬路就係開心餅店,於是順便買件蛋糕俾爸爸食啦,我見到佢哋有$13.00一件嘅芒果班戟,我想買嘅,但要雪,而我又要買嘢,而且冇帶冰袋同錫紙袋,於是去買完嘢之返轉頭買.買完嘢返轉頭喇,除咗買呢樣外,就係買埋同上次一樣$8.00一件嘅班蘭蛋糕返屋企(食評係2022年2月22日刊登嘅呢篇: https://www.openrice.com/zh/hongkong/review/yeah-%E5%8D%B7%E8%9B%8B%E4%BB%A5%E5%A4%96%E9%83%BD%E6%9C%89%E6%B0%B4%E6%BA%96-e4329796).返到屋企將芒果班戟雪住先,食完晚飯,爸爸竟然未食就瞓,咁件芒果班戟就雪咗一晚.到翌日晚食飯前拎出嚟解凍,到食完飯休息,回復到室溫嘅溫度,就同家人食喇,我哋切開嚟食,睇睇,原來佢裡面有cream之餘重有蛋糕底,食落,班戟皮都夠軟,蛋糕一樣係鬆軟,而成個味道唔太甜,芒果肉亦唔酸,爸爸都讚好味.咁好食,原本唔想寫食評都要寫.

推薦指數 4.5/5近排開心果當道 好多地方都見到開心果既蹤影開心餅店都唔例外 本身佢啲卷蛋已經好出名 軟熟又濕潤 久唔久就會想食過返尋味 竹炭戚風蛋糕x 濃郁嘅開心果醬x牛乳cream  係新穎既配搭 咬落去啲cream 會多到湧出來 好幸福哦佢標榜係用咗少油少糖配方 其實食甜品 鍾意少甜先係真正識食  開心果醬香濃綿滑 竹炭味就唔係好食得出 但配搭出嚟嘅顏色真係好吸睛 好有高級想買最好預先預訂 Walk in 係好難買到出名想要嘅口味㗎 

開心餅店已經係長期人氣卷蛋網紅店，係佢以前仲未開觀塘分店時已經有幫襯開，已經食過無數無數條開心餅店出品既卷蛋☺️🫣今次訂左朱古力x抹茶雙拼試下😆一如以往抹茶味非常濃郁，而且d cream好滑又唔漏，可以食完一舊又一舊😋抹茶有回甘唔會太甜👍🏻朱古力蛋糕都十分之香，蛋糕底唔會太乾同太濕👍🏻😋以前記得要預早好多訂，或者12點開鋪等現貨。不過自從佢地開左觀塘店後就相對比較多現貨，有次去到晚上我都買到🤫不過如果有心儀既口味建議都係預訂左先以免白行一趟🙈其實我都試左好多款，下次有機會再介紹下其他味道😋

又一間人氣爆燈嘅麻糬卷蛋小店😍呢間回頭率勁高原本係旺角傳統嘅老字號餅店之後推出左卷蛋 超級多人訂好好彩平日去買到現貨🤤🤎 三重朱古力 x 竹炭海鹽Oreo 麻糬生乳卷蛋 ($173)朱古力卷蛋非常濕潤又有空氣感🥹入面包住滿滿嘅朱古力同Oreo cream朱古力生乳唔會太甜 非常香濃🍫而Oreo生乳帶有海鹽味 甜甜地鹹鹹地 正😍重點係入面有麻糬又煙韌又軟糯 仲要大大舊外面蛋糕入面有cream同mochi口感層次非常高☁️仲有小店採用稀有糖 少油少甜配方💯雖然成個幾有份量 但食落唔會咁有罪惡感😋

Happy Cake Shop - Happy Roller次次去到現貨都賣晒，又懶得訂，今次早左去終於買到啦🥳🥳早去可選擇既口味比較多，第一次試食就食個人氣王抹茶麻薯先😝開心餅店係廣東道上街市旁既舊式餅店🤩好懷舊呀！店家好貼心，咁熱天氣買蛋卷附個凍包保溫👍🏻Cream多到瀉出嚟😂打得好好，夠晒綿密、幼滑，而且唔太甜，抹茶味夠晒濃，屬市面上難得有回甘既抹茶蛋糕🤤加咗麻薯有啲咬口，但係略嫌佢有少少太過煙靭😂雪左第二日再食嚿麻薯就再煙靭啲😂創新但個人認為整體口感有啲唔夾😅蛋糕嘅質地好鬆軟，而且濕潤，雪左一晚都唔會抽乾晒水份👍🏻下次試下開心果味同焙茶加抹茶味先😝#開心餅店 #開心蛋卷 #旺角美食 #油麻地美食 #抹茶 #抹茶控 #抹茶蛋卷 #happyroller #happycakeshop #matcha #matchrollcake

已經係第三次喺開心餅店度訂卷蛋。今次佢有一隻新嘅口味，就係抹茶培茶麻糬卷蛋（麻糬係另外加錢既），呢個卷蛋茶控一流。佢外層抹茶嘅顏色超級翠綠，好靚，食落去好柔軟嘅蛋糕外皮，配上一個茶香味好重嘅培茶cream,加埋in in un un既麻糬，我會俾100分！果個麻糬即使係隔多左1日都依然唔會硬。呢間傳統餅店入邊嘅人氣卷蛋性價比高，長長一條可以分到8份。呢間傳統餅店亦都好有人情味，有一次我差唔多臨收鋪之前去拎卷蛋，佢另外仲送多幾個雞蛋糕俾我，話請我食sweet~

✨真材實料人氣Roll cake店✨.最近終於試咗Happy Roller嘅卷蛋🥰原來佢哋係旺角傳統餅店「開心餅店」副線，主打日式卷蛋，由第二代負責人Brandon主理✨Happy Roller嘅卷蛋全由人手製作，仲用咗日本麵粉製作，同時採用0卡稀少糖及少油少糖配方制作，食完都唔驚肥(〃▽〃).雖然我自己唔太鍾意網購蛋糕，因為出去拎有少少麻煩，但見好多人推薦，趁住父親節就試下😋父親節當日4點幾去到餅店，都一直keep住有數位客人排隊拎Roll cake，同時亦不乏walk in 客人買餅店的傳統麵包！.P.S.大家記得預購，每日只有少量現貨，詳情請留意店方IG.▫️開心果 x 原味 $168（8.5/10） 朱古力寫字牌 + $20.佢哋嘅卷蛋皮以戚風蛋糕取代傳統嘅海綿蛋糕，令口感更鬆軟綿密；中間嘅開心果cream非常好食😻真心夠真材實料，好濃嘅開心果味，仲食到「起沙」開心果cream，開心果控必定要試吓！至於原味cream都唔錯，不過相對驚豔嘅開心果cream就顯得普通少少🙈.❥…雖然我本身有啲抗拒網購蛋糕，不過幸好呢間有位於旺角嘅實體鋪，加上開心果卷蛋真係好高質，價錢亦合理

(͒ ⸝⸝•̥𖥦•̥⸝⸝)͒❤︎┈┈┈┈┈┈┈┈┈┈┈┈┈┈初嘗網店開心果卷蛋 @happyrollerhk 今日係母親節嘅關係，知道媽媽中意食開心果😳所以就喺網店訂咗蛋糕食！┈┈┈┈┈┈┈┈┈┈┈┈┈┈開心果x原味忌廉卷蛋 (4.5/5)小店採用0卡糖以及少油配方🥰食得多都冇罪惡感！首先卷蛋既餡好充足！而且都好有份量😍旺角又有門市超方便呀～入面仲有埋開心果仁，而且超！濃！郁！好香既開心果味🥹又唔會太甜！有驚喜！卷蛋好濕潤，放左2日都完全唔乾！作為開心果控表示，真係每食一啖都好滿足🤩！我媽平時都唔太食甜品，但今次都食左2件┈┈┈┈┈┈┈┈┈┈┈┈┈┈有機會想試埋其他口味😚Ig @cheri_foodiary

今日專登黎買旺角呢間好出名嘅卷蛋。開頭以為要排隊點知去到冇乜人。一入去，店員就sale佢地個卷蛋，仲話頭先有位男士一次過買左5條。咁我心諗實好抵食同好好食，就開始揀味道。佢個menu上有多款口味揀，有oreo，有抹茶，有伯爵茶，有鐵觀音等，仲有麻薯款揀添！但我由始到終都見唔到價錢，同蛋糕展示櫃都見唔到任何卷蛋嘅真身，淨係可以靠openrice睇下相咁。結果我同朋友揀左鐵觀音麻薯同伯爵茶麻薯味，埋單嗰陣時個店員話夾埋兩條total要$276，我當堂嚇左一跳，然後得啖笑。因為由始至終都冇諗過會過100蚊，仲要賣相又唔係好似網店咁咁靚，係普通卷蛋嘅樣。咁我地唯有死死氣比錢，然後搵個地方坐低試下。佢個蛋糕質地係屬於柔軟同埋少少濕，幾好食嘅，兩款茶味都非常濃郁，個cream都打得幾好，好綿密，中間嘅牛奶麻薯都唔錯，煙煙韌韌有牛奶味只可惜個價位實在太高，同埋重點係搵雲成間舖都見唔到價錢。雖然我有責任買之前要問吓，但都真係嚇親，聽到個價錢之後。因為真係覺得完全唔值得賣咁貴。我覺得最多最多都係大概80蚊係勉強可以接受嘅價格。之前喺新蒲崗嗰間性價比高好多，呢間真心一次就夠。咁嘅價錢，比唔到我驚艷嘅體驗，

已有一段時間無去過旺角，今天路經便又去碰下運氣。店員告之，昨日排長龍，一人限購一件；心想幸好昨天沒有來😆。之前試過抹焙，抹茶；今天終於輪到伯爵茶。入口有佛手柑味，可見伯爵茶成份也非常重手。卷蛋一如以往鬆軟，忌廉也很滑溜。可惜，它還是比不上抹焙。這完全和個人喜好無關，可能在香港較容易買到出色的抹茶和焙茶。如果可以用上斯里蘭卡優質的伯爵茶做原材料，應該能將口感再次昇華，令味蕾逹到最高境界的享受，這才是一杯上品紅茶。

見呢間野網上勁多好評，好多人推介就試下啦。點知第一次買完去拎，間野落錯左味道比我。咁算啦。下次再買過。退錢就算。咁我死心不息，再落過單！今次終於成功買到個黑芝麻麻糬蛋卷。🥹🥹🥹滿心歡喜咁返屋企試，點知苦到癲。我知呢間野係做低糖蛋糕。但始終都係甜品黎，點樣小甜都冇理由係苦🥲我等左禁耐，點知到頭黎係禁失望🥲之後我就massage店舖，反映返啦。我都唔係話想退定點，純粹想話返比佢知。但佢只係覆左句，係咪比錯你？就算，之後完全唔覆。即係我唔係再落單買野既話，你就唔會理我？？

之前試過開心果味覺得超好食，今次咁啱見到伯爵茶麻糬味有現貨即刻買嚟試吓😍⭐️ 伯爵茶麻糬卷蛋($108+$15) 伯爵茶味比我想像中平，加$15 仲有埋麻糬添，呢個價錢都平過唔少網店☺️ 茶味cream又係好濃郁，仲食得出伯爵茶帶佛手柑嘅味道🤤 卷蛋體本身都香伯爵茶味同軟熟，兩者配合真係好正👍🏻 麻糬都軟糯好食，增添到口感同層次☺️ 只需要加$15真係幾抵🙊 不過我自己好鍾意佢啲cream，下次再食可能唔加麻糬咁啲cream就可以澎湃啲🙊

成日見到好多鋪頭賣卷蛋，呢間一直都好多好評所以想試好耐，而且佢仲有唔係間間卷蛋鋪頭都有嘅開心果味，今次早個幾星期留貨就有喇😍開人果x原味（竹碳蛋糕）卷蛋 ($168) 🤤 好癲！開心果cream好滑好濃厚，超級Rich開心果味，完全滿足到開心果控😍 配合埋少少原味cream （仲有少少酒味😂）balance得好好， 而且竹碳蛋糕都好軟熟又濕潤，同中間嘅cream嘅比例都好好，令到卷蛋整體濃而不膩，連屋企人都好鍾意👍🏻 有機會一定會再買！

好耐之前已經save起咗想試今日咁啱經過就買咗黎食😋▶️竹炭海鹽oreo味卷蛋 ($108)🖤一個卷蛋大概可以切到6件左右厚厚嘅蛋糕卷住一大舊cream 採用0kcal稀少糖 少甜少油配方 感覺上都健康啲😌蛋糕幾實而唔太空氣 食落好軟綿濕潤略略會食到好似黑芝華咁一粒粒沙 口感好特別😍之後入面個cream係鹹鹹地 所以冇咁甜有啲泡泡口感 食落幾幼滑 奶油味香濃🧈Oreo味仲好出 因為真係有粒粒oreo!雪凍食仲有啲似雪糕添🍦成件食落都好有質感～原來佢通常要預訂 因為全部人手製做walkin即場買係限量 可能5:00pm 已經賣晒😲犀利我覺得呢個值得一試 仲有超多其他口味添💗