開花結果 (已結業)

本身腸胃唔好，又食左幾日肉，於是特登同女人揸車去食番個平民生果餐......先講位置，雖然呢間小舖處於大街，但係唔係熟地型既絕對唔容易搵，所以去果度只要認住窩貼大王招牌，左邊隔離兩三間細小地舖就會搵到。Lunch time 時間去小舖等位就預左，作為熟客既我亦無任何優待，好在今次等左十分鐘就有位，坐低二話不說即叫左個四款水果加沙律餐,加$12再升級芒果雞肉牛角包，再加$6整多杯西柚汁，真係隔住個芒都聽到肚入面條腸響度呻吟。成個餐無論價錢(好似$47，總之唔駛$50)味道同營養都無懈可擊，係杯果汁味道偏淡，其實加同樣價錢亦可選台式特飲，平時我飲開D珍珠奶茶系列都係性價比之選。至於女人，佢話肚餓叫左個白汁菇雞扒飯，(熱飲$42)，目測雞扒比想像中細塊，但女人話驚喜既係白汁有菇味(幾驚佢話雞扒有雞味)。雖然大家都食唔同種類既食物，但無最後都係清碟食飽飽攬住個肚埋單走人。(埋單九十幾 ，一舊水有找)

其實食左差唔多十年喇由以前係間細舖仔，睇住老闆娘用心經營到依家搬大dd又開埋分店先講講鋪頭位置，其實比較偏僻，唔係住依頭就難dd搵路了，同埋鋪頭入面坐得比較逼！同埋夏天比較多蒼蠅！如果係著重環境同衛生既客人，依點會扣dd分！我好少食佢午餐，多數食早餐同下午茶以下係我例牌必食既嘢...早餐番茄湯麵配吞拿魚牛角酥跟餐熱飲一杯 ($31)下午茶熱狗配(薯條/沙律/粟米）跟餐熱飲一杯($29)薯條係波浪粗條果種即叫即炸好好味沙律我會推介：雜果沙律/吞拿魚沙律最正就當然係佢跟餐加錢既鮮榨果汁出面一杯鮮榨果汁閒閒地都$20啦依家跟餐+$6就有強烈推薦：木瓜汁唯一可惜既就係...下午5點半就收舖同埋星期日唔開因為尊做工廠區同學校生意喎如果星期日開埋，應該會多好多客仔

最近減肥想食得健康啲，所以放假出街食飯都要諗過度過，諗諗吓忽然醒起之前嚟過呢度食，有生果食，絕對可以食得健康啲！自選餐可以揀一款包、一款餡料、再揀兩款配菜，我就揀咗香芒雞肉牛角酥配兩份生果。牛角酥熱熱地，好鬆脆，減肥都受唔住引誘喇！其實健康啲可以揀白包或者麥包嘅。配菜方面，我就揀咗兩份生果，份量都幾多架。另外一位叫左香芒雞肉白包配生果同吞拿魚沙律，吞拿魚沙律其實都好大份，加埋粟米甜甜地都好好食！除咗生果餐，當然仲有果汁飲啦，果汁係鮮榨，好飲！

另一間由細食到大嘅餐廳，附近工廠區的OL最愛，原因有牛角酥同沙律食。今日我決定食佢嘅套餐午餐，以前一個套餐只係$31，而家已經加左$10，但係當你去到下午茶同午飯時間，你仍然會見到門口有好長嘅人龍，而且呢間餐廳係唔會有晚市，因為佢準時六點鐘左右就閂門。一星期每日都會有唔同嘅午飯套餐，賣完即止。我個套餐配左長通粉，汁都算多，有兩塊大嘅魚柳，夠食，煎完更香反而雞就麻麻地，沒有辣味，沒有特別，下次唔會再叫呢樣。

有陣時叫外賣食真心會食到唔知食咩好叫個生果餐食又飽又唔貴我就中意一盒滿滿既生果⋯ 因為多到會飽死左⋯如果覺得唔夠飽可以叫蛋沙律呀 吞拿魚沙律 等等⋯呢個牛肉包好好食👍🏻推薦諗唔到食咩既輕盈少女

其實石蔭村真係好多食肆，不過大多數都係茶餐廳，今日突然想飲珍珠奶茶，就決定約朋友lunch 去開花結果呢間店有沙律，三文冶，生果汁，台式飲品等等⋯ 平時我多數外賣下午茶沙律餐拎反屋企食，今次堂食都係第一次.. 因為附近好多工廠，又撞正打工仔放食飯，都要等一陣，不過好快就有位，下一張到我地既時候個姐姐待應一早喺門口幫我地落定單， 由我拎飛直到帶位坐低都好有禮貌，服務好好！我叫左 1.比目魚伴蜜糖照燒汁 配意粉 加珍珠奶茶我朋友叫左4.黃金咖哩雞脾 配飯 加火龍果汁雖然係街坊價錢，但條比目魚好大塊架，肉質好淋，加埋甜甜地既燒汁好正～汁邊有少少菜絲同粟米，竟然重要係牛油粟米黎意粉就普通烚無特別.. 食到一半，己經聽到比目魚賣曬嚕，好受歡迎⋯珍珠奶茶唔甜，D珍珠好淋，我比較中意淋珍珠多過硬.. E D 睇個人喜好... 試左一啖朋友既咖哩，我本身唔食得辣就覺得有少少辣，但好濃咖哩味，撈飯一流，朋友食得辣所以OK ，雞脾我就無試過嚕.. 埋單total $97 ... 抵到爆

上星期放食晏經過開花結果 見無咩人又唔使排隊就入去食飯 叫左兩個什麼龍皇焗飯 一杯凍檸茶一杯真珠奶茶 食第一啖即刻都唔想食 個飯咸到無朋友 d蝦仲有成條黑色蝦腸 成個飯一半都食唔到 杯凍檸茶同杯真珠奶茶又淡又無味……以前門口排晒隊等食午餐 依家怪唔得知唔使排隊

好稀有嘅健康快餐，用新鮮生果為主要食材，牛角包配以新鮮沙律，多款新鮮嘅果汁，味道比delifrance優勝，價錢平過佢，分量仲比佢大好多。睇得出係一間家庭餐廳，老闆娘同店員都好好人。呢度嘅牛角包好好食，我哋鬆脆裏便軟熟，碎蛋沙律加左菠蘿感覺好鮮甜，吞拿魚沙律加埋火腿感覺好充實，整體味道比delifrance優勝

近排有叫開外賣d同事都有發覺食物飲品水準都不斷下降D凍檸茶好淡無茶味台式飲品珍珠奶茶d珍珠好硬，香芋，茉香奶茶比以前淡D橙汁同d木瓜奶又苦苦地唔知係咪換左人沖，好多同事都覺午餐d意粉通粉好硬，d飯生生地😒椒鹽豬排果d豉油好咸，韓式炸雞好多粉，焗飯d汁又稀，有同事發覺羊排汁裏面有d牛尾，食真d好似星期一牛尾個汁，大佬呀～慳都唔係慳啦～😖吞拿魚沙律果d火腿有陣澗水味希望做番好d講下外賣 講左12點半送到 夠旦死12點05分送左黎無時間觀念 多生意都唔係咁公司都未放lunch time 比老闆見到實鬧死😱送到黎又未食得 飯盒凍晒 唉……真係無啖好食一間餐廳由好轉差 一定管理有問題😲 希望改善一下

今日同屋企人黎teatea佢! 住哩頭咁耐都未去過哩間! 媽媽介紹話好好味! 哩度下午茶餐都多選擇! 但都唔平呀!我order左3樣野!泰式蝦餅salad, 鹵水雞肶salad, 仲有煙三文魚牛角包!個泰式蝦餅炸得都算脆呀! 配佢既甜酸醬食好味!但好似小點燶...另外佢個鹵水雞肶真係好味喎!等得比較耐! 即叫即做既應該! 黎到熱辣辣, 雞肶好入味呀! 肉質亦好味! 唔會! 而沙律好多生果, 份量多, 茶餐廳黎講要like呀! 煙三文魚份量都算多! 又新鮮!牛角包都脆脆地! 美味!茶餐廳下午茶也可以好出色!

之前吃過一次此店，食物質素一般，沙津材料是罐頭的，火龍果是冇味，波蘿是酸的， 乳酸飲品叫了少甜都非常甜，好差。最近再去，叫朋友先代為落單，又可早點吃完交還坐位，點知遇到服務員極不禮貌的對待，朋友已在店外通知店員是兩位，當時有一位未到，店員也帶朋友入座，因午餐時間緊迫，朋友先代為落單，店員說未到不可落單，朋友說落佢果個order先，店員幾次也不理踩，並叫朋友出門，這是什麼服務態度，她們没有事先通知唔齊人不可入座，也沒有贴出告示，今時今日咁既服務態度係萬分唔掂。

一坐底即刻有人問你食乜，仲有個收銀既態度真係唔要得，野食就係一般沙津，算不上好好食，用沙津醬應該都唔會難食得去邊呀？😂木瓜硬既仲有少少苦，菠蘿佢比菠蘿心，又硬又無味杯涷檸茶無茶味～唔會再食

不是住在這區，或者不是在這區工作的，也許不會貿貿然來到上葵涌。雖然在下不是住在這裡，但是卻因為工作關係，必然會到這裡，除非在下不做這份工作吧。上葵涌雖然有不少工廠大廈，但是住宅也為數不少，其中和宜合道的一邊是工廠，另一邊是住宅，形成了強烈對比，因而也造就了食店的發展。是日在下也走來和宜合道，尋找一下新的，又或者未吃過的餐廳。逛吓逛吓，就遇上開花結果這間食店，看看店名，其實蠻開心的，因為一件事可以開花結果的，實在可喜可賀。值得注意的，是其平日營業時間到下午五時半，星期六更是到下午五時，呀，星期日沒列明時間的，應該是放假吧。由於是午飯時間，店內外都坐滿了人，兼且店子細小，加上坐仆迫狹，唯有忍耐一下。看看餐牌，實是一間頗具台灣氣息的小店，但又有著以蕃做湯底的美食，當然不容忽視，加上台式飲品，令在下有點眼花瞭亂。但是在下暫對蕃茄湯興趣不大，於是從其他方方入手。台式大排骨鹵肉飯（三十八個大洋）台式大排骨就是香港慣常叫的豬扒，放在米飯旁，另一碗就是鹵肉加雞蛋。單單兩樣東西已經很豐富。排骨炸過的，因此入口酥香和酥脆，表面有一層薄薄的油脂，不過不太大問題。至於鹵肉，就與平常吃開的有著不大相同，平時吃開

平常我多是帶飯盒的，但這天沒有住家飯帶，於是決定叫外賣。有同事叫開花結果外賣，於是我又來搭單，通常我會選擇每日特定的午餐，午餐是各式西式扒類為主菜配上飯或意粉，除了意粉和沙律外，這點的米線聽說也不錯，於是我決定一試。因為不太愛米線的麵質，而且通常外賣會令米線吸收所有湯汁，於是我選擇了改為要米粉 -- 濃蕃茄湯墨魚卷米粉。當收到外賣時，蕃茄湯已被倒至整個外賣膠袋都是，要拿出來時都有點難度。當打開時，可以見到米粉已開始吸收了許多湯汁。一碗米粉中一共有三件墨魚卷，咬下去時很彈牙，帶點墨魚鮮味。再說一下這個濃蕃茄湯，幾乎湯裡的一半都是新鮮蕃茄粒，令蕃茄味更濃。米粉有點過碎，所以用羹來吃會更方便。雖然米粉過碎，但碎濕濕的米粉連蕃茄湯一起吃，更是美味。

我並沒有吃下午茶的習慣，但今日恰巧有同事提出外賣下午茶，反正在公司有點納悶，於是乎我也一起TEA一番。我們喜歡點「開花結果」，因為他們的下午茶做得比較精緻而且份量十足，而且外賣時間短，我們等了大概二十分鐘，外賣便火速送上來了，因此飲品和食物仍能保持其溫度。由於不是太餓的關係，今次只是點了個黑椒蟹柳牛角酥和一杯熱奶茶。牛角酥比起下午茶餐份量較少，不過仍然微熱的牛角酥仍保持著其鬆化酥脆，或者是因為外賣中途在包包內壓著，所以牛角酥顯然被夾篇了一點。以前吃過芒果煙三文魚牛角酥感覺得足料的，今次的黑椒蟹柳牛角酥份量相對較為遜色。中間有幾片生菜和兩片蕃茄片，包著用黑椒、蟹柳和沙律醬做的餡料。蟹柳的魚肉味不足，沙律醬有點過多，感覺有點油膩，黑椒味吹奉，我期待的是帶點而辛辣的黑椒味的，所以有點失望。熱奶茶的奶比較多，但最適合我，因為我偏好重奶味的奶茶，茶味亦適中。整體來說，牛角酥是做得不差，但份量偏少，以同等差不多二十多元的價錢，下午茶餐類比較抵食。