閨•家 (寶榮大廈) (已結業)

閨家呢間小店 聽就聽左好耐但係真係幫襯 今晚真係第一次炮台山站一出行幾分鐘就到 嘗算方便老遠見到門口有d 人龍係度等緊外賣同埋堂食由於我自己一個去食 所以好快就安排到位俾我睇睇餐牌 每日都有當日既湯星期二當晚係蟲草花無花果百合煲豬展非常夠味 飲唔到有味精既味道跟飯既時候佢就會跟一個湯岩哂中意飲湯既我而我今晚叫既係 真。手撕雞飯全部都係手撕雞雞肉 完全冇骨啖啖肉 而手撕雞本身都有少少沙薑味道當然如果想濃味d 可以再撈佢附上既沙薑汁叫埋杯凍檸茶 埋單都係55 蚊經濟實惠得黎仲幾好味 唔錯丫

侍應態度真係有待改善。食物質素極差，只有湯係正常。 問左侍應可唔可以少飯，佢講可以。點知出餐係正常飯，好，再同佢講多次想少飯，佢拎去廚房之後呀姐勁大聲講：好煩呀 （我地食11：30 無人等位，唔多人）係咩服務態度？其實又唔係無問，問左係你地講可以少飯，咁做咩仲要大大聲話個客。 叫左沙薑雞1 pet 花生醬咁樣仲要痴立立，食落口仲要係酸既，之前食過一次，今日會係最後一次。會幫襯黃店，但佢地做到咁既水準，要好好檢討下。差到一個點！唔值得排隊！

餐廳嘅裝修好有家嘅感覺，主要用色係粉紅色，所以感覺好溫暖。😋慢煮豬軟骨飯豬軟骨煮得好淋，而且好入味，用嘅豬軟骨唔係剩係得肉，而入面真係有一條條嘅軟骨，夠晒咬口。😋手剁香煎蓮藕餅紫薯面蓮藕餅整得好鬆軟，入面除咗啖啖既豬肉之外，仲有好多蓮藕粒，紫薯面都好煙韌。😋涼拌海蜇手撕雞餐廳用咗麻醬嚟撈啲海蜇同埋手撕雞，但略嫌味道唔夠，如果濃味啲會更好。😋炸饅頭配煉奶饅頭炸得夠晒脆，配埋煉奶真係食唔停口。😋香煎豬頸肉豬頸肉煎得好香脆，欣賞餐廳提供埋甜酸醬俾我哋，好夾。

今日到北角探朋友，朋友介紹到附近新開的北角分店"閨家"，原來係冇味精茶餐廳，又有靚湯飲，啱曬我。來到餐廳，正正放工時間，十分火爆，座無虛席，都要等了好一會才能入座。看看餐牌，都有好多款選擇，有豬扒飯類、中式飯類、咖喱飯類、菠菜麵、小食等等。咖喱豬扒飯 $50（可揀大/中/小辣）跟細老火湯，湯冇味精，好滋潤。加配青菜 +$12，配凍飲 $7，都幾抵食，質素不錯。朋友試新出梅子金沙骨飯 $50，配糖心蛋 +$6，配凍飲 $7，醬汁帶點酸十分開胃，份量剛好。下次再試下其他款式先。

好難得搵到間餐廳煮得有家的味道，重要性價比高，價錢抵，味道又唔錯，果然係糧尾嘅恩物呀！😍😍😍咁啱有幾個餸都想試，所以就同朋友share黎食。慢煮豬軟骨飯🐷🍚豬軟骨炆得好冧又入味，送飯一流！套餐重送細盅青欖青蘿蔔杏汁煲豬𦟌湯，無味精，煲得好入味，清甜又好飲。👍🏻手剁香煎蓮藕餅配紫薯麵🐷🍜手剁嘅豬肉果然有口感好多，加埋蓮藕粒，食落非常爽口，調味唔會太多，比較健康。第一次食紫薯麵，呢隻紫色真係好令，食落有些少紫薯味，幾特別。涼拌海蜇手撕雞🐥做前菜就啱哂，食落透心涼又開胃，雞肉肉質唔韌，海蜇又爽口。香煎豬頸肉🐷豬頸肉煎得非常脆口，肉質又鮮嫩，配埋泰式甜酸醬確實唔錯！😋炸饅頭配煉奶🍞饅頭炸得好香脆，配埋煉奶真係冇得輸。😆

週末想到新開的東岸公園逛逛，先到附近吃個午飯醫醫肚時間尚早，只等了一會便有位置首先來一碗套餐附送的老火湯！火喉充足，食材味道得以揮發，無須味精亦足夠濃味麻辣口水雞飯有大量蒜蓉增香，雞肉質嫩可口限量供應的家傳炆豬手飯以家傳秘方加入多種獨特香料文火炆煮，肉質軟腍香茅雞翼出前一丁的雞翼煎得香脆金黃，一客三隻還配上雪菜，十分惹味招牌豬扒肉質鬆軟入味，吃起來有點點甜味凍奶茶走甜少冰，港式茶記經典熱檸水舒緩一下飽肚感

本身係想過黎搵一間糖水鋪，意外發現呢間💛小店，有好多人排隊等位，咁就當然要試下佢啦。不過今次就買外賣番去食，等外賣時，不停有人等緊位，但都好快可以入座。手剁香煎蓮藕飯，我係蓮藕餅Fans，呢個蓮藕餅夠厚，同埋裡面係啖啖蓮藕，好爽。麻辣口水雞飯，雞好滑，口水汁好正，都幾辣下。每次出去食套餐，我覺得個重點係碗老火湯到，唔係整日番到屋企食飯，有時係出面飲到靚湯，人都開心D☺️，佢個湯好潤同❌味精，的確有歸家既感覺。手拍青瓜🥒個醬汁好豐富，好香🧄味同都係幾辣下，愛辣🌶🌶既朋友岩哂😋涼拌海蜇手撕🐔，同青瓜一樣，落既醬汁（麻醬）絕不孤寒，撈得好入味，而且材料都幾多下。

餐廳係炮台山地鐵站行5分鐘倒到，見到幾多人等，應該有質素保證，就試一試佢。等左五分鐘左右，七點半就有得入座。鋪面唔大，座位有d逼峽，但冷氣夠，整體亦乾淨。睇得出裝修有心思，牆上有少女風牆畫。餐牌選擇唔少，小菜、湯麵、炒粉炒飯、小菜都有。叫飯仲送細盅燉湯。奈何今日想食烏冬，下次先試佢個湯。香茅雞翼炒烏冬 $48上枱熱辣辣，雞翼皮仲係脆既，香茅醃得幾入味。烏冬略鹹，但生菜都中和到既。滷水鳳爪滷得幾入味，咁既價錢有4隻都算唔錯，如果再煮耐d、腍d就Perfect池了！

今日朋友介紹話黎炮台山搵🏡家的味道， 呢間 #閨家 所有飯餸都無添加任何味精，真係有好有「歸家」的感覺🥰，我同朋友叫左幾個粉麵，真心唔錯👍🏾❤️✨豬軟骨菠菜麵 豬軟骨炆得好淋好入味， 全部骨都淋到可以食埋，豐富骨膠原咁既感覺，正👍🏾菠菜麵麵質彈牙， 連埋湯底一齊食都好好味👍🏾🌻🌻🌻🌻🌻✨蓮藕餅紫薯麵蓮藕餅入面真係有大大 粒蓮藕粒， 好爽口， 又無乜肥肉，一叫有兩大塊，不過係其中一塊稍稍煎燶左少少， 但咁樣反而緊加有家既味道 🤣 紫薯麵都好有彈牙， 不過相比之下就味道比較淡， 但都好有咬口，整體都好味既😁👍🏾🌻🌻🌻🌻✨醉雞飯醉雞好入味，啖啖花雕味道，好好味， 仲要好多雞脾，啖啖肉😎😎不過個白飯就乾左啲啲 ， 但整體都好味既 🌻🌻🌻最後仲有叫左個小食✨麻辣雞腎， 麻辣味適中， 唔會太辣， 雞腎又整得好淋，一啲都唔「un」但有愈食愈想食感覺食唔停❤️推介😋🌻🌻🌻🌻🌻

滋味靚湯收工趕住去上堂，就嚟閨家食個快飯，落左order後店員好快手就上菜，夠哂爽手！青欖青蘿蔔杏汁煲豬展杏汁味道幾突出，細細一碗湯有唔少既青紅蘿蔔，仲有埋豬展，幾鐘意飲咁多湯渣既湯水。最重要係無落味精，飲完絕對唔會口乾。香煎蓮藕餅豬扒飯蓮藕餅煎至金黃色，食落仲有粒粒蓮藕既口感，配飯一流。豬扒大塊之餘，帶少少脂肪，食落鬆軟，好容易就咬得開，絕對值得一試。手拍青瓜份量都幾多，比較適合兩個人share食。青瓜好爽口，帶少少辣，夠哂惹味

平時放工時不時都有點疲累,懶得自己煮. 經朋友介紹下我同朋友去咗屋企附近既一間住家菜小店 --- 閨•家嘗鮮閨家主打住家菜, 大部份都係家常小菜等套餐頭盤方面, 我地試咗涼拌海蜇手撕雞雞絲真係一條條手撕出嚟,而且分量都唔細,半份都係手撕雞肉. 而海蜇口感爽脆,再配上日式芝麻醬更易入口,味道唔錯我地分別點咗咖喱魚柳飯同香煎蓮藕餅豬扒飯而隨套餐仲有野飲同老火湯. 閨家既老火湯唔同出邊一般茶記嗰d, 湯中仲加咗雪梨. 湯水鮮甜,仲好滋潤!咖喱魚柳飯咖喱同椰汁味道香濃,另外魚柳新鮮炸起都好香脆. 雖然係一般家常菜,但的確冇幾間用心既餐廳做到.香煎蓮藕餅豬扒飯: 蓮藕餅煎得幾香口, 藕餅偏厚切,爽脆有口感.而豬扒以香茅調味,煎得恰當, 口感鬆軟又唔會太乾.另外飯上仲配埋甜豉油味道好夾!而2個套餐加上小食埋單都只係$75一位,價錢相當親民朋友果然冇介紹錯,下次有機會一定要再食~

今日難得出港島探朋友，時間關係，買埋午餐上朋友屋企一齊食。openrice見依間餐廳非常多好評，價錢仲要非常平🤔🤔一於試下😁😁咖喱牛腩飯 $50仲要有埋湯，性價比非常高。味道方面，咖喱可以選擇辣度，我揀咗中辣，入口係甜甜地，辣味係後勁慢慢散發出來，惹味！過癮！牛腩有三大嚿，值得一讚嘅係冇乜肥肉，真係啖啖肉。最驚喜嘅係，咖喱汁入面有紅蘿蔔，係超級甜！估唔到紅蘿蔔係比薯仔更加好食！佢哋每日嘅例湯都唔同，今日依個係青欖青紅蘿蔔湯，非常清甜，仲好多料👍🏼朋友就揀咗鹹魚煎肉餅豬扒飯，賣相都唔錯，又係$50！明明係喺港島區，但係都能夠食到又平又高質嘅食物，唔怪得知咁多好評！ 原來佢哋仲有其他分店，希望越開越多，咁就方便可以成日食到冇味精嘅美味住家飯☺️☺️

無論係返完學又好又或者收咗工都好最懷念嘅一定係對住家飯嘅憧憬，因為每一日都唔知道究竟屋企人會煮咗啲咩嘢食🥰🥰不過而家大家都有大家嘅忙，所以即使少咗喺屋企食飯但出道街仍然都可以感受到一家人嘅味道。當然再一次食到閨家嘅味道，每一味菜都絕對係經典嘅作品，不過仍然對部份嘅色彩仍然有念念不忘嘅回憶！！！🔥🔥其中開胃菜當然就係麻醬手撕雞海蜇頭，每一條海蜇都飽滿而且大大條，對比起以前食過嘅海蜇當然要粗得多🤩🤩， 甜甜地嘅麻醬就成為咗清淡嘅食材入面突出嘅味道，三位一體之下成為左好好嘅開頭。之後最印象深刻嘅就係咖喱腩飯，咖喱嘅濃郁同埋自選嘅辣度成為咗最強烈嘅味蕾衝擊。而牛腩亦都類似選用牛肋條一樣嘅長度同埋口感，沾滿左咖喱令到成個牛腩直頭好似上咗色一樣，再配合粉味十足嘅薯仔同埋必不可少嘅紅蘿蔔，再配合經典嘅思邈白飯真係最完美嘅配搭🤠🤠🤠最後亦都唔少得係屋企都會成日食到嘅梅子金沙骨，最欣賞嘅就係金沙骨經歷過長時間嘅炆調已經變到好似豬軟骨一樣非常軟諗，至於汁底就係清清地但混合左梅子嘅甜，直頭就好似豬軟骨另類進化版一樣雖然時間倉猝要外賣返去食，但即使係咁外賣並不影響味道同埋新鮮㗎👍🏼👍🏼👍🏼 最後加埋一碗絕無味

炮台山有間粉紅色設計裝修、並主打冇味精的餐廳「閨•家」。地方不大，午飯或晚飯時間都會有人輪候。襯今日星期五便去食個晚飯。餐廳除了食物還主打無味精老火湯，每日都精選不同款式老火湯單點。$28已經有大盅，平時正價跟餐還免費配有小盅，每款湯品都熬煮4小時。今日所配的餐配有小盅，星期日的湯品是「五指毛桃淮山煲雞」，有健髀去痰、治炎症的功效。老火湯香甜清潤，無味精感覺健康。【花雕醉雞飯 $48】配糖心蛋 +$6 雞件厚，但都入味，汁中有杞子。是日湯是紅蘿蔔青蘿蔔瘦肉湯 ，味道清甜。【慢煮豬軟骨飯 $48】豬軟骨極軟稔，醬汁香濃，下飯一流。配油菜加$12 - 選了蠔油生菜，新鮮爽甜。配熱飲+$5配凍飲 $7

今日天氣已經好熱，日日早上都會去你嗰邊食早餐嘅。近排一入到去坐，都熱到死。今日仲離譜，坐正喺門口嗰張枱，一行入去已經好翳焗好熱。咁啱有個好有禮貌嘅男侍應行到去水吧度我聽到個男侍講講："叫佢（水吧女人）開返廚房門，阿洛叫嘅"跟住個水吧女人話："阿洛係邊個？開咩門呀？"最後成餐飯打邊爐噤，原來閏 家公司放寬員工咁嘅做法，由得啲客又熱又焗食野夜晚都又去閏家食晚飯，入去坐低又係坐喺門口位，入到去又係好翳焗好熱。想落單舉極手都冇人應，啲人企曬係水吧個邊，有個（籮大個頭嘅）女侍應不斷同水吧女人傾計，沒理過人。最後只係門口嗰個女侍應見並非我揮手，幫我落單。😡😡😡😡😡 到底你地公司講人返黎傾計 定 做野架？成間公司得一個做到野 個水吧女人冇著制服仲要沒戴口罩，一間食肆員工連衛生都未做好就開門做生意，啲服務質素仲一日差過一日