閨•家 (寶榮大廈) (已結業)

閨•家 :地址: 北角蜆殻街6-16號寶榮大廈地下F號舖電話: 56661316===================為左佢架足料湯水，經常來食同支持，呢度抵食是首屈一指的良心小店。當然要叫招牌$45 雙蛋豬扒飯，兩隻雙蛋仲有d 台灣feel架醃菜，豬扒腍身又入味。$52 鰻魚炒飯又是多材料，粒粒分明乾身，飯粒平均沾了醬油，一匙匙送入口大滿足，口中感受到米飯的乾爽同嚼勁$5加配熱飲叫個飯一定會附上湯水，每日不同無味精，大大碗好飲有家的感覺同味道，暖入心。蘋果紅蘿蔔白排骨湯$38海蜇手撕雞仲出左湯包呀，同路人要買返屋企

之前經過閨家成日都見有好多人見佢標榜無味精，想大家食得健康啲已經好想試下今日特登早啲過嚟食午餐環境都幾舒服小店推介嘅係豬扒所以就叫咗個香煎蓮藕餅豬扒飯每個飯餐仲會跟個細啲每日老火靚湯都係幾十蚊，呢個價錢真係好抵！當日嘅老火靚湯係青紅蘿蔔煲豬𦟌一飲就知真材實料唔係味精湯水至於個香煎蓮藕餅豬扒飯面頭淋咗啲甜豉油豬扒有少少香茅味唔會好似出面啲豬扒用鬆肉粉拿到淋哂係好有肉感，唔錯！煎蓮藕餅煎得好香咬開會食到一絲絲嘅蓮藕絲混埋豬肉，結實得黎有少少爽脆口感都幾新鮮！我另外仲叫咗份麻辣雞腎少少麻辣香雞腎爽脆

出街食飯食得多，有時都好掛住家的味道，簡簡單單才最滿足，今日又來到閨家了咖哩牛腩飯($50)點了小辣，所以辣度適中，咖哩偏向傑身，幾香，下飯一流，牛腩軟熟唔硬，主要以牛肉塊為主，沒有牛筋第一次試佢嘅花雕醉雞飯($48)，是雞髀，雞件很大件，肉質都唔錯，不過略嫌花雕唔夠入味，花雕汁偏甜小吃點了涼拌海蜇手撕雞($38)，點了才知道原來用麻醬來伴，初頭擔心會太過濃味，但食落發覺調味適中，雞肉和海蜇的質素不錯，有口感嚟呢度梗係想試下佢嘅老火住家湯，跟飯會送，是日湯水是五指毛桃淮山煲雞，味道唔錯，冇味精，很有住家風味生菜加$12，差唔多有成棵，都算抵

閨家 炮台山經過比呢間粉紅色嘅餐廳吸引咗 細細間 但感覺幾溫馨下見到每個飯價錢都幾平下性價比高一於入去試吓鹹魚肉餅豬扒飯，五十蚊仲送老火湯，份量都唔使，鹹魚肉餅煎得好香，鹹鹹地，好下飯柱侯牛筋腩飯 個汁唔錯，大概有四舊牛腩，不過牛筋剩係得一舊，牛筋煮得軟熟，稍嫌唔夠喉，多番一九會好啲，另外仲有蘿蔔非常入味，牛腩汁撈飯一流 香煎豬頸肉，$42平過泰國餐廳好多一於叫黎試吓，煎得好香，豬頸肉半肥半瘦，食落爽口，仲有少少焦香味唔錯。港島區來講價錢都幾平全部都係$50.1個飯一碗湯，性價比高可以一試

之前同女朋友食過呢間分店 覺得呢間唔錯幾比心機去經營😋 啲野食麵幾好食 太耐無食住家飯既朋友仔都可以黎呢間試試佢～！棒棒糖老鴨飯 $52上枱就已經見到啲鴨整好左好似手撕雞咁 唔會有骨 食起上黎都方便啲😚 而且啲鴨肉同相內面一樣已經入曬味😋香茅豬扒雞翼飯 $50佢地既雞翼幾好食 炸得香脆內嫰🥰 豬扒都好夠味 唔會好韌👍 佢地既豉油汁唔會好咸😚香茅豬扒蓮藕餅飯 $50蓮藕餅好足料～ 又係煎到好香脆， 令人一口接一口咁食🤣

疫情關係冇得外遊，放假唯有約老朋友食下飯，老朋友住喺北角，佢好鍾意去附近嘅閨.家食飯，佢話呢間啲食物冇味精，唔用化學野醃肉，豬扒係由人手剁鬆，好健康。今晚就同我去食飯。餐廳地方不大，粉紅色的裝潢很精美，門口大部份時間都有人排隊等位，睇嚟都係好受食客歡迎。所有飯餐都會送老火湯，足料又冇味精，味道鮮甜濃郁。凍檸茶（凍飲加7蚊，熱飲加5蚊）咖喱豬扒飯，咖哩濃郁有椰香味，亦可揀小、中、大辣。豬扒鬆軟入味唔鞋口。咖喱魚柳飯，魚柳嫩滑啖啖肉，還有薯仔和紅蘿蔔做配菜，咖喱汁撈飯特別開胃食多啲！同學話呢度啲雞翼好好食，所以叫多碗雞翼出前一丁麵，果然！雞翼煎得外面香脆，肉質非常嫩，有肉汁又入味！

本以為可以一嘗閨家最出名嘅手工紫薯麵，但原來餐廳嘅手工麵係唔做外賣架😭，感覺超可惜，唯有下次再黎堂食先試啦。 涼拌海蜇手撕雞38 麻油同醋味都岩岩好，海蜇彈牙。最緊要手撕雞好嫩滑！大大啖都唔怕！不過當然都係要細細欣賞啦香煎豬頸肉42 閨家既豬頸肉好出色，油香足夠之餘，燒完都有口感彈牙。每次都必點小食招牌豬扒18 出面排隊都已經有大量video，有重點推介呢到個豬排，每一塊都用心dup，細心處理。一咬落去，又林又香！手剁咸魚煎肉餅飯48有留意開都知飯我永遠都係食呢個，雖然鹹啲，但係呢個鹹魚煎肉餅真係好食過香港最好食！配細老火湯醫護人員同埋學生免費！係咪都一定要嚟飲湯！足料，甜，無味精！

閨•家 (寶榮大廈) 6月食記家常小菜,滋味靚湯排隊約5分鐘可安排入座,夠效率,服務有禮貌呢度最出名既係豬扒飯同埋老火湯,朋友好想試,今次過開黎北角,所以就同佢黎試下香煎蓮藕餅豬扒飯$50,包老火湯一客,抵食!小吃涼拌海蜇手撕雞,醉雞飯$48,小吃$38  2杯檸茶 埋單$150大約5分鐘上菜,幾夠快手先上湯同手撕雞,雞絲啖啖肉加上麻醬同海蜇絲,好粗身海蜇,食起黎爽身彈牙老火湯每天不同樣,今日係侯頭姑清湯,清甜滋潤,好飲,朋友好滿意煎肉餅中間食到蓮藕粒,帶爽,肉餅煎得香口,拌碟仲有蔥油撈埋食一流豬扒帶骨,食時要小心,好尖銳,甜甜地好香口,味道好有家的味道醉雞有少少唔夾飯當冷盤前菜岩D,雞脾位,啖啖肉,浸到入曬味,味道佳仲有淡淡酒香~!平均消費$75 ,排隊時間約5分鐘評分:8.5/10#閨家 #北角美食 #老火湯 #港式 #茶餐廳 閨•家 (寶榮大廈)北角蜆殻街6-16號寶榮大廈地下F號舖

閨•家 (寶榮大廈) (北角).香港人工作繁忙，餐餐都食外賣出面食，而呢一間就係主打家嘅味道，最欣賞係佢嘅湯係真係好飲而唔係出面例湯嘅味道.麻辣口水雞菠菜麵- 呢個口水雞嘅味道不過不失，雞都算多，但係佢同雞腎個醬汁好似係同一個，反而有特色小小嘅係佢嘅波菜麵冇人造色素，你用本身蔬果嘅顏色去做唔同健康嘅麵，另外仲有橙色嘅甘筍麵同埋紫色嘅紫薯麵.煎豬扒蓮藕餅煎蛋飯-呢個女朋友吃得津津有味，佢係一個極喜歡食呢類型飯的人，除咗有蔥油，佢更加又唔肯定係咪自家條配嘅鹹酸菜，另外佢仲額外加咗隻蛋，成個飯不論顏色定味道都非常好👍🏻.涼拌海蜇手撕雞-呢個個人覺得太多麻醬，如果少返少少成個味道會冇咁漏同埋清爽啲，不過都係好食嘅！手撕雞冰涼，再配埋爽口嘅海蜇係冇得輸嘅前菜.麻辣雞腎- 呢個雞腎比起我之前食大份左好多，雞腎都好爽口

食過閨•家, 難忘佢既住家FEEL, 特別係佢盅湯, 對於我依D愛飲湯水既人黎講, 食個LUNCH有個靚湯飲真係會加分。柱侯牛筋腩配菠菜麵 $50見到MENU有新推出既菜式, 一於試下! 真係要讚下佢既牛筋, 大舊之餘咬落軟腍又黏口, 口感好好, 牛腩亦炆到好腍, 而且兩樣都好入味! 仲有佢既腩汁都係精華黎, 非常濃郁, 我自己就冇浪費, 將醬汁倒埋落菠菜麵度食, 成個麵變左上湯腩汁麵, 正~菠菜麵都係我最中意食既其一, 麵身偏硬係我中意既口感, 湯底本身已有高湯味, 唔中意過於濃味既就咁食又得! 蘋果紅蘿蔔沙參煲咸排骨 $28平時如果叫飯既話係會送一盅細湯既, 但今日想食麵, 就咁叫一盅大湯, 其實都係28蚊, 好抵飲。湯水足料冇味精, 飲完唔會口渴清熱潤肺

朋友推介蜆殼街寶榮大廈地下舖（閨家)茶餐廳！趁今天假期，專程來飽口福茶餐廳的環境明亮，坐位舒適！韭菜豬肉餃甘筍面$36，韭菜豬肉餃堪為水餃中的經典！呢間手工製作的水餃比例恰到好處。手工製作的甘筍面軟硬適中，爽口彈牙的面質令人吃得滿心滿足！連面湯也透出濃濃的味道！餐廳跟餐的老火湯！每天皆不同，而且不落味精，今天飽口福的就是麥冬瘦肉蘋果湯，入口清潤的老火湯真材實料！呢款慢煮豬軟骨飯$48！經過慢煮後的豬軟骨賣相吸引，軟淋入味的豬軟骨配上白米飯，絕配！😋😋😋😋涼拌海蜇手撕雞$38，爽脆的海蜇絲再加上啖啖肉旳手撕雞配上特製的涼伴醬料！令人食指大動，真心覺得朋友的推介不錯。價錢便宜但食物的水準卻很高質！

之前經過炮台山時比呢間餐廳吸引住因為門面同座位都好少女粉啊今日有機會再經過又見未開始多人就即刻入去試下星期二係蟲草花百合無花果煲豬展點左香煎蓮藕餅豬扒飯媽媽話想試麵, 3款顏色都好吸引, 有紫薯, 菠菜同甘筍可以揀最後選擇左家傳炆豬手紫薯麵豬手係限量供應架, 我地7點左右去到都已經係最後一份所以落單之後店員都好快拎份豬手比我地碗湯入面蟲草花份量都唔少, 好清甜香煎蓮藕餅好脆, 白飯加上甜豉油簡直係絕配豬扒好軟稔真係唔覺唔覺就食哂成碟飯到我差唔到食哂個飯嘅時候發現出面已經開始有人排緊隊但仲差碗麵未到所以就問下店員先發現原來係廚房忘記左等左一陣碗麵終於到喇。顏色好吸引麵條有咬口湯底偏濃但配合番個麵係剛剛好豬手好軟, 好香南乳味 唔怪之得咁快賣哂啦

而家屋企成日煮飯，食得多有時都覺得悶悶地，難得過開黎，就係附近睇下有咩好食順便買個外賣番去。經過見到呢間排哂隊😮應該都係好野🤣見到入面牆壁油得好靚，好有種住家feel🏠我叫外賣就唔洗點等，落完單5分鐘就有得拎！快靚正！.香煎蓮藕餅豬扒飯 $51 (4/5)好耐冇食藕餅🤤🤤🤤呢個係餐廳熱門款式之一！藕餅煎得好香，好惹味👍🏻仲要厚切，再加埋塊大大既豬扒，好豐富😙所有飯餐都包一盅細嘅老火湯，佢哋既湯每日都唔同款，咁啱星期五係五指毛桃准山煲雞湯，聽到都覺得正，平時屋企又冇煲呢啲湯，啱晒🤗重點個湯無落味精👏🏻熬煮四小時，夠哂健康😺. 咖哩牛腩飯 $51 (4/5)本身諗住叫柱喉牛腩，點知佢話冇哂，所以就揀咗咖哩牛腩😉咖哩有得揀辣度，我揀左少辣，點知食落都好辣🔥佢哋既咖哩用左七種咖哩粉混合而成，再加埋椰奶同花奶，所以食落辣得黎又好香，撈飯一流🤤.涼拌海蜇手撕雞 $39 (4/5)海蜇爽口彈牙，雞肉嫩滑，加埋麻醬，正！

公司附近有這間主打無味精老火靚湯的餐廳，是我和同事經常光質的餐廳點主食會奉送老火湯，老火湯天天不同，今天是杏汁青蘿蔔煲豬展，無味精份外消甜同事還加了凍檸茶，同事表示茶底香濃，十分解渴涼拌海蜇手絲雞 - 份量出奇地多，雞肉多得像個小山丘雞肉十分嫩滑而且無骨，配上芝麻醬和爽口的海蜇來吃十分醒胃梅子金沙骨飯 - 即是一字骨，有5 條份量也不少一字骨肉質非常軟腍，拌著酸酸甜甜的梅子醬吃令人吃不停口咖喱雞翼飯 - 咖喱可以自選辣度，我們點了少辣咖喱汁非常香濃而且杰身，送飯一流，雞翼大隻多肉，非常滿足這間餐廳性價比高，加上有啖無味精的湯飲，是打工仔吃飯的好地方

閨•家 (寶榮大廈) (北角).近年多左好幾間分店，無味精老火湯作主打，價錢親民.🔹香煎蓮藕餅豬扒飯🔹.呢個蓮藕餅好食，內應該有啲芋頭，蓮藕味不重煎得香口，豬扒唔會一大舊勁厚，反而薄薄地入口唔韌，加上大量葱油同甜嘅酸菜，成個飯好有港式味道另外我加$5一隻太陽蛋，成個飯即刻點綴曬(⁎⁍̴̛ᴗ⁍̴̛⁎)🔹慢煮豬軟骨菠菜麵🔹.非常非常腍身的豬軟骨，唔好睇佢其貌不揚，但十分入味，肉腍到可以一夾就將肉同骨分開。菠菜麵係店鋪其中一招牌，另有甘荀以及紫薯麵.🔹涼拌海蜇手撕雞🔹.充滿胡麻醬嘅味道，海蜇唔多但都爽口，手撕雞反而份量幾多，呢個係算係幾惹味小食.🔹鐵板豬扒炒烏冬🔹.呢度嘅豬扒真係幾出色，每一件都唔會太肥膩同埋太厚身，咬落去啱啱好，夠軟熟煎得香口，再配埋炒烏冬，又唔會太多油.環境：⭐️⭐️⭐️⭐️味道：⭐️⭐️⭐️⭐️服務：⭐️⭐️⭐️⭐️價錢：⭐️⭐️⭐️⭐️⭐️.📌 閨•家 (寶榮大廈) (北角)北角蜆殻街6-16號寶榮大廈地下F號舖