阿久根和牛立燒店 (已結業)

哪位日本愛情及動作女演員，一定不會令你失望？我選京香JULIA。哪些日本美食，一定不會令你失望？我選和牛‼️在日資公司上班的朋友推薦我光顧一間旺角的日本餐廳— —《阿久根和牛立燒店》，他說他間中也會和日本同事光顧，因為無論食材、酒水、還是店內的裝潢和氣氛都很有日本地道的格調。剛轉入店舖所在的那條街，已看見門前有長長的一條人龍在排隊，心想：「糟糕了，看來要等很久。」走近一看，才發現排隊人龍的目標是旁邊那一間內地網紅店《兩草》。心裡面立即高呼：「幸好那些遊客不懂吃，不然我就要花時間排隊吃和牛了。竟迷信張智霖和袁詠儀的明星效應，看看店內光顧和店外排隊的人群中，要找一個半個本土香港人都難，就間接知道這些遊客很快就會中伏了。」話回正題，一走進《阿久根和牛立燒店》，我就明白為何朋友的日本同事會光顧這間店，因為他的裝潢和日本本土的居酒屋、燒肉店無異，連貼在牆壁的宣傳海報都是日本櫻花妹，恍如置身日本的餐廳一樣。點了兩個套餐：「極尚和牛定食」和「阿久根和牛涮鍋」，另外加點「豚五花腩」、「黑豚肉」和「鰻魚」。🥩「極尚和牛定食」：A4肉眼x2｜A4西冷x2｜牛舌x2｜牛肚x2｜麵豉湯｜沙律🥗｜飯正式燒肉前，習

旺角出名多嘢食，今日嚟到白布街覓食，見到有一間和牛燒肉，都好似唔錯，就入嚟試吓啦見到個名和牛立燒，仲以為要企喺度，其實佢都有啲bar枱嘅位置，一坐低嘅時候店員就俾咗兩個前菜我哋食，係一個汁煮肥牛，好惹味，打開咗個胃口再睇吓個餐牌有咩食啦，見到有個極尚和牛定食，好似好吸引，就嚟試吓啦，佢有唔同嘅牛，好貼心咁樣有個牌寫低係乜嘢部位，有牛肚，牛舌同A4和牛，仲會有一個好細嘅爐比你，一放上去炸一聲好療癒仲可以加生菜，夾住啲肉，解膩又有啲營養一個set仲有飯沙律麵豉湯，作為一個lunch絕對夠食另外仲嗌咗個和牛牛涮鍋佢有一隻蛋湯底甜豉油，有唔同嘅蔬菜粉絲仲有烏冬份量好多都好飽肚另外仲嗌咗豚肉鰻魚雞腎，每樣都好新鮮好好食舖仔細細全部枱都係吧枱一個人食又得兩個人食都得，啱哂獨行俠，自己食都唔會尷尬最抵食嘅係百幾蚊又可以食到日本和牛仲有胸腹三角肋肉，出面去邊度搵性價比超高 好多立燒舖頭都係冇得坐既，但呢度可以坐，靜靜地享受一個下午都係唔錯嘅選擇

朋友介紹過呢間和牛立燒，今晚黎試下，開頭以為立燒係無位坐，原來唔係既好彩。叫左個極尚和牛定食，$168 就可以食到A4 和牛，性價比高。定食跟湯，沙律，飯同前菜。個蜆肉海帶味噌湯係幾好味，飲到淡淡既鮮味。入面仲有隻蜆，鮮甜飽滿脹卜卜。餐跟有肉眼A4,西冷A4 同埋牛舌。 最鍾意肉眼A4 牛味好濃，軟腍有油香，僅次係西冷， 牛舌就好爽口。 另外仲有牛肚，呢個真係好耐無食過，燒完個面脆脆地，仲要好腍一d 都唔韌。✨阿久根和牛涮鍋：蔬菜有娃娃菜，金菇，東菇，洋蔥，大蔥，蘆筍, 豆腐，望落幾新鮮。✨幾鍾意呢個壽喜燒湯底，d 烏冬同葛絲索晒落味甜甜地又夠濃好好味。佢個烏冬好嫩滑同幼身，葛絲就勁Q 彈。✨餐跟胸腹肉，三角肋肉同肉眼A4. 最好食唔使講係肉眼，得一塊🥹三角肋肉都好食算有牛味，胸腹肉就爽口。食完其實唔係幾夠喉，不過呢度個格局其實都幾啱獨食或者兩口子黎食， 下次可以自己黎過下口癮

上個weekend lunch就喺旺角白布街嘅阿久根和牛立燒店食左個豐和牛二人盛全部都係和牛好滿足！🤩先嚟個前菜蔥煮和牛個肉汁夠香濃蔥嘅味道又令人口感更加豐富先講餐廳送嘅澳洲和牛一入口就感覺到肉質爽口食牛唔少得嘅係肉眼啦今次試咗A4同A5兩款A4嘅肉質鬆軟，入口即溶，味道層次分明而A5嘅油脂更加多同平均，分怖得似大理石油香更加濃郁真係食完就有一種幸福嘅感覺🤤除咗肉眼，仲有三角肋肉、牛肚同西冷三角肋肉嘅和牛味重，但唔會過分漏只要控制好煮嘅時間同鹽份 味道就可以平衡到牛肚爽口 又帶有微微醃味令人食得好過癮A4西冷唔好燒咁耐 燒到粉紅色好攞起口感就會林林地而A5就再正啲 入口即溶啲 真係好好味！個set仲包左少少蔬菜 有生菜、冬菇、翠玉瓜、菠蘿都好新鮮 食完和牛食返少少蔬菜 尤其是個燒菠蘿即刻無晒油膩感整體嚟講 阿久根和牛立燒店嘅和牛質素真係唔錯除咗部位唔同 個和肉味道亦都好豐富自己燒 好好控制個時間 可以食到原汁原味和牛嘅香值得一試！👍🏻👍🏻👍🏻

一直都好想試下呢間「阿久根和牛立燒」，今晚終於約到阿哥陪我去食。原來餐廳依家有提供座位，可以有櫈仔坐定定慢慢嘆和牛。餐廳除供應由日本直送之和牛，亦有US頂級牛及黑毛和牛，有不同牛部位供選擇。此外亦有厨師推介時令魚生、海鮮。飲品方面有汽水、茶之外，亦有啤酒及日本清酒供應。點了兩份《極尚和牛定食》($168)，定食包有多款和牛、未飯、湯、沙律。麵豉湯有蜆肉，同埋大量海帶，夠熱好飲。麻醬沙律有青瓜片、生菜、車厘茄，仲有菠蘿粒，蔬菜非常新鮮。呢個套餐有肉眼（2pcs) 、西冷（2pcs)、牛舌（2pcs)，仲有兩件金錢肚及牛肋條。油花均勻，入口肉嫰甘香。果真大衆化價錢，極致享受。另外仲有多款配料供追加，有牛、豚、雞、蔬菜等等。最後決定試多兩件《牛胸爽》（$18/pc)和《三角肋肉》($28/pc)。

今日又係覓食日，我同我朋友今次去到位於旺角嘅阿久根和牛立燒店到食鋪頭好有居酒屋嘅味道，又有啤酒供應，今次一於食餐好嘅！我地2人叫左‘omakasa’A5和牛刺生盛、阿久根牛涮鍋，另外，仲叫散叫左西冷、上胸腹肉、肩胛、牛骨髓同鰻魚黎燒烤1.omakasa’A5和牛刺生盛 $168有4件嘅和牛刺生壽司，每件都係一啖啖就入口嘅和牛肉，好嫩好滑，咬落去即刻化開，真係非常好味。壽司都好精緻，擺盤好靚，顏色亮麗，睇落已經食慾大增😋而且都係168，抵食2.阿久根牛涮鍋（有雜菜、胸腹肉、三角肋肉、肉眼A4、烏冬）$148阿久根牛涮鍋非常豐富，有各種蔬菜、胸腹肉、三角肋肉、肉眼A4和烏冬等等。特別是肉眼A4，肉質柔軟、口感鮮美，真係好想再叫黎食😋。而且湯底都非常香濃，真係係食唔停口3.散叫(西冷、上胸腹肉、肩胛、牛骨髓同鰻魚)以上嘅食物都係燒烤用，非常適合肉食愛好者。西冷同上胸腹肉係牛肉度裡最經典嘅部位，食落去好嫩好滑，肉味好濃郁，真係好好味😋肩胛肉就啲嚼勁多啲，肉質緊緊實實，同燒烤醬汁一齊食更加惹味。牛骨髓就係一道比較特別嘅菜式，食落煙韌，好食。鰻魚肉質鮮嫩，口感好滑，魚皮燒到香口先食就非常之正啦整

今日同朋友去咗白布街嗰邊食嘢，白布街啲餐廳都算平靚正～-旺角地鐵站E2出口行7分鐘左右就到，都算易搵👍🏻-環境唔太大，位置之間亦唔算太逼，都坐得舒服😊一開始睇到個舖頭名仲以為冇得坐😂-呢度有燒肉亦有涮涮鍋燒肉定食套餐有哂沙律、蜆肉麵豉湯、青瓜漬、飯（仲有飯素🥰）所以好多都係一個人或者兩個人去食👍🏻有時諗唔到食咩都可以喺度食價錢唔貴之餘，百零蚊就已經可以食到日本A4和牛🤩-極尚和牛定食 $168.肉眼A4油花豐富肉味好濃郁又嫩🥰.西冷A4口感柔軟又juicy.牛舌彈牙又軟嫩.呢間燒肉店都幾有人情味仲送多左款牛肩比我地食都好嫩😋唔怪得咁多街坊去食😍-阿久根和牛涮涮鍋配烏冬壽喜燒湯底配上娃娃菜金菇好索湯甜甜地好食冬菇好滑😋.胸腹肉比較多脂肪有口感啲.三角肋肉入口即溶.肉眼A4涮過後同燒過後有少少唔同肉味依然濃郁又嫩食落多左份柔軟感-菠蘿$10必叫燒菠蘿我燒肉最後都會燒下菠蘿當係飯後甜品咁好多汁😋-生力朱古力黑拉格啤酒🍺、麥味啤酒我朋友飲咗呢個朱古力黑啤酒覺得好好飲有少少淡淡的朱古力甜甜地咁未試過可以試吓😚我自己就鍾意麥味嘅啤酒多啲😆佢地仲好貼心咁將啲杯雪到凍冰冰咁🤩

百幾蚊就食到 A4 和牛？真係講到冇人信，仲要係旺角區，方便又抵食！早排同屋企人行完旺角東，諗住源路行返去旺角下食咩好，點知就見到呢間「阿久根和牛立燒店」，個名雖然就寫立燒店，但望入去有位坐，價錢仲好吸引𠻹！就咁睇Menu都好多一人Set，就算一個人嚟都唔驚諗唔到食咩呀！今日我哋兩個人嚟，可以揀兩款唔同嘅Share食！阿久根和牛涮鍋 $148前胸腹肉/三角肋肉/ 西冷A4/烏冬/野菜盛/日本雞蛋壽喜燒湯底一煮熱，豬太郎就將啲菜浸落湯底度慢慢煮，將壽喜燒嘅甜味吸收晒！一邊煮一邊將牛肉燙熟。用鍋煮嘅牛肉比較軟嫩，配合埋甜甜嘅湯底，好滿足！食到差唔多放入烏冬，豬太郎就鍾意臨熄火前加入雞蛋撈勻，啖啖香甜更加滋味呀！極尚和牛定食 $168肉眼/西冷A4/牛舌/牛肚/沙律/麵豉湯/漬物/飯素白飯套餐份量十足，就算男仔嚟食都一樣夠飽！一邊燒一邊聞到陣陣肉香，咬落充滿油香和肉汁，惹味之選！

旺角的黑布街/ 白布街一帶有唔少食肆小店 無論價錢或者食物質素都唔錯 加上冇大街咁多人 所以覓食都會係度入手💕 雖然話係立燒店 但望入去都有高腳餐椅俾客人進食 決定一試😌兩個人點左一個和牛涮鍋同埋一連堆串燒燒肉 加杯啤酒🍻就已經非常滿足前菜小食 阿久根和牛涮鍋胸腹肉x3三角肋肉 x2肉眼A4 x1烏冬 蔬菜盛合涮涮鍋$148 黎講性價比真係好高 牛肉的肉質紋理鮮明 而且仲奉上雞蛋🥚點配牛肉 蛋汁將牛肉的口感提升 更加惹味💕烏冬條亦都幼嫩彈牙 份量適中 串燒燒肉：菠蘿🍍x2翠玉瓜x 2雞軟骨 日本雞腎鰻魚 x2牛舌牛肩胛牛前胸腹肉A5 西冷 餐紙上有標註牛的不同部分特色和燒烤時間 可以俾食客根據自己的喜好去選擇 ✅ 而且上菜時亦會標明返 減低混亂感 個人認為係幾貼心的☺️ 當中個人比較喜歡西冷、牛舌和前胸腹肉❤️ 菠蘿和翠玉瓜亦比較Fresh 可以中和飽膩😆食燒肉點可以唔點啤酒🤣輕井沢啤酒配啤酒杯飲返杯 🍻人均百多元就食到A4和牛好抵食 😆餐廳除左涮涮鍋亦有定食套餐 相信無論1 人食 或者2 個人咁叫黎share 都一樣得✨

平時覺得一兩個人就去食燒肉好似少人得滯，但係點知俾我見到一間燒肉店，但係佢係專比一至兩個人去雖然唔大，但係都坐得舒適同乾淨佢嘅燒肉有得簡定食嘅形式，所以會有前菜，味噌湯同小菜等等嘅食物可以一齊食，唔會淨係得個燒肉咁dry我哋叫咗兩個極上和牛定食($168)，另外仲叫多個番薯同埋雞肉，而生菜免費任加而且佢個定食已經有A4嘅牛，咁當然，你叫一個$98最平嘅定食都會有一份a4嘅肉眼，但梗係食貴少少，對自己好啲㗎嘛😋😋😋所以佢肉嘅味道都唔錯，所有嘢都幾好食，而且佢仲有得揀唔同味道嘅辣粉，個人覺得好滿意🥸🥸

阿久根和牛立燒📍旺角白布街2-24號藝興大廈8號舖今日同媽咪黎到旺角出名既燒肉店， #阿久根和牛立燒 ，位置方便之餘，店內設計極似日本燒肉店🇯🇵 我地叫左個豐和牛二人盛，兩個人食可以食到好飽，埋單$400幾左右就可以食到和牛😋有好多唔同部位既和牛牛肉🐮🐮、牛舌、西冷、A4肉眼、A4西冷、A5肉眼、三角肋肉及兩碗飯🍚可以食曬咁多款😋每款肉真係勁厚肉，燒完好Juicyyyyy ，肉質都非常高質呢😋😋

以前覺得燒肉需要一大班人先食到，最近發現越來越多1-2人都可以食燒肉，獨食都無問題。上個週末便約朋友到旺角阿久根和牛立燒店，來一場二人燒肉。餐廳以立食形式供應日式燒肉，但其實都有高椅。燒肉最怕就喺燒太耐搞到肉質韌曬，而餐排針對不同部位的和牛註明特點同燒烤時間，咁就可以烤出最理想的口感！<豐 和牛 二人盛> $388套餐可以品嚐到和牛不同部位，包括肉眼、牛舌、西冷、三角肋肉、牛肚同特選蔬菜。我們尤其喜歡三角肋肉和肉眼，牛味重，油脂豐富，點上些許鹽入口即溶。至於牛肚爽口彈牙，西冷油脂分布平均，各有千秋。特殊蔬菜有菠蘿、翠玉瓜和冬菇，數量不多但勝在嚐鮮。整個套餐附送米飯兩碗，上面灑上飯素；如果怕和牛太油膩可以包裹生菜食用。整體而言，和牛質素不俗，立燒概念特別，適合少人聚餐燒肉。不過建議如果套餐有附上飲品就更加好啦。

經過白布街黑布街呢度咁多餐廳林立！總有一間啱食嘅😍😍是晚見到呢間寫住立食但其實有位坐嘅和牛燒肉！就入去開餐啦！. ✨前菜 $8 @位今日嘅前菜係中華沙律🥗清新開胃！. ✨豐 和牛 二人盛 $388 (另加一）懶得逐塊揀咁落單😆😆一於叫個set唔使煩！包括有肉眼A4(x2)、西冷A4(x2)、牛舌(x2)、肉眼A5(x2)、西冷A5(x2)、三角肋肉(x2)、牛肚(x4)、特選蔬菜(冬菇, 南瓜, 翠肉瓜, 生菜) ！！ 可以揀沾海鹽或者燒肉汁同食！當中Be覺得最正係肉眼A5‼️完美演繹入口即溶嘅油脂感‼️另外牛肚就比較少燒肉時食幾特別！爽口得嚟有咬口！. ✨澳洲和牛牛肋肉 $148 @150g質素都好好🙌🏻油花好香！有牛味又夠軟嫩😝果然識食一定食和牛！！

我個毒L朋友經常提及「阿久根和牛立燒店」$1xx起就食到日本 A4和牛，性價比高，今晚嚟到呢度先知除立食仲可以有得坐嘅，適合1人-2人及拖友都得。阿久根和牛涮鍋 $148A4肉眼1pc、三角肋肉2pcs、前胸腹肉3pcs，和牛肉色粉嫩，油脂分佈平均，壽喜燒配料主要有娃娃菜、鮮蘆筍、洋蔥、金菇、鮮冬菇、蒟蒻絲、豆腐等；稻庭烏冬 半個及日本雞蛋 1隻，以嚟講價錢食到壽喜燒套餐都唔錯。風味和牛定食 $98胸腹肉 2pcs、肩胛1pc、肉眼A4 Ipc、牛肚2pcs，用日式迷你小烤爐，高溫鎖住肉質的鮮美，牛肉的部份一面只要烤十秒左右，5-7分熟入口即化，只需加上些許鹽，就可以完美提升牛肉本身的美味，很讚。另外追加：黑豚肉及五花腩各1pcs，烤到金黃色焦焦的，脆脆彈牙的口感非常正。套餐已包括沙律菜，白飯、麵豉湯、好味又豐富。A5和牛壽司$45/each和牛油脂豐富、香氣迷人，入口肉汁很鮮甜，而且很輕易就化開。

旺角白布街和牛立燒店雖然叫立燒店 其實係有高椅坐㗎 唔使擔心真係要企喺度燒🤭入座會先上前菜 $8/位當日供應係素翅海蜇豐和牛二人盛 $388兩個人去食叫二人盛唔使點諗🤗 包括 7 款不同部位：肉眼A5, 肉眼A4, 西冷A5, 西冷A4, 牛舌, 牛肚, 三角肋肉最愛和牛雪花紋😍 油脂分佈平均 入口即溶A5 重油脂香 配上紫菜飯一齊食簡直一流牛舌味道濃又有口感 三角肋肉嘅肉味同油脂更偏重一點 幾特別會有牛肚 燒完原來都幾淋幾好味 特選蔬菜就有冬菇、紅椒、翠玉瓜桌邊有3 種分別原味、蒜香味、洋蔥味嘅調味辣粉燒蔬菜嘅時候落少少更好吃亦有提供生菜🥬 可以食菜包肉餐牌上選擇很多 散叫又得 仲有一人套餐就算一個人嚟燒都唔怕尷尬 啱晒毒獨食😆人均百幾蚊就食到日本A4 和牛 性價比很高！