阿信小廚 (已結業)

小廚店外環境不吸引，未必有人知道。但小炒有鑊氣，地道小廚。可以去長洲街市買海鮮，收加工費煮。咁樣海鮮可以好新鮮，而且價錢合理。比起碼頭外那些套餐更吸引。但今次沒有選擇買海鮮煮。因為想試吓小廚的小炒。黃金魷魚。平時食開黃金蝦，今次黃金魷魚感覺幾特別。鹹蛋黃再多少少會仲正😋士多啤梨骨😋😋 排骨炸得好脆。炸子雞，皮脆肉嫩。豉油王炒麵，失色了一點。麵質有點硬，豉油未夠入味蒜蓉白菜，唔老，菜好嫩👍🏻

一年一度的長洲佛誕太平清醮會景巡遊完結，大部份遊客陸續擁往碼頭，排隊搭船回去市區。對於已經訂了酒店過夜的小眾（包括筆者一家），還要等待凌晨 12 時才舉行的最後一個節目：搶包山。回到 B&B 小休一會，出發食晚飯。從長洲碼頭沿着海邊一路向北走，有很多細細間的海鮮小菜館，論規模及海鮮種類，統統比不上西貢；講歷史悠久及風味，流浮山又比較優勝。所以，長洲的海鮮小菜館其實更加接近普通街坊小菜館，只不過多了一些海鮮菜式，以招徠客人。主要客源不乏遊客，以前曾經光顧過幾間，質素一般；所以今晚決定往南走入長洲人聚居的小街，在 openrice 指引下，揀了「阿信小廚」。門口街外擺了一張大枱，甚至一幢有背靠的座椅 ⋯⋯ 如果這𥚃並非完全沒有私家車的長洲，這種光明正大地佔據行人道路的情況，應該沒有可能發生。小店內隴狹窄，裝修殘舊，市區很多街坊小菜館也較「阿信」企理。店內部全無任何陳設可言，只有牆壁上一張拍攝於10多年前的長洲照片，慶祝當年小店新張誌慶 - 從小店現狀也可以想像到，當年新張開幕時候的裝修都是相當簡陋，真的非常非常街坊。雖然菜館細間，但坐低唔夠15分鐘，已經座無虛席，而且九成以上客人都好明顯係

以前去長洲，最叻就係去食海鮮，然後就走去海邊找海鮮買，然後扮勁咁走入去海邊的店叫人加工，再整兩三條小菜，埋單就會覺得這個價不如出去食，扮晒食風味！有長洲居民做朋友之後，終於識去相熟街市買海鮮，又幾平靚正，之後就去呢間小廚，位置唔係海邊，後而在小巷穿插，然後就拿海鮮入去加工！伙計都好好咁會話你知邊樣海鮮點整最好，然後仲會提議可以加埋小菜，我們當然都接受啦！海鮮嚟到都真的加工加得好好味，而另外的小菜都相當有鑊氣，好耐無食過咁正的一餐！

Absolutely incredible. Had a brilliant time, the waiters were very nice and forgiving of my terrible Cantonese. After a few words, and some gesturing, we discovered that you actually have to take your own seafood. So rock up, secure a table, then head down to the fish market and buy whatever your heart desires. For us that meant, mantis shrimp and scallops. Both beautifully done, the shrimp was fried in garlic, while the scallops were steamed and topped with vermicelli.We also ordered chow mein

星期六沒事做，去長洲探妹妹，晚上到阿信小厨吃飯，先到街市買咗琵琶虾和大蟶子，上湯琵琶虾配炒飯底，上湯汁惹味淋上炒得香口飯上，恰到好處，妹妹話今期長洲人不愛吃伊麵底愛吃炒飯， 蒜蓉粉絲蒸蟶子，味道尚可，不過略嫌蒸過火，蟶子有點鞋口，另外叫咗三個小菜，過橋豆腐， 豆腐炸得熱辣辣非常嫩滑，淋上帶有小小酸汁的肉碎， 配搭得幾好， 士多啤梨骨，店長極力推介說是鎮店之寶，食落有點像咕嚕肉，不過用的不是酸甜汁，改用士多啤梨製的醬汁，金蒜焗桶蠔，蒜蓉炸得好香口，不過桶蠔沒有味道，略嫌太淡口。

openrice 見到呢檔「阿信小廚」有6個讚, 專登幫親, 女店員極力推介招牌菜, 試過後第一個反應... 就係賴左野... 蒜香美國蠔 : 唔叫做難食, 不過唔覺得上好味, 仲要係一 D 都唔平~沙沙大蝦 : 類似黃金蝦做法, 不過鹹蛋黃要搵, 成碟蝦啡啡黑黑, 樣一 D 都唔吸引~ 過橋豆腐 : 豆腐用上酸汁, 味道有 D 怪~ 阿信秘製骨煲 : 可能真係有秘密, 但係我睇唔到有乜特別, 我只係見到一煲豬腩肉~ 蒜蓉菜心 : 最正常反而係呢碟, 而且係唯一一碟可以食得晒~ 人均 $80, 唔值得~

行過見到這間小廚可以歡迎自來海鮮，立即去海邊生板船家買了條虎魚$90元，大蝦大約18隻$100，之後去街市買尿賴尿蝦$80,勝子$100,去到小廚多要個楊洲窩伊$45，腐乳生菜$唔記得幾$，連加工費，大約315元，我們有三個人吃平均每人$240，可以說是超滿足的海鮮餐。先說環境，唔算大，但坐得幾舒服，算是有d方法。伙記超好人超有禮貌，我仔仔去到伙記自動幫我換bb椅。獲氣夠，味道適中，虎魚清蒸味道適中，沙炒大蝦可以連殼食，椒鹽賴尿蝦-清清地唔太辣,豉椒勝子—夠野味,楊洲窩伊—伊麵太實要返煲，腐乳生菜—唔多腐乳味同有d淡

今日係7月1日,香港回歸紀念日,連續有兩日假期,好多人入咗黎長洲,既然知道咁多人黎咗長洲,當然book定枱,好彩book咗咋!! 今晚阿信小廚勁full呀!!油鹽水大花甲,食食下發覺個底有好多粉絲ar!! 正!!蒜蓉炒菜心,忘記影相,但個個食過都讚,夠獲氣蒜蓉粉絲蒸扇貝,普普通通豉椒炒聖子皇,yummy yummy,好野味ar!!粟米魚肚羹,都係忘記影相,唔夠粟米味,但好多魚肚清蒸芝麻斑,蒸得剛剛熟,掌握時間very good,好鮮甜ar!! 過橋豆腐,原來我之前嗰篇食評打錯咗個名ar!!薑蔥炒蟹,好野味食完之後,同行友人都攞咗card片for下次再黎

到長洲郊遊，主打活動當然是食、食、食啦！今次我們到阿信小廚吃晚飯。由於我們找不到這間餐廳，唯有打電話去問路，順便臨時訂位。到達後，看到店內全滿，幸好有一對夫婦即將結帳，我們便在門外等候。約五分鐘後，可以坐下了！桌子不算大，但我們已覺得可接受，店員卻甚為體貼，建議我們稍後再轉到較大的桌子，服務不錯。我們吃了～腐乳炒通菜($45)：有鑊氣，腐乳很香，通菜好味道！阿信秘製骨煲($65)：侍應推介，果真有水準！上桌時熱騰騰，豬肉很腍，調味不會太鹹，好。椒鹽鮮魷($65)：魷魚既大且爽，炸得很香，令我極開胃！薑芽炒鳳片($55)：等了很久仍未出現，以為漏單，結果查問後表示已在烹煮中，唯有繼續耐心等候喇！終於等到了！吃了第一片雞，發現有點生，於是要求再翻炒；稍等片刻後，再吃一片，完全熟透的雞肉卻不會很嚡，薑片很香，調味不錯，有少許像咕嚕肉。白飯：以上食物最適宜配白飯，四餸飯就此畫上完滿句號。

Hello!! 又係我ar!! 上一篇介紹阿信小廚都係我寫ga!! 有冇搞錯,咁耐都冇人介紹過又好食又抵食既阿信小廚 >.< ,好la!! 等我又再介紹一下今次我入長洲既阿信小廚食過d咩先!! 今次加工既有 豉椒花甲(d豉椒夠晒野味,d花甲又甜又大隻,yummy!!!)椒鹽瀨尿蝦(上次都有食呢個,因為夠椒鹽lor,hahaha.....)薑蔥炒蟹(上枱既時候,熱辣辣,好香薑蔥味ar!!! 可惜自已買去既蟹唔夠大隻,不過都幾甜)另外order咗阿信小廚自家既琵琶豆腐(必食推介!!! 我上次都有食ga!!!)秘制骨煲(d肉好入味,炆到好淋ar!!!)

之前入過黎長洲幾次,次次晚飯都在海旁既海鮮檔食,雖然價錢平,上碟份量都算大碟,但碟上既海鮮size超細,食完一d都唔滿足,今次一於試下在街市買海鮮俾餐廳加工,在網上見到呢間"阿信小廚"煮完出黎既賣相幾好,一於就呢間啦!! 店員好有禮貌,服務又好,最重要食物一流,除咗加工海鮮好得之外,佢地既基本小菜都好好味,食到我同朋友個個都好滿足

兩日一夜長洲之旅, 第五站 - 阿信小廚: 蒜香美國蠔($128) 蠔好大味煮得岩岩好, 加多好多蒜好多洋蔥一齊爆香, 好香口! 必食! : 蝦醬炒通菜($38) 普普通通, 咸左少少同油左少少。因為太耐冇食過菜所以要叫, 可以唔食. 好好生意好快係full 哂, 所以要食一定要book 位! d 菜都上得幾快, service 都唔錯! 2人去食, 食左2 樣, 埋單$166冇加一