阿四車仔麵 (已結業)

我同朋友去開旺角，咁啱我哋又未食嘢，我哋就喺OpenRice度search車仔麵，見到呢一間嚟我哋幾近，所以就去咗呢一間到食。🤧🤧------------------------------咁啱撞正下午茶，嗌三個餸連一個麵只係30幾蚊，我就嗌咗炸墨魚卷、豬紅、蘿蔔、瑞士雞翼同埋米粉。而我朋友就嗌左牛腩、豬大腸、蘿蔔同埋粗麵。醬汁方面我揀咗麻辣醬，朋友就揀咗沙嗲醬。餸方面，豬紅冇乜味，蘿蔔都幾甜，瑞士雞翼就幾入味。但個麻辣醬汁好辣，辣到我要用我朋友個碗沙嗲湯去沖一沖🤧🤧，但都幾好食嘅。而我朋友就覺得不過不失。但我覺得份量都唔算少。------------------------------咁啱經過又諗唔到食啲咩嘅話都可以去食吓。

是日想食車仔麵呢間黎過都不錯今日再ENCORE呀點左~米粉豬紅生菜炸豆腐尤魚(咖哩汁)米粉份量好多囉兩件炸豆腐好大件食完已經被KO一半咁尤魚豬紅都入味既咖哩汁唔太辣少少香味本人幾鍾意呀~油麵墨魚春卷生菜咖哩魚旦(麻辣汁)魚旦幾彈牙呀墨魚春卷好讚呀裡面有粒粒墨魚肉口感幾好呢個餸要ENCORE呀個麻辣汁都幾辣架但會想繼續食落去果隻呀

鬧市中寧靜的一間食肆唔係無原因...車仔麵食物選擇無特別，全部係凍肉櫃會搵到既凍貨，無咩話自家秘制食品。至於佢既小食有無驚喜我會保留意見，話曬無點就唔會亂評。埋單百零蚊，唔會話佢貴，但都唔係太抵食咁。唔講食物既話呢間舖係幾好坐，因為唔多吸引，無乜客，位任你揀任你坐，又唔嘈。

星期五出旺角食晚餐，冇訂枱所以就周圍搵下有咩好食；見呢間車仔麵唔使等位，但又有人食緊喎，所以就試下喇！✨沙嗲醬係必點之選！好有沙嗲香，好滾花生醬嘅味道，食落仲有花生碎，用嚟點麵同餸食好正！🥜⚪️滷水腩肉好肥，滷水味唔香，肉質偏鞋，可以不試🐷⚪️蘿蔔正常，冇話好甜但放得入口嘅～⚪️貢丸可以嘅，紮實有鮮味～⚪️湯底無味，米線有啲會好硬好似未熟咁🥲✨炸墨魚卷炸得香口，係油咗小小～⚪️魚腐有雪味，唔好食🥲⚪️雜果冰好淡味，唔好飲，可以不試….嚟呢度我會推薦食佢個沙嗲醬，真係正！其他就正正常常，唔期望太多就ok🤣

到旺角繁華的市區，心血來潮諗到想食「麵」或「烏冬」。一開始諗到的都是傳統的粥麵店，或者普通車仔麵。一踏入「阿四車仔麵」，整體和整潔，令人覺得舒適。車仔麵方面，餸菜較為普通，同湯底較淡。不過，飯類十分出色。昨晚嚐試食「咖喱吉列豬扒飯」：吉列豬扒：好脆，咖喱汁：🍛正常其他：上面有三條菜心，好窩心。飲品「港式奶茶」茶底太濃，杯底太多糖漿。//但太款味道未能中和//旁邊仲有辣味菜脯同美極豉油。菜脯好道普通，豉油其實都不需要用到。

週末晚係旺角要揾食真係唔容易，趕時間要快快手揾間餐廳搞掂一餐，見到呢間店面幾企理就入黎試試。呢度嘅餸嘅選擇都幾多，價錢平貴都有，仲有好多小食，可以隨心配搭。菜脯唔辣，夠爽口朋友唔想諗就直接揀個招牌麵，每樣餸都有D。個麵唔會煮得好稔好爛，腩汁比較清淡，個人覺得可以鹹D。湯底唔油。豬皮同辣魷魚都爽口，瑞士雞翼炆得夠稔。另外叫左份炸燒賣，份量都幾多，2人share 每人都可以食到好多粒。炸得香脆，配埋泰式辣醬係一個冇得輸嘅組合！我就叫左炸墨魚卷，冬菇同埋溏心蛋烏冬。沙嗲汁嘅份量唔太夠，如果比多D會更加好。炸墨魚卷有2條，口感幾爽但放左係湯度稔左少少。冬菇超級大隻，彈牙同埋幾香。溏心蛋好出色，甜甜地仲有陣淡淡嘅酒香味，蛋黃嘅形態都煮得岩岩好！麻辣牛栢葉麻香味幾夠，唔會太鹹，唔算好辣，岩晒我呢D食唔到太辣嘅人港式樽仔奶茶雜果冰都有得叫，勁有童年嘅味道

食得多貴野有時都要搵D平既美食黎食下係旺角行完街今日食左呢間呀四車仔面係車仔面鋪黎講佢既裝潢好新佳得好舒服, 唔會好似平時果D咁迫今日比較肚餓所以叫左碗招牌面同埋叫左個炸燒賣黎食招牌面有好多唔同既食材啱晒有選擇困難既朋友配個腩汁慢慢嘆佢仲放左D菜脯係度少少辣幾好食炸燒賣質素都唔錯另外都叫左杯雜賓治正常發揮Overall呢餐坐得舒舒服服食物質素唔差叫晒上面咁多野100蚊內都搞掂有時係行到攰係度食碗麵歇一歇都唔錯

喺旺角行街，心血來潮想食車仔麵。餐廳比其他車仔麵店環境衛生，坐得舒適，食物種類都幾多，又新式。👍🏻牛腩•豬大腸•溏心蛋x沙嗲醬讚岐烏冬🍜牛腩同滷水豬大腸炆得好冧好入味，溏心蛋亦啱啱好做到流心效果。平時我好鍾意食烏冬，但第一次食香港車仔麵餸配日本烏冬，幾新穎。😆滷水豬腩肉•炸墨魚卷x咖喱汁幼麵🐷厚切滷水豬腩肉，油脂分布平均，肥瘦相間，食落好有口感，而幼麵亦做到爽口效果。日式吉列蠔🦪估唔到咁抵食，有5粒咁多。😱上到枱重要熱辣辣，唔係一早整定上碟，重係鬆脆，配埋泰式甜辣醬，食落唔會油膩。港式飲品 - 凍阿華田&菠蘿冰🍍

第一次係OpenRice寫食評…見佢有成2百幾個 所以打算試一試…但真心成碗麵可以係用難食黎形容….忍唔住要上黎留第一個評論… 我叫左沙嗲醬油麵，炸豆腐，辣豬皮，腩肉，炸墨魚卷，外賣自取。湯底：好神奇地係無味嘅?_? 加左沙嗲醬先叫做有啲味…但都好淡油麵：唔知係咪唔係堂食關係，食嘅時候已經發脹晒，但個麵同湯係分開拎架炸豆腐：一個字 - 乾! 又無豆味唔知食緊乜…辣豬皮：唔辣嘅? 而個口感個人認為偏硬，個咖喱味亦好怪…炸墨魚卷：個味正常，但又係炸到好亁腩肉：平心而論哩個餸係okay嘅，味道有啲甜味，啲肉都算淋Em….總結就係即使比OpenRice啲好評吸引黎食第一次，但咁嘅食物水準真係好難留住食客…

🍜阿四，你會諗到嘅係乜都要做嘅職位，定係鄧健泓首歌？而我，今次諗到旺角呢間平靚正車仔麵🙊🍜唔理咁多，直接嚟兩碗米線啦！總共五款餸：牛筋丸，炸片頭，雞腎，雞翼，辣豬紅。全部都穩打穩扎，水準之上👍🏻牛筋丸，炸片頭呢啲就來貨嘢，來貨料靚就靚，係好食嘅🤤～雞腎同雞翼都醃得好入味同好腍，調味啱啱好，份量都比得多😊最後豬紅都好正，個辣味做得好適中，有辣嘅感覺但又唔會令你出汗，十分彈牙！至於湯底嚟講我都幾鍾意加佢嗰個沙嗲醬，加咗都唔會過咸😉如果想嘅話每張枱都有菜脯同美極比你再加落去，呢點係比較少見😎🍜飲埋嘢人均消費都係四十幾蚊，性價比十分高！好多時啲車仔麵店都係好迫果啲，但呢間係十分之闊落好坐，都係一大加分位😝

雖然我都好鍾意食車仔麵，但最怕係環境唔衛生坐得又逼夾。今日竟然比我係旺角發現咗呢間「阿四車仔面」，唔單止衛生乾淨，仲要坐得好闊落，完全冇傳統車仔麵店嘅感覺。車仔面餸菜選擇豐富之餘，仲可以揀淨餸或者配飯，好貼心🥰。自選車仔麵-米粉配沙嗲醬湯底🍜米粉份量十足，食到最尾都唔會淋晒😽🥄沙嗲好細心咁用匙羹分開上，辣度都唔會太辣啱啱好😍好味推薦👍🌟 炸墨魚卷🍥新鮮熱辣，咬落去脆脆地，仲食到粒粒墨魚肉。🌟溏心蛋🥚少見嘅車仔麵餸，流心程度掌握到啱啱好🤤🌟 菜脯（免費）每檯都擺放左免費菜脯可以自由添加😽😽，食到一半可以轉換下口味😝😽其他配料🐟魚腐一開始以為係魚片頭😂😂，咬落口先知原來係魚腐，魚肉味較重，彈口。🥟魚皮餃平常發揮，個皮唔會過厚🥬西生菜咬落去索索聲，夠新鮮。🥤飲品-凍檸茶🍋食車仔麵梗係要配返杯凍檸茶，Fit晒😋

行旺角, 想揾野食, 一D都唔難, 不過, 多數係細細間鋪, 坐得唔舒服, 而且仲要好快被趕走。稍為行多兩步, 係豉油街居然又被我發現有間車仔麫, 沒有特別裝潢, 但平實寬敞, 所以就毫不猶豫入去食我至愛嘅車仔麪啦。點解鍾意食車仔麵？就係因為鍾意好多好多餸😂豬皮、魚蛋、牛腩、牛柏葉，尤其鍾意豬皮、牛腩，好入味😋朋友更瘋狂，叫咗豬紅、雞腎、豬大腸、蘿蔔、冬菇。兩碗麵淨係見到舖満哂餸！真係好滿足呀✌🏻✌🏻分別再叫咗小食：香辣魷魚、瑞士雞翼、油菜瑞士雞翼最好味，入味之餘，雞肉仍然好滑，小食分開上我至喜歡，唔使俾d湯浸淡哂👍🏻

🌸旺角車仔麵🌸阿四車仔麵🍜油尖旺一帶為有各式各樣的親民美食，當中不乏香港特色平民美食，今天想吃車仔麵，因此今天就到了一間主打香港特色車仔麵的小店-「阿四車仔麵」品嚐午餐！小店裝修精緻而且五臟俱全，以輕工業風為主調，環境寬敞舒適，是位於市區罕有的簡約寬敞舒適香港特式車仔麵小店，而小店的服務員態度十分友善，他們都非常之清楚了解餐廳提供的食物❗️能夠向客人詳盡地介紹餐點❗️我們一行2人共惠顧了以下餐點：1️⃣🌟米粉配辣魚蛋、瑞士雞翼及牛柏業 $43辣魚蛋相當入味及彈牙、瑞士雞翼軟淋入味，牛柏業質地爽口，米粉麵質彈牙，配搭小店的辣菜脯及麻辣醬味道相當搭配❗️美味指數：⭕⭕⭕⭕️⭕️賣相指數：⭕⭕⭕⭕️抵食指數：⭕⭕⭕⭕️⭕️2️⃣🌟粗麵配豬紅、牛腩及炸魚皮 $45豬紅質地軟淋，牛腩忟得相當入味，份量十足的香酥炸魚皮分開另上，非常脆口，粗麵質地彈牙，味道相當不錯❗️美味指數：⭕⭕⭕⭕️⭕️賣相指數：⭕⭕⭕⭕️抵食指數：⭕⭕⭕⭕️⭕️🌟為是次餐廳人惠顧的推薦菜式❗總括而言，此川菜小店的食品質素不俗，配料及小食也是份量十足❗️加上價錢親民，屬於旺角一帶的香港特色車仔麵小店之選❗️

今晚出旺角買波鞋，買完附近見到有好大間車仔麵🤩諗起中學時期為咗慳錢買新鞋新衫…星期一至四只會咬麵包🥯到咗HAPPY FRIDAY就成班同學LUNCH一齊衝去大排檔食嗱喳麵🍜🥳餐廳門口見有舊公屋摺閘嘅設計極具情懷！餐廳裡面都係水泥牆帶簡約工業風！空間感夠，感覺舒適😊點餐紙清晰易明，款式選擇多，仲有好多小食！先講吓碗麵嘅辣汁係碗車仔麵嘅靈魂🙌🏼辣度適中得嚟又惹味，我鍾意❤️豬腸：真係不得了👍🏽，洗得乾淨仲非常入味！冇臭腸味，又夠淋！厚切仲皮脂分明，好正呀😋魷魚：辣汁又香又惹味，仲好爽口添🦑雞翼：滷水好得！好香帶少少甜🤏🏼滷水腩肉：呢味做到東坡肉咁，半肥瘦食到停唔到口🤤牛根丸：好彈牙！唔會一陣雪味彩蛋係菜圃原來係舖頭自家出品，粒粒爽唔會太咸，係少辣啱晒我👍🏽

星期六走到旺角做facial，心血來潮想食車仔面，便上openrice找找附近餐廳，找到這間阿四。和友人一人點了一碗車仔麵，和一些小食。南瓜餅甜而不膩，入面仲有粒粒南瓜蓉。炸燒賣外面脆口,，魚肉扎實，有口感！炸墨魚卷用腐皮包裹墨魚肉，炸得香脆但仍煙韌彈牙，好惹味。至於車仔餸亦入味，豬紅滷得入味，一啲都唔羶！蘿蔔食得出有揀過，食落清甜無渣。魚蛋雖然唔算彈牙，但魚味十足同爽口。炸豆腐表面焦香脆口，內裡豆腐結實有豆香。流心蛋流心蛋黃一流，而且入味。滷水腩肉的五花肉層次分明，肥膏一啲都羶，食落無油膩感。最後杯凍鴛鴦比例唔錯，有茶餐廳水準，茶味同咖啡味都出到，加上大大杯消暑一流！