阿土伯鹽水雞 (已結業)

鹽水雞髀雞胸套餐 $45揀咗青瓜、薯仔同杏鮑菇！選配咗普通鹽水汁，喺香港食過最接近台灣嘅口味！！青瓜薯仔爽口，杏鮑菇夠吸味，雞肉本身都夠滑，鍾意食雞嘅你唔可以錯過

Wanting to go explore the market in D2 place today and passed by this newly opened store inside the mall. It serves famous Taiwanese chicken snack which I’ve had it when I was in Taiwan. I didn’t like it when I was in Taiwan and wanted to give it another try for a Hong Kong version of this. we picked the one person set and shared - with mushroom, preserved egg and chicken. The taste of it was great and the mushroom was delicious. However, the portion is a bit small and not enough for one if too

一個超級美女的朋友喜歡食鹽水雞，曾經同佢食過另一間，無味嘅？？乜你中意食D 咁嘅野？自從呢個經歷之後就冇再食過了。而今日去到荔枝角同朋友食午餐，就試吓呢一間之前好多人排隊的阿土伯鹽水雞套餐三個餸$45 . 午餐時段加多一份面剛剛好。我點左鹽水雞+ 蓮藕，雞新，皮蛋，再加多個拉麵，同杯美味水果茶！$80唔洗！午餐時段好多人啊！！不過佢哋出菜嘅速度很快。勁！十分鐘唔洗就攪掂！值得一提嘅就係個醬好好味，要食呀土伯醬，帶少少沙茶香味。小小辣！單單講配料有30種，除咗想見嘅雞腎豬耳滷蛋。估唔到連青蘋果都有。材料每日新鮮製作，保證新鮮健康。水果茶簡單清香。唔怪得我朋友話呢一間係呢附近其中一間好受歡迎嘅午餐外賣店。留意座位唔多，如果想休閑坐喺度嘅話建議兩點後先好去啊！＄80就享受一轉令我刮目相看嘅鹽水雞美食。飲杯現在流行嘅台式飲品，同朋友過一個雖然繁忙但快樂的午餐時段。

路過長沙灣，天氣炎熱，於是躲入商場逛逛，看見一間叫台灣阿土伯鹽水雞，於是 買一盒做外賣，鹽水雞一份可選擇去骨雞胸雞髀或者雞翼3隻，另可選配菜三款，配菜的選擇十分之多，但因為我買外賣都是送酒多，所以我選了皮蛋豬耳等等的開胃小吃作為伴菜，另加七蚊可送拉麵底一份共52蚊 ，買了回家可放在雪櫃慢慢吃， 試食後雞肉也十分好， 醬料也十分開胃， 但略嫌醬汁份量少了一點，如果醬汁多一點，就更加之美味，配菜不夠亦可以加錢再加多幾款 ，兩個人食一份也十分足夠

去完附近既工廠大廈攞件又唔想係工廠大廈食晚餐於是就簡左去D2食喇今次黎到既地方係D2 PLACE 2同D2 PLACE 1係唔同架係D2 個網站見到呢間鹽水雞豪不猶疑就決定左食佢喇位置都易見到 一上完電梯就會見到雖然空間唔大但係都係有雅座不過如果7點幾先黎到就可能要等下位首先地要攞左張點菜紙先再交去收銀 比完錢等叫號就有得食架喇係門口位置已經見到所有配菜任君選擇而且可以睇下個日咩配菜係最靚添例如秋葵 豬耳 瓜等等今次我就叫左一個人餐加拉麵店員提醒如果唔加麵 晚餐黎講未必夠飽飲品方面 雖然眼見都幾大杯不過我就無加喇因為都要$20 跟餐都只係減$2價錢都偏貴如果喜歡酸酸地既朋友可以試下呢個醬等左無耐就有得食喇因為基本上所有食物已經準備好所以等候時間都唔會耐味道夠咸食落好醒神雞翼都唔算好細隻配菜份量都唔少不過晚餐黎講個人認為都係唔太夠飽可以再多個麵先會真係飽

叫了三個一人餐兩大兩小一同分享。雞胸、脾同小黃瓜幾好食。豬耳、馬鈴薯太硬。拉麵同黑木耳一般，凍凍、淡淡的。基本上成個餐只食到胡椒粉味，因為有大量，可以食到成口粉（已經撈好）。份量一般。夏天食都可以的（如果走胡椒粉）......都係食手撕雞好味d

係荔枝角返工，想坐得舒服既來來去去都係得幾個地方，所以今日又行左黎D2。呢間台灣雞想食好多次，今日終於都行埋去喇! 見個 menu 其實選擇唔多，主打都係雞，唔食雞既就唔好諗喇，最後我叫左個＂１人餐＂既胸腿各一半＋任選３個配菜，加拉麵再加左一杯薑母奶茶。因為佢係 a kind of 涼拌既種類，所以兜嘢係唔熱既，啱夏天食，入面包括有雞、西蘭花、芭樂、百頁豆腐、拉麵，揀左阿土醬走辣。Ｄ雞肉係實肉，唔係林肉散肉果Ｄ，質感唔錯，有麻油香味，西蘭花算係爽身，芭樂算幾甜，百頁豆腐個質感其實有Ｄ似魚肉既，成件事係靠個醬，有好輕微既梅子酸味，食緊果時感覺係清新既，但２個鐘過後又其實會覺得好重味。而杯奶茶就嫌佢薑味不足，奶味多茶味少。Lunch 用70蚊食呢餐唔可以話物超所值，只可以話一試無防。

本人實在係太鍾意食鹽水雞，竟然發現返工嗰頭有間新開嘅鹽水雞店！收工就即刻去試啦！去到本身以為無位子供應，但原來轉入去都有10多個位。買嘢食出面呀唔該~雖然係同男朋友一齊食，不過就一人嗌咗個一人餐（$45），因為咁嗌平過食一隻雞（淨雞$108），又感覺抵啲。因為包任揀三款配菜，7蚊10蚊都揀得，另外仲可以加7蚊拉麵。同男朋友都揀咗原味，即係台灣食開嗰隻味。我覺得雞都幾身，味都好夠，唔錯。但啲配菜就真係唔太入味啦。份量唔多，男仔可能要加埋拉麵啦。飲品嗌咗一杯爆奶紅茶（L$28）。幾特別但個人唔太好，啲奶蓋鹹鹹地幾好飲，茶底唔係特別香濃，價錢唔係平，會寧願買連所店嘅黎飲。飲飲下就發現個爆字點嚟，原來係加咗啲爆炸糖，不過就係酸味，有啲似芒果味。係特別嘅，但個人覺得有少少多餘。總括而言，如果有機會再食都唔會特別抗拒，但會揀啲唔洗吸味都好食嘅配菜。btw一時過下口癮都ok嘅同埋服務態度都好好~

Blue Monday加上天陰陰的上班日子好難捱，所以今日同一班同事決定要食公司附近新開張的阿土伯鹽水雞。(同行同事試食過，覺得味道不錯！)我點了外賣1人餐，主菜鹽水雞我選擇了雞胸腿各一半，貪佢啖啖肉，另外可選3款配菜，分別點了秋葵(同行同事極力推介)，皮蛋及鹵水豬耳，選了阿土醬微辣，仲追加左一份拉麵。雞腿肉都算幾滑，但係雞皮多過肉，鹵水豬耳好硬又無鹵水味，唯一真係得同事極力推介的秋葵係最靠得住。整體來說，價錢、份量以及食物質素，我認為食一次就夠了。

喺荔枝角附近返工，食肆選擇話多唔多話少唔少。除咗D-2 place之外，依家其實D-2 two都有唔少餐廳進駐咗！今日專誠嚟試下呢間台灣菜嘅餐廳。門面比較細，根本唔知道入邊原來有位坐嘅，所以見到店員都一直喺門口做greeting ！呢度係用自助形式，拎咗張落單紙，揀好想食嘅嘢就去cashier俾錢之後就等顯示屏顯示你號碼就可以出去櫃面拎。新張期內，佢哋係會送一份拉麵嘅，我就揀咗一個一人餐。呢度係食鹽水雞，當然會有雞食啦！一人餐入邊可以有胸腿各一半，另外加三個配菜。配菜我就揀咗翠玉瓜、滷水豬耳同埋豆干。呢啲都係我喺台灣好鍾意食嘅小菜，店員講佢個阿土醬都係台灣直送我就當然試吓啦！雞係好食嘅係滑嘅，但係唔係好似鹽水雞囉；滷水豬耳太大舊，食落去係硬多過爽口；豆乾係唔入味嘅，翠玉瓜就正常。好坦白，如果以呢個價錢去食呢一個拌麵的話，我相信冇乜男士會嚟食。個份量使唔使細到咁呀？佢麵嘅份量係直頭好似喺旺角嗰啲撈撈嘅冷麵咁呀。雖然我叫大隻妹，但係我唔大食，平時食晏都係食半碟飯左右，好難想像食完呢個面係唔夠飽嘅！其實啲麵唔係話好值錢，何不俾多少少人起碼有個飽肚感吖！依家香港嘅餐飲業好難做，我都好明白樣樣都

是日，同朋友仔黎到荔枝角D2 Plaza二期，平時行開一期，行到悶悶地就去發堀下二期。發現都原來幾多舖開左～今日就去試左由一班年輕店長開嘅阿土伯鹽水雞！平時食過旺中葵廣果啲又辣又冇乜味，呢間充滿驚喜！食材辣鮮即叫即食～拌脆肉瓜、木耳... 爽滑彈牙！愈食愈開胃～😋😋叫套餐仲送杯飲品，叫左百香果茶～有啲似天仁茗Tea啲味～幾好飲，好解渴！下次會再黎食！

今日走左去食阿土伯，叫左杯芋香奶綠，茶味好濃配埋淡淡芋香，唔會太甜同膩，好易入口，朋友都話好味，好快就飲完成杯，下次會再飲。另外叫左個一人餐，除左雞再揀三隻配料，我就揀左百葉豆腐/豬耳/海帶，配土伯醬，豆腐好有口感好入味，海帶同豬耳就不過不失啦，鹽水雞先係主角，好嫩滑，幾好味，土伯醬少少酸甜口感。

D2two宜家都開始有唔少野食進駐左喇! 😃😃😃今日同同事黎到呢間台式小店做lunch, 店子唔係好大, 只有2張長枱同一張高枱, 以lunch黎講真係比較難揾位不過可能因為唔係咁多人知道呢度有得坐低食掛~ 今日黎都仲有張高枱坐呢度既野食唔多, 就係撈雞, 撈雞同撈雞😂1人份量既撈撈雞 $45 (可選胸腿肉 半份 / 3隻雞翅  +  任選3款配菜)新開張送拉麵，所以我地唔使另外叫拉麵我自己簡左胸腿肉 半份  +  黑木耳, 杏鮑菇 & 貢丸以1人份量黎講份量岩女仔食, 算係岩岩好唔算好多, 味道方面叫左原味 職員介紹就係椒鹽味, 食落味道都算幾入味bo! 胸腿肉 同拉麵都比椒鹽味包圍住, 不過食落個味道唔會話好重味, 岩岩好喇!!黑木耳, 杏鮑菇 & 貢丸 都有佢地應有既口感爽 口 有 味 道 嫁❤️❤️❤️雖然係凍食，不過呢幾日天氣又開始暖返，都幾適合！整體都唔錯! 本身怕會唔夠再叫埋冰凍既珍珠奶茶+胚芽 $21 (叫野食加飲品 -$4)飲品味道都唔錯，入面仲有好多胚芽~ 我幾中意😋😋😋👍🏻不過唯一缺點就係...份量方面岩d唔係食太多野既女仔, 男仔就應該會唔夠飽, 如果可以大份d就更加