阿堂魚湯 (已結業)

今日去旺角做facial，做完差唔多食飯時間，就問下住附近既朋友一唔一齊食飯，然後朋友就send左尼間餐廳連地址比我，去到睇餐牌見到好多種海鮮類魚湯烏冬，岩曬鍾意食海鮮既我😍最後我揀左泰式蝦魚湯烏冬，我諗住泰式會係辣，所以就叫走辣，點知原來唔辣，仲去埋蝦殼，唔需要既met殼而煩惱👍🏻👍🏻👍🏻朋友話個湯底都可以飲，所以食完個烏冬同埋蝦之後我就係咁飲湯，好好飲，飲到見碗底，好想飲埋我朋友個碗🤣

太子荔枝角道附近一直都系美食天地。有金鳳扒房，珠江酒家炒餸，美味餃子等等。今日再次路過，以上店鋪都聚滿人，打算清淡啲就試一試今次便當定食。定食大份，最出色是魚湯！它不是普通定食店好難入口噶沖水麵增湯，而真系魚湯。午餐定食價錢都不貴。魚生飯，魚生新鮮製作，份量好大。羊架小食。本身有味道，日式燒方式風味。少少失望以為有薄荷醬兩個人每一份定食都足夠。位置就在類雷生春斜對面，珠江酒家附近。平時已經系著校服學生居多黎幫襯。今次試一試的確可以平日黎用餐，最緊要。果碗魚湯加分。

諗住係魚湯專門店，去到就叫左個鯛魚米線，諗住試下佢個魚湯，點知好失望。個米線上菜既時候，發現有一條頭髮夾左係d 蔥入面，然後個湯底係無味，可能佢個鯛魚實在太腥，完全食唔到個湯底有味道，最後要搵七味粉先食到個麵。之後仲叫左蒜香雞翼，由於佢係餐牌上係標明係三隻，上到枱就發現原來佢係將兩隻雞翼切開一半，然後我地問個侍應，佢答我 佢地餐廳既雞翼就係咁，因為有d 雞翼係細隻d 所以我地送多一隻比你。最後叫左個三文魚頭，係三樣野入面最好味既。不過呢間野真係唔會再黎🙅‍♀️

上次專登OpenRice左呢間餐廳，見佢個魚湯好似好特別咁，所以就專登去試吓。入邊冇乜人，個侍應招呼都算唔錯，啲位都坐得幾舒服。我哋一個嗌左蠔烏冬加花膠，一個嗌左帆立貝烏冬，再加埋個三文魚魚骨。講真個烏冬唔算好好味，啲魚湯都冇話好鮮甜或者好特別，但感覺都幾健康。啲花膠OK，但係啲生蠔好似有浸奇怪味，唔係超級新鮮。帆立貝烏冬就中規中矩啦。但值得讚嘅就係個三文魚魚骨，只係30蚊，但就有好多塊，而且味道都唔錯，個三文魚魚骨反而比個魚湯烏冬更加出色！不過呢間真係冇想像中咁好食，比較一般，下次未必會再幫襯了。

阿堂魚湯📍.太子附近有好多小店近日E.L就試左一間隱世小店.🐠花膠魚湯魚肚烏冬（$68）花膠彈牙 魚肚索左魚湯既鮮味 味道更佳👌🏻湯底雪白清淡 帶有淡淡既魚鮮味烏冬偏腍身 欠彈牙 如果轉用較彈牙既烏冬相信整體表現會更好☺️.仲叫左個🦪廣島生蠔魚湯飯（$78）同鱈魚豆腐（$28）魚湯飯同烏冬都係用同樣既湯底 清淡中帶鮮味🐟廣島蠔新鮮無腥味 味道唔錯 另外豆腐外皮炸得熱辣辣 口感比較實正有彈性 表現ok💁🏻‍♀️.總體黎講 食物質素正常可以一試 當係支持小店🤘🏻.人均消費：$87美味指數：😋😋😋😋😋😋😋（7/10）抵食指數：💰💰💰💰💰💰💰 （7/10）打卡指數：📷📷📷📷📷📷📷（6.5/10）.店名：阿堂魚湯 (太子)地址：太子荔枝角道136號地舖

天氣真係好熱～就連岀街既心情都沒有～但又唔可以餓親自己個肚子，所以把心一環，搵下 d 外賣野食送埋上門既餐廳叫 lunch。之後就搵左個阿堂魚湯餐廳既電話…咁就試下打去問下有冇外賣送餐服務…第一次打去無人聽，可能 lunch 時間比較忙…無聽電話。之後諗住搵第二間餐廳…阿堂魚湯就回電給我，我就問佢外賣送餐有冇另加收費…佢話叫兩個餐加上近佢餐廳才會送，好彩我近佢餐廳，就叫左魚生飯，吉列豬扒定食，14分鐘就送到上門，非常快手

今日星期四，假期，中午同老婆阿仔黎呢度食lunch。之前黎過好多次，相隔一段日子後，又再來回味番。...蟹棒，家中雪櫃已長期有貨，阿仔瘋狂愛上蟹棒，出街叫餐都仍然要食蟹棒蟹棒蟹棒蟹棒....我未拍照，佢就已經開餐了。.我唔敢搶佢啲蟹棒，只係飲左幾啖魚湯，魚湯真係極鮮味，也帶點點柴魚香味。...我叫左雜錦魚生飯套餐，只係$58，附魚湯，還有汽水。（學生價$50）整碗份量超多，我覺得有2人份量，努力之下終於食晒，好飽！魚生味道正常，我需要落好多壽司豉油伴食。至於飯，我覺得今次的質地有點濕淋。...老婆叫左呢個炸豬扒飯套餐，只係$48，附醃黃蘿蔔、魚湯、汽水，我留意到呢個套餐係最多人叫！炸豬扒超級大件，而且伴有沙律菜。.我試左一小件，覺得外層非常香脆，只是裡面的豬扒較乾，需要蘸大量沙律醬來吃。.份量大、價錢平，吃這個餐真係幾滿足的。

今日一早起左身，在家攪下屋企清潔…唔經唔覺又到左食晏時間…係太子和深水埗之間住既我…真係有好多好多餐廳野食…但我哋都揀番幾有質素既飯堂…就係呢間：阿堂魚湯。入到去，都係見到熟面口既餐廳員工…就叫左外賣自取，吉列豬扒定食，另外就係叫左粒粒魚生飯。餐送野飲：忌廉和餐湯：魚湯。之後等左十分鐘左右，所有野食都送曬岀黎，好有效率。咁我就拿拿淋攞番屋企食。開餐啦，熱辣辣，脆卜卜又大塊既吉列豬扒…yummy，加上新鮮既魚生飯，魚生切既大細好啱嘴形，入口新鮮…美味

如果你喜歡吃魚湯, 又喜歡吃烏冬的, 那絕對要試試這間主打魚湯的烏冬店. 有各式各款的烏冬可以選擇, 有貴價款的亦有平價款的. ($78)🤤 ~ 這個鍋燒烏冬超足料, 份量多大大碗. 配料有天婦羅, 八爪魚, 鯛魚塊, 雞扒, 雞蛋等. 而且烏冬用鍋盛載著, 上枱時仍然是熱辣辣的. 小食點了 ($28)🤤 ~ 一客5塊, 外脆內軟的魚腐, 亦有配菜沙律, 很好吃. 其實這店除了主打的魚湯烏冬外亦有很多其他定食, 刺身及小食可選擇呢😎 ❤店舖 : 💙地址 : 太子茘子角道136號地舖

今日原本約左係太子附近既舊同事食飯，但點知因為某些原因，佢無時間離開公司，變相要獨自尋食。見依間價錢都幾吸引，見佢個環境都唔錯，就入去試下。見佢一個$50內既午餐竟然包埋前菜，湯同氣水，真心想睇下會煮D咩出嚟。本人就叫左最保障既A餐：吉列豬扒定食。個餐一放上台，嘩，都幾豐富下。沙律都幾大份，豬扒都唔少。份量絕對夠飽。佢既沙律算新鮮，食落口感唔錯。佢既豬扒炸得唔會過乾，有肉汁，唯一不足係炸粉唔貼豬扒，一夾落去，會散。甘既價錢，算係好抵食。

阿堂魚湯，係我地兩公婆既飯堂，唔煮飯就去食，貪坐位坐得舒服，有住家味道，無味精，cp值好高！尤其冬天，熱辣辣嘅魚湯加埋烏冬，食完暖笠笠。烏冬有好多選擇，我最中意食廣島蠔烏冬，蠔味濃，size唔大唔細，加埋佢地烏冬係煙韌個種，可掛到魚湯係上面，超正老公次次都簡花膠魚湯泡飯，其實係兩種魚肚黎，清淡又鮮味，同魚湯絕配！其中一種魚肚好似海綿咁可以索哂d湯另外佢仲有好多小食，魚生壽司刺身簡，燒物，炸物落單先即炸，上碟脆卜卜推介推介黎試試

今日天氣真係好鬼熱…應該就係夏天既來臨。我同老婆一早就起身岀左去買枕頭…買完之後就開始去搵野食～食個 lunch. 我地就沿住荔枝角道一路行一路掃下有咩好食…經過好幾間餐廳…大多數都係一張台起…兩張台止。。真係少左好多人岀街食 lunch…又見呢 d 舖頭外觀也吸引唔到我地入去幫襯…咁就 keep 住荔枝角道一路行囉。行到咁上下…又見到餐廳坐爆人…就睇一睇…阿堂魚湯。咁打二話不說就叫左魚生飯，吉列豬扒定食攞走…返到屋企…仲係有熱辣辣…好食

今日好頭痛既問題，就係深水埗太多食肆…太多好味既餐廳去食一個 lunch. 跟手行行下…就去咗阿堂魚湯…今次我哋揀左兩個 lunch set. 1號餐燒汁雞扒定食，2號餐吉列豬扒定食…另有兩碗魚湯同送左兩罐忌廉飲品。我哋無選擇係餐廳內進食…因為都爆爆地～坐左好多人…咁我哋就揀左叫外賣自取。看看收據～原來外賣自取係需要每一個餐另外加兩元～即係我哋叫左兩個餐就收了四元…我哋係餐廳內等左近十五分鐘…就已經送上給我哋…我哋就攞番屋企食…返到屋企需要十分鐘…打開外賣盒…仲係熱辣辣～真係食落真係 eat 之棒

今早上網搵到有抽濕抗菌功能既抽濕機既電器舖頭，電器舖老闆叫我落去門市落訂才安排訂貨。咁我就預左中午去門市落訂，然後搵野食。我就係近太子個邊荔枝角道行去深水埗。行行下…見到有間日本餐廳坐滿曬人，心諗現在香港咁既情況仲坐滿人…一定有佢既獨特之處。我就走左入去叫外賣攞返屋企食吉列豬扒定食：有碗魚湯，份豬扒黎度，第一個反應就係塊豬扒好大，食落仲新鮮滖熱辣辣，豬扒夠味唔硬，真係好好食，仲有沙律醬配搭，值得一食，盒底加上有沙律伴碟，無話只食肉咁癲。正。另外叫左粒粒魚生飯，魚生新鮮…味道同份量都非常多…真係要記抵呢間餐廳…抵食份量多價錢抵

今晚同朋友聚會，朋友揀左阿堂魚湯作為晚飯既地點。阿堂魚湯主打魚湯烏冬同湯飯，另外也有提供定食、刺身飯和鍋類。我地揀晒佢既烏冬﹕海鮮盛合魚湯烏冬、廣島生蠔魚湯烏冬、唐揚雞塊魚湯烏冬、鍋燒烏冬。湯底尚算清甜，我既海鮮盛合魚湯烏冬有多款海鮮，有鯛魚片、鮑魚、八爪魚、小蝦、蟹柳。朋友話廣島生蠔魚湯烏冬既蠔都唔錯。唐揚雞塊魚湯烏冬有好多塊唐揚雞塊，幾香脆。鍋燒烏冬就不過不失，朋友以為會有火爐一直熱住，點知冇。