阿堂魚湯 (已結業)

記得上趟曾在港島區內某所店吃到一碗甚令人愜意的魚湯烏冬。沒料到來到九龍這一邊，也有一間做得挺不錯的....午飯時份，除了我一人之外，其餘的客全部皆來自附近放飯的莘莘學子。他 / 她們點的大多是午市套餐，內容不外乎都是些如吉列豬扒或照燒雞扒般的尋常物事。小弟對之當然沒大興趣，就從a la carte餐牌中入手....最後決定點清一點，養顏滋補的花膠魚肚作料，另加多十二大洋添多幾片鯛魚肉進去....第一件事要做，當然是先飲為敬，喝一口呈奶白的魚湯....入口，很清爽，沒有一股不自然的甜味湧進口腔內，取而代之是一咲源自魚類的獨有味道。總括而言，就像家裡媽媽煲出來的魚湯一般，真材實料，冇花冇假而紥實的家庭之味....出街食這一類湯粉，平常我是極少會將湯喝光的。但在這兒，我卻破例了....烏冬用的是最合放湯吃的稻庭烏冬。入口帶微微彈牙，沒有過熟過淰....配料方面，只是一碗價錢六十多大洋的東西，當然您不會期望會有舖天蓋地般多的花膠及魚肚啦....不過兩者的水準皆還可以的，特別是魚肚，是非常的厚身....值得一提是鯛魚片是甚新鮮，一點腥味也不覺，有著魚的應有甜鮮....想不到，能在此食到一碗甚具水

今日晏就同左朋友and佢妹妹食午餐, 又係太子深水埗搵食, 午餐我地冇咩要求既, 多數見有lunch set就ok, 依間仲有學生套餐岩哂妹妹啦環境舒服, 好鐘意依種落地玻璃有陽光透入, 個人都精神d午市冇咩人, 又可以過一個靜靜地既下午呀妹叫左b餐, 份量好多下, 絕對可以兩個人share , 雞冇雪味, 煎得都好多口下, 仲有免費餐飲就算普通午市套餐, 都唔係貴好多, 爭幾蚊左右, 又係有野飲跟, 依家要 係香港搵到under 50蚊仲有野飲既午餐真係少之又少啦

阿堂魚湯顧名思義用魚湯做主打.. 午巿都陸續有客人, 不過入到即刻有位餐廳午巿定食套餐大致有湯烏冬同定食兩款, 我揀左汁燒雞扒定食 $48個Set都算豐富, 有伴碟沙律同幾片酸菜, 幾有誠意呀! 汁燒雞扒就一般la 雞肉有D韌。想講個魚湯真係幾濃郁, 係平時好難煲岀嘅奶白色, 唔係周圍都飲到，跟定食餐有一小碗全部飲唒 😋 成個定食份量對女仔黎講都夠飽 👍🏻 $48免加一有埋免費汽水一罐, 依個價相當超值, 學生仲$40 添 .. 以後又多一個選擇

香港很少食到價錢實惠，而又有水準的日本餐。平時带著兩位小情人很難找到一間能滿足兩位需求的餐廳。今日去了阿堂魚湯，點了我最愛吃的魚生飯。哥哥最愛的唐揚雞塊魚湯麵🍜和弟弟最愛鰻魚飯（其實弟弟只愛食飯，哥哥最愛的鰻魚），反而弟弟搶著吃雞塊，平時最小的小情人唔食肉。而我的刺身非常鮮甜及有質感，海膽甜和鮮味十足。带子都很甜第一次飲到GreenAppleSoda，出面好像未有得賣呢。必食！！

天時暑熱……真係5想煮……又5想食咁多味精清清地……一定要黎阿堂魚汤有D人 鍾意味重……冇味精唔得有D人 食完味精會唇乾舌燥……有D人 條脷係試金石…… 就算係小小味精食完都會嘔心反胃如果你係前者…… 呢間嘢真係唔啱你啦如果你係後者……不妨礙試下黎到D魚汤 真材實料無花無假雖然個價錢同拉麵差唔多 但係偶爾都想清淡下 特別天時暑熱唔想再增加腎臟負荷 哈哈哈叫左個 海鮮盛合雜錦烏冬……(加左花膠)廣島燒蠔 同 唐揚雞……D雞真係…… l am so sorry啦……唔知點解啲人話好食囉……不過嗰汤救返 加上 D蠔也都錯但以一個成年男人來講……黎份野一定唔飽 但係唔使驚m記喺隔離 哈哈

係炎炎中午，從太子地鐵站走左一段路，為既係鯛魚魚湯烏冬非常抵食，中午只係48蚊，簡直係抗通漲。魚湯一入口有鯛魚既鮮味，湯底濃厚順喉，唔咸，應該無放味精，因為筆者飲晒d 魚湯都無覺得口渴料方面我最鐘意佢既鮮魚片，好味而且有鮮甜味，其他配料1條蟹柳，一粒蝦，2舊魷魚。另外仲有跟d 菜，配上魚湯味道好夾，烏冬方面係我鐘意既煙煙un un 口感，good👍🏻👍🏻老公鐘意香口野，簡左吉利豬扒定食豬扒炸到酥脆，有厚度，咸咸地有點點胡椒味，非常對我地既胃口😍跟餐既係一小碗鯛魚湯，大滿足😆到太子旺角唔洗每次都打邊爐放題，可以試一試魚湯料理

次次寫食評都係彈三彈四，成日都嚟呢間食，食食吓唸點解嚟噤多次都唔寫佢？ 原因覺得好味是應該的，但唔係間間好似呢間噤又平又好味，所以由開張到今次都唔記得嚟左幾多次，今次係下午茶時間嚟，我食下午茶餐B汁燒雞扒魚湯烏冬，我家老爺就要食飯所以叫左午餐A:吉列豬扒定食。 每次炸物都係即叫即炸，又脆又熱好味道，魚湯夠熱唔（腥），烏冬選用日本烏冬又滑又好味！最抵食係味道好，份量足，重有飲品送！值得一讚！試過買外賣回家更包裝得好密實又夠熱，分開湯同烏冬冇浸到淋晒但又冇加盒錢，所以今次要寫比大家分享一下！

上網搵到呢間魚湯烏冬好似唔錯，於是琴晚專登試試佢！呢度主打係佢哋既鯛魚湯，我就叫左唐揚雞塊魚湯烏冬（＄５８）～烏冬係用左日本手打稻庭烏冬，質感彈牙又滑，份量相當大碗～入面有黃菜絲，木耳絲，京蔥同海草做配料，湯底真係幾鮮甜，魚味好香濃又唔腥，飲咗好多湯都唔覺口渴，雖然其實飲多幾啖都覺得鹹左d，但相信真係冇加味精～而唐揚雞塊亦都有驚喜，即炸出黎熱辣辣，仲起碼有至少六七件，味道都好好食～總結：無論烏冬同雞塊都好足份量，出品有誠意，真心推介呢間小店！

今次試了下午茶餐，汁燒雞排魚湯米線，海鮮盛合魚湯米線。可以另外加錢選擇烏冬。下午茶時段，正常乜要求，但呢間係即叫即做，所以係製作需時 ，耐心等候。第一口試吓個湯，第一個反應係堅既新鮮魚煲既湯底,飲唔到味精既，感覺唔咸，好味!汁燒雞排，雞皮燒到夠脆，雞肉啱啱好，燒烤汁都夠味，配合個沙律菜，咁既價錢可以有咁既質素好難揾!海鮮盛合，鮮蝦尾，鮮魚片，八爪魚都新鮮，唔係雪到冇味道果啲!唯一可惜係飲品欠奉，只有汔水，蒸餾水，玄米綠茶。

新餐廳~最鐘意試新野~幾十數有花膠湯~好吸引呀!!!trytry sin!!!花多眼亂ｗｏｗ～～～叫左個魚湯花膠魚肚蘿蔔wow~原來個wow~無麵/烏冬類跟的...要注意了～事前問左個老師娘。。。原來佢誤會左我問廣島蠔wow....好似得呢個有麵類跟的~食前問清楚了~個湯其實唔夠粘~無咩骨膠原~花膠魚肚都無乜味..當飲湯好了~~再加個象拔蚌魚湯烏冬~象拔蚌勁有咬口~又比想像中多條~烏冬好少~~總結:應該都係無味精既~食完無咩口渴感覺~不過真係1人叫1個都食唔飽~同埋個老闆娘態度有d過份緊張...食到我地都好緊張~試完就閃了~唔夠飽去旁邊m記食個板雞先

朋友話食過呢度嘅魚湯烏冬唔錯，我當然要試吓啦! 見到好多以主打魚湯嘅食品，決定樣樣都叫啲。廣島生蠔魚湯烏冬 - 一嚟到就飲吓啲魚湯先，飲落好鮮甜，好順喉，飲得出無味精，真係無得輸! 生蠔飽滿肥美，配埋彈牙嘅烏冬，正! 鱈魚魚腐 - 即叫即炸，熱辣辣，鱈腐有少少彈牙，有好濃嘅魚味，配埋日式芝麻醬嘅沙律菜，好味! 魚湯花膠魚肚蘿蔔鍋 - 會用火翻熱同興住，keep 住個溫度，花膠彈牙煙韌，魚肚唔腥，仲索晒啲魚湯，好鮮味，蘿蔔無渣，好清甜，我哋最後連魚湯都清埋。鹽燒鯖魚 - 鯖魚好肥美，魚皮燒到香香脆脆，加埋檸檬汁，魚鮮味更突出。炸紫薯餅 - 紫薯餅甜甜哋，但又好綿滑，吉列皮炸得好鬆脆，配埋沙律菜，好好味! 估唔到魚湯好飲之外，炸嘢都咁有驚喜。吉列炸豬扒 - 大大塊豬扒，炸得香脆，配埋沙律醬，食落無咁油膩，好滿足。日式汽水 - 2款都好特別，檸檬蜂蜜嗰款無汽，加入咗1%果汁，少甜; 橙汁嗰款就係梳打，都係少甜。甜品 - 分別有泡芙同蕨餅，作為呢餐嘅終結剛剛好。店員親切有禮，見到應該有唔少熟客幫襯; 下次想嚟試埋其他魚湯系列。另外，我哋食食吓就全間餐廳都 full 晒，假日7pm 前嚟就唔駛等

朋友推介鮮魚湯美食,廢話少講食左先講...睇下有幾美味入到去坐低睇食咩,魚湯系列係膽,睇下拖咩其他野食跟住叫左廣島生蠔魚湯烏冬,鱈魚魚腐,鯖魚,魚湯花膠魚肚蘿蔔鍋,吉列炸豬扒,炸紫薯餅,同日本汽水廣島生蠔魚湯烏冬--試下先,魚湯就好鮮味,蠔都好肥美...個湯係好正,結果我飲晒...我自己對味精就好敏感既一飲到味精好快就眼訓,不過今次飲晒都冇出現眼訓,即係無味精啦,咁下次我都會照飲晒佢鱈魚魚腐--外脆內暖滑,仲要好香魚味,口感加味道都一流鯖魚--煎到好香口之外又唔會過左火位,加點檸檬汁好食魚湯花膠魚肚蘿蔔鍋--68蚊咁多料真係抵玩,魚肚花膠都冇渣流灘好食,蘿蔔甜同無渣..食神學齋蘿蔔一夾就散有渣係失敗,咁今餐個蘿蔔係大成功吉列炸豬扒--豬扒炸起黎個漿唔算厚,唔會一味死多粉,豬夠味入味又唔會林到無晒咬口,仲有好乾身,而入味肉汁都保留到.炸紫薯餅--炸物可以話這店做得好出色,同樣外脆內暖,超香紫薯味,超正日本汽水埋尾個朋友話差少少甜品先美滿,咁只好滿足下佢都好好食,凍凍地咁,又夠香口另外有樣野幾好既係所有配菜都係沙律菜,我最愛就係沙律菜一口氣食晒佢,正

同2個朋友旺角行街,又到晚飯時間朋友話太子有間魚湯個湯底好正.咁心動不如行動啦去食入到去店員好快安排好座位,同其他拉麵鋪比較佢座位都算寬闊,坐得都OK講明係魚湯點都要叫一叫試下打大佬一行3人叫左以下食品廣島生蠔魚湯烏冬,鱈魚魚腐,魚湯花膠魚肚蘿蔔鍋,吉列炸豬扒,鯖魚'食物未黎先叫日本汽水飲下先廣島生蠔魚湯烏冬--先試一淡個魚湯先,睇下係咪講到咁把閉先....入口真係好鮮味,得喇...飲啦蠔都算肥美,烏冬軟硬適中魚湯花膠魚肚蘿蔔鍋--好足料喎,魚肚花膠都比我想像中多,同埋味都唔錯..蘿蔔夠淋無渣同埋甜,配合埋個正湯真係NICE鯖魚--煎落香口.唔錯鱈魚魚腐--這個堅掂,入口軟滑之餘仲有鮮魚香味吉列炸豬扒--炸出黎夠乾身,又唔會粉多過肉,香口得黎丫丫好D配菜全部都係沙律菜,加埋D沙律醬,我們全部將佢清晒,正埋尾食埋個甜品,都幾好食喎大滿足啦.....

天氣轉冷，想吃點熱熱的湯水，見到新開張的阿堂魚湯，就去試下。店如其名，主打魚湯，主要有湯飯和湯烏冬，還有一些日式菜式。想了一會兒，還是叫個花膠魚肚湯飯好了。湯飯是會有酒精爐仔煲住個湯飯，令魚湯在滾下滾下的時候迫入花膠、魚肚和白飯內，所以湯飯是愈煮愈好吃的。湯飯剛上時，不要急著吃，有耐性地等等，才能吃到最好的味道。除了一直滾住湯飯外，花膠魚肚的份量也不少，幾十蚊食到咁多花膠魚肚，很化算。花膠煮到最後更黏口的感覺，整個人都覺得滋潤了不少。大大舊魚肚和花膠，抵食！

經過見新開，下午茶$38個炸豬扒魚湯烏冬連飲品，都ok就試下啦~ 外賣+$2，跟餐蒸餾水。等左一陣，見有個外賣出，心諗：“咁大份，唔係我嘅……” 點知真係我嘅我叫個烏冬跟水啫，用咁多膠好唔環保喎！返公司打開，似模似樣，食落都可以。豬扒大大塊，炸到好鬆化，但係塊豬扒依然juicy。湯底係魚湯，非常濃郁，飲晒D湯都無口渴感覺，應該無/好少味精。烏冬係偏身烏冬，唔太“林”，最鐘意係佢上面配菜，木耳絲，椰菜絲同海帶，好好味。$38黎講真係抵可以再encore，但係如果叫外賣，下次都係自己帶餐盒…… 或者叫佢湯同烏冬裝埋一齊。