阿拉丁咖喱屋

營業中

休息中

My boyfriend and I are in Causeway Bay a lot, and we're well aware that we're spoilt for choice in Causeway. Yet, we still come back to Aladdin's Mess pretty often because it's always a solid and affordable choice for dinner. The menu isn't too small, great options for both meat eaters and vegetarians. I like that there's a pretty good selection of naan too. Nothing too expensive and all very reasonable prices. Cheese Naan 芝士烤餅 $24 / Garlic Naan 蒜蓉烤餅 $18The naan here is pretty good (probably why

對上的一份工在銅鑼灣，中午尋食時，總是想起遠的而忽略了近在咫尺的好食肆。尤其是一些要行一段仔路而又不遠的，總不會在立即想食同求其一餐既列表當中。前一排，就同太太二人去銅鑼灣行行街，食食野。在巴士上，我想起了咖喔，太太立即和應，因為大家的確很久沒有食過印度咖喱，而我想起的，就是好近舊工作點的樓上咖喱屋《亞拉丁咖喱屋》 (Aladin Mess)。《亞拉丁咖喱屋》，在銅鑼灣應該也有多年的歷史了。每次經過其樓下，都望見這兒是座無虛席的。可是，在總是想來的心理之下，多年來，的確只是想著要來，但一直都沒有來。直至偶爾才會過海的今時今日，我才 "的起心肝" 要來《亞拉丁》食咖喱。無論在英國或是在香港，幾乎每次食咖喱餐的開頭，我都會叫一份 papadum (胡椒脆餅)。給我們的兩片 papadum 是熱的，是份外的脆，也是份外的香。更好的就是這脆餅有胡椒香而不辣，加上薄荷汁之後，更是開胃。咖哩角是我最喜愛的印巴小點之一。不過，這兒的是用中式春卷皮包的小型咖喱角，並不是傳統大大舊的那一種，感覺上扣了少少分。不過，饀料是正宗的。這香味十足的咖喱薯蓉，配上了脆脆口的皮，感覺也是不錯，之不過，我始終喜歡傳統

印式菜角其實是薯蓉咖哩角，再配上薄荷醬，即叫即炸，所以內外都是熱的，非常脆口。沾不沾醬都無所謂，不會增加風味，但令到菜角變軟身，不脆口。去骨燒烤雞外面較為乾身，而雞肉有點不夠嫩，又未到好柴，所以整體一般，最欣賞是六件雞件都沒肥肉，不用故意挑出來乳酪濃汁魚魚肉好嫩好滑，有點入口即化！而且好多魚肉！香料茄子蓉相比起乳酪濃汁魚，這個咖哩較為辣，遮蓋了茄子味，配飯或烤餅食一流！烤餅較軟身（不是蘇脆的薄餅），而且不油所以配咖哩汁好好味！其實同馬莎賣的中東口袋餅無什麼分別印度香飯長而幼身，口感較乾及硬整體來說，咖哩不是香港食開咖哩溝辣椒醬而整成，而是加埋香料來做，所以好香香料味，咖哩質地較濃稠；不是香港咖哩好稀，另外，阿拉丁的咖哩不是一味的辣，是食入口的時候，辣味慢慢地口裏擴散，好久都平靜唔到🤗，相對較有層次，所有我覺得佢地咖哩好正，好超喜歡咖哩帶香料味，真係回味無窮！二人餐$238我覺得不過份，但這些二人餐對於兩個女人有點多，除非兩個人都大食🤪

乳酪🥛濃汁蔬菜 $65好鍾意佢個汁 🥣係甜甜地嘅咖喱汁🤤不過佢都算有啲辣 🌶不過點薄餅就好match 🌮佢個汁🥘嘅味好過傳統秘製羊肉咖喱不過佢啲蔬菜🥗就麻麻哋 係得啲豆 同幼苗😢唔太好食 建議可以是乳酪濃汁牛肉🥩或羊肉🐏傳統秘製羊肉 🐏$78呢款咖哩🥘呢 反而偏向酸🥫多啲辣就唔係好辣🤔 比較稀身🍵啲羊肉🐏呢都OK嘅 正常但總括都係乳酪濃汁會好食啲 🤤👍🏼芝士🧀薄餅 $24啲芝士薄餅🧇呢係拉到絲嘅 芝士味就比較淡😴同埋都幾厚塊👻都唔錯 👍🏼👍🏼蒜蓉薄餅 $18比較一般啦正常蒜蓉味冇乜特別👌🏼蒜蓉西蘭花🥦 $62呢個真係有少少伏 🤯因為個西蘭花🥦完全唔入味好淡 👅唔太值得嗌呢個👀總括 乳酪濃汁 係值得嗌嘅👄🗣👍🏼👍🏼薄餅嗌原味都已經夠😻回頭度：🌟🌟🌟

近來留在香港，不能出遠門，平常的菜色，已經吃膩，那天朋友建議吃印度料理，我立刻二話不說的同意了。個人很佩服香港的印度人，無論他們在港多久，已經第二代第三代，還是能說一口流利的印度話。相反在外國出生的中國人，太多忘記中文了，頂多能說半咸淡的廣東話。阿拉丁咖喱屋，屬於老字號的印度餐廳。他們免收加一，同時價格合理。香港的印度餐，全部由印度人主理，所以味道屬於正宗，但或多或少為了香港人口味，一定作出了部分調整。相比在外國的印度餐（同樣是印度人主理），香港的印度餐，香料味道偏淡，欠缺味蕾的刺激。個人喜歡吃波菜芝士，忘記他的印度名字，每次吃印度料理，也會點這道菜。我們另外點了好幾款咖哩，但味道也是相若，每一款的味道不夠突出。Nan 也是必點，用來沾點咖哩。他們的羊肉串，味道還是不錯久不久吃下異國料理，也是一件開心事。

阿拉丁自從喺大學食過之後一直都好喜歡，喺銅鑼灣如果你想食印度野，我會推薦阿拉丁，如果你想食得平之餘感覺唔會太cheap，我都會推薦阿拉丁。今日叫咗佢一個廚師推介嘅二人餐，有胡椒薄脆，烤雞，咖喱角，印度香飯，印度薄餅，同埋芒果酸乳胡椒薄脆跟餐得一塊，我哋額外叫多咗兩份，不過今日好似咸左少少呢度嘅咖喱角同出邊嘅印度餐廳唔同，用類似春卷皮嘅方式去炸，更為香脆芒果酸乳芒果味好足，一百分燒雞渣渣聲，好似食緊鐵板燒咁樣，香辣嘅雞，配上檸檬汁，一絕，仲有鐵板上面嘅洋蔥都記得唔好嘥食埋佢啊買單兩個人大約$260 ，呢個價錢呢個質素冠絕銅鑼灣

今日同嘴刁嘅朋友行完銅鑼灣想搵間餐廳食飯，就上網見到呢間咖喱屋。適逢而家抗疫，餐廳無乜人，我地點左一個乳酪濃汁雞配印度香飯同一個椰汁香料咖喱牛腩配薄餅，(+8/杯) 兩杯瑪沙拉奶茶，另(+$15) 點左兩件燒烤雞。午餐好快送上，先試咖喱雖然外表好似，但係好明顯食得出兩款咖喱嘅不同。椰汁香料咖喱嘅味道比較有層次感，先食到椰汁味，慢慢先帶出咖喱嗰種辛辣，而且辣度適中，比較推薦呢款。乳酪濃汁嗰個味比較簡單，不過都值得一試。而主菜牛腩都好軟諗，唔洗咬，有少少入口即融嘅感覺；相反雞件就有啲硬啲有啲滑啲，好難捉摸呀。燒烤雞係印度式整法，香料唔留手，紅卜卜而且少少脆身，食落滑啲無雪味，反而比咖喱雞更好食。如果兩個人食，一定要先食個薄餅再食飯！！一焗出嚟邊脆心軟，配咖喱真係好夾！。份量都ok㗎，但係凍左就會硬番㗎！印度炒飯食落無油，連我朋友平時唔鍾意食飯都覺得好食，都值得一讚！呢款老闆稱係Sella rice，係比一般印度米較粗同乾，同廣東炒飯比就更煙韌而乾身，請慢慢咀嚼。瑪沙拉奶茶飲落第一啖似粽，屈原嗰隻無錯，飲落覺得幾得意，平時好少嚟一定要試下。總括而言，連嘴刁嘅朋友都話好，係幾好食嘅。

1）Chicken Korma乳酪濃汁雞配白飯 $52呢款乳酪濃汁咖喱入口比較綿滑同埋帶微甜📝比較適合香港人口味。雞肉份量中等唔算多，但肉質就好嫩，雞肉煮到入哂味一咬就開，白飯唔係平日食開的泰國米，印度飯偏向鬆散同埋長條形更有飯香同咬口。2）Fish Curry咖喱魚配印度烤餅 $55呢個咖喱相對雞咖喱就比較咸，但魚肉竟然唔咸。魚肉應該係用咗大條嘅魚扒，肉質白雪雪一咬就化開，肉質係超級嫩滑同埋香👍🏻佢地印度烤餅相對出邊食嘅冇咁油，出邊有啲一手摸上去已成手油，咁當然少油健康啲但就無咁香。

話說上次想食出名黃店但奈何實在太出名 無位唔想幫襯藍店 就簡左依間黃色咖哩店食啦叫左兩個二人餐每個都包一片pappadum依個雞有4件 都新鮮既都好surprising 因為又juicy又滑不過依個samosa 就真係好失望因為佢全舊都係薯仔乜都無喇跟住有4舊都無用我地叫左乳酪蝦嗯 都可以既比較椰左少少朋友個餐就叫左咖哩 始終都係咖哩好味啲但依杯mango lassi 可以一戰比起叫lime soda抵啲囉同埋唔係死甜無影到個nann 加左錢叫garlic nann油左少少 同埋佢個香飯實在唔好食 好削 不過應該係特色黎叫番白飯好啲！不過問我會唔會番黎再食咁又未必會喇同埋由於我地被安排左去另一間細房想叫野食 其實都無咁方便環境陰陰暗暗咁唔係咁鍾意

我頗喜歡吃印度菜 ，雖然對印度菜認識不算深，但久不久就會有癮起上去吃印度菜。朋友介紹我吃阿拉丁，我襯中午時間吃個午餐。看餐牌，感覺不算貴，有飲品、主菜和飯/烤餅。▶️Lassi: 偏稀，味淡，不太甜。▶️烤餅: 幾乾身，單吃會覺麵粉味好重。▶️咖喱羊質感: 好厚的油浸住很稀的咖喱汁。真的好稀，程度係連烤餅也'索'不到咖喱汁。汁在烤餅上流來流去，吃得好麻煩。不知道其他款式是否都一樣做法。我比較喜歡濃稠口感的。味道: 好失望，鹹味過重而咖喱味不足，令到整個汁只是鹹味。愈吃就愈鹹，到最後只好放棄。肉: 份量不多，算稔。服務: 一般，不過食個午飯都沒什麼問題既。吃了一兩口，我已開始懷疑人生。畢竟是一間有好多人讚的餐廳，而且朋友也推薦它。為什麼只有我一個覺得不好吃呢？我只好當成是不合口味好了，也不需懷疑廚師是否失手。

平時經過呢間野已經聞到好大陣咖喱味 每次都好想去食 但我一次都冇時間😂😂自從cool左牙之後 一般有色素同咖喱我都唔會食 難得第二日 去複診睇牙 終於可以食咖喱啦呢一間野入到去座位唔算太多 但空間都算大而且充滿着印到嘅風氣 連啲碟都係用印度嘅圖形 今次去試咗兩隻唔同嘅咖喱 一隻係無加任何料理嘅咖喱雞 我哋冇揀到有冇辣度 但係就咁食都唔會算係太辣 因為本人吾算好食得辣 如果鍾意食辣嘅朋友佢係可以揀大辣中辣小辣 呢間食落去嘅咖喱味道都好正宗 佢係有印度人親自主打的 除咗雞之外我哋仲叫左個魚 魚我哋就揀咗個奶酪既 所以食落不會太辣食印度咖喱當然唔少得嘅就烤餅 呢一間嘅烤餅都有好多唔同嘅選擇 我哋今次揀咗蒜蓉烤餅 個人覺得食落去蒜蓉味唔算太重 但我比較鍾意食蒜蓉味重啲嘅 除咗食咖喱之外 呢一間野都有唔少嘅小食 由於我哋得兩個人 所以叫佢食物唔係話太多 仲有好多嘢都想試 不過見到上網好多人推介食菜角 所以都點左一份 如果鍾意食薯仔嘅朋友 就會好鍾意

因為係銅鑼灣夠方便, 成日心思思想食濃味野就會黎呢度, 入面不論係廚房定樓面都係由南亞裔人士出任, 絕對夠哂地道。餐廳位於唐二樓, 餐前餐後行下樓梯有助腸胃。入到去坐低左之後研究左menu好耐, 因為樣樣野都好吸引, 但因為自己一個人都唔可以叫太多, 最後因為想食羊就叫左Rogan Josh秘製羊肉, 加埋原味nan同埋必點既 mango lassi 等左十五分鐘左右就上齊菜啦, 羊肉既汁夠濃唔會太稀, 食得出係用好多香料同材料去整, 用黎配nan食就最夾。最欣賞佢既係啲羊肉煮得好冧, 食左六七舊都一啲都唔嚡, 有少少肥而且非常入味。Nan一份有三大塊, 一個人食份量啱啱好, 個底脆又有麵粉香, 下次想試埋garlic nan, 用黎配咖哩應該會超香口!Mango lassi就不嬲都係配咖哩既必然之選, 酸酸甜甜開胃之餘又解膩, 呢度既mango lassi好大杯, 可以唔使就住就住飲得夠爽

有日行過呢條街，係街上面聞到陣好香嘅咖喱味，台頭一睇，原來阿拉丁咖喱屋就係上面，即刻想搵日去幫襯一下。咁岩今日屋企無煤氣煮唔到野，就同阿媽來左呢度食午餐。行左兩層消耗左啲體力，一推開門一陣好香嘅咖喱味就撲鼻而來，肚子都即刻打哂鼓。睇完餐牌之後，我哋都不約而同地揀左咖喱羊（Curry Lamb），一個配白飯，一個配印度薄餅。熱飲就揀左熱奶茶。佢個咖喱好香，而且辣度適中，平時食開啲印度咖喱香草味會太濃，不過呢間就唔濃。入面啲羊肉炆得好林，又唔穌，煮到入哂味。粒咖喱薯仔雖然得一粒，不過好粉而且炆到入哂味。如果多啲薯仔就好了。啲白飯好甘香，撈埋啲咖喱好味。至於啲印度薄餅就好大塊，熱熱的好新鮮。撕開啲印度薄餅來點咖喱，啲餅索哂啲汁，口感同味道都好好。個人覺得啲咖喱送印度薄餅好食過送飯。杯熱奶茶嘅茶香同奶味都配合得幾好，清清地，一啲都唔heavy。整體來講，呢個午餐圍返都係$52一人，算係合理。

今日突如其來好想食咖哩，就上左去阿拉丁～坐位吾算好多，地方亦都吾係話好大，但係去到門口已經聞到好香既咖哩味，好欣賞佢地既碟，好有印度風味，不過吾記得左影😂首先叫左個菜角小食，外皮好似春卷既皮咁脆，裡面係薯蓉，超好食😍😍加埋一個不知名既綠色醬料【一流】跟住食左個無骨烤雞，不錯不錯，雞肉嫩滑；再食左個咖哩牛腩飯，咖哩汁好出色，好香咖哩味，但係飯就爭少少喇，吾撈埋汁食既話係完全無味～～野飲點左奶茶～偏甜，似台式奶茶，但整體黎講，價錢合理，中意食咖哩既朋友可以黎試試😋

第一次黎呢度食唔知頭唔知路見人叫餐幾抵食咁於是就叫左個阿拉丁晚餐.印式菜角新鮮炸起，脆卜卜，入面嘅薯蓉係咖喱味，如果好肚餓，食一粒可以止到少少餓，令人暫時恢復理智串燒免治羊肉卷嘩~上枱嘅時候仲出緊煙jar jar聲，佢唔係好軟好嫩滑，但都絕對唔係脫水嘅乾柴，羊肉味香不過又冇好重嘅羶味香料薯仔椰菜咖喱汁味道夠，個質地有啲稀，當係食前菜就咁食，冇用黎餸烤餅蕃茄牛油咖喱雞呢個汁就比較稠，有啲椰香，撕一小塊烤餅去點黎食，又或者用黎餸飯都係一流，成兜比我地清到乾乾淨淨，最後用烤餅幫佢抹碟🤣特式酸乳呢杯係微酸偏甜，個人偏好比較酸嘅酸乳，所以未有太大驚喜.二人餐係足夠兩個人食飽飽嘅，切忌眼闊肚窄一開波就加餸，食到咁上下先再決定嗌唔嗌多啲野會比較好.餐廳環境比較簡單，冇太多嘅裝飾，但整體感覺衛生。員工都係識講廣東話，唔洗擔心溝通唔黎。最欣賞係佢地嘅碟，第一眼見就覺得好靚，色彩繽紛見到覺得好開心😆