阿爺粥品手工涮涮鍋 (已結業)

今天我和友人到略有名氣的阿爺粥品手工刷刷鍋吃晚飯。身邊有不少朋友已經嚐過，還說食物不錯不錯，現在終於輪到我試試。牆壁上嘅USB插頭真係加分不少，仲可以一路玩電話一路打邊爐呢原來這裡提供了3個套餐，我跟朋友就選了價錢為$268 中間價位的套餐。套餐包含了不少新鮮海鮮，例如：奄仔蟹、鮑魚仔、海蝦和沙白等等。看見這麼多的海鮮，相信已經幻想和感受到這鍋粥會有多鮮味吧！除了上述海鮮，我們還可任意挑選5種配料。這裡提供了不少很特別的配料：伯爵肉丸、蔥花卷、炸鮮奶，還有像手臂般粗的炸響鈴呢！！！不能錯過！！！ 鍋子差點容不下呢！

今日放工，約咗喺荃灣返工嘅朋友一齊食晚飯，一直都經過呢間粥底打邊爐，覺得好吸引，終於有人陪我一試啦。餐廳入邊嘅裝修幾耐特色，有一排嘅卡位，而中間有排大圓檯。適合情侶，小家庭及一班人，照顧到唔同人嘅需要。呢對筷子好有趣。可以配上一次性嘅木筷子，更加適合打邊爐呢。呢度嘅打邊爐並唔係任食，係以每位計嘅，價錢分為三種。選擇好簡單，分別係$328/$268/$218一位，不過如果係八點前離座又會平啲呢。三個價錢嘅Menu大同小異。上半部份係每個menu已經包左嘅，點餐紙嘅下半部份，就有不同嘅食物，兩個人可以點選五款食物。今晚我同朋友都唔算太肚餓，所以我哋就冇加每人$30任點任食呢。海鮮盤嚟到嘅時候，都真係幾吸晴。八款海鮮都整齊排列冰上，可能由於鄰近有到街市嘅關係，所以食材都好新鮮。不過奄仔蟹每人半隻，稍為細小了一點。其餘的鮑魚， 聖子，貴妃旁等都比一般的大，而且仲好鮮甜。冇見過咁長咁大條嘅炸響鈴另外一讚侍應不停為我哋加粥底，無錯係加米粥底，食到最後個粥底鍋，集合左各種海鮮嘅鮮味，味道真係比第一啖豐富好多。餐廳仲送每檯客人一碟菜，同埋桂花椰汁糕作完美句號。不過如果價格能夠相宜一點更加好

今日我地二個人叫了個$268餐，但竟然烏龍黎咗個$218 餐比我，食物都好新鮮，但到到尾就出事啦，比了碟菜我叫我最尾加落的粥到食，我加哂入去 原來入面好多鹽， 喊到唔食得，最好笑是我在openrice訂了6:45入座，8:10 分有人女人話我地夠2小時要走，我再問佢你點計，我6:45先入黎有排到末夠鐘，佢搭我出面好多人等位，同時找數要時間，你鐘意末坐到2小時先走囉!超受氣又上錯野，食物好都無用啦，比錢仲要受氣

首次粥底火煱平時食得多蒸氣火鍋，今次輪都輪到要試吓有米粥嘅粥底火鍋！十分不錯！入到去有三款選擇，主要是食材不一樣，我只是選了最平那個，但係已經心滿意足了。首先會有粥底煲滾，然後就落海鮮配料，一出場嘅係最好味嘅貴妃蚌，好大隻，而且好鮮甜，非常新鮮，一啲沙都冇，剝左幾剝就食得，爽口，彈牙，正！跟住有大蝦，好有蝦嘅新鮮味，沒有雪藏的感覺。然後落了一推蜆，花甲，又大隻又細隻，同樣都係冇沙，鮮甜！跟住仲有多寶魚，魚肉好滑，好嫩，唔夠食啊！之後有主打嘅蟹，係海花蟹，啖啖肉，全隻相，連埋蟹蓋，解膏一流！跟住就係鮑魚，當然都係非常新鮮呀，好容易就退咗殼，咬落去爽口彈牙，我好鍾意。除咗海鮮之外，仲有肥牛，響鈴，凌魚肉等等嗰啲選擇，肥牛出乎意外地超水準，要加單！飲品方面非常有特色，竟然有芋香奶茶，同埋有可樂配或者用忌廉陪嘅特飲，到最後唔使講食個粥，當然係啖啖精華，食到最後已經煲到軟綿綿，冇得頂！

一個字“淡”! 粥底火煱粥底冇味，配料都可以冇味! 真係失望!午市冇海鮮料，只有蛤，98蚊一位唔駛加一就冇乜要求啦!粥底有南瓜粒，芋頭粒，一試粥底先，冇味，味道似冇落鹽既白粥，煲左好耐啲南瓜，芋頭粒都溶唔入粥到....芋頭粒應該生水，好硬配料係大路既丸，牛肉，肥牛，豬肉，烏冬，冬菇等 。其實連冬菇滾完都冇冬菇味..好奇怪lor!!!! 乜野都冇味.....佢地既響鈴係好新鮮既，好長好大條，呢個唔錯，但一浸落粥底，冇味lor! 真係好淡好淡冇味既打邊邊體驗!

一向都好鍾意食海鮮 最鍾意就係清蒸嘅方法可以食到海鮮最鮮最甜嘅味道話說上星期去打【阿爺粥品手工涮涮鍋】用有米粥鍋嚟打邊爐估唔到同樣鮮味十足外 打到最後仲可以食埋個綿綿海鮮粥星期六晚打呢個粥底火鍋 每位大概三百蚊呢個價錢已經包咗一大盤超級新鮮嘅海鮮拼盤海鮮拼盤嘅材料超級豐富正係貝殼類已經有三種海沙白夠曬海水味 而黃沙蜆就夠甜美最正嘅就一定係貴妃蚌肉質夠厚又彈牙 最重要係冇沙 不過煮嘅時間就要拿捏得相當準確肉質變白同收縮嘅時候 就係品嚐嘅最佳時間如果太老的話就好容易變橡筋另外每兩位就有一隻海花蟹花蟹夠曬鮮甜 而且肉質一啲都唔削 蟹肉一梳梳夠爽口 蟹膏容入綿綿嘅白粥 令粥底漸漸變成金黃另外仲有新鮮嘅鮑魚 同埋生猛嘅海蝦鮑魚嘅鮮甜 同埋海蝦蝦膏嘅甘香 融入白粥之中令平平無奇的白粥 轉眼間變成鮮味十足嘅雜錦海鮮粥另外仲有平時間為少見嘅多寶魚多寶魚肉質夠嫩滑用嚟打邊爐 魚肉都唔怕鞋不過多寶魚嘅骨較為碎 小朋友食嘅時候要多加留意除咗有呢個令人目不暇給嘅海鮮拼盤外呢個餐仲有美國肥牛肥牛雪花均勻 牛味濃郁而且仲可以揀5款配料必食推介係即炸響鈴響鈴即叫即炸 夠曬脆卜卜用嚟點海鮮粥一齊食 就好似食油炸鬼一樣

首先要講吓呢度嘅筷子，佢嘅結構十分之特別，係分開頭同尾兩節嘅，尾部係由金屬同埋膠組成，而頭部就係平時即棄式嘅竹筷子，咁樣一嚟除左可以慳番一半嘅即棄物體之餘，對筷子仲比起平時用開嘅都長咗，環保得嚟打邊爐夾嘢就更加方便啦。嗌咗個218套餐，除咗有八樣主食之外，仲可以喺配料當中揀五款，我哋無加多30蚊轉任食，因為覺得個218餐本身有咁多嘢食，都已經未必食得哂，事後果然如我哋所料，個肚撐到爆哂先至離開，認真抵食。每一枱都有啲南瓜同埋芋頭俾你，預先放入個粥底度，打完邊爐呢兩樣嘢喺個粥底入面煲到起哂沙，勁正。蒜蓉，辣椒，豉油，炸蒜呢一個無敵組合，每一次打邊爐都必須要有。肥牛片油花均勻，油脂豐富，牛味香濃，放落個粥底度輕輕一拖就食得，基本上唔使點我個無敵組合，淨係享受個牛味已經夠哂正。呢個海鮮火鍋嘅材料十分豐富，分別有海花蟹，鮑魚，多寶魚，生猛海蝦，貴妃蚌，海沙白同埋黃沙蜆，其中個花蟹真係鮮甜到無朋友，已經出咗少少味落啲粥度㗎啦，都仲咁有蟹味，果然係新鮮貨。而配料我哋就揀咗桂花豬爽肉，牛栢葉，鮮滑雞，韭菜餃同埋即炸響鈴，個豬爽肉切得好靚，真係好似一朵玫瑰花咁，賣相滿分，口感亦都夠哂爽身，散發著淡淡嘅

又係打邊爐之夜！粥底火鍋一直係我嘅最愛，因為加左米嘅水會有澱粉，d食物係煮嘅過程中就會更加滑！入到嚟，一共有三種套餐可以揀，每種套餐主要都係海鮮，同埋會有牛肉。我地揀果個套餐有蟹，魚，鮑魚，蚌，蝦，蜆，同埋牛，好豐盛！d海鮮全部都好新鮮，我最鍾意食嘅就係魚同埋蚌，味道好鮮甜～當然，作為一個肉食性動物，我最鍾意嘅梗係d牛肉啦～ 個人食過好多間同類餐廳嘅牛，依度嘅品質都算好唔錯！肥瘦適中，牛香味好重，最緊要係唔好唔記得自己擺左佢落煲，一轉色就要夾起佢㗎啦，唔係嘅話就會煮到老曬～除左套餐裡面配嘅主菜，我地係可以無限refill其它小菜㗎，好抵！對於我嚟講，當然唔少得響鈴。不得不提，依度嘅響鈴簡直係巨型，上果下都嚇左一跳lol 不過因為真係好大，所以食落會好有滿足感～除左響鈴，我地仲嗌左鯪魚球，豬腰，油麥菜，同滑雞～ 全部嘅品質都唔錯～其實粥底火鍋嘅精髓就係食完所有食物，d味滾曬落個粥底之後再是d粥，會好香好濃好鮮甜！間店仲好貼心咁俾左有味嘅生菜葉俾我地最後擺落去一齊食，好似生滾粥咁，正！依度嘅飲品都幾特別，我依杯係乳酸忌廉沙冰，好大杯!

睇openrice 食評寫得咁好，行過又多人排隊，所以以決定去試下，點知....又貴又難食😫😩，D位又迫，上菜又慢，要吹幾次先齊，問多句D侍應又悔氣，D蜆有沙，3個大人食成千蚊食垃圾😡😡😡，一人分得四分一個烏冬，每人2隻蝦，3個人一隻細蟹仔，粥底唔香無味，焗你加錢吃放題，加錢唔係問題，做到咁寒孫又難食，唔會再去囉。仲要好多人係門口等位喎，BTW,呢度好多打手寫到好華麗，做到咁去完一次無第二次囉，中哂伏！👎👎👎

我好喜歡粥火鍋，去左荃灣行街，有間店有無線廚神鼎爺的相片，及店內裝修睇出食品一定幾好味，便去了阿爺粥品手工涮涮鍋晚餐。呢個米粥底火鍋餐中，全是生猛海鮮，其中有海花蟹、多寶魚、貴妃蚌、海沙白、新鮮包鮑、黃沙蜆等等....一面火鍋一面食新鮮海鮮真係好享受，而且D 海鮮都是大大隻又味道正。還有其他如豬皮、牛柏葉、油器、炸響鈴及栗米等，再加上極盡調味的辣椒䓤菜蒜蓉醬油點下，真是盡充滿火鍋惹味之樂，更是夏天秋冬應季佳餚。

在荃灣行街真是有好多食店，見到門口有無線廚神鼎爺都在店外拍照食野的相片，就知阿爺粥品手工涮涮鍋有番一定知名度。今次有米粥底火鍋餐中，粥中開始已配有一些切黑咸蛋、南瓜、香芋、香䓤及芫茜等，因此粥已本身已味道十足。配以生猛海鮮如海花蟹、多寶魚、海蝦、貴妃蚌、海沙白、黃沙蜆及新鮮鮑魚等盡享綜合海鮮火鍋粥樂。再加上還有美國頂級靚肥牛、新鮮唐生菜、烏冬、各種肉丸(如貢丸、牛丸、伯爵肉丸及芝士腸等）等等....真是很新鮮好食。

本人好喜歡食海鮮，知道有粥底打邊爐更加一定要試，早在幾天前已book了一家大小今天去食，滿心期待的⋯⋯誰知一入去已沒有人招呼帶位😣，我不介意去收金處告知我book了枱，個位肥男待應就睇都無睇就話😠😠😠「咁果張搭枱喇」，我話搭枱（因有小朋友)😠，但我book咗位，他繼續非常無禮貌話話😡😡😡「咁呀點，無枱就要搭㗎喇」，當時我已經心有不悅😤😤😤😤，但仍然照坐搭枱，大約過了5分鐘，剛有一張四人卡位埋單，我就再問此肥男待應可否轉過去此枱，他繼續超級無禮😡😡😡咁講唔得喎，出面有人要此位，我話咁點解我訂咗枱唔可以，佢好寸話💀💀💀人地都訂咗，都係同一時間，其實既然他說是大家都有book枱的話，何必要有此不公平的對待，究竟呢d係乜嘢服務，即使是亞爺主辦幾好食也沒用，有呢d咁差咁寸嘅員工得罪晒客人🤷🏻‍♀️🤷🏻‍♂️！我最終太嬲沒有食就走了

海鮮都好, 幾新鮮, 其中蟹係最鮮甜, 並有兩款蜆供應,兩種都甜但不夠大, 鮑魚很彈牙, 多寶魚也不錯, 但白粥底唔夠香甜。其他火鍋配料, 都是普普通通, 沒有那種食物要特別推介...... 響鈴及豬潤也不錯用膳後送的桂花糕甜品味道不錯。侍應的服務態度也不錯, 唯一這間火鍋店只供應三款套餐類別, 顧客點餐前, 也沒有向食客講解套餐形式, 因此我隔離左右枱的食客點餐時(包括我)也表現得有d模糊, 點完哂俾紙侍應, 點知俾侍應話返轉頭錯哂。其實點解客人坐低咗之後你哋唔可以正正經經解釋一下先呢?(有待改進)

今日一行六人為兩位朋友慶祝生日，我哋揀咗試新野，嚟試下呢間阿爺有米粥打邊爐！我哋叫咗每位$298套餐，包咗一大盤海鮮併盤，海鮮拼盤包括咗大蝦，蟹，魚，貝殼類，同每人一隻鮑魚。仲包咗手切肥牛一碟，另外仲可以叫4碟自選食物，我哋揀咗滑牛，玫瑰花豬爽肉，伯爵肉丸同韭菜餃。想讚一下全個海鮮拼盤裏嘅海鮮都係新鮮食材，只係食呢個海鮮拼盤都已經飽左大半，另外肥牛好食，有牛味，脂肪分佈平均。當韭菜餃一上枱嘅時候，嚇咗我哋一跳，勁大粒落足料，真係超級飽肚！服務員同我地特別介紹「伯爵肉丸」，因為裡面落咗午餐肉，呢個係佢哋秘製嘅手打肉丸，不過我哋試咗之後各人嘅反應都係覺得一般，因為午餐肉已經搶晒肉丸本身嘅鮮味，反而午餐肉變咗做主角，同埋鹹咗少少🤣Anyway, 呢個阿爺有米粥係唔錯，一大班人嚟就可以食多啲菜式，服務態度亦都唔錯，推介也！

天時暑熱，好多人都唔太想食飯，成三十幾度，食乜最好？我自己就比較喜歡食粥粉麵，原因係濕潤好多，唔會好似食飯咁乾。你可能會話，粥咁熱，食完都滿身大汗啦，可能係嘅，如果你坐街邊喺冇冷氣嘅大排檔食粥的話，食完一定成身濕哂，同冲完凉無分別，不過如果可以坐喺冷氣夠勁嘅室內座食粥，粥涼得比較快，其實係非常啱夏天食嘅，早幾日中午就去左食阿爺粥品，揀佢嘅主要原因，係佢地係賣粥底火煱，所以冷氣特別夠勁，室温一定比普通賣粥地方低好多。環境寬敞，到達時係中午兩點幾，過左食飯時間，人好少坐得非常舒服。午市粥餐有4款選擇，見倒有個蝦蟹海鮮粥就點左，配混醬腸粉一碟。混醬腸粉用嘅麻醬夠靚，所以好夠香味，醬油鮮味，粉又爽又滑溜。粥夠綿滑料幾多喎，蜆夠鮮嫩唔韌 ，基圍蝦爽甜。越食越想食，碗粥食到一半嘅時間加左一碟韮菜豬肉製名為順德春花卷小食，炸得超香酥，肉亦有咬口嚼勁，原來阿爺啲小食都有好高水準喎。午餐食簡單野，已經咁有水準，下次我一定會再試下個粥底邊爐晚餐。