阿鴻小吃 (已搬遷) 新店位置

🔻 滷水拼盤三拼 $238 (8/10)食得潮州菜當然要嗌滷味😋今次點既三拼包括墨魚，鵝片，豬腩肉🦑大塊彈牙，🦢肉嫩，滷得剛剛好，入味又唔會過咸，🐖就差少少，肉質鞋左啲***🔻金絲煎蠔餅 $108 (8/10)蠔仔粒粒飽滿新鮮，份量多！餅身炸到非常酥脆！好好食😋***🔻沙嗲金錢肚 $55 (6/10) 沙嗲好稀，味道較淡，金錢肚有少少騷，一般般***🔻蔡瀾撈麵 $68 (7/10) 幾香葱油味，大大碟夠2人share ——————————————————by C*

因為住喺觀塘嘅一些朋友仔極力推介，於是搵咗個晏晝特登去試吓。由於中午飯時間，所以比較想食餐，於是無試到鹵水。中午餐叫左個豬手甜豉油撈麵。豬手超大份，好多舊，幾唔錯！豬手好好肉，仲軟冧冧，非常之入味，淨係碟豬手都抵。而撈麵比較鹹同硬，好彩有碗麵湯，倒d落去浸下，食食下就漸入佳境。檯面旁邊果甕係XO醬，幾好味，制作幾認真。我用麵湯溝淡返啲麵就落XO醬，咁食幾正。中午餐可配湯或飲品，今次飲咗蓮藕湯。下次去的話想揀紫貝天葵，唔係度度有得飲。加埋一，85蚊，坐得又幾舒服，算係咁。

雞腳根特別，但又唔係必食程度。鵝肝好食，甘香，熟煮得剛好。素鵝好食，入味，軟滑。炒飯乾身，粒粒分明，足料。風沙雞，不過不失，唔鞋但下次會試其他嘢。鹵鵝片唔夠味，唔夠香，不過唔鞋。菜瀾撈麵，難食，無豬油香，重好大鹼水味，街邊十幾蚊炒麵好過佢。

之前嚟嗰幾次都係兩個人，今次可以四個人嚟，可以嗌多啲唔同嘅餸，但係有幾樣必吃嘅，都有重複再嗌，水準一致性，唔會有咩偏差，不過今日四人飯娶重開，食客多咗，見服務員都好忙，服務有啲趕，不過都可以接受，點左嘅菜質素滿意，味道和份量都取得平衡，唯一個撈麵一送到黎都已經差唔多凍哂，唔知係咪撈上去嘅醬汁冇加熱過。見到大廚喺餐廳裏面行嚟行去，相信係觀察下市場嘅反應，仲親自幫顧客斟茶，見得出呢間細小嘅餐廳嘅經營手法細心嚴謹，希望佢將來有更多嘅新菜式可以選擇。

剛剛寫完食評兩個禮拜後再嚟，今次點咗其他唔同嘅菜式，不過素鵝當然一定要再點，芥末雞腳筋幾爽脆，口感唔錯，鵝肝就中規中矩，勾唔起太大反應，滷水汁亦都感覺有啲淡，素鵝依然係大贏家，阿鴻炒飯幾足料，不過功夫就麻麻，炒得唔夠乾身，濕濕地仲幾油膩，加$16送例湯都幾抵，叫做補返數啦⋯⋯ 整體質素真係唔錯，服務都幾好，阿姐都過嚟問咗幾次要唔要再添茶，廁所都算衛生，用TOTO自動廁所板，相信應該係觀塘工廠區比較罕見⋯⋯

去觀塘接老婆放工，順便食埋飯晚飯。好耐冇去過阿鴻小吃，同老婆立即起行。二人點了例湯粉葛赤小豆煲豬肉，招牌櫻花蝦XO醬撈麵，素鵝及半隻蒜香雞。例湯夠火喉，味道鮮甜，飲完口腔內亦有餘香。素鵝卻有點失色，味道較過往偏淡，腐皮唔係太滑，有啲退步。蒜香雞卻有驚喜，雞滑及蒜香汁味道濃烈，非常啱自己口味。櫻花蝦XO醬撈麵份量大，麵質保持幼細及爽，櫻花蝦落得重手，芽菜份量多，可惜味道都係有點淡，要加豉油調味。整體水平拉勻計，合格有餘，但比起過去幾次水準來比較，稍為失色。

平日中午peak hour前嚟，仲有好多位，不過坐低冇耐就爆咗啦。雖然係米芝蓮，都冇乜架子。上菜都係亂咁嚟，小吃之前先來個腿蓉上湯芽菜，味稍為太過清淡，滷水鵝肉質靚，個滷水balance得好好，墊底嘅豆腐好滑，滷水鵝由細食到大，今次真係覺得幾難忘，蠔餅揸得好靚，最欣賞嘅係佢嘅素鵝，好有口感，做得好有心，阿媽都讚不絕口，鮑汁叉燒亦都好正，肉質好，燒得好均勻，真係唔錯，沙嗲金錢肚咗一般，有啲似咖喱多啲，整體食物質素好有水準，下次會再去試多啲其他唔同嘅食物🥰

疫症至今第一次幫襯，因為念念不忘的味道不停呼喚我，只好從心出發，店內因坐位要保持距離，所以坐位有限，他們安排我一家三口坐包廂都係例叫D招牌菜幾味，滷水鵝、滋味鷄、豬大腸、墨魚、素鵝、蘿蔔、海蜇、鴨舌、想試吓油雞，可惜賣晒，食品保持水準老實講店員服務屬於一般水平，現在食餐晚飯，好少少都平均每位$2xx，仲要未必飽，好似前晩在銅鑼灣食吉列豬扒飯，三個人埋單都要$8xx，今晚埋單$740連加一，我覺得算合理，假假地都叫有米芝蓮一星🌟

今天因公事於觀塘，工作完成後心想既然到了觀塘就要到亞鴻小吃，食我最心儀的鵝肝，我和好友二話不說轉身往目的地。我們到店已是下午茶非繁忙時段，所以人客不多，只得一倆枱，也好讓我寧靜享受食物。我們點了這裡的名品鵝肝，三色拼盤(墨魚，豬大腸和豬面青)蔡灡捞麵，濠仔粥。先來的鵝肝仍保持水準，咬口嫩滑鵝肝如奶凍，只因師傳對火候控制有絕對駕御能力，雖知鵝肝煮多一分會硬，煮少一分卻生，全靠師父多年慮積的經驗和心德理再配上味濃卻清香的久遠滷水汁，讓鵝肝味道提昇更高層次。此食品制作成本很高，坊間有不小潮洲食店，卻很多也没有鵝肝供應。中國四大菜系相信只有這裡的滷水鵝肝才可與法國鵝肝匹敵。九月份是吃蠔的季節，煎蠔餅也是我至愛，蠔仔肥美伴上鴨蛋雞蛋做的粉漿，一口咬下蠔仔體內爆出汁液，那淡淡海水鮮味從牙縫流進舌尖味蕾裡，這裡蠔餅不像台灣夜市蠔咯軟淋淋了無生氣，也不像廟街蠓餅如吃油炸餅乾，不消一刻，我們人已清碟了。跟著是三色拼盤(豬大腸，墨魚，豬頸肉)豬頸肉略為過火了，少了豬頸肉爽脆的式色，墨魚仍保持水準，豬大腸以鮮大腸再套入豬大腸裡，層層叠叠可算是肚滿腸肥，軟淋的質感不是一般食店急凍豬大腸可比喻。滷味伴着蔡欗撈

米猪蓮推介必定佳品！幾年前已經想去試下，誰不知今日因落咗風球，下午冇同事返工外出取文件，唯有自己做，剛好經過「阿鴻小吃」，但已經過咗午飯時段，我未食午餐，咁就入去試下。門口企咗兩分鐘冇人接待，見店內有三枱客，但內裡也沒有服務員，等咗三分鐘後突然有兩位姐姐從廚房行出來了，目光很驚奇地出來招待我。近來少吃米飯，所以叫個撈麵，嘩！正到無得頂，眼見肥肥的鹵水猪腩肉，竟然入口不肥膩，好好食，鹵水肉不會太深色，但也有鹵水味，再加碗靚湯，這是午餐非常滿足。

第一次食米芝蓮嘅餐廳🍴以為會好貴，但原來價錢都可以接受💁🏻‍♀️佢出名滷水，所以經過就去試下...試完係覺得佢同其他滷水差不多，唔係個啲非常特別或者非常入味果隻...🤔不過係唔錯嘅～大家想試下米芝蓮滷水係咩味，經過可以去try try👣

位於觀塘商廈的地舖，但並非在人流旺盛的街道。從大街走入也需行多幾步才到。本身很想試芥末雞腳筋，又真係無令人失望。唔大塊雞腳筋，即本身隻雞都有番咁上吓大才有的。雖然大件，可又爽脆得很，除此之外此雞腳中有少許筋，故亦有咬口。芥末汁調得剛好，微辛辣。是一道功夫小食。南乳粗齋，是其出名之作。紅棗、白果、冬菇、黃芽白、枝竹、金針、雲耳等。南乳醬汁偏淡，有南乳香卻沒有過鹹，竟吃到鮮味。各種材料都炆軟淋且入味。鹵水鵝飯，鵝肉柔軟，無雪肉的味道。鹵水汁淡香，有味得來又無搶去鵝肉的味道。蓮藕鱆魚煲西施骨，午餐叫有優惠。實實在在的老火湯，無多餘的調味，好飲。

看到電視介紹這店， 決定父親節去試一試，食物尚算ok，但侍應態度十分惡劣，落單時問多幾樣嘢佢竟然調轉問我係唔係新嚟！ 有幾好食都沒有用！！ 原本打算不作評論， 事隔兩星期後收到了whatsapp 這店只是傳了一張單的照片給我，並沒說明什麼，我心裏已知send錯，客氣地問他請問你是誰呢？他只回應'弄錯'兩字，完全沒有歉意，真是沒有禮貌，不會再去！😤

連續五年榮獲米芝蓮一星食府的美譽，在商業大廈林立的觀塘區 - 阿鴻小吃。今次一口氣盡嚐各款招牌菜，包括：鹵水鵝片（例牌）$218、素鵝$68、南乳粗齋$78、招牌撈麵$78、迷你金絲蠔餅$78、蠔仔粥$68、芥末雞腳筋$78、醉香鴨舌$80。😚所謂力不到不為財，當天也見老闆在店內打點。相信此為保證出爐品質的原因。小店以卡坐為主，不甚寬躺，如果好似我們那樣叫菜，枱面未免太逼夾了。店內有兩間宴客廳房，一至兩圍也可。食物不純為傳統潮式菜，但確實用心及味美。一碗蠔粥窩心暖胃，鵝肉鬆化軟熟，蠔餅料足甘香，素鵝豆香味濃，南乳粗齋也喜見味美出色，招牌撈麵乾身入味。獨欠潮式糖水甜品。不要期望傳統打冷或高級潮菜，這個價錢及品質已經係喜出望外。😋🌟

昨天早上十一點半慕名而去這間潮州菜館，我是第一個進店客人及後亦有两三位客人，我點了素鵝，南乳粗齋，阿鴻炒飯及例湯，素鵝不是很熱只是帶點温暖，感覺其怪不是凍食也不是熱食，南乳粗齋汁液太多口味一般，阿鴻炒飯油太多了，變了油浸炒飯，吃了幾口便通知服務員油太多了及收走，例湯是最精彩好喝的，埋單286元，這潮州菜館我看了電視節目而來的，比我預期的差了很多，我不會再去些店吃了。